Hugo de Sancto Caro

Capitulum 44

Numérotation du verset Ier. 44,1 

Verbum quod factum est ad Ieremiam et1 ad omnes Iudeos qui habitant in terra Egypti habitantes in Magdalo2
1 et] om. Weber |
2 Magdalo] Magdolo Weber |
et in Taphnis
et in Memphis et in terra Fatures
dicens:
Numérotation du verset Ier. 44,2 

Hec dicit Dominus exercituum Deus Israel: vos vidistis omne malum istud quod adduxi super Hierusalem et super omnes urbes Iuda et ecce sunt deserte hodie et non est in eis habitator
Numérotation du verset Ier. 44,3 

propter malitiam quam fecerunt ut me ad iracundiam provocarent et irent et sacrificarent et colerent deos alienos quos nesciebant et illi et vos et patres vestri
Numérotation du verset Ier. 44,4 

et misi ad vos omnes servos meos prophetas
de nocte consurgens mittensque et dicens nolite facere verbum abominationis huius quam odi
Numérotation du verset Ier. 44,5 

et non audierunt nec inclinaverunt aurem suam ut converterentur a malis suis et non sacrificarent diis alienis
Numérotation du verset Ier. 44,6 

et conflata est indignatio mea et furor meus et succensa est in civitatibus Iuda et in plateis Hierusalem et verse sunt in solitudinem et vastitatem secundum diem hanc
Numérotation du verset Ier. 44,7 

et nunc hec dicit Dominus exercituum Deus Israel quare vos facitis malum grande contra animas vestras ut intereat ex vobis vir et mulier parvulus et lactans de medio Iude nec relinquatur vobis quicquam residuum
Numérotation du verset Ier. 44,8 

provocantes me in operibus manuum vestrarum sacrificando diis alienis in terra Egypti in quam ingressi estis ut habitetis ibi et dispereatis et sitis in maledictionem et in opprobrium cunctis gentibus terre
Numérotation du verset Ier. 44,9 

numquid obliti estis mala patrum vestrorum et mala regum Iuda et mala uxorum eius et mala vestra et mala uxorum vestrarum que fecerunt in terra Iuda et in regionibus Hierusalem
Numérotation du verset Ier. 44,10 

non sunt mundati usque ad diem hanc et non timuerunt et non ambulaverunt in lege et in preceptis meis que dedi coram vobis et coram patribus vestris
Numérotation du verset Ier. 44,11 

ideo hec dicit Dominus exercituum Deus Israel ecce ego pono faciem meam in vobis in malum et disperdam omnem Iudam
Numérotation du verset Ier. 44,12 

et assumam reliquias Iude qui posuerunt facies suas ut ingrederentur terram Egypti et habitarent ibi et consumentur omnes in terra Egypti cadent in gladio et in fame consumentur a minimo usque ad maximum in gladio et in fame morientur et erunt in iusiurandum et in miraculum et in maledictionem et in opprobrium
Numérotation du verset Ier. 44,13 

et visitabo habitatores terre Egypti sicut visitavi super Hierusalem in gladio et in fame et in peste
Numérotation du verset Ier. 44,14 

et non erit qui effugiat et sit residuus de reliquiis Iudeorum qui vadunt ut peregrinentur in terra Egypti et revertantur in terram Iuda ad quam ipsi elevant animas suas ut revertantur et habitent ibi non revertentur nisi qui fugerint
Numérotation du verset Ier. 44,15 

responderunt autem Ieremie omnes viri scientes quod sacrificarent uxores eorum diis alienis et universe mulieres quarum stabat multitudo grandis et omnis populus habitantium in terra Egypti in Fatures dicens
Numérotation du verset Ier. 44,16 

sermonem quem locutus es ad nos in nomine Domini non audiemus ex te
Numérotation du verset Ier. 44,17 

sed facientes faciemus omne verbum quod egreditur de ore nostro ut sacrificemus Regine celi
et libemus ei libamina sicut fecimus nos et patres nostri reges nostri et principes nostri in urbibus Iuda et in plateis Hierusalem et saturati sumus panibus et bene nobis erat malumque non vidimus
Numérotation du verset Ier. 44,18 

ex eo autem quo cessavimus sacrificare Regine celi et libare ei libamina indigemus omnibus et gladio et fame consumpti sumus
Numérotation du verset Ier. 44,19 

quod si nos sacrificamus Regine celi et libamus ei libamina numquid sine viris nostris fecimus ei placentas ad colendum eam et liba libandi
Numérotation du verset Ier. 44,20 

