Glossae Scripturae Sacrae-electronicae (Gloss-e)

Biblia communis

Capitulum 13

Numérotation du verset Act. 13,1

Erant autem

in Ecclesia que erat Antiochie prophete

doctores

in quibus Barnabas et Simon¹*

¹ Simon CorS2 (al’) Ω^H Ω^PΩ^R Ω^SΩ^V] Simeon CorS2 Ω^J Ω ^L Rusch Weber

qui vocabatur² Niger³

² vocabatur Ω^J Ω^H Ω ^L Ω^RΩ^SΩ^V Rusch Weber ] vocatur Ω^P |

³ Niger] hebreum nomen est ^V |

et Lucius

Cyrenensis

et Manaen qui erat Herodis tetrarche collactaneus

et Saulus.

Numérotation du verset Act. 13,2

Ministrantibus autem illis

Domino et ieiunantibus dixit illis⁴

⁴ illis Cor1 P Cor2 V (Grec. anti. sic habent) Cor4 V (bene est in <Parisiensi>) Ω^HΩ^R Ω^S Ω^V Rusch ] om. Ω^J Ω ^L Ω^P Weber

Spiritus sanctus : Segregate⁵ mihi

⁵ Segregate Cor1 P CorS2 Amiatinus Cava Φ Ω^H Ω^J Ω ^L Ω^P Ω^R Ω^S Ω^V] separate CorS2 (al’) Weber

Saulum et Barnabam⁶*

⁶ Saulum - et - Barnabam Ω^H Ω^SΩ^V Clementina ] inv. Ω^J Ω ^L Ω^P Ω^R Rusch Weber

in opus

ad quod⁷ assumpsi eos.

⁷ad quod Cor2^FV (moderni) CorS1 Cor3 (al’) Cor4 Ω^H Ω ^L Ω^PΩ^R Ω^S Ω^V Rusch Clementina ] quod CorS1 ( QUO et tamen ubique legi et p<rim>a correctio habet QUOD ASSUMPSI [...] grec<us> : QUOD sine AD ) Ω^T Cor3 (Gr.) Weber , quo Cor2 F ^² V (anti.) Cor3 (anti. Q<UO> ASSUMPSI) Cor4 V (<Parisiensis> QUO correxit ubi prius et (?) t<ame>n (?): AD QUOD) CorS1 (anti.) Ω^J

Numérotation du verset Act. 13,3

Tunc ieiunantes et orantes

imponentesque eis⁸* manus

⁸ eis Ω^H Ω^J Ω ^L Ω^P Ω^SΩ^V Weber ] illis Ω^R Rusch

dimiserunt illos⁹*.

⁹ illos Ω^J Ω^H Ω^R Ω^S Ω^V Weber ] eos Ω^P Rusch

Numérotation du verset Act. 13,4

Et ipsi

quidem¹⁰ missi a¹¹ Spiritu sancto

¹⁰ ipsi quidem Ω^H Ω^J Ω ^L Ω^P Ω^R Ω^S Rusch Weber ] inv. Ω^V |

¹¹ a Ω^J Ω ^L Ω^PΩ^R Ω^S Ω^V] ab Ω^H Rusch Weber |

abierunt Seleuciam

et inde navigaverunt Cyprum.

Numérotation du verset Act. 13,5

Et cum venissent Salaminam¹²*

¹² Salaminam CorS1 Λ Ω^H Ω^J Ω ^L Ω^P Ω^S Ω^V Rusch Clementina ] in Salamina CorS1 (al’) Cor3 (anti.), in Salamini CorS1 (Gr.) Cor3 (Gr. [Σαλαμῖνι]), + et est nomen civitatis in Cypro CorS1 Cor3, cf. Glossa; Salamiam Cava, Salamina Weber , Salamonia Cor2 FV (Solam<on>ia [ corr. hic et ubique: Salam<on>ia] Cor2 F) (accusativus grecus a nominativo Salamis, hoc [h’c Cor2 F] accusativo usi sunt [ om. Cor2 V] verbi gratia et horum [orum Cor2 V] et Iuvenalis ablativo “Salamine [Salm’ie Cor2 V] relicta”) ; cf. IUVENALIS, Saturae, carmen 10.179, Teubner, 1997, p. 140.

predicabant verbum Dei in synagogis Iudeorum.

Habebant autem et¹³ Ioannem

¹³ et Ω^H Ω^J Ω ^L Ω^PΩ^RΩ^S Rusch Weber ] om. Ω^V

in ministerio.

Numérotation du verset Act. 13,6

Et cum perambulassent universam insulam usque¹⁴ Paphum invenerunt quemdam virum¹⁵ magum

¹⁴ usque CorS2 (al’ sine AD ) Ω^H Ω ^L Ω^PΩ^R Ω^S Rusch Weber ] + ad CorS2 Ω^JΩ^V |

¹⁵ quemdam virum Ω ^L] inv. Amiatinus Cava |

pseudo prophetam Iudeum cui nomen erat Barien¹⁶,

¹⁶ Barien CorS1 (al<iqui> BARIEN , Glossa dicit quod corrupte dicitur BARIEN e contra in interpretationibus sciicet quod corrupte dicitur BARIESU ) Ω^H Ω^J² Ω ^L(Barieu) Ω^PΩ^RΩ^SΩ^V Rusch ] Bariesu Cor2 FV (grecus anti.) CorS1 (gr’ anti.) Cor3 (anti. et Grec.) Cor4 (al. m. : omnino ita dicitur in <Parisiensi>. Penultima enim littera est ‘s’ sed quot sill<ab>arum sit et ubi debet poni accentus non apparet) Ω^J* Weber ; cf. Βαρϊησοῦς

Numérotation du verset Act. 13,7

qui erat cum¹⁷ proconsule,

¹⁷ cum Ω^J Ω ^L Ω^PΩ^R Ω^SΩ^V² Rusch Weber ] om. Ω^HΩ^V*

Sergio Paulo

viro prudente.

Hic accersitis¹⁸ Barnaba et Paulo¹⁹ desiderabat audire verbum Dei²⁰.

¹⁸ accersitis Ω^H Ω^J Ω ^L Ω^P Ω^R Ω^SΩ^V Rusch ] accitis Weber |

¹⁹ Paulo plerique codd. Ω^H Ω^J Ω ^L Ω^P Ω^R Ω^SΩ^V Rusch] Saulo G Cava Webe cum graeco |

²⁰ Dei Ω ^L etc. ] Domini Amiatinus |

Numérotation du verset Act. 13,8

Resistebat autem illi²¹ Elymas magus.

²¹ illi Ω^H Ω^PΩ^S Rusch ] illis Ω^J Ω ^L Ω^V Weber , ill’ Ω^R

Sic enim interpretatur nomen eius,

querens avertere

proconsulem²² a fide.

