Capitulum 5

Numérotation du verset Act. 5,1 

Vir autem quidam nomine Ananias
cum Saphira uxore sua vendidit agrum,
Numérotation du verset Act. 5,2 

et fraudavit
de pretio agri conscia uxore sua
et afferens partem quamdam ad pedes apostolorum posuit.
Numérotation du verset Act. 5,3 

Dixit autem Petrus :
Anania cur temptavit
Satanas
cor tuum mentiri te Spiritui sancto et fraudare de pretio agri ?
Numérotation du verset Act. 5,4 

Nonne
manens tibi manebat ?
et venundatum
in tua erat potestate.
Quare posuisti in corde tuo
hanc rem ?
Non es mentitus
hominibus sed Deo.
Numérotation du verset Act. 5,5 

Audiens autem Ananias hec verba cecidit
et exspiravit,
et factus est timor magnus
in omnes qui audierunt1.
1 audierunt] audierant Weber
Numérotation du verset Act. 5,6 

Surgentes autem iuvenes amoverunt eum et efferentes sepelierunt.
Numérotation du verset Act. 5,7 

Factum est autem quasi horarum trium
spatium et uxor ipsius nesciens quod factum fuerat introiit.
Numérotation du verset Act. 5,8 

Respondit autem ei Petrus :
Dic mihi, mulier2, si tanti agrum vendidistis ?
2 mulier] om. Weber
At illa dixit : Etiam tanti.
Numérotation du verset Act. 5,9 

Petrus autem ad eam : Quid utique convenit
vobis temptare Spiritum Domini ?
Ecce pedes eorum qui sepelierunt
virum tuum ad ostium et efferent te.
Numérotation du verset Act. 5,10 

Confestim cecidit ante pedes eius et exspiravit.
Intrantes autem iuvenes
invenerunt illam mortuam et extulerunt
et sepelierunt ad virum suum.
Numérotation du verset Act. 5,11 

Et factus est timor magnus in universa Ecclesia
et in omnes qui audierunt hec.
Numérotation du verset Act. 5,12 

Per manus autem apostolorum
fiebant signa et prodigia multa in plebe.
Et erant unanimiter omnes
in porticu Salomonis.
Numérotation du verset Act. 5,13 

Ceterorum autem
nemo audebat coniungere se illis,
sed magnificabat eos populus.
Numérotation du verset Act. 5,14 

Magis autem augebatur
credentium in Domino multitudo
virorum ac mulierum,
Numérotation du verset Act. 5,15 

ita ut in plateas
eicerent infirmos et ponerent in lectulis et grabatis,
ut veniente Petro
saltem umbra eius3
3 eius] illius Weber
obumbraret quemquam eorum et liberarentur ab infirmitate4.
4 et...infirmitate] om. Weber
Numérotation du verset Act. 5,16 

Concurrebat autem et multitudo
vicinarum civitatum Hierusalem afferentes egros
et vexatos ab spiritibus immundis
qui curabantur omnes.
Numérotation du verset Act. 5,17 

Exsurgens autem princeps sacerdotum et omnes qui cum illo erant que est heresis Sadduceorum,
repleti sunt zelo,
Numérotation du verset Act. 5,18 

et iniecerunt manus in apostolos et posuerunt illos in custodia publica.
Numérotation du verset Act. 5,19 

Angelus autem Domini
per noctem aperiens ianuas carceris et educens eos dixit :
Numérotation du verset Act. 5,20 

Ite et stantes
loquimini in templo
plebi
omnia verba vite huius.
Numérotation du verset Act. 5,21 

Qui cum audissent intraverunt
diluculo in templum et docebant.
Adveniens autem princeps sacerdotum et qui cum eo erant convocaverunt concilium
et omnes seniores
filiorum Israel et miserunt in carcerem ut adducerentur.
Numérotation du verset Act. 5,22 

Cum venissent autem ministri et aperto carcere
non invenissent illos reversi nuntiaverunt
Numérotation du verset Act. 5,23 

dicentes : Carcerem quidem invenimus clausum
cum omni diligentia et custodes
stantes ad ianuas.
aperientes autem neminem intus invenimus.
Numérotation du verset Act. 5,24 

