Glossa ordinaria

Capitulum 6

Numérotation du verset Ez. 6,1 

Et factus est sermo Domini ad me dicens:
Numérotation du verset Ez. 6,2 

Fili hominis pone faciem tuam
ad montes Israel et prophetabis ad eos
Numérotation du verset Ez. 6,3 

et dices montes Israel
audite
verbum Domini Dei hec dicit Dominus Deus montibus
et collibus
rupibus et vallibus ecce ego inducam super vos gladium et disperdam excelsa vestra
Numérotation du verset Ez. 6,4 

et demoliar
aras vestras et confringentur
simulacra vestra
et deiciam
interfectos vestros
ante idola vestra
Numérotation du verset Ez. 6,5 

et dabo cadavera filiorum Israel ante faciem simulacrorum vestrorum et dispergam ossa vestra circum aras vestras
Numérotation du verset Ez. 6,6 

in omnibus habitationibus vestris
urbes
deserte erunt et excelsa
demolientur et dissipabuntur et interibunt are vestre
et confringentur et cessabunt idola vestra
et conterentur delubra vestra
et delebuntur opera vestra
Numérotation du verset Ez. 6,7 

et cadet interfectus in medio vestri et scietis quoniam
ego Dominus
Numérotation du verset Ez. 6,8 

et relinquam in vobis eos qui fugerint gladium in gentibus cum dispersero vos in terris
Numérotation du verset Ez. 6,9 

et recordabuntur mei liberati vestri in gentibus ad quas captivi ducti sunt quia contrivi cor eorum fornicans
et recedens a me et oculos eorum
fornicantes post idola sua et displicebunt
sibimet super malis que fecerunt in universis abominationibus suis
Numérotation du verset Ez. 6,10 

et scient quia ego Dominus non frustra locutus sum ut facerem eis malum hoc
Numérotation du verset Ez. 6,11 

hec dicit Dominus Deus percute manu tua
et allide pedem tuum
et dic eheu ad omnes abominationes malorum
domus Israel qui gladio fame peste ruituri sunt
Numérotation du verset Ez. 6,12 

qui longe est
peste
morietur qui autem prope
gladio
corruet
et qui relictus fuerit et obsessus
fame
morietur
et compleam indignationem meam in eis
Numérotation du verset Ez. 6,13 

et scietis
quia ego Dominus cum fuerint interfecti vestri
in medio idolorum vestrorum
in circuitu ararum vestrarum in omni colle excelso in cunctis summitatibus montium et subtus omne lignum nemorosum
et subtus universam quercum frondosam
locum ubi accenderunt tura redolentia universis
idolis suis
Numérotation du verset Ez. 6,14 

et
extendam
manum meam
super eos
et faciam terram
desolatam et destitutam a deserto Deblatha
in omnibus habitationibus eorum
et scient quia ego Dominus.