²² proconsulem Ω^H Ω^J Ω ^L Ω^R Ω^V Rusch Weber ] pro consule G F Amiatinus S Φ

Numérotation du verset Act. 13,9

Saulus

autem qui et Paulus²³

²³ Paulus] + hic primo apud Grecos nominatur PAULUS CorS1 Cor3

repletus Spiritu sancto,

intuens

in eum,

Numérotation du verset Act. 13,10

dixit : O plene

omni dolo et omni fallacia, fili²⁴ diaboli,

²⁴ fili Ω ^L Rusch Weber] filius Amiatinus Cava

inimice omnis²⁵ iustitie,

²⁵ omnis Ω^HΩ^J Ω ^L Ω^P Ω^R Ω^V Rusch Weber ] omni F Amiatinus

non desinis subvertere vias Domini rectas.

Numérotation du verset Act. 13,11

Et nunc ecce²⁶ manus Domini

²⁶ nunc ecce Ω^H Ω^J Ω ^L Ω^PΩ^R Ω^S Rusch Weber ] inv. Ω^V

super te, et eris cecus

et²⁷* non videns solem

²⁷ et Ω^HΩ^RΩ^SΩ^V] om. Cor2 V (grecus anti.) Cor4 ( ET quod interponebatur cancellatum est in <Parisiensi>), marg. inf. compl. Cor2 F (Item d. CECUS NON VIDENS ) Ω^J Ω ^L Ω^P Rusch Weber

usque ad tempus.

Et confestim cecidit in eum

caligo et tenebre.

Et circuiens

querebat qui ei manum daret.

Numérotation du verset Act. 13,12

Tunc proconsul cum vidisset factum

credidit²⁸ admirans super doctrina²⁹ Domini.

²⁸ credidit Ω^HΩ^J Ω ^L Ω^P Ω^RΩ^S Ω^V Rusch Weber Clementina] + et Ω^J (expunct. et rubeo cancel.) |

²⁹ doctrina G Amiatinus Λ Ω^HΩ^J Ω ^L Ω^P Ω^R Ω^SΩ^V Rusch ] doctrinam Weber |

Numérotation du verset Act. 13,13

Et cum a Papho navigassent³⁰ Paulus et qui

³⁰ navigassent Ω^H Ω ^L Ω^PΩ^S Ω^V Weber ] navigasset Ω^J Ω^R Rusch

cum eo erant³¹, venerunt Pergen³²

³¹ erant Amiatinus (marg.) Cava Ω^H Ω ^L Ω^R Ω^SΩ^V Rusch Clementina] om. Weber |

³² Pergen] om. Ω^H( marg. corr.?) , per gentes F S |

Pamphilie.

Ioannes autem discedens³³

³³ discedens Ω^H Ω^J Ω ^L Ω^R Ω^S Ω^V² Rusch Weber ] discendens Ω^V*

ab eis reversus est Hierosolymam.

Numérotation du verset Act. 13,14

Illi vero³⁴

³⁴ Illi vero Ω^L Ω^P Ω^RΩ^S Rusch Weber ] Illi autem Ω^J Ω^V, om. Ω^H

pertranseuntes Pergen³⁵

³⁵ Pergen Ω^L etc. Rusch Weber ] + Pamphilie Ω^P

venerunt Antiochiam Pisidie³⁶.

³⁶ Pisidie Cor4 (in <Parisiensi> PISIDIE corr<ectum est>) Weber ] Psidie Cor1 P Cor2 FV (Glossa anti.) Ω^HΩ^S Rusch , P<er>sidie Ω^PΩ^RΩ^V, Phisidie Ω^L

Et ingressi synagogam die sabbatorum sederunt.

Numérotation du verset Act. 13,15

Post lectionem autem legis et prophetarum miserunt

principes synagoge ad eos dicentes : Viri fratres

si quis est in vobis sermo

exhortationis

ad plebem, dicite.

Numérotation du verset Act. 13,16

Surgens autem Paulus

et manu silentium indicens

ait : Viri Israelite

et qui timetis Deum

audite.

Numérotation du verset Act. 13,17

Deus plebis Israel elegit

patres

nostros,

et plebem exaltavit

cum essent incole in terra Egypti,

et in brachio³⁷* excelso

³⁷ in brachio CorS2 Ω^H Ω^J Ω ^L Ω^R Ω^SΩ^V Weber ] brachio CorS2 (al’ sine IN ) Rusch

eduxit eos ex ea.

Numérotation du verset Act. 13,18

Et per quadraginta annorum

tempus mores eorum sustinuit in deserto.

Numérotation du verset Act. 13,19

Et destruens gentes septem

in terra Chanaan

sorte distribuit eis terram eorum

Numérotation du verset Act. 13,20

quasi post quadringentos

et quinquaginta annos. Et post hec

dedit iudices usque ad Samuel prophetam.

Numérotation du verset Act. 13,21

Et exinde postulaverunt sibi³⁸* regem

³⁸ sibi Ω^H Ω^R Ω^SΩ^V] om. Ω^J Ω ^L Rusch Clementina Weber

et dedit illis³⁹ Saul filium Cis,

³⁹ illis G S Λ Ω^H Ω^SΩ^V Rusch] + Deus Cor2^FV (grecus anti.) Ω^J Ω ^L Ω^R Weber

virum de tribu Beniamin,

annis quadraginta.

Numérotation du verset Act. 13,22

Et amoto illo suscitavit illis⁴⁰ David regem⁴¹

⁴⁰ illis] eis Ω^V² |

⁴¹ Dav. regem Ω^HΩ^J Ω ^L Ω^V Clementina Weber ] inv. Ω^R |

cui⁴²* testimonium perhibens

⁴² cui Ω^H Ω^J Ω^RΩ^SΩ^V Clementina ] + et Ω ^L Rusch Weber

dixit : Inveni David

filium Iesse

virum⁴³ secundum cor meum

⁴³ virum Ω^HΩ^J Ω ^L Ω^V Rusch Weber ] om. Ω^R

qui faciet omnes voluntates meas.

Numérotation du verset Act. 13,23

Cuius⁴⁴*

⁴⁴ Cuius Ω^H Ω^S] Huius Ω^J Ω ^L Ω^R Ω^V Rusch Weber

Deus ex semine secundum promissionem

eduxit Israel salvatorem Iesum,

Numérotation du verset Act. 13,24

predicante

Ioanne

ante faciem adventus eius

baptismum penitentie omni populo Israel.

Numérotation du verset Act. 13,25

Cum impleret autem⁴⁵ Ioannes cursum suum⁴⁶ dicebat :

⁴⁵ impleret autem] inv. Ω^V |

⁴⁶ curs. suum Ω^HΩ^J Ω ^L Ω^SΩ^V Rusch Weber ] inv. Ω^R |

Quem me arbitramini

esse non sum ego.