Ut autem audierunt5 hos sermones magistratus templi
5 autem audierunt] inv. Weber
et principes sacerdotum,
ambigebant
de illis quidnam fieret :
Numérotation du verset Act. 5,25 

adveniens autem quidam nuntiavit eis : Quia ecce viri quos posuistis in carcere sunt in templo
stantes et docentes populum.
Numérotation du verset Act. 5,26 

Tunc abiit magistratus cum ministris et adduxit illos sine vi.
Timebant enim populum
ne lapidarentur.
Numérotation du verset Act. 5,27 

Et cum adduxissent illos statuerunt in concilio
et interrogavit eos princeps sacerdotum
Numérotation du verset Act. 5,28 

dicens : Precipiendo
precepimus vobis
ne doceretis in nomine isto.
Et ecce replestis Hierusalem
REPLESTIS HIERUSALEM. R<ABANUS>. Hierusalem principem civitatum in qua etiam nos conversamur, in hoc ignorantes laudant apostolos qui nec territiminis cessant predicare.doctrina vestra
et vultis introducere6 super nos sanguinem
6 introducere] inducere Weber
hominis
istius.
Numérotation du verset Act. 5,29 

Respondens autem Petrus
et apostoli
dixerunt : Obedire oportet Deo magis quam hominibus.
Numérotation du verset Act. 5,30 

Deus patrum nostrorum
suscitavit
Iesum quem vos interemistis
suspendentes in ligno.
Numérotation du verset Act. 5,31 

Hunc Deus principem
et salvatorem
exaltavit
dextera sua
ad dandam penitentiam Israel
et remissionem peccatorum.
Numérotation du verset Act. 5,32 

Et nos sumus testes horum verborum
et Spiritus sanctus
quem dedit
Deus omnibus
obedientibus sibi.
Numérotation du verset Act. 5,33 

Hec cum audissent dissecabantur,
et cogitabant interficere illos.
Numérotation du verset Act. 5,34 

Surgens autem quidam in concilio Phariseus
nomine Gamaliel
legis doctor
venerabilis vir7 universe plebi iussit foras ad breve homines fieri.
7 venerabilis vir] honorabilis Weber
Numérotation du verset Act. 5,35 

Dixitque ad illos : Viri Israelite
attendite vobis
super hominibus istis quid acturi sitis.
Numérotation du verset Act. 5,36 

Ante hos enim dies extitit Theodas
dicens esse se aliquem
cui consensit numerus virorum8 circiter quadringentorum, qui occisus est et omnes quicumque credebant ei dissipati sunt et redactus est ad nihilum.
8 numerus virorum] inv. Weber
Numérotation du verset Act. 5,37 

Post hunc extitit Iudas Galileus
in diebus professionis
et avertit
populum post se.
Et ipse periit et omnes quotquot consenserunt ei dispersi sunt.
Numérotation du verset Act. 5,38 

Et nunc itaque dico vobis : Discedite
ab hominibus istis et sinite illos, quoniam si est ex hominibus consilium hoc aut opus dissolvetur.
Numérotation du verset Act. 5,39 

Si vero ex Deo est non poteritis dissolvere eos ne forte
et Deo repugnare videamini9. Consenserunt
9 videamini] inveniamini Weber
autem illi
Numérotation du verset Act. 5,40 

et convocantes apostolos
cesis
denuntiaverunt eis10
10 eis] om. Weber
ne amplius11 loquerentur in nomine Iesu
11 amplius] om. Weber
et dimiserunt eos.
Numérotation du verset Act. 5,41 

Et illi quidem ibant gaudentes a conspectu concilii
quoniam digni
habiti sunt pro nomine Iesu
contumeliam pati.
Numérotation du verset Act. 5,42 

Omni autem die
in templo et circa domos
non cessabant docentes
et evangelizantes Christum Iesum.

