Hugo de Sancto Caro

Capitulum 8

Numérotation du verset 1Rg. 8,1 

Factum est autem cum senuisset Samuel,
posuit filios suos iudices super1 Israel.
1 super] om. Weber
Numérotation du verset 1Rg. 8,2 

Fuitque nomen filii eius primogeniti Ioel,
et nomen secundi Abia.
iudicum in Bersabe.
Numérotation du verset 1Rg. 8,3 

Et non ambulaverunt
filii illius in viis eius, sed declinaverunt post avaritiam, acceperuntque munera, et perverterunt iudicium.
Numérotation du verset 1Rg. 8,4 

Congregati ergo universi maiores natu Israel, venerunt ad Samuel in Ramatha.
Numérotation du verset 1Rg. 8,5 

Dixeruntque ei : Ecce tu senuisti,
et filii tui non ambulant in viis tuis, constitue nobis regem, ut iudicet nos, sicut et2 universe habent nationes.
2 et] om. Weber
Numérotation du verset 1Rg. 8,6 

Displicuitque sermo in oculis Samuelis, eo quod dixissent : Da nobis regem ut iudicet nos. Et oravit Samuel ad3 Dominum.
3 ad] om. Weber
Numérotation du verset 1Rg. 8,7 

Dixit autem Dominus ad Samuel : Audi vocem populi in omnibus que loquuntur tibi, non enim te abiecerunt,
sed me ne regnem super eos.
Numérotation du verset 1Rg. 8,8 

Iuxta omnia opera sua que fecerunt a die qua eduxi eos de Egypto usque ad diem hanc sicut dereliquerunt me et servierunt diis alienis sic etiam faciunt4 tibi.
4 sic etiam faciunt] sic faciunt etiam Weber
Numérotation du verset 1Rg. 8,9 

Nunc ergo audi vocem eorum, verumtamen contestare eos
et predic eis ius regis,
qui regnaturus est super eos.
Numérotation du verset 1Rg. 8,10 

Dixit itaque Samuel omnia verba Domini ad populum qui petierat a se regem.
Numérotation du verset 1Rg. 8,11 

Et ait : Hoc erit ius regis qui imperaturus est vobis, filios vestros tollet et ponet in curribus suis, facietque sibi equites et precursores quadrigarum suarum,
Numérotation du verset 1Rg. 8,12 

et constituet sibi tribunos,
et centuriones, et aratores agrorum suorum, messores5 segetum, et fabros armorum et curruum suorum.
5 suorum] + et Weber
Numérotation du verset 1Rg. 8,13 

Filias quoque vestras faciet sibi unguentarias, et focarias,
et panificas.
Numérotation du verset 1Rg. 8,14 

Agros quoque vestros, et vineas, et oliveta optima tollet, et dabit servis suis.
Numérotation du verset 1Rg. 8,15 

Sed et segetes vestras et vinearum
reditus addecimabit, ut et6 det eunuchis et famulis suis.
6 et] om. Weber
Numérotation du verset 1Rg. 8,16 

Servos etiam vestros, et ancillas, et iuvenes optimos, et asinos auferet et ponet in opere suo.
Numérotation du verset 1Rg. 8,17 

Greges quoque7 vestros addecimabit, vosque eritis ei servi.
7 quoque] om. Weber
Numérotation du verset 1Rg. 8,18 

Et clamabitis in die illa a facie regis vestri8 et non exaudiet vos Dominus in die illa quia petistis vobis regem9.
8 vestri] + quem elegistis vobis Weber |
9 quia petistis vobis regem Σ Rusch Clementina ] om. Weber |
Numérotation du verset 1Rg. 8,19 

Noluit autem populus audire vocem Samuelis10 sed dixerunt : Nequaquam
10 Samuelis Σ Rusch Clementina ] Samuhel Weber
rex enim erit super nos,
Numérotation du verset 1Rg. 8,20 

et erimus nos quoque sicut omnes gentes, et iudicabit nos rex noster et egredietur ante nos et pugnabit bella nostra pro nobis.
Numérotation du verset 1Rg. 8,21 

Et audivit Samuel omnia verba populi et locutus est ea in auribus Domini.
Numérotation du verset 1Rg. 8,22 

Dixit autem Dominus ad Samuelem11 : Audi vocem eorum et constitue super eos regem. Et ait Samuel ad viros Israel : Vadat unusquisque in civitatem suam.
11 ad Samuelem Λ D Φ Rusch Clementina ] ad Samuhel Weber