et dixit Ieremias ad omnem populum adversum viros et adversum mulieres et adversum universam plebem qui responderant ei verbum dicens
Numérotation du verset Ier. 44,21 

numquid non sacrificium quod sacrificastis in civitatibus Iuda et in plateis Hierusalem vos et patres vestri reges vestri et principes vestri et populus terre horum recordatus est Dominus et ascendit super cor eius
Numérotation du verset Ier. 44,22 

et non poterat Dominus ultra portare propter malitiam studiorum vestrorum et propter abominationes quas fecistis et facta est terra vestra in desolationem et in stuporem et in maledictum eo quod non sit habitator sicut est dies hec
Numérotation du verset Ier. 44,23 

propterea quod sacrificaveritis idolis et peccaveritis Domino et non audieritis vocem Domini et in lege et in preceptis et in testimoniis eius non ambulaveritis idcirco evenerunt vobis mala hec sicut est dies hec
Numérotation du verset Ier. 44,24 

dixit autem Ieremias ad omnem populum et ad universas mulieres audite verbum Domini omnis Iuda qui estis in terra Egypti
Numérotation du verset Ier. 44,25 

hec inquit Dominus exercituum Deus Israel dicens vos et uxores vestre locuti estis ore vestro et manibus vestris implestis dicentes faciamus vota nostra que vovimus ut sacrificemus Regine celi et libemus ei libamina implestis vota vestra et opere perpetrastis ea
Numérotation du verset Ier. 44,26 

ideo audite verbum Domini omnis Iuda qui habitatis in terra Egypti ecce ego iuravi in nomine meo magno ait Dominus quia nequaquam ultra nomen meum vocabitur ex ore omnis viri iudei dicentis vivit Dominus Deus in omni terra Egypti
Numérotation du verset Ier. 44,27 

ecce ego vigilabo super eos in malum et non in bonum et consumentur omnes viri Iuda qui sunt in terra Egypti gladio et fame donec penitus consumantur
Numérotation du verset Ier. 44,28 

et qui fugerint gladium revertentur de terra Egypti in terram Iuda viri pauci et scient omnes reliquie Iuda ingredientium terram Egypti ut habitent ibi cuius sermo compleatur meus an illorum
Numérotation du verset Ier. 44,29 

et hoc vobis signum ait Dominus quod visitem ego super vos in loco isto ut sciatis quia vere complebuntur sermones mei contra vos in malum
Numérotation du verset Ier. 44,30 

Hec dicit Dominus: Ecce ego tradam pharaonem Ephree regem Egypti in manu inimicorum eius et in manu querentium animam illius sicut tradidi Sedechiam regem Iuda in manu Nabuchodonosor regis Babylonis inimici sui et querentis animam eius