Capitulum 5

Numérotation du verset Act. 5,1 
marg.| {7. 285ra} Vir autem quidam] etc. Hoc capitulum dividitur in quatuor partes. In prima agit de Anania, et Saphira. In secunda de virtute, et operibus Apostolorum, ibi : (Per manus.) In tertia de invidia sacerdotum contra Apostolos, ibi :   [Exurgens autem princeps] In quarta de consilio Gamalielis, ibi : (Surgens autem, etc.) Item prima pars habet tres particulas.
marg.| In prima agitur quomodo Ananias fraudavit de pretio agri.
marg.| In secunda quomodo arguitus a Petro expiravit, ibi : (Dixit autem Petrus.)
marg.| In tertia quomodo uxor arguitur a Petro, et similiter mortua est, ibi : (Factum est, etc.) Dicit ergo :
marg.| {a} Vir autem] Istius nomen ante non ponitur, ut Ioseph supra proximo, quia istum culpa ignobilem fecit.
marg.| {b} Saphira] que fuit consors criminis, et ideo mortis.
marg.| {c} Et fraudavit] Ideo fraus fuit, quia totum voverat, sicut alii.
marg.| {d} Partem] quasi non precipuam, quia totum vendidit, sed non totum attulit. Contra illud. Mt. 19.c. Si vis perfectus esse, vade vende omnia que habes, et da pauperibus. Incepit perfectionem vendendo, sed non perfecit totum dando.
marg.| {e} Dixit autem Petrus] Secunda particula, quasi princeps Apostolorum loquitur.
marg.| {f} Tentavit] Increpatio est. In Greco : Implevit, non intrando, quod solius Dei est, qui cor solus replere potest, sed malitie sue virus inserendo, et trahendo affectum ad incentiva vitiorum quibus plenus est   [Tentavit] Preteritum ponit, quia preterita, et consummata erat tentatio. Que agitur tribus modis : Suasione, delectatione, consensu, quod totum completum est in Anania.
marg.| Ideo increpatur Sathanas in contrarium qui Spiritui sancto contradicit.
marg.| {g} Mentiri] Hoc sciebat revelatione Spiritus sancti, ideo non dicit nobis, sed   [Spiritui sancto] Mendacium fuit, quia totum voverat, Eccl. 5.a. Melius est non vovere, quam post votum promissa non reddere.
marg.| {h} Nonne manens] quasi aliter poteras agere.
marg.| {i} In tua] tuum erat, tibi proficere poterat.
marg.| {k} Potestate] quia non cogimur perfecti esse, Mt. 19.c. Si vis perfectus esse.
marg.| {l} Posuisti] definito consilio.
marg.| {m} In corde tuo] quod custodire debueras.
marg.| {n} Rem] mentiri, vel fraudare.
marg.| {o} Sed Deo] Supra dixit : Spiritui sancto. Per quod patet spiritum Deum esse : Io. 4.d.
marg.| {p} Deo] qui scrutatur corda, et perdit omnes qui loquuntur mendacium. Quod iste putavit secretum, apparet propter infidelitatem.
marg.| {q} Et expiravit] Ut transgressores legis Christi quamvis temporali morte non puniantur, mortem sciant sibi imminere eternam, Rab. Legum initia semper vindictis commendantur. Nadab et Abiu igne consumuntur. Lv. 10.a. Oza percutitur, 2Rg. 6.b. Heli de sella cadit, 1Rg. 4.c. Ut ceteri terreantur. Lex enim Dei incipit a timore, et finitur in amore. Ideo nunc non ita punit delinquentes, quia servitur ei ex amore.
marg.| {r} Et factus est timor] propter velocem vindictam. Anticipatio est, quia ante mortem uxoris pauci audierunt, quamvis etiam pauci timuerunt.
marg.| {s} Factum est] Tertia particula de morte Saphire.
marg.| {7. 285rb}
marg.| {t} Horarum trium] Parvum tempus penitentie datur, quia minus peccavit, que capiti consensit, 1Cor. 11.a.
marg.| {u} Nesciens] mortem viri.
marg.| {x} Respondit] rei non verbo, introitui uxoris non sermoni, vel cogitationi sue, quia antequam veniret proposuerat arguere eam.