Capitulum 6

Numérotation du verset Ez. 6,1 
{t. 3: Erfurt, f. 190ra ; facsim., p. 235a}
Et factus est sermo Domini ad me dicens:
Numérotation du verset Ez. 6,2 
Fili hominis pone faciem tuam
interl.| vel obfirma
ad montes Israel et prophetabis ad eos
Numérotation du verset Ez. 6,3 
et dices montes Israel
interl.| qui idolis occupati
audite
interl.| non auribus sed imperio et potentia creatoris cui simile: mare vidit et fugit Iordanis conversus est retrorsum. Mari quoque dicitur: tace et obmutesce et de terra dicitur: qui respicit terram et facit eam tremere
verbum Domini Dei hec dicit Dominus Deus montibus
interl.| superbis
et collibus
interl.| scientia inflatis
rupibus et vallibus ecce ego inducam super vos gladium et disperdam excelsa vestra
interl.| in quibus idola adorabant
marg.| MONTES  ISRAEL  AUDITE. HIERONYMUS.  TROPOLOGICE. idola subvertenda significat et aras et cerimonias possumus per montes Israel principes accipere et eos qui sapientia potentiaque et scientia et diviciis pollebant et nota quod facies contra mentes obfirmatur nec solis montibus loquitur sed et collibus rupibus et vallibus in quibus inferior dignitas et gradibus scientie prudentiequa cognoscitur.
marg.| HIERONYMUS. TROPOLOGICE. Montes sunt qui ad perfectam scientiam pervenerunt colles paulo inferiores et rupes nullam scientiam habentes et tantum in conversatione fidentes aliqua sibi de scripturis presumunt habentes zelum Dei sed non secundum scientiam. Valles novissimi in ecclesia qui et vita et scientia inferiores tamen de conventu dominice familie non recedunt omnes verbum Domini iubentur audire ut unusquisque pro modulo suo intelligat quid Dominus precipiat.
marg.| HEC  DICIT. HIERONYMUS. sepe in hoc propheta dicitur Adonai Dominus Adonai unum est de decem vocabulis Dei et significat Dominum quo sepe et in hominibus utimur. Hoc quorum Sara Abraham dominum suum vocabat vocubulo et ubi dicitur: Domine mi rex Adonai {t. 3: Erfurt, f. 190rb ; facsim., p. 235b} scriptum est. Quando igitur duo Domini iunguntur nomina prius commune est secundum proprium Dei proprium appneon dicitur id est ineffabile quod scriptum fuit in aurea lamina que erat in fronte sacerdotis.
Numérotation du verset Ez. 6,4 
et demoliar
interl.| non
aras vestras et confringentur
interl.| qua corde finguntur
simulacra {t. 3: Erfurt, f. 190ra ; facsim., p. 235b} vestra
interl.| fictos deos
et deiciam
interl.| ut ibi iaciantur corpora mortuorum ubi prius hostie
interfectos vestros
interl.| ut scilicet se mortuos et figmenta sua nihil sibi prodesse sentiant
ante idola vestra
Numérotation du verset Ez. 6,5 
et dabo cadavera filiorum Israel ante faciem simulacrorum vestrorum et dispergam ossa vestra circum aras vestras
interl.| non tantum montium sed eorum qui iacebant in circuitu ararum
marg.| ET  DISPERGAM HIERONYMUS. Quod dicit se ossa montium dispergere indicat quosque eorum est fortissimos ab invicem separandos. Prodest enim perverse scientia malos a malis dividi sicut illi qui edificabant turrem pro utilitate sua dispersi sunt et lingue eorum divise sunt ne consensus pessimus peiores faceret eos ita ossa montium disperguntur ut conatus suos vanos intelligant.
Numérotation du verset Ez. 6,6 
in omnibus habitationibus vestris
interl.| urbibus viculis
urbes
interl.| conventus hereticorum
deserte erunt et excelsa
interl.| superbike
interl.| causa qua urbes montium destruuntur ut scilicet excelsa demolient
demolientur et dissipabuntur et interibunt are vestre
interl.| perversorum dogmatum
et confringentur et cessabunt idola vestra
interl.| que corde suo simularunt
et conterentur delubra vestra
interl.| non templa
interl.| fana que contra templum Domini contruxerunt
et delebuntur opera vestra
interl.| non Dei
interl.| montium id est magistrorum falseque scientie
Numérotation du verset Ez. 6,7 
et cadet interfectus in medio vestri et scietis quoniam
interl.| vel quia
ego Dominus
marg.| INTERFECTUS. HIERONYMUS. Quem scilicet montes interfecerunt vel ecclesiastici viri qui male viventes in salutem suam occiderunt tunc scilicet finis erit montium superborum ut cognoscant quod ipse1 sit Dominus potest autem fieri ut de uno populo montium aliis interfectis alii cognoscant pestilente enim flagellato stultus astutior erit.
1 ipse] sipe cacogr. Rusch
Numérotation du verset Ez. 6,8 
et relinquam in vobis eos qui fugerint gladium in gentibus cum dispersero vos in terris
interl.| unde: reliqui mihi septem milia virorum qui non curvaverunt genu sua ante baal et Paulus ait: reliquie secundum electionem gratie salve fient
marg.| QUI  FUGERINT. HIERONYMUS. Apostoli scilicet de semine Israel reservati sunt ut evangelium predicarent in mundum dispersi potest autem dici quod ideo aliquid de captivitate iudaica servati sunt ut in gentibus recordarentur nominis eius et potentiam predicarent heretici quorum qui evadere poterunt gladium perditionis eorum et fictiones que contra Deum fuerant concitate huc illucque dispersi recordabunturnominis Domini penitentiam agentes et a catholicis se esse captos exultantes.
Numérotation du verset Ez. 6,9 
et recordabuntur mei liberati vestri in gentibus ad quas captivi ducti sunt quia contrivi cor eorum fornicans
interl.| cum idolis
interl.| unde Osee: spiritu fornicationis seducti sunt
et recedens a me et oculos eorum
interl.| adulterio plenos
fornicantes post idola sua et displicebunt
interl.| penitentes