Sed ecce venit post me

cuius non sum dignus

solvere calciamenta pedum eius⁴⁷.

⁴⁷ eius Cor2 FV (grecus anti.) Ω^H Ω^SΩ^V] om. Cor4 V (cancellatum est in <Parisiensi>) Ω^R Ω^J Rusch Weber | solvere... eius Ω^H Ω^SΩ^V] solvere calciamenta pedum Ω^R¸ calciamenta pedum solvere Ω^J Ω ^L Rusch Weber, <calciamenta> pedum eius solvere Cor2 FV (grecus anti.)

Numérotation du verset Act. 13,26

Viri fratres

filii generis Abraham

et qui in vobis timent Deum,

vobis

verbum salutis huius missum est.

Numérotation du verset Act. 13,27

Qui enim habitabant Hierusalem et principes eius hunc Iesum⁴⁸ ignorantes,

⁴⁸ Iesum Cor2 FV (grecus anti.) Ω^H Ω^S Ω^V* cum Glossa ] om. Cor4 V (cancellatum est in <Parisiensi>) Cor4 F ( IESUM sublineatum ) Ω^J Ω ^L Ω^V² (al. m. poster. cancel.) Ω^R Rusch Weber

et voces prophetarum que per omne sabbatum leguntur iudicantes

impleverunt.

Numérotation du verset Act. 13,28

Et nullam causam mortis invenientes⁴⁹ in eo⁵⁰

⁴⁹ mortis invenientes CorS1 Ω^J Ω ^L Ω^R Ω^SΩ^V Rusch Weber ] inv. Ω^H |

⁵⁰ eo CorS1 Cor3 (al’) Ω^H Ω^SΩ^R Ω^V Rusch ] eum CorS1 (grec.) Ω^J Ω ^L Weber |

petierunt

a Pilato ut interficerent eum.

Numérotation du verset Act. 13,29

Cumque consummassent

omnia

que de eo⁵¹ scripta erant,

⁵¹ eo Ω ^L Ω^S etc. Rusch Weber ] illo Ω^J

deponentes eum de ligno

posuerunt eum⁵²* in monumento.

⁵² eum Cor2 FV Ω^H Ω^J Ω^S Clementina ] om. Cor2 FV (grecus anti.) Cor4 V ( EUM quod interponebatur cancellatum est in <Parisiensi>) Ω ^L Ω^RΩ^V Rusch Weber

Numérotation du verset Act. 13,30

Deus vero

suscitavit

eum a mortuis tertia die⁵³ qui visus est per dies multos⁵⁴.

⁵³ tertia die Cor2 FV Ω^H Ω^J Ω ^L Ω^SΩ^R Ω^V Rusch ] om. Weber | Deus vero suscitavit eum a mortuis tertia die Cor2 FV |

⁵⁴ dies multos Ω ^J] inv. Ω ^L |

His

Numérotation du verset Act. 13,31

qui simul ascenderant

cum eo de Galilea in Hierusalem qui

usque nunc sunt testes

eius ad plebem.

Numérotation du verset Act. 13,32

Et nos vobis⁵⁵

⁵⁵ nos vobis] bene et nos vobis filiis vestris, grec<us> filiis eorum nobis CorS2 )

annuntiamus⁵⁶ eam⁵⁷

⁵⁶ annuntiamus] annuntiavimus Ω^V* |

⁵⁷ eam Λ Ω^H Ω^SΩ^RΩ^V Rusch Clementina ] ea Weber |

que ad patres nostros repromissio facta est,

Numérotation du verset Act. 13,33

quoniam hanc Deus⁵⁸ adimplevit

⁵⁸ hanc Deus Ω ^L etc. ] inv. Ω^V

filiis nostris resuscitans Iesum,

sicut⁵⁹* in psalmo secundo⁶⁰

⁵⁹ sicut CorS1 Ω^H Ω^JΩ^S] + et Ox1148@ Ω ^L Ω^R Ω^V Rusch Weber |

⁶⁰ secundo Cor3 (Grec<us>) CorS1 etc. |

scriptum est : Filius meus

es tu,

ego hodie genui te.

Numérotation du verset Act. 13,34

Quod autem resuscitavit⁶¹ eum a mortuis amplius⁶² non reversurum⁶³ in corruptionem ita dixit :

⁶¹ resuscitavit Ω^H Ω^SΩ^V Rusch ] suscitavit CorS2 (vel) Ox1148@ Ω^R Clementina, suscitaverit Cor2 FV (grecus anti.) CorS2 Ω^J Ω ^L Weber |

⁶² amplius CorS2 (al’ sine IAM ) Ox1148@ Ω^H Ω^R Ω^SΩ^V Rusch ] iam Ω^J , + iam CorS2 Ω ^L Weber |

⁶³ reversurum] + eum Ω^J |

Quia⁶⁴ dabo vobis

⁶⁴ ita dixit quia Cor2 FV (grecus anti.)

sancta David

fidelia.

Numérotation du verset Act. 13,35

Ideoque et alibi⁶⁵ dicit : Non dabis

⁶⁵ alibi Cor4 V (<Parisiensis>) Ox1148@ Ω^H Ω^R Ω^SΩ^V Rusch ] alias Cor2 FV Cor2 V (anti.) Ω^J Ω ^L Weber

Sanctum tuum

videre corruptionem.

Numérotation du verset Act. 13,36

David enim

in⁶⁶ sua generatione⁶⁷

⁶⁶ in Φ Ox1148@ Ω^H Ω^J Ω ^L Ω^R Ω^SΩ^VRusch Clementina] om. Weber |

⁶⁷ s. generatione = ἰδίᾳ γενεᾷ ] s. suggestione Ox1148@ (om. Wordsworth Weber) |

cum administrasset voluntati⁶⁸ Dei,

⁶⁸ voluntati Ox1148@ Ω^H Ω^J Ω ^L Ω^R Ω^SΩ^V Rusch Weber ] voluntatem F

dormivit et appositus est ad patres suos,

et vidit

corruptionem.

Numérotation du verset Act. 13,37

Quem vero Deus suscitavit a mortuis⁶⁹ non vidit corruptionem.