marg.| {y} Dic mihi] Culpam uxoris interrogans declarat ex eius confessione, quam vir suam monstraverat in opere.
marg.| {z} Si tanti] Ex revelatione Spiritus sancti scivi pretium agri, et potest supponere illi   [tanti] pro toto pretio, et sic monstratur culpa confitentis, quia totum non attulit, vel pro parte presenti, et sic mentita est celans partem reservatam.
marg.| {a} Quid] supple est hoc, quod fecisti, quod malum est, quia hoc faciendo.
marg.| {b} Convenit vobis tentare] quia credebant posse latere, vel quia probaverunt quanta sit eius scientia vel totum est increpatio,   [Quid utique] etc.
marg.| {c} Spiritum, Domini] non nos homines, ut putastis, Ex. 16.b. Non contra nos est murmur vestrum, sed contra Dominum. Et Nm. 16.b. Quid est Aaron, ut murmuretis contra eum.
marg.| {d} Qui sepelierunt] brevi narratione totum concludit : Qui enim sepelitur mortuus est.
marg.| {e} Et efferent te] Statim morituram significat, non questus causa, sed ad terrorem posterorum tam crudelem dat sententiam.
marg.| Providebat enim futura Zizania, que simplicitatem in Ecclesie moribus adulterarent. Ex his ut dicit Glossa exorti sunt Sarabaite, de quibus dicitur in regul.
marg.| {B} . Benedicti. Qui rebus suis nequaquam derelictis Apostolorum districtionem se simulant custodire.
marg.| {f} Cecidit] quia consenserat, Rm. 2.d. Non solum qui facit, sed qui consentit facientibus. Ex hoc videtur, quod mulier non debet excipi ab excommunicatione.
marg.| {g} Ad virum] id est iuxta virum. Ex quo multi sumunt exemplum ut uxores ad viros suos sepeliant. Alii indignum putant a prevaricatoribus exempla sumere.
marg.| {h} Ecclesia] congregatione fidelium.
marg.| {i} In omnes] infideles.
marg.| {k} Per manus] Secunda pars principalis, que non dividitur, sed tota est de virtute, et opere Apostolorum.   [Per manus] non tantum per verba, vel umbram, quod de Petro dicitur infra eod.
marg.| {l} Apostolorum] non solius Petri, quia licet pro honore eius taceantur, tamen facta eorum non tacentur.
marg.| {m} Fiebant signa] Amplior causa timoris describitur, et zelus sacerdotum suscitatur.
marg.| {n} In plebe] non in sacerdotibus, quia isti credebant, illi non.
marg.| {o} Unanimiter] In hoc mirandi sunt, quia magnitudo gratie non fecerat sensus diversitatem.
marg.| {p} In porticu] orationi instantes, et doctrine.
marg.| {q} Salomonis] per quam Salomon intrabat in templum.
marg.| {r} Ceterorum] infidelium.
marg.| {s} Coniungere] forte territi exemplo Ananie, et Saphire vel ceterorum fidelium, coniungere, equiparare. Sed magis reverentiam exhibebant, unde sequitur.
marg.| {t} Sed magnificabat eos populus] Glossa A longe stans, et stupens.
marg.| {u} Ac mulierem] Nullus enim sexus a Domino excluditur, quia non est acceptor personarum Deus inf. 10.d. Gal. 3.d. Non est masculus, neque femina.
marg.| {x} Ut in plateas] etc. quasi tanta erat multitudo credentium, {7. 285va} ut omnes non possent Petrum contingere. Vel tanta fidei fortitudo, ut crederent solam Petri umbram ad curationem infirmorum sufficere. Vel tot infirmi afferebantur a credentibus, ut Petrus omnes non posset tangere.
marg.| {a} In lectulis] qualibuscumque.
marg.| {b} Et grabatis] a graba quod est caput, quando aliquid capiti tantum non corpori substernitur.
marg.| {c} Petro] quasi principe.
marg.| {d} Et liberarentur] Io. 14.b. Maiora horum faciet.
marg.| {e} Vicinarum civitatum] preter habitatores Ierusalem.