Capitulum 8

Numérotation du verset 1Rg. 8,1 
marg.| {l} Factum est autem] Quarta pars huius libri, ubi agitur de promotione Saulis in Regem. Cum enim Samuel senuisset, prefecerat duos filios suos iudices in Israel : Alterum in Bethlehem, alterum in Bersabee, ut dicit IOSEPHUS, et HIERONYMUS, et Rabanus. Ipsi autem sequentes avaritiam, perverterunt iudicia. Quod non sustinens populus, postulavit Regem a Samuele, sicut habebant, et cetere nationes. Et vellet, nollet Samuel, permittente Domino obtinuerunt Saulem in Regem. Qui quomodo factus fuerit Rex, determinatur in hoc capitulo.
marg.| {m} Cum senuisset Samuel] etc. GLOSSA quia etate, et curis gravatus, solemnia celebrare non poterat.
marg.| {n} Et non] etc. GLOSSA quia pro munere opprimebant iustitiam, ad epulas, pretiosaque convivia declinantes.
marg.| {o} Et perverterunt iudicium] Contra legem facientes, Dt. 16.d. Non accipias personam in iudicio, nec munera, quia munera excecant oculos sapientum, mutantque verba iustorum.
marg.| {p} Ecce tu] etc. quasi dicat etate defecisti, et rebus preesse non potes.
marg.| {q} Sermo] quo regem postulaverunt, non quo filios respuebant.
marg.| {r} Audivi] <GLOSSA> INTERLINEARIS vel audi.
marg.| {s} Non enim te] etc. Qui vos spernit, me spernit. Simile Act. 5.a. Non estis mentiti hominibus, sed Deo : Et Ex. 20.
marg.| {t} Eduxi eos] etc. Ex. 12.
marg.| {u} Nunc ergo audi] etc. id est concede eis, quod habeant regem.
marg.| {x} Ius Regis] GLOSSA Exactionem, et dominationem, etc.
marg.| {y} Et ponet in curru] etc. id est faciet aurigas suos, sive quadrigarios, sive rhedarios.
Numérotation du verset 1Rg. 8,12 
marg.| {z} Tribunos] GLOSSA id est Iudices. Nota, tribunus, et centurio sunt nomina dignitatum : Numerantur autem inter angarias, et exactiones, et servitutes, quia dignitatis prelatio humili servitio angaria est : Et etiam omnis prelatio terrena, servitus est in se : Unde et Papa vocat se servum servorum. a   Aratores agrorum suorum, et messores segetum] etc. id est bubulcos.
Numérotation du verset 1Rg. 8,13 
marg.| {1. 225ra}{a} Unguentarias] id est conficientes unguenta.
marg.| {b} Focarias] id est coquinarias.
Numérotation du verset 1Rg. 8,14 
prol.| [sine postilla]
Numérotation du verset 1Rg. 8,15 
marg.| {c} Vinearum] etc. que redeunte anno vinee proferunt.
marg.| {d} Addecimabit] id est iuxta decimam terragium sibi tollet. Quidam dicunt, quod hoc est ius Regis, et propter hoc faceret Rex sine peccato. Sed audiant ius Regis quod describitur Dt. 17.d. sic. Cum fuerit Rex constitutus : non multiplicabit sibi equos, non reducet populum in Egyptum equitatus numero sublevatus, non habebit uxores plurimas, neque argenti, et auri immensa pondera : Describet sibi Deuteronomium legis, legetque illum omnibus diebus vite sue, ut discat timere Deum, nec elevetur cor eius in superbiam super fratres suos, neque declinet in partem dexteram, neque in sinistram.
marg.| {e} Eunuchis] id est custodibus thalami Regis, vel puellarum.
marg.| {f} Clamabitis] oppressi ab eo.
marg.| {g} In die illa] quando erit Rex super vos.
marg.| {h} Non exaudiet] ut liberet.
marg.| {i} Nequaquam] scilicet audiemus te.
marg.| {k} Et audivit] id est concessit eis habere Regem.
marg.| {l} Audi vocem eorum] Iratus dixit hoc Dominus : Non enim ex animo, sed quasi per extorsionem dedit Regem. Unde Os. 13.c. Dabo tibi Regem in furore meo, etc.
marg.| {m} Vadat] GLOSSA donec indicet Dominus, quid faciamus.


Comment citer cette page ?
Martin Morard, ed., Hugo de Sancto Caro. Postilla in totam Bibliam (1Rg. Capitulum 8), in : Sacra Pagina, IRHT-CNRS, 2024. Consultation du 06/05/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=12&chapitre=12_8)
Signaler un complément d'information

Notes :