Capitulum 44

Numérotation du verset Ier. 44,1 
marg.| Verbum quod factum est. Prius redarguit propheta Iudeos, qui descenderunt in Egyptum contra mandatum Domini : Hic autem arguit eos de mala conversatione in Egypto, ubi idola coluerunt, propter quod comminationem Domini aggravat super eos. Et dividitur hoc capitulum in tres partes. Primo, increpat eos de cultu idolorum. Secundo, ponit superbam populi responsionem, ibi :   Responderunt autem. Ter tio determinat eorum penam propter superbam eorum responsionem, ibi :   Et dixit Ieremias. Dic it ergo.
marg.| {d} Verbum quod factum est etc.   in Magdalo civi tas Egypti ante transitum maris rubri, que fuit quarta mansio filiorum Israel in exitu de Egypto, ut dicitur Ex. 14.a.
marg.| {e} Et in Thannis simi liter urbs est Egypti. Is. 30.a. Ierant in Thannis Principes tui.
marg.| {f} Et in terra Phatures. <Glossa> interlinearis Regio est Egypti. Sed contra Ez. 30.d. Disperdam terram Phatures ibi Inter. civitas est Egypti. Sol. Utrunque verum est.
Numérotation du verset Ier. 44,mystice 
marg.| Mystice hic notat quatuor vitia. In Magdalo quod interpretatur turris superbia, turris enim alta est. Is. 2.c. Dies Domini super omnem turrim excelsam. Thannis quod interpretatur mandatum humile, est avaritia, que dat humile mandatum, scilicet amare temporalia. Ps. 16. Oculos suos statuerunt declinare in terram. Memphis quod interpretatur ex ore, est gula. Os. 9.a. Egyptus congregabit eos, Memphis sepeliet eos. Phatures quod interpretatur, decepti conculcatio, est luxuria, que deceptum hominem conculcat. Eccles. 9.b. Omnis mulier, que est fornicaria, quasi stercus in via omnibus pretereuntibus conculcabitur. Is. 51.g. Posuisti corpus tuum quasi terram et quasi viam transeuntibus. Talibus fit sequens comminatio.
marg.| {g} Vos vidistis omne malum etc.   ideo gravius est peccatum vestrum.
marg.| {h} Et non est in eis habitator etc.   Per urbes Iuda, claustra ; per Hierusalem Ecclesia, que omnia fere sunt deserta absque habitatore.
marg.| {i} Ut me ad iracundiam provocarent. Is. 30.b. Populus ad iracundiam provocans est. Iob. 36. Simulatores et callidi provocant iram Dei.
marg.| {k} Et irent ad P hana idolorum.
marg.| {l} Et sacrificarent idolis ] {m}   Quos nesciebant quia inde nullam utilitatem percipiebant.
marg.| {n} Et dimisi ad vos etc.   de nocte consurgens in P rophetis.
marg.| {o} Dicens per Prophetas.
marg.| {p} Nolite facere verbum abominationis huiuscemodi id est nolite esse idololatre.
marg.| {q} Et non audierunt obed iendo. sup. 32.f. Iuda et habitatores Hierusalem {4. 263rb} verterunt ad me terga et non facies, cum docerem eos diluculo. Za. 7.c. Noluerunt attendere et averterunt scapulam recedentes et aures suas aggravaverunt, ne audirent.
marg.| {r} Et conflata est indignatio mea quia nullum peccatum relictum est impunitum in eis. Vel indignatio tunc conflatur, cum pena temporalis irrogatur ad purificationem. Mal. 3.a. Sedebit conflans et emundans argentum. Sed quandoque fit inutilis conflatio propter argenti malitiam. Unde supra 6.b. Defecit sufflatorium, in igne consumptum est plumbum, frustra conflavit conflator, malitie eorum non sunt consumpte, argentum reprobum vocate eos. Item conflabuntur in futuro reprobi, quando pro omnibus peccatis suis punientur. Iob. 20.c. Luet, que fecit, omnia : nec tamen consumetur, iuxta multitudinem adinventionum suarum sic et sustinebit.
marg.| {s} Et succensa est etc. id est Ecclesiis claustralium.
marg.| {t} Secundum diem hanc id est sicut hodie apparet.
marg.| {u} Et nunc hec dicit dominus exercituum qui timendus est.
marg.| {x} Deus Israel qui honorandus.
marg.| {y} Quare vos facitis malum id est si ego Dominus, ubi timor meus ? si ego pater, ubi amor meus ? Hec duo sepe nominantur simul, ut per unum revocet a malo, per aliud invitet ad bonum.
marg.| {z} Contra animas vestras. Und e Ps. 10. Qui diligit iniquitatem, odit animam suam. Tb. 12.c. Qui faciunt peccatum et iniquitatem, hostes sunt anime sue.
marg.| {a} Ut intereat ex vobis vir Prel atus, vel spiritus.
marg.| {b} Et mulier subd itus, vel caro.
marg.| {c} Parvulus invi dus. Iob. 5.a. Parvulum occidit invidia. Vel, id est Diabolus.
