Glossae Scripturae Sacrae-electronicae (Gloss-e)

Numérotation du verset Prv. 20,1

Luxuriosa res vinum¹ et tumultuosa ebrietas.

Quicumque his delectatur non erit sapiens.

¹ Luxoriosa res vinum Ω^J Rusch Weber etc. ] illusor vinum Cor3 (he.), derisor vinum Montano ( Ed1609 )

Numérotation du verset Prv. 20,2

Sicut rugitus leonis

ita et² terror regis qui provocat eum peccat in

animam suam.

² et Cava X Σ^T² Q² etc. Y Φ Z S² Γ Ψ^D Ω ^M Ω ^F Ω^S Ω^J Ω^L Ω^P Ω^R edd. Rusch ] om. Weber

Numérotation du verset Prv. 20,3

Honor est homini qui separat se a contentionibus, omnes autem stulti miscentur contumeliis.

Numérotation du verset Prv. 20,4

Propter frigus

piger arare noluit,

mendicabit ergo³ estate⁴

et non dabitur ei⁵.

³ ergo Ω ^M Ω ^F Ω^S Ω^J Ω^L Ω^P Rusch Weber ] autem Σ Θ, om. X

⁴ estate Ω^S Ω ^F Ω^J Ω^L Rusch Weber ] in praem. Ω ^M, egestate Ω^P

⁵ ei Ω Rusch Weber ] illi Ed1544 Clementina

Numérotation du verset Prv. 20,5

Sicut aqua profunda sic consilium in corde viri sed homo sapiens exhauriet illud.

Numérotation du verset Prv. 20,6

Multi homines misericordes vocantur,

virum autem fidelem quis inveniet.

Numérotation du verset Prv. 20,7

Iustus autem⁶ qui ambulat in simplicitate sua, beatos post se filios derelinquet.

⁶ autem Q Θ S² Ω ^M Ω ^F Ω^S Rusch ] om. Ω^J Ω^L Ω^P Ed1455 Weber

Numérotation du verset Prv. 20,8

Rex qui sedet in solio iudicii

dissipat omne malum intuitu suo⁷.

⁷ intuitu s. Ω ^M Ω^J Ω^S ² Ω^L Ω^P Ω^R] in praem. Cava Q² Θ T² S* Γ^A² Ω ^F Ω^J* ( cancel. ) Ed1455

Numérotation du verset Prv. 20,9

Quis potest dicere mundum est cor meum, purus sum a peccato ?

Numérotation du verset Prv. 20,10

Pondus et pondus mensura et mensura utrumque abominabile est apud Deum.

Numérotation du verset Prv. 20,11

Ex studiis suis intelligitur⁸ puer si munda et⁹ recta sunt¹⁰ opera eius.

⁸ intelligitur Cor3 (vel hebr.) Ω ^M Ω^L Ω^P Rusch Ed1455 ] intelligetur Cor3 (moderni hebr.) Ω^S Ω ^F Ω^J Ω^R, intellegitur Weber , intelligatur Cor3 (Beda antiq.)

⁹ et plerique codd. Ω ^M Ω ^F Ω^S Ω^J Ω^P Ω^R Rusch Ed1455 ] + si Cava Σ Π^H Amiatinus L M D Q Θ^H*A Z* T S* Γ Ω^L Weber

¹⁰ sunt Σ Γ^M Ω^SF Ω Ω^J Ω^L Ω^P Ω^R Rusch ] sint plerique codd. Ω ^M Ed1455 Weber

Numérotation du verset Prv. 20,12

Aurem audientem

{Erfurt, t. 3, f. 13va ; facsim., t. 2, p. 678a} et oculum videntem

Dominus fecit utrumque¹¹.

¹¹ D. f. - u. Ω ^M Ω ^F Ω^{S LP}] inv. Ω Ω^J, fecit Dominus utrumque Ω^R

Numérotation du verset Prv. 20,13

Noli diligere somnum

ne te egestas opprimat.

Aperi oculos tuos

et saturare panibus.

Numérotation du verset Prv. 20,14

Malum est, malum est dicit omnis emptor et cum recesserit tunc gloriabitur.

Numérotation du verset Prv. 20,15

Est¹² aurum et multitudo gemmarum et vas¹³ pretiosum labia scientie.

¹² Est plerique codd. Cor3 (hebr. antiq.) Ω ^M Ω ^F Ω^J Ω^R* Rusch Weber ] om. Amiatinus L* Y Φ Z² S² Cor2 (Beda antiq.) Cor3 (Beda aliqui antiq.) Ω^S Ω^J Ω^L Ω^P Ω^R²

¹³ et vas Amiatinus Q Y Φ^RG Z² S² Ψ^D Cor2 Ω ^M Ω ^F Ω^S Ω^L Ω^P Ω^R Rusch Clementina ] vas autem Weber

Numérotation du verset Prv. 20,16

Tolle vestimentum eius qui fideiussor extitit alieni et pro extraneis aufer pignus ab eo.

Numérotation du verset Prv. 20,17

Suavis est homini panis mendacii et postea implebitur os eius calculo.