⁶⁹ a mortuis Cor2^FV (grec. anti.) Ω^HΩ^S Ω^VClementina] om. Cor4^F( A MORTUIS sublineatum) Ox1148@ Ω^J Ω ^L Ω^R Rusch Weber

Numérotation du verset Act. 13,38

Notum igitur sit⁷⁰ vobis, viri fratres,

⁷⁰ igitur sit Ox1148@ Ω^HΩ^J Ω ^L Ω^P Ω^SΩ^V Rusch Weber ] inv. Ω^R

quia per hunc

vobis remissio peccatorum annuntiatur ab omnibus peccatis

quibus⁷¹

⁷¹ ab omnibus peccatis (= Glossa) quibus Cor2 FV (grecus anti.) Ω^H Ω^S Ω^V] om. S, ab omnibus F, ab omnibus quibus Ox1148@ Cor4 V ( PECCATIS cancellatum est in <Parisiensi>) Cor4 F ( PECCATIS sublineatum ) Ω^J Ω ^L Ω^P Rusch Weber, et praem. Cava Clementina

non potuistis in lege Moysi iustificari.

Numérotation du verset Act. 13,39

In hoc omnis qui credit iustificatur.

Numérotation du verset Act. 13,40

Videte ergo

ne superveniat vobis⁷²

⁷² vobis G F S Φ Ω^H Ω ^L Ω^P Ω^R Ω^SΩ^V Rusch Clementina] om. Weber

quod supradictum⁷³ est in prophetis.

⁷³ supradictum Cor2 FV Ω^H Ω^SΩ^V] dictum Cor4 V ( SUPRA cancellatum est in <Parisiensi>) Ω^J Ω^R Rusch Weber

Numérotation du verset Act. 13,41

Videte contemptores

et admiramini

et disperdimini⁷⁴, quia opus operor⁷⁵ in diebus vestris, opus quod non credetis⁷⁶

⁷⁴ disperdimini CorS2 Ox1148@ Ω^H Ω^J Ω ^L Ω^R Ω^SΩ^V Weber ] dispergimini CorS2 (al’) Rusch |

⁷⁵ operor CorS2 (Paris<iensis> sine EGO ) Ω^H Ω^S] ego praem. CorS2 (fere ubique QUIA EGO ) Ω^R, + ego Ox1148@ Ω^J Ω ^L Ω^P Ω^V Rusch Weber |

⁷⁶ credetis Ω^HΩ^J Ω ^L Ω^P Ω^SΩ^V² Rusch Weber ] creditis G F S Cava Λ Ox1148 Ω^R Ω^V* |

si quis enarraverit vobis.

Numérotation du verset Act. 13,42

Exeuntibus autem illis rogabant⁷⁷ ut alio sequenti sabbato⁷⁸ loquerentur sibi hec verba⁷⁹*.

⁷⁷ rogabant Ω^H Ω^J Ω ^L Ω^SΩ^V Rusch Weber ] rogaverunt Ω^R |

⁷⁸ alio sequenti sabbato Cor2 FV (grecus anti.) Cor4 V ( ALIO bene est in <Parisiensi>) Ω^H Ω^SΩ^V] sequenti sabbato Cor4 F ( ALIO sublineatum ) Cor1 P Ω^J Ω ^L Ω^P Rusch Weber |

⁷⁹ hec verba Ω^H Ω^R Ω^SΩ^V] inv. Ω^J Ω ^L Ω^P Rusch Weber |

Numérotation du verset Act. 13,43

Cumque dimissa esset synagoga,

secuti sunt⁸⁰ multi Iudeorum

⁸⁰ sunt Ox1148@ etc.] + eum Ω^V* (exp.)

et colentium Deum⁸¹

⁸¹ Deum Cor2 FV (gr’ anti) Ω^H Ω^SΩ^V = Glossa ] om. @ Cor4 V ( DEUM cancellatum est in <Parisiensi>) Cor4 F ( DEUM sublineatum ) Ω ^J Ω ^L Ω^R Rusch Weber

advenarum

Paulum et Barnabam.

Qui loquentes suadebant⁸² eis ut permanerent

⁸² suadebant Ω^HΩ^J Ω ^L Ω^P Ω^SΩ^V Rusch Weber ] persuadebant Ω^R

in gratia Dei.

Numérotation du verset Act. 13,44

Sequenti vero sabbato pene universa civitas

convenit audire verbum Dei⁸³.

⁸³ Dei Cor2 F²V (greci anti.) Ω^HΩ^J Ω^R Ω^SΩ^V Rusch Clementina ] Domini Ω ^L Weber

Numérotation du verset Act. 13,45

Videntes autem⁸⁴ turbas Iudei

⁸⁴ autem Cor2 FV ( VERBUM DEI VIDENTES AUTEM gr’ anti.) ] om. Ω^V* ( al. m. interl. compl. )

repleti sunt

zelo

et contradicebant

his que a Paulo dicebantur blasphemantes.

Numérotation du verset Act. 13,46

Tunc constanter

Paulus et Barnabas dixerunt :

Vobis oportebat

primum

loqui verbum Dei, sed quoniam⁸⁵ repellitis⁸⁶ illud et indignos vos iudicatis⁸⁷ eterne vite⁸⁸

⁸⁵ quoniam CorS2 (al’) Cor1^P Ω ^L Rusch Weber etc.] quia CorS2 Ω^J |

⁸⁶ repellitis Cor1 P Cor2 FV (greci anti.) Ω^H Ω ^L Ω^P Weber ] repulistis Amiatinus Ω^J |

⁸⁷ iudicatis Cor1 P Cor2 FV S Φ Ω^H Ω ^L Ω^R Ω^SΩ^V Rusch Clementina ] deiudicastis Amiatinus, iudicastis Ω^J Ω^P Weber, repulistis iudicastis vel repulatis iudicatis CorS2 |

⁸⁸ eterne vite Ω ^L etc. ] inv. Ω^R |

ecce convertimur ad gentes.

Numérotation du verset Act. 13,47

Sic enim nobis precepit⁸⁹

⁸⁹ nobis precepit Ω^H Ω^S] inv. Ω^J Ω ^L Ω^RΩ^V Rusch Weber ; precepit vobis Ω^P

Dominus: Posui te

in lucem⁹⁰*

⁹⁰ lucem CorS1 (al’) Cava Ω^H Ω^J Ω^S Clementina ] lumine F I S, lumen CorS1 Cor3 (anti.) Ω ^L Ω^RΩ^V Rusch Weber

gentibus⁹¹,

⁹¹ gentibus CorS1 Ω^H Ω^J Ω ^L Ω^RΩ^S Ω^V Rusch ] gentium Cava Clementina

ut sis in salutem

usque ad extremum terre.

Numérotation du verset Act. 13,48

Audientes autem gentes gavise sunt

et glorificabant verbum Domini⁹².

⁹² et glorificabant verb. Domini Cor2 FV (grec. anti) Ω^H Ω ^L Ω^SΩ^V Rusch Weber ] et glorificaverunt Ω^R

Et crediderunt quotquot erant preordinati⁹³

⁹³ erant preordinati Ω ^J etc. ] inv. Ω ^L

ad vitam eternam.