marg.| {d} Et lactens magi ster, vel adulator. Prv. 1.b. Si te lactaverint peccatores, ne acquiescas eis. Lam. 4.a. Lamie nudaverunt mammam, lactaverunt catulos suos. Filia populi mei crudelis, quasi struthio in deserto.   Provocantes me id est quia provocastis me.
marg.| {f} Sacrificando diis alienis in terra Egypti ). Ecce mala conversatio in Egypto.
marg.| {g} Ut habitetis ibi. Apc . 8.d. Ve, ve, ve habitantibus in terra.
marg.| {h} Et sitis in maledictionem illa m. Mt. 25.d. Ite maledicti in ignem eternum.
marg.| {i} Et in opprobrium. De quo sup. 20.d. Confundantur vehementer, quia intellexerunt opprobrium sempiternum quod numquam delebitur.
marg.| {k} Numquid obliti estis mala patrum vestrorum scilicet culpe et pene.
marg.| {l} Que fecerunt in terra Iuda quasi , vidistis qualiter propter peccata sua puniti sunt, nec tamen timuistis peccare et ideo gravius peccavistis. Unde Gn. 4.d. dixit Lamech ; Quoniam occidi virum in vulnus meum et adolescentulum in livorem meum, septuplum ultio dabitur de Caim, de Lamech vero septuagies septies.
marg.| {m} Non sunt mundati usque ad diem hanc. Hoc dicitur de illis, qui diu in fecibus peccatorum remanent. Unde supra 13.d. Ve tibi, Hierusalem, non mundaberis post me usquequo adhuc ? Os. 8.b. Usquequo non poterunt emundari, quia ex Israel et ipse est. Clerici enim et tardius penitent et audacius peccant. sup. 30.b. Insanabilis fractura tua, pessima plaga tua, non est, qui iudicet iudicium tuum, ad alligandum curationem tuam, utilitas non est tibi.4.263va} Ez. 23.c. Multo labore sudatum est et non exivit ex ea nimia rubigo eius, neque per ignem : immunditia tua execrabilis est, quam mundare te volui et non est mundata a sordibus tuis.
marg.| {a} Et non timuerunt nequ e mortem, neque iudicium futurum, quia si timuissent, in lege Domini ambulassent. Unde Ps. 1. Beatus vir etc.   Eccl . 15.a. Qui timet Dominum, faciet bona. Ideo autem multi modo non timent, quia statim non puniuntur. Eccles. 8.b. Quia non profertur cito contra malos sententia, absque timore ullo filii hominum perpetrant mala.
marg.| {b} Et non ambulaverunt in lege Domini quoa d cerimonialia.
marg.| {c} Et in preceptis quoa d moralia.
marg.| {d} Que dedi coram vobis etc.   Ex. 20. et 21.
marg.| {e} Ideo hec dicit Dominus etc.   Ecce ponam faciem meam in vobis in malum Ps. 33. Vultus autem Domini super facientes mala.
marg.| {f} Et assumant reliquias Iude ad p uniendum, scilicet vel consumam.
marg.| {g} Qui posuerunt facies suas, ut ingrederentur terram Egypti. Non sic Dominus, qui habebat faciem eundi in Hierusalem, ut dicitur Lc. 9.f.
marg.| {h} Et habitarent ibi etc.   Ire in mundum non est malum, sed malum est ibi habitare, maxime viro Iuda, id est viro religioso.
marg.| {i} Et cadent in gladio pecc ati quod separat animam a Deo. Is. 59.a. Iniquitates vestre diviserunt inter vos et Deum vestrum.
marg.| {k} Et in fame defe ctu spiritualium. Vel per hec duo transgressio et omissio.
marg.| {l} Et erunt in iusiurandum id est in confirmationem iuramenti quod dicetur, si hoc fecero, sic accidat mihi, ut istis accidit.
marg.| {m} Et in miraculum stup oris, vel admirationis.
marg.| {n} Et in maledictionem quia dicitur pro maledictione, sic accidat mihi, vel illi, ut Iudeis accidit.
marg.| {o} Et in opprobrium quia eis improperabitur quod propter peccata sua ita afflicti sunt.
marg.| {p} Et visitabo super etc.   sicut visitavi super Hierusalem. Si enim Dominus ita graviter bonos flagellat, qui per Hierusalem intelliguntur, quanto magis malos flagellabit, qui per Egyptum ? Unde supra 25.f. Ecce in civitate, in qua invocatum est nomen meum, ego incipio affligere et vos quasi innocentes et immunes eritis ? Non eritis immunes. 1Pt. 4.b. Tempus est, ut incipiat iudicium a domo Dei. Si autem primum a nobis, quis finis eorum, qui non credunt Dei Evangelio ? Is. 20.a. Sicut ambulavit servus meus Isaias nudus et discalceatus, trium annorum signum erit super Egyptum.
marg.| {q} In gladio pecc ati.
marg.| {r} Et fame defe ctu boni. Os. 4.b. Fornicati sunt et non sunt satiati ibi Glossa Iniquitas nulla substantia est et ideo satiari non potest, sed ventres devorantium vacuos reliquit et sui famem generat.