marg.| {f} Omnes] ecce generalitas curationis.
marg.| {g} Exurgens autem princeps] etc. Tertia pars, que dividitur in septem. In prima agitur quomodo sacerdotes invidentes Apostolis miserunt eos in carcerem. In secunda, quomodo aperto carcere Angelus iussit eos predicare, ibi : (Angelus autem.) In tertia, quomodo obedientes Angelo predicaverunt, ibi : (Qui cum audissent.) In quarta, quomodo congregati sunt sacerdotes ad iudicandum eos, ibi :   [Adveniens autem] In quinta nuntiatur eis, quod Apostoli predicarent, ibi :   [Adveniens autem quidam] In sexta adducuntur Apostoli sine vi, ibi : (Tunc abiit.) In septima respondet Petrus, ibi : (Respondens autem Petrus, etc.) Dicit ergo (Exurgens autem) ad terrendos Apostolos.
marg.| {h} Et omnes] ad terrendum populum.
marg.| {i} Que est heresis] id est hec est una de septem heresibus Iudeorum. Heresis autem scissio interpretatur, vel dicitur ab electione, quia spretis aliorum dictis quod sequendum putat eligit.
marg.| {k} Saduceorum] qui interpretantur iusti, dicti a Sadoch sacerdote, vel propter genus, vel propter mores, iustificantes enim seipsos vendicabant sibi quod non erant, negantes resurrectionem corporum, animam cum corpore mori dicebant, Mt. 22.d. Nec Angelum nec spiritum esse dicebant, infra 23.b. Omnes scripturas respuentes preter quinque libros Moysi. Et ideo maxime persequebantur Apostolos, quia reddebant testimonium resurrectionis Christi.
marg.| {l} Zelo] invidia.
marg.| {m} Et iniecerunt] Ecce fructus zeli, qui tunc primo non incepit, sed illa hora ad plenitudinem malitie pervenit.
marg.| {n} Publica] in qua erant latrones, nobiles enim in secreto ponebantur. Vel   [publica] quia multi ibi erant propter loci firmitatem.
marg.| {o} Angelus] Secunda particula.
marg.| {p} Domini] ad differentiam mali.
marg.| {q} Ite] firmi.
marg.| {r} Stantes] stabiles vel manifesti.
marg.| {s} In templo] loco celebri quem sacerdotes frequentabant.
marg.| {t} Plebi] non sacerdotibus.
marg.| {u} Omnia] nihil pro timore celantes.
marg.| {u} Vite huius] Christiane, vel eterne, dicit Glossa quod ideo non additur, quia famosa erat secta Christianorum, pro qua incarcerati erant.
marg.| Et nota quod hic dicitur Angelus aperuisse ianuas carceris, paulo post dicitur quod ministri clausum invenerunt carcerem. Responsio, quod due erant porte. Anterior, scilicet, et interior, quarum alteram aperuit, alteram non. Vel dicitur Angelus aperuisse, quia ita facile eduxit ac si aperta esset, et hoc miraculose. Vel hoc dicit secundum opinionem Apostolorum, opinantium ianuam fuisse apertam. Huic concordat Glossa Bernardi Non dubitet Thomas Christum carnem, et ossa habuisse, quem ianuis {7. 285vb} clausis vidit intrasse, ecce Petrus cum sociis mortali adhuc carne vestitus, clausis ianuis egreditur.
marg.| {y} Qui cum audissent] etc. Tertia particula, in qua secundum preceptum Angeli prompta est obedientia predicandi.
marg.| {z} Et docebant] sicut erant iussi   [Loquimini] etc.
marg.| {a} Adveniens] etc. Quarta particula.
marg.| {b} Concilium] Ad hoc enim positi fuerant in custodia, ut ad iudicium traherentur.
marg.| {r} Seniores] etate.
marg.| {d} Filiorum Israel] sacerdotum, vel scribarum.
marg.| {e} Ut adducerentur] Apostoli.
marg.| {f} Et aperto carcere] quem clausum invenerunt.
marg.| {g} Cum omni diligentia] ut maius sit miraculum.
marg.| {h} Et custodes] ut minor sit evadendi facultas.