Numérotation du verset Act. 13,49

Disseminabatur

autem⁹⁴ verbum Dei⁹⁵* per⁹⁶ universam regionem.

⁹⁴ Dissem. autem Cor2 V (grec. anti) Ω^HΩ^J Ω ^L Ω^PΩ^R Rusch Weber ] Dissem. enim Ω^V |

⁹⁵ Dei Ω^H Ω^S ] Domini Cor2 V (grec. anti) Ω^J Ω ^L Ω^P Ω^RΩ^V Rusch Weber , dⁱ Cor2 F |

⁹⁶ per Ω^H Ω^J Ω^P Ω^S Rusch Weber ] in Amiatinus , super Ω^R |

Numérotation du verset Act. 13,50

Iudei autem concitaverunt mulieres religiosas ⁹⁷*

⁹⁷ mulieres religiosas Ω^H Ω^R Ω^SΩ^V Clementina ] inv. Ω^J Ω ^L Ω^P Rusch Weber

et honestas et primos

civitatis,

et excitaverunt persecutionem⁹⁸ in Paulum et Barnabam⁹⁹ et eiecerunt eos de finibus suis.

⁹⁸ persecutionem] seditionem Amiatinus |

⁹⁹ Paulum – et – Barnabam Ω^HΩ^JΩ^S Rusch Weber ] inv. Ω^P |

Numérotation du verset Act. 13,51

At illi excusso pulvere

pedum in eos venerunt Iconium.

Numérotation du verset Act. 13,52

Discipuli quoque

replebantur gaudio et Spiritu sancto.

Capitulum 13

Numérotation du verset Act. 13,1

^marg.| Erant autem] etc. Hoc capitulum dividitur in tres partes. In prima dicitur quomodo ex precepto Spiritus sancti Paulus et Barnabas missi sunt predicare. In secunda dicitur quid acciderit eis quamdiu Marcus fuit cum eis, ibi : [Et ipsi quidam] In tertia quid acciderit postquam recessit ab eis, ibi [Illi vero] etc. Dicit ergo :

^marg.| {i} Erant autem] preter illos qui veniebant de Ierusalem.

^marg.| {k} Prophete] de futuris.

^marg.| {l} Et doctores] de preteritis, idem scilicet vel alii Prophete, alii doctores.

^marg.| {m} Niger] a colore si Latinum est, vel ascendens interpretatur {7. 295rb} si Hebreum est.

^marg.| {n} Cyrenensis] a Cyrene civitate predicta.

^marg.| {o} Collactaneus] eodem lacte nutritus.

^marg.| {p} Et Saulus] Glossa Tertio decimo anno post passionem videtur Saulus secundum ordinem historiarum Apostolatum cum Barnaba et Pauli nomen accepisse, quarto decimo autem iuxta condictum Iacobi Cephe et Ioannis. Gal. 2.a. ad magisterium gentium profectum. Cui consentit Ecclesiastica historia dicens Apostolis fuisse preceptum ut duodecim annis in Iudea predicarent. Unde tertio decimo circa fines Iudee predicaverunt gentibus, publice autem in quarto decimo anno.

^marg.| {q} Ministrantibus] predictis Prophetis.

^marg.| {s} Segregate] ut soli serviant doctrine.

^marg.| {r} Barnabas] Patet eos a Ierusalem Antiochiam redisse.

^marg.| {s} Et Saulum] Ideo dicitur vas electionis. Sup. 9.c. Et segregatus in Evangelium Dei. Rm. 1.a.

^marg.| {u} In opus] Apostolatus.

^marg.| {x} Assumpsi] assumam more Prophetico.

^marg.| {y} Ieiunantes] Ecce quod ieiunium debet precedere electionem vel ordinationem Episcoporum.

^marg.| {z} Orantes] ut eorum predicatio prosperaretur.

^marg.| {a} Imponentesque] more ordinandorum. Sed constat quod discipuli nec confirmare, nec ordinare poterant, et ibi nullus legitur fuisse de Apostolis, ideo exponit magister in historiis, quod audita visione Spiritus sancti, miserunt Barnabam et Saulum ad Petrum et Iacobum et Ioannem in Ierusalem, et illi gaudentes imposuerunt illis manus ordinantes eos.

^marg.| {b} Dimiserunt illos] in opus ad quod assumpti sunt.

^marg.| {c} Et ipsi] Barnabas et Saulus. Secunda pars, que dividitur in quatuor. In prima agitur de via eorum et societate Ioannis. In secunda de Proconsule Sergio quem impediebat Elimas magus ne crederet predicationi Pauli, ibi [Et cum perambulassent universam] etc. In tertia de argutione eius et cecatione per Paulum et conversione Consulis, ibi [Saulus autem] etc. In quarta de discessu Ioannis, ibi [Ioannes autem discedens ab eis] etc.

^marg.| {d} Seleuciam] a Seleuco rege dictam, dimissi ab hominibus, illuc a Spiritu mittuntur.

^marg.| {e} Salaminam] que in Cypro. Quidam libri habent Seleuciam que est Salamina, et sunt duo eiusdem civitatis nomina.

^marg.| {f} In Synagogis Iudeorum] propter reverentiam vel duritiam eorum. Rab. Propter ignaros locorum semel annotandum credidi, ut ubicumque synagogam legeris, scias in civitate gesta que dicuntur.

^marg.| {g} Et cum perambulassent] etc. Secunda pars.

^marg.| {h} Magum] maleficum.

^marg.| {i} Proconsule] nomen dignitatis secunde a consule.

^marg.| { k } Sergio Paulo] binomius erat et ex bono nature verbum Dei audire desiderabat.

^marg.| {l} Elimas] qui interpretatur magus, quod ad transgressionem respicit. Ideo resistebat, volens eum qui converti ceperat a fide pervertere ad transgressionem, secundum nomen suum quod interpretatur etiam transgressio, vel Dei mei mensura, nomen vero magi, id est malefici quod aliis est commune proprium ei erat.

^marg.| {7. 295va}

^marg.| {a} Saulus autem] Tertia pars. Interpretatur autem tentatio respicientis vel securitas, vel mirabilis.

^marg.| {b} Paulus] a Sergio Paulo Proconsule quem convertit. Glossa Apte gentium Apostolus a gentili nomen sortitur, non enim credendum est illis qui dicunt eum fuisse binomium. Is. 65.c. Vocabit servos suos nomine alio. Rab. cum meritis mutantur nomina prius filius doloris, nunc filius dextere. Gn. 35.b. Non solum se sed alios plures ad dexteram vocans. Post gradum Apostolatus Paulus dicitur, de superbo factus humilis, de persecutore predicator. Unde nomen suum ipse interpretatur, 1Cor. 15.b. Ego sum minimus Apostolorum. Sic Barnabas filius consolationis dictus est pro Ioseph, sup. 4.g.