Numérotation du verset Prv. 20,18

Cogitationes consiliis roborantur¹⁴ et gubernaculis tractanda sunt bella

¹⁴ roborantur Cor3 (moderni ) Ω ^M Ω ^F Ω^S Ω^J Ω^L Ω^P Rusch Weber ] roborabuntur Q² Y Φ Z² S² Cor2=Cor3 (antiq.) Ω^R

Numérotation du verset Prv. 20,19

ei¹⁵ qui revelat mysteria

et ambulat fraudulenter et dilatat labia sua

ne commiscearis.

¹⁵ ei Ω^S Ω ^F Ω^J Ω^L Ω^P Ω^R Rusch Weber ] et X Π^H* Θ^H*A T S* Ω ^M*^?

Numérotation du verset Prv. 20,20

Qui maledicit patri suo et¹⁶ matri extinguetur lumen¹⁷ eius in mediis tenebris.

¹⁶ et Ω^S Ω ^F Ω^J Ω^L Ω^P Ω^R Rusch Weber ] aut Ω ^M (hapax)

¹⁷ lumen Ω^S Ω ^F Ω^J Ω^R Ed1455 Rusch ] lucerna Cor2 (iuxta hebr. et antiq.) Cor3 (hebr. antiq.) Ω ^M Ω^L Ω^P Weber

Numérotation du verset Prv. 20,21

Hereditas ad quam festinatur in principio, in novissimo benedictione carebit.

Numérotation du verset Prv. 20,22

Ne dicas reddam malum pro malo¹⁸ ^a, exspecta Dominum et liberabit te.

^a Cf. Rm. 12, 17 ; 1Th. 5, 15 ; 1Pt. 3, 9.

¹⁸ pro malo G² Π^H L M D Q Y Θ T² S Γ Ψ^D Cor3 (plures antiq. habent et moderni) Ω^S Ω ^F Ω^J Ω^P Ω^R Ed1455 Ed1530 Rusch ] pro bono Ω ^M, om. Cor2 (hebr. et antiq.) Cor3 (Beda hebr. non habent) Ω^L Weber

Numérotation du verset Prv. 20,23

Abominatio est apud Deum¹⁹ pondus et pondus, statera dolosa non est bona.

¹⁹ Deum G Cava Σ Γ^A Ψ^D Ω^S Ω ^F Ω^J Ω^P Ω^R Ed1455 Rusch Weber ] Dominum cett. Cor2 (hebr. et antiq.) Cor3 (hebr. antiq.) Ω ^M Ω^L cum hebr. LXX

Numérotation du verset Prv. 20,24

A Domino

diriguntur gressus

viri,

quis autem hominum potest intelligere²⁰ {Erfurt, t. 3, f. 13vb ; facsim., t. 2, p. 678b} viam suam ?

²⁰ p. i. Ω^S Ω ^F Ω^J Ω^R Rusch ] inv. Ω ^M Ω^L Ω^P Weber

Numérotation du verset Prv. 20,25

Ruina est homini devotare²¹ sanctos et post vota retractare²².

²¹ homini plerique codd. Ω ^M Ω^P Ed1455 Rusch cum LXX ] hominis G Cava X Π^H Amiatinus L Q Y T Ω ^M Ω ^F Ω^J Ω^L Ω^S Ω^R Weber | devotare Ω ^M Ω ^F Ω^S Ω^J Ω^R Ed1455 Rusch ] devorare Cor1 (quidam hebr. sic exponunt devotare ... sed Beda et antiq. et quidam hebr. sic habent devorare) Cor2 (iuxta hebr. et antiq.) Cor (hebr. antiq.), Ω^R (vel) Ω^L* Weber, devo[*]are Ω^L², devovere Ω^P, + antiqui habent devotare, he. devotare .i. vovere et non solvere marg. Ω^R²

²² vota retractare Cor3 (moderni) Ω ^M Ω ^F Ω^S ² Ω^J Ω^P Ed1455 Rusch Clementina ] vota tractare Cor1 (Beda et antiq.) Cor2 (iuxta hebr. et antiq.) Cor3 (Beda antiq.) Ω ^F* Ω^R Weber , + Beda : ruinam homini devorare sanctos et post vota retractare marg. Ω^R²

Numérotation du verset Prv. 20,26

Dissipat impios rex sapiens et incurvat²³ super eos fornicem.

²³ incurvat Φ Γ^M Ψ^D Ω ^M Ω ^F Ω^S Ω^J Ω^L Ω^P Ω^R Rusch edd. ] curvat Weber

Numérotation du verset Prv. 20,27

Lucerna Domini spiraculum hominis que²⁴ investigat omnia secreta ventris.

²⁴ que Ω ^M Ω ^F Ω ^J2 Ω^L Ω^P Ω^R Rusch Weber ] qui Y Ω^S Ω^J*

Numérotation du verset Prv. 20,28

Misericordia et veritas custodiunt regem et roboratur clementia thronus eius.

Numérotation du verset Prv. 20,29

Exultatio iuvenum fortitudo eorum et dignitas senum canities.

Numérotation du verset Prv. 20,30

Livor vulneris absterget²⁵ mala et plage in secretioribus ventris²⁶.

²⁵ absterget] –git Ω ^M (hapax)

²⁶ et] si Ω ^M (hapax) | secretionibus] obsecrationibus Ed1455 (hapax)

<28. Liber Proverbiorum seu Parabolae Salomonis**>

Capitulum 20