marg.| {i} Stantes] non negligentes.
marg.| {k} Ad ianuas] non ex latere, vel post tergum.
marg.| {l} Magistratus] potentes, vel sapientes. Et est legendum singulari numero secundum Grecum, sicut et paulo post dicitur. Abiit magistratus.
marg.| {m} Ambigebant] utrum fraude factum esset, vel potentia. Vel mirabantur, tum propter firmitatem carceris, tum propter celebritatem virtutis in publico facte, sicut dicit Glossa Bernardi Qui stimulante invidia dicunt Iesum furantibus Apostolis de monumento sublatum : Mt. ultimo capitulo : Quo furto dicunt Apostolos de carcere clauso sublatos ?
marg.| {n} Adveniens autem quidam] etc. Quinta particula.
marg.| {o} In templo] Patet non fuisse fraudem cum non lateant post evasionem.
marg.| {p} Et docentes] quod vos prohibuistis.
marg.| {q} Tunc abiit] etc. Sexta pars, nec sic credunt, malitia enim interior cor perfidum signis etiam manifestis obdurat.
marg.| {r} Sine vi] Magnitudo fidei non timere facit eos, qui se vinxerant.
marg.| {s} Populum] non Deum.
marg.| {t} In concilio] Mt. 10.b. Tradent vos in conciliis.
marg.| {u} Precipiendo] non leviter diximus, sed auctoritate pontificali   [precepimus] In Greco : Nonne precipiendo precepimus vobis, etc. Nam sic loqui magis convenit interroganti.
marg.| {x} In nomine isto] Iesu, scilicet, quod propter claritatem, vel odium tacent.
marg.| {y} Replestis] non solum contra prohibitionem nostram docuistis.
marg.| {z} Ierusalem] Metropolim, in qua nos etiam conversamur. In quo ignorantes laudant Apostolos, qui minis non territi predicare non cessant.
marg.| {a} Vestra] nova et culpabili.
marg.| {b} Et vultis] interrogative dicunt, solet enim in verbis esse dubietas, cum in corde firma habeatur sententia.
marg.| {c} Sanguinem] id est sanguinis vindictam predicando eum iustum fuisse, et Christum. Hoc tamen et ipsi petierant, Mt. 27.c. Sanguis eius super nos. Quod dixerunt non animo imprecandi sibi, sed timentes ne Christus permitteretur vivere, quem pre invidia non poterant etiam videre. Ideo omnibus modis volebant effundi sanguinem eius.
marg.| {d} Hominis] non Dei. Iterum nomen Iesu tacent, ut supra.
marg.| {7. 286ra}
marg.| {a} Respondens autem Petrus] etc. Septima particula temeraria pontificis interrogatio prudenti responsione confutatur.
marg.| {b} Et Apostoli] ex fervore, et zelo non patiuntur, ut prius, unum pro omnibus loqui.
marg.| {c} Obedire] Breviter loquendo dant exemplum non utendi verborum circuitu.
marg.| {d} Deus patrum] non novus nec a nobis nuper inventus, ut eorum inobedientia sit inexcusabilis.
marg.| {e} Patrum nostrorum] sup. 3.c. Dixerat : Deus Abraham, Isaac, et Iacob, ideo nunc breviter transit.
marg.| {f} Suscitavit] in resurrectione, hoc maxime oderant.
marg.| {g} Interemistis] Hic manifeste sanguinem introducunt.
marg.| {h} Suspendentes] quasi reum, et maledictum. Dt. 21.d.
marg.| {i} Principem] totius Ecclesie, que in celis, et in terra est.
marg.| {k} Et salvatorem] hominum.
marg.| {l} Exaltavit] virtutibus vel ascensu in celum.
marg.| {m} Dextera sua] prosperitate eternitatis, vel filio.
marg.| {n} Ad dandam] utrique populo.
marg.| {o} Penitentiam] Ideo virtutes ostendit, ideo in celum ascendit.
marg.| {p} Et remissionem] que est fructus penitentie.
marg.| {q} Testes] resurrectionis et ascensionis, et virtutum, et missionis Spiritus sancti.
marg.| {r} Et Spiritus sanctus] testis est ne utilis sit sermo humanus.
marg.| {s} Dedit] iam coram vobis omnibus.