^marg.| {c} Repletus] olim et nunc vivacius.

^marg.| {d} Intuens] per Spiritum.

^marg.| {e} In eum] magnum.

^marg.| {f} Plene] Glossa Plena non recipiunt augmentum.

^marg.| {g} Fili diaboli] imitando.

^marg.| {h} Omnis iustitie] Dei et legis eius.

^marg.| {i} Vias] fidem et penitentiam.

^marg.| {k} Manus] potestas.

^marg.| {l} Cecus] extra sicut et intus es.

^marg.| {m} Solem] materialem, sicut non videns solem iustitie.

^marg.| {n} Ad tempus] penitentie vel mortis.

^marg.| {o} Cecidit] non casu sed de sursum a Deo.

^marg.| {p} Caligo] cecitatis initium.

^marg.| {q} Et tenebre] ipsa cecitas.

^marg.| {r} Et circumiens] in circuitu se vertens in modum cecorum.

^marg.| {s} Daret] ad se ducendum. Bed. Oportuit Paulum facere miracula ad consummationem Apostolatus quem diu calcitrantem Dominus elegit sup. 9.a.

^marg.| {t} Factum] id est cum doctrina Christi virtutum miracula. Hic a Paulo capitur pseudopropheta, vulpes parvula demoliens vineam Proconsulis mentem. Ct. 2.d.

^marg.| Sciebat enim sui memor exempli de oculorum tenebris posse surgere lumen mentis nec dignum esse oculis carnis qui aliis eruere volebat oculos mentis.

^marg.| {u} Et qui cum eo erant] Barnabas et Ioannes.

^marg.| {x} Pergen] nomen civitatis.

^marg.| {y} Pamphylie] regionis.

^marg.| {z} Ioannes autem] Quarta pars.

^marg.| {a} Reversus] Hec est causa futuri dissidii.

^marg.| {b} Hierosolymam] unde cum eis venerat.

^marg.| {c} Illi vero] Tertia pars capituli que habet quatuor partes.

^marg.| In prima dicitur quomodo venientes Antiochiam rogati sunt facere sermonem.

^marg.| In secunda de predicatione Pauli, ibi [Surgens autem]

^marg.| In tertia de effectu sermonis et utilitate, ibi [Exeuntibus autem illis]

^marg.| In quarta de invidia Iudeorum erga Apostolos, ibi : [Videntes autem etc. Illi autem] Paulus, et Barnabas cum suis.

^marg.| {d} Pertranseuntes] pedibus non navigantes.

^marg.| {e} Pisidie] nomen est Provincie ad differentiam alterius Antiochie que est in Syria a Seleuco fundata, que olim Reblatha dicta est, et nunc Antiochia vocatur a multis, tamen putatur eadem esse in qua primo vocati sunt discipuli Christiani, sup. 11.d.

^marg.| {f} Die sabbatorum] qua consueverant Iudei convenire, sicut nunc dominica die.

^marg.| {g} Sederunt] tamquam audituri lectionem legis non predicaturi : Ecce exemplum humilitatis.

^marg.| {h} Miserunt] Non potest civitas abscondi, etc. Mt. 5.b.

^marg.| {i} Fratres] quia Iudei estis.

^marg.| {7. 295vb}

^marg.| {k} Si quis] Dubitando, dicunt quod est perfidie signum.

^marg.| {l} Exhortationis] non predicationis, non lectionis.

^marg.| {m} Ad plebem] non ad nos, quia non indigemus.

^marg.| {n} Dicite] quasi hoc est opus dici quo nihil aliud operamur.

^marg.| {o} Surgens] secundum consuetudinem legentium, propter multitudinem audientium. Et est secunda pars.

^marg.| {p} Et manu] aliquo consueto silentii signo.

^marg.| {q} Israelite] Iudei.

^marg.| {r} Et qui] gentiles timentes segregat, quia non omnes timebant Deum.

^marg.| {s} Elegit] ex omni genere hominum Deos colentium.

^marg.| {t} Fratres] non patres eum. Io. 15.c. Non vos me elegistis sed ego elegi vos.

^marg.| {u} Nostros] non vestros dicit ut facilius persuadeat.

^marg.| {x} Exaltavit] de servitio Egypti.

^marg.| {y} Incole] servientes in luto et latere. Ex. 1.c.

^marg.| {z} In brachio] Christo.

^marg.| {a} Et per quadraginta] longam penitentiam significat. Nm. 14.f. Dt. 8.a.

^marg.| {b} Mores] malos.

^marg.| {c} Sustinuit] gravitas eorum ostenditur.

^marg.| {d} Et destruens] potestate qua Egyptios plagis percussit.

^marg.| {e} Gentes] septem vitia vel innumerabilia.

^marg.| {f} Sorte] pacem significat, et divisionis equalitatem. Ios. 14.a.

^marg.| {g} Terram eorum] Chananeorum, que secundum Glossa Rab. Ideo data est Israeli, quia in prima habitatione post diluvium filii Sem sortiti sunt eam, sed post a Chananeis violenter possessa est, et ideo iure prelii pristinis habitatoribus est reddita. Iure ergo delentur, quia in patre suo Cham maledicti sunt, quia in patrem Noe impius fuit. Gn. 9.d. Maledictus Chanaan, etc.

^marg.| {h} Post quadringentos] etc. quod secundum diversos numeros et diversos terminos computationis diversimode exponitur. De hoc sup. 7.a. Ab ortu Isaac in quo vocatum est Abrahe semen. Rm. 8.b. Fuerunt secundum. Ex. quadringentiquinque anni usque ad exitum Israel de Egypto. His adde quadraginta annos deserti et quinque in terra Chanaam, quibus peractis legitur terra a preliis cessasse. Ios. 14.a. et sors missa est, et habebis quadringentos quinquaginta annos, sicut hic dicitur.

^marg.| {i} Post hec] tempus iudicum transit ad comprobandam Dei patientiam.

^marg.| {k} Postulaverunt] contra voluntatem Dei.

^marg.| {l} Et dedit] cumulatur Dei patientia.

^marg.| {m} Virum] malum dicit Glossa de novissima tribu quod vindicte genus est.

^marg.| {n} Annis quadraginta] Liber Regum non aperte exprimit quot annis Saul regnaverit, sed Apostolus vulgo loquens dicit quasi crebrior fama habuit. Chronice vero testantur quod Saul et Samuel quadraginta annis prefuerunt Israeli.

^marg.| {o} Et amoto] pro militia.

^marg.| {p} Suscitavit] propter humilitatem radicis vel persone, vel propter figuram Christi suscitati.