sibimet super malis que fecerunt in universis abominationibus suis
marg.| QUIA  CONTRIVI. Hereticorum quorum cor utiliter conteritur id est thesaurus perversorum dogmatum quia recessit a Domino et fornicantes oculi post adiuventiones suas quia cum Domini fuerint recordati displicebunt sibi in abominationibus suis et intelligentes vere fidei veritatem scient quia ipse Dominus qui ideo percutit ut sanet.
marg.| ET  OCULOS. eorum per quorum fenestras mors intrat unde duo presbiteri in Daniele Susannam nudari fecerunt ut saltem aperti corporis decore fruerentur.
Numérotation du verset Ez. 6,10 
et scient quia ego Dominus non frustra locutus sum ut facerem eis malum hoc
marg.| NON  FRUSTRA locutus sum quia penituerunt. Impenitentibus dicitur: sine causa percussi filios vestros disciplinam enim non receperunt vel recipere noluerunt.
Numérotation du verset Ez. 6,11 
hec dicit Dominus Deus percute manu tua
interl.| a malis operibus separando
et {t. 3: Erfurt, f. 190va ; facsim., p. 236a} allide pedem tuum
interl.| ne gradiatur itinere peccator
et dic eheu ad omnes abominationes malorum
interl.| ut plangas et plores que tibi displicent
domus Israel qui gladio fame peste ruituri sunt
interl.| hec est causa quod habitatores scilicet montium et ararum idolorumque cultores gladio fame peste ruituri sunt
marg.| PERCUTE  MANUM  TUAM. ut non modo voce sed et gestu et habitu stuporem {t. 3: Erfurt, f. 190va ; facsim., p. 236a} admirationemque significes super peccatis eorum quomodo enim aliquid novum mirandumque conspicientes tam corpore quam animo perhorrescimus manibus plaudimus pedem ad terram allidimus vocem ad fletum inclinamus sic propheta facit oculis animi cernens ventura supplicia et abominationes domus Israel.
marg.| HIERONYMUS. Qui singulis vel pluribus deditus vitiis non potest ab eis separari quasi quodam veterno pestilentie corruit morbo.
marg.| HIERONYMUS. qui ab ecclesia recesserit statim peste morietur qui sibi sciolus videtur et diligens nisi caverit gladio ferietur inimici qui simplici contentus fide quasi brutum animal versatur quidem in ecclesia sed nullo opere proficit nec sicut formica preparat in messe cibum sibi fame morietur.
Numérotation du verset Ez. 6,12 
qui longe est
interl.| obsidionem fugiens in desertis
peste
interl.| fame
morietur qui autem prope
interl.| actus omni vento doctrine
gladio
interl.| hostium
corruet
interl.| divisus a fidei unitate
et qui relictus fuerit et obsessus
interl.| in urbe
fame
interl.| verbi Dei
morietur
interl.| ignorans eum qui dicit ego sum vita
et compleam indignationem meam in eis
interl.| in his omnibus
Numérotation du verset Ez. 6,13 
et scietis
interl.| qui supereritis
quia ego Dominus cum fuerint interfecti vestri
interl.| ab hostibus
in medio idolorum vestrorum
interl.| que colebant
in circuitu ararum vestrarum in omni colle excelso in cunctis summitatibus montium et subtus omne lignum nemorosum
interl.| lucos scilicet
et subtus universam quercum frondosam
interl.| ut ubi peccaverant ibi punierentur
locum ubi accenderunt tura redolentia universis
interl.| non Deo qui potest liberare
idolis suis
interl.| que non profuerunt eis
marg.| ET  SCIETIS etc. HIERONYMUS. Quando magistri hereticorum ab ecclesiasticis qui instructi sunt doctrina scripturarum contriti sunt atque superati videmus interfectos perversorum dogmatum iacere inter simulacra que finxerant de corde suo et eos qui se elevabant contra scientiam Dei stratos in montibus collibusque sub omni ligno nemoroso qui habebant verba pompatica umbramque foliorum et non poma bonorum operum qui erant sub omni quercu frondosa que non fert fructum hominum sed pecorum ubi accenderunt thura redolentia universis idolis suis quomodo enim sanctus odore suo Deum delectat sic peccator ex cuius persona dicitur: putruerunt et corrupte sunt cicatrices mee a facie insipientie #s mee accendit idolis suis thura fetentia.
Numérotation du verset Ez. 6,14 
et
interl.| tunc
extendam
interl.| ad ultionem
manum meam
interl.| hucusque contractam
super eos
interl.| hereticos
et faciam terram
interl.| ecclesiam eorum
desolatam et destitutam a deserto Deblatha
interl.| que est in terra Emath que nunc Epiphama vocatur
in omnibus habitationibus eorum
interl.| ut nihil sit inter solitudinem et mare magnum quod non hostilis mucro consumpserit
et scient quia ego Dominus.
marg.| A DESERTO  DEBLATHA. HIERONYMUS. Dablatha massam ficorum sonat caricarumque inter se compactarum ut postquam scilicet heretici in simulata dulcedine que non erat terre culte sed solitudinis amaritudinem repererint cognoscant quod #imperatore sit Dominus. Mel enim distillat de labiis meretricis quod ad tempus impinguat fauces vescentium et postea felle amarius reperitur. Hoc quoque significant duo calathi ficorum in Ieremia contra faciem templi unus ficorum optimarum unus pessimarum quorum alter ad ecclesiam refertur alter ad congregationem malignantium.
marg.| HIERONYMUS. Multi putant Deblatha et Reblatha idem esse propter similitudinem deleth et res hebraicarum litterarum que parvo apice distant.


Comment citer cette page ?
Martin Morard et alii, ed., Glossa ordinaria cum Biblia latina (Ez. Capitulum 6), in : Sacra Pagina, IRHT-CNRS, 2024. Consultation du 30/12/2024. (Permalink : https://gloss-e.irht.cnrs.fr/php/editions_chapitre.php?id=liber&numLivre=37&chapitre=37_6)
Signaler un complément d'information

Notes :