marg.| {t} Omnibus] non tantum nobis, sed etiam vobis si vultis accipere, et sic ad penitentiam vocat. Qui spiritus ita nos roboravit, ut etiam vobis resistentibus predicemus, qui loquens in nobis format verba que auditis. Mt. 10.c.
marg.| {u} Dissecabantur] corde quia nullus dolor maior quam invidia.
marg.| {x} Interficere] quia verbis non poterant eos prohibere.
marg.| {y} Surgens autem] etc. Quarta pars de consilio Gamalielis. Et habet tres particulas. In prima monet Iudeos, ut discrete se habeant circa Apostolos, ad hoc inducens per quedam exempla. In secunda ceduntur Apostoli, et sic dimittuntur, ibi (Consenserunt.) In tertia dicitur, quod ibant gaudentes a conspectu concilii.
marg.| {z} Phariseus] non Saduceus, qui negabat resurrectionem.
marg.| {a} Gamaliel] qui ut Clemens dicit conscius Apostolorum erat, sed eorum consilio cum Iudeis erat, ut iniqua eorum consilia destrueret, et furorem mitigaret.
marg.| {b} Legis doctor] non imperitus qui non audiretur.
marg.| {c} Honorabilis] propter quod facilius ei consenserunt.
marg.| {d} Iussit] secedere iubet, quasi excludendos, ut tollat a se suspicionem.
marg.| {e} Viri] qui sobrii, et prudentes esse debetis.
marg.| {f} Quid acturi sitis] non iudicando cum furore.
marg.| {g} Aliquem] magnum prophetam, vel Christum. Hic ut dicit Iosephus suasit multis, ut sublatis de civitate facultatibus suis venirent ad ripas Iordanis, promittens se diviso fluvio siccum suis prestare transitum, quia magnus erat. Quod audientes Romani missa multitudine equitum multos ex illis peremerunt, et caput eius Ierusalem pertulerunt.
marg.| {l} In diebus professionis] quando exiit edictum a Cesare Augusto, etc. Lc. 2.a. Ut singuli solvendo tributum profiterentur de qua natione essent. Iste vero Iudas dissuadebat tributum dari, ne libertatem amitterent, docens ex Dt. 6.c. Soli Deo serviendum cui decimas solverent, et primitias, et oblationes, et vota quem similiter occiderunt Romani. Cuius error ita prevaluit, ut super hoc Iesus interrogaretur. Mt. 22.b.
marg.| {i} Et avertit] a veritate.
marg.| {7. 286rb}
marg.| {k} Populum] multum non miremur multitudinem credentium.
marg.| {l} Discedite] nolite interficere.
marg.| {m} Si vero] gravius inculcat consilium ne spernatur.
marg.| {n} Consenserunt autem] etc. Secunda particula. Consentire est sensum sensui iungere.
marg.| {o} Et convocantes] communi consensu.
marg.| {p} Cesis] Mt. 10.b. In synagogis suis flagellabunt vos.
marg.| {q} In nomine Iesu] Et eritis odio omnibus propter nomen meum.
marg.| {r} Gaudentes] gaudio, et exultatione quia merces vestra, etc. Mt. 5.b. Lc. 6.d.
marg.| {s} Digni] Non putabant se laborare, sed magnum munus accipere, quia beati qui persecutionem patiuntur. Mt. 5.a.
marg.| {t} Pro nomine] non pro alio crimine. Glossa Ubi Christus in causa est, maledictio est optanda, 1Pt. 4.d. Nullus vestrum patiatur, ut fur, etc.
marg.| {u} Et circa domos] templo vicinas, vel totius civitatis.
marg.| {x} Docentes] que pertinent ad mores.
marg.| {y} Et Evangelizantes] fidem Iesu, qui fuit Christus. Ex hoc patet fidei fortitudo, quia nec verbo prohibiti nec flagellis cesi possunt a predicatione prohiberi.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Act. Capitulum 5), in : Sacra Pagina, IRHT-CNRS, 2024. Consultation du 28/04/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=74&chapitre=74_5)
Signaler un complément d'information

Notes :