^marg.| {q} David regem] continua ostenditur patientia.

^marg.| {r} Inveni] Nisi ego quererem nulli appareret, 1Rg. 13.c. Quesivit sibi Dominus virum iuxta cor suum, et precepit ei Dominus ut esset dux, etc.

^marg.| {s} Filium Iesse] parve stirpis.

^marg.| {t} Virum] hoc propter ipsum vel Christum de semine eius natum.

^marg.| {u} Qui faciet omnes voluntates] Hoc maxime Christo convenit.

^marg.| {7. 296ra}

^marg.| {a} Huius Deus] etc. Ad hoc tendebant predicta.

^marg.| {b} Secundum promissionem] istam. Qui faciet omnes voluntates meas in eis, et. De fructu ventris tui ponam super sedem tuam.

^marg.| {c} Eduxit] non subito sed post multas promissiones prophetarum.

^marg.| {d} Israel] spiritualis.

^marg.| {e} Iesum] interpretationem ponit cum nomine.

^marg.| {f} Predicante] non dante quod Christo servabatur.

^marg.| {g} Ioanne] cuius auctoritas magna.

^marg.| {h} Ante faciem] in modum lucerne. De quo Ps. 131. Paravi lucernam Christo meo.

^marg.| {i} Penitentie] Glossa remissionis qua per penitentia peccatum remittitur.

^marg.| {k} Cursum] precursoris officium

^marg.| {l} Quem me arbitramini] interrogative.

^marg.| {m} Non sum] Ecce proprium deitatis est, vel non sum ego Christus quem me arbitramini esse.

^marg.| {n} Post me] quia ego precursor eius sum.

^marg.| {o} Non sum dignus] humilitas.

^marg.| {p} Calceamenta pedum solvere] id est incarnationis mysterium aperire scilicet unionem deitatis ad carnem tamquam pedis ad calceamentum. Vel [Calceamenta pedum solvere] id est Ecclesiam in sponsam ducere, sicut mos erat in lege secundum unum modum, vel id est humanitatem Christi a me removere, quia per ipsum necesse habeo salvari, sicut alii.

^marg.| {q} Viri fratres] sermo suavis.

^marg.| {r} Vobis] Mt. 15.c. Non veni nisi ad oves que perierant domus Israel. Vel [Vobis dispersis] quia habitatores Ierusalem illud repulerunt.

^marg.| {s} Verbum] Evangelium, vel Christus Verbum patris.

^marg.| {t} Hunc] Iesum.

^marg.| {u} Ignorantes] esse salvatorem.

^marg.| {x} Iudicantes] Christum reum esse mortis, quia iudices plebis erant. Vel [Iudicantes] voces prophetarum, quia non credentes. Qui enim detrahit fratri aut iudicat fratrem detrahit legi et iudicat legem. Iac. 4.c. Quanto magis Christo detrahentes.

^marg.| {y} Impleverunt] prophetiam nescientes, quia si manus inermis, os armatum.

^marg.| {z} Invenientes] quamvis quererent.

^marg.| {a} Petierunt] Lc. 23.c. Instabant voce magna postulantes ut crucifigeretur.

^marg.| {b} Ut interficerent] per manus militum.

^marg.| {c} Consummassent] Unde ipse dixit Io. 19.f. Consummatum est.

^marg.| {d} Scripta] de passione eius prophetata.

^marg.| {e} Deponentes] non Iudei sed Ioseph genere Iudeus per Synecdochen. Vel [deponentes] id est deponi permittentes, quia ad hoc urgebantur secundum legem. Dt. 21.d. Que dicit. Maledictus qui pendet in ligno, quasi satis est maledictus non debet plus maledici, et ita nec plus pendere.

^marg.| {f} Posuerunt] non ministerio nec auctoritate que apud Pilatum erat, sed ut prius, permissione.

^marg.| {g} Deus vero] deitas sua que cum patre et Spiritu sancto una est.

^marg.| {h} Suscitavit] secundum hominem.

^marg.| {i} Multos] quadraginta.

^marg.| {k} His qui] certis et notis cognitoribus.

^marg.| {l} Ascenderant] ad montana proxima Ierusalem.

^marg.| {m} Qui] non eorum successores.

^marg.| {n} Testes] idonei.

^marg.| {o} Eam] repromissionem.

^marg.| {p} Hanc] prophetiam que sequitur [Genui te]

^marg.| {q} Deus] qui suscitavit eum.

^marg.| {r} Filiis nostris] In Greco filiis eorum, scilicet Hierosolymorum.

^marg.| {s} In psalmo secundo] Quidam libri habent primo. {7. 296rb} Et exponitur, quia apud Hebreos primus et secundus psalmus in unum sunt compilati, qui et a beatitudine incipit et in beatitudine finitur.

^marg.| {t} Filius] non servus, ut ceteri.

^marg.| {u} Meus] consubstantialis.

^marg.| {x} Ego] proprium deitatis est.

^marg.| {z} Genui] id est deitate, ubi nec heri, nec hodie, nec cras.

^marg.| {y} Hodie] de virgine, quia et illa generatio a Deo est. Et sic patet, quod non ad resurrectionem, de qua proxime meminit, pertinet hoc exemplum. Ps. sed, ad incarnationem, sequens autem versus manifeste agit de resurrectione, quod non de incarnatione, passione et resurrectione dixit prophete testimonio astruit, quasi diceret : tu qui es eternus ante secula filius apparebis, et tempore de virgine natus : probata incarnatione statim probat et resurrectionem

^marg.| {a} Ita dixit] Is. 55.b. Qui novi testamenti mysteria prerogat. Constituam vobis testamentum eternum sancta David fidelia, ubi nos habemus. Feriam vobiscum pactum sempiternum misericordias David fidelis.

^marg.| {b} Dabo] implebo que promisi David secundum Christum de eo nasciturum.

^marg.| {c} Sancta David] sanctum templum corporis Christi in passione soluti. Io. 2.d. Tertia die resuscitati in corruptione et glorificati.

^marg.| {c} Vel : Sancta] verba et exempla.

^marg.| {d} David] id est Christi manu fortis.

^marg.| {e} Fidelia] sine mendacio.

^marg.| {f} Sanctum tuum] corpus Christi.

^marg.| {g} Corruptionem] putrefactionem, quia resurgens ex mortuis iam non moritur, mors illi ultra non dominabitur. Rm. 6.b. Ideo dicit [sancta David fidelia] id est incorrupta et in eternum mansura.

^marg.| {h} In sua generatione] quarta decima ab Abraham. Mt. 1.a.

^marg.| {i} Cum administrasset] fecisset voluntatem Dei. Unde supr. Qui facit omnes voluntates meas.

^marg.| {k} Dormivit] ut nascentium ita et morientium numero appositus.

^marg.| {l} Vidit] experimento.

^marg.| {m} Corruptionem] vermium, ideo predicta de Christo et non de David intelligi oportet.

^marg.| {n} Notum igitur] Ad id respondet quod dixit. Deus vero suscitavit eum.

^marg.| {o} Per hunc] Iesum.

^marg.| {p} Quibus] peccatis.

^marg.| {q} Non potuistis] ne de lege confidant.

^marg.| {r} In lege] Glossa Que fuit virtus et augmentum peccati, 1Cor. 15.g. Et nihil ad perfectum adduxit. Hbr. 7.c.

^marg.| {s} Iustificari] quia iustus ex fide vivit. Hab. 2.c.

^marg.| {t} Videte] dum credens iustificatur.

^marg.| {u} Quod dictum est] scilicet vos esse contemptores.

^marg.| {x} In prophetis] in uno libro duodecim prophetarum.

^marg.| {y} Videte contemptores] cavete infideles.

^marg.| {z} Et dispergimini] Hab. 1.b. Ab Assyriis et Chaldeis, tandem a Romanis.

^marg.| {a} Quia opus] utriusque vindicte. Vel [opus] incarnationem cui non credendo contemptores estis.

^marg.| {q} Non creditis] negantes incarnationem Verbi. Vel propter utriusque vindicte magnitudinem dicuntur non credere donec complete fuerint, in Greco. Audite contemptores et admiramini, respicite et dispergimini. Littera nostra habet. Hab. 1.b. Aspicite in gentibus et videte, et admiramini, et obstupescite, quia opus factum est in diebus vestris, etc.

^marg.| {c} Exeuntibus] Tertia pars de effectu sermonis.

^marg.| {7. 296va}

^marg.| {a} Rogabant] Impletur quod predixit. Non credetis si quis enarraverit vobis, dicit Glossa Contra statim sequitur : [Reprobant] etc. Ergo acquiescebant verbo Dei. Sol Non ex fide, sed ex perfidia dicebant, vel sic videbatur eis Paulus aliqua predixisse supra legem que volebant repeti, ut ex verbis eius condemnarent eum.

^marg.| {b} Cumque dimissa] ab Apostolis vel cum inciperent domum redire.

^marg.| {c} Multi] non principes.

^marg.| {d} Colentium] Deum, dicit Glossa Et intelligitur de Iudeis. Vel melius de proselytis qui natura gentiles erant, sed religione Iudei.

^marg.| {e} Ut permanerent] perseverando tam incipientes quam perfecti, et non tantum auditores, sed factores essent verbi. Iac. 1.d. et Rm. 2.d.

^marg.| {f} In gratia] quam acceperant, sed adhuc rudes erant.

^marg.| {g} Civitas] metonymice continens pro contento.

^marg.| {h} Convenit] secundum consuetudinem Iudeorum.

^marg.| {i} Videntes] Quarta pars, de invidia Iudeorum.

^marg.| {k} Turbas] convenire ad Apostolos.

^marg.| {l} Zelo] invidie non parvo.

^marg.| {m} Et contradicebant] Glossa Veritati contradicit invidia.

^marg.| {n} Blasphemantes] Glossa Qui contradicit veritati blasphemus est.

^marg.| {o} Constanter] non timentes principes Iudeorum.

^marg.| {p} Vobis oportebat] secundum illud. Mt.

^marg.| {c} . 5.c. Non sum missus.

^marg.| {q} Primum] quia vobis promissum.

^marg.| {r} Et indignos] etc. Contra, zelabant legem ut haberent vitam eternam.

^marg.| Solutio. Loquuntur Apostolis secundum sensum et fidem suam, non illorum qui errabant.

^marg.| {s} Eterne vite] illo scilicet qui est vita eterna, non tamen in quantum vita eterna, qui illam non respuebant.

^marg.| {t} Convertimur] Glossa Transferuntur montes in cor maris. Rab. Primo filiam principis venit Iesus sanare, sed Hemoroissa preripuit sanitatem. Mt. 9.c.

^marg.| { u } Precepit] predixit. Non enim fuit preceptum, sed dictio ex parte prophetantis, sed ex parte recipientium, quia ita servaverunt ac si esset preceptum.

^marg.| {x} Nobis] quia licet prophetia de Christo ad quem loquitur pater, non incongrue membris attribuitur quod capitis est, sup. 9.a. Saule Saule quid me persequeris.

^marg.| {y} Posui te] Is. 49.b. Nos habemus. Dedi te in lucem gentium.

^marg.| {z} In lumen] post tenebras perfidie.

^marg.| {a} Gentibus] non in una tantum gente Iudeorum.

^marg.| {b} In salutem] que est necessaria contra peccati infirmitatem.

^marg.| {c} Ad extremum] per omnes terminos.

^marg.| {d} Gavise sunt] post tenebras de lumine, post infirmitatem {7. 296vb} de sanitate.

^marg.| {e} Preordinati] a Deo. Ordo est ut post laborem quies, post mortificationem carnis vita sequatur.

^marg.| {f} Ad vitam] qua indignos se iudicaverunt Iudei.

^marg.| {g} Disseminabatur] quia semen est verbum Dei. Lc. 8.b.

^marg.| {h} Verbum] Evangelium, vel Christus.

^marg.| {i} Per universam regionem] ut iam non esse tantum notus in Iudea Deus, sed iam tam gentibus quam Iudeis predicabatur.

^marg.| {k} Religiosas muliere] sive de Iudeis sive de proselytis.

^marg.| {l} Et primos] principes primarios.

^marg.| {m} Civitatis] Antiochie Pisidie.

^marg.| {n} Et eiecerunt] primarii, quia non credebant.

^marg.| {o} Excusso] secundum illud. Mt. 10.b. In testimonium quod inanem fecerant laborem Apostolorum, et quod nihil accipiatur ab eis qui Evangelium respuunt, etiam necessarium victus, et tales a Christo eiicientur, sicut pulvis quem proiicit ventus a facie terre, qui si Apostolos recepissent sensus suos a pulvere vitiorum solvissent.

^marg.| {p} Discipuli] Christiani.

^marg.| {q} Gaudio] de fructibus Spiritus sancti, Gal. 5. Glossa Iudeis fidem persequentibus discipuli e contra gaudio spiritus ditantur.

Comment citer cette page ?
Martin Morard, ed., Hugo de Sancto Caro. Postilla in totam Bibliam (Act. Capitulum 13), in : Sacra Pagina, IRHT-CNRS, 2024. Consultation du 27/04/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=74&chapitre=74_13)

Signaler un complément d'information

Notes :

<74. Actus Apostolorum>

Capitulum 13

<74. Postilla super Actus Apostolorum>

Capitulum 13