marg.| {s} Et peste pern icie mali exempli. Unde quantum ad litteram ad istos, qui descendunt in Egyptum contra Dei consilium, dicitur. Is. 30.b. Onus iumentorum Austri in terra tribulationis et angustie, id est latissima eremi vastitate, per quam transierunt ille reliquie Iudeorum Egyptum, Leena et Leo ex eis, id est Hierusalem et populus eius secundum illud Numeri 23.d. Ecce populus ut Leena consurget et quasi Leo erigetur, scilicet contra Deum et Prophetas non accubabit, donec devoret predam et sanguinem occisorum bibat. Et ex eis Vipera et Regulus volans, quia de malis parentibus peiores generati sunt filii portantes super humeros iumentorum divitias {4. 263vb} suas et super gibbum Camelorum thesauros suos ad populum, qui eis prodesse non poterit : Egyptus enim frustra et vane auxiliabitur.
marg.| Mystice autem per istos, qui vadunt in Egyptum peregrinari, ut hic dicitur et postea volunt in Iudeam reverti. Unde dicit.
marg.| {t} Ad quam ipsi elevant etc.   desi gnantur multi, qui in iuventute volunt in peccatis morari et in senectute proponunt ad Iudeam, id est ad confessionem et penitentiam reverti, volentes bene mori, sed nolentes bene vivere, dicentes cum Balaam. Nm. 23.b. Moriatur anima mea morte iustorum et fiant novissima mea horum similia. Tales orant Dominum, ut det eis bonam mortem et non bonam vitam : Orantes etiam non vellent statim exaudiri. Qualis fuit. Augustinus ut dicit in lib. Confessionum : Dixeram : Domine da mihi castitatem, sed non modo. Timebam enim ne me cito exaudires. Hi volunt quod Dominus exspectet eos, non ipsi Dominum. Unde Is. 28.c. Erit verbum Domini : Manda remanda, exspecta reexspecta, modicum ibi, modicum ibi : Cum enim satisfactionem et emendationem promittunt, quid aliud quam manda remanda, exspecta reexspecta, clamant modicum in uno peccato, modicum in alio ? Augustinus in libro Confessionum. Non erat, quid tibi responderem, dicenti mihi : Surge, qui dormis et exurge a mortuis, veritate convictus, nisi tantum verba lenta et somnolenta, modo ecce modo, sine paululum, sed modo et modo non habebat modum et sine paululum ibat in longum, iactabam voces miserabiles cras et cras, quare non modo, quare non hac hora finis turpitudinis mee ? Sed tales vix veniunt ad penitentiam. Unde Is. 28. sequitur : Ut vadant et cadant retrorsum et conterantur et illaqueentur et capiantur.
marg.| {u} Non revertentur illuc nisi, qui fugerint scilicet de Egypto. Sic non redeunt ad veram confessionem nisi, qui mundum fugerint. 51.e. Egredimini de medio Babylonis populus meus, ut salvet unusquisque animam suam ab ira furoris Domini.
marg.| {x} Phatures civi tas est, vel regio Egypti.
marg.| {y} Dicentes : Sermonem, quem locutus es etc.   non audiemus ex te quasi ab alio audiemus. Et hoc, quia oderant eum. Gregorius : Difficile est, ut quantumlibet recta denuntians Predicator, qui non diligitur, libenter audiatur. Unde Am.. 5.c. Odio habuerunt corripientem in porta.
marg.| {z} Ut sacrificemus Regine celi id est Lune, vel Iunoni, que fuit soror Iovis, vel Berecinthye, que Saturni uxor et mater Deorum dicitur.
marg.| {a} Sicut fecimus nos et Patres nostri etc.   Malu m enim exemplum Prelati multos ad malum provocat. Seneca, Summa malorum quod ad exemplum vivitur : istis sunt similes, qui nullo modo volunt dimittere consuetudines suas et predecessorum suorum, etsi sint contra Deum. Gal. 1.c. Abundantius emulator existens paternarum mearum traditionum.
marg.| {b} Malumque vidimus quasi Demones et non Deus eis hec bona fecissent. Omnes enim dii gentium Demonia.
marg.| {c} Ex eo autem tempore etc.   Ecce quomodo isti obliti sunt benefactorum Dei et mirabilium eius, que ostendit eis, scilicet quando manna de celo dedit eis et panem Angelorum dedit eis et cibaria misit eis in abundantia et eiecit a facie eorum gentes et sorte divisit eis terram etc.   sed tentaverunt et acerbaverunt Deum {4. 264ra} excelsum et testimonia eius non custodierunt et averterunt se et non servaverunt pactum etc.   Et i deo audivit Deus et sprevit et ad nihilum redegit valde Israel etc.   Eo tempore, quo cessavimus Sic ad litteram sepe accidit quod quam cito aliquis ad penitentiam convertitur, incipit affligi et tribulari, cum prius esset in prosperitate et pace. Unde Is. 39.c. Qui recessit a malo prede patuit.
Numérotation du verset Ier. 44,moraliter 
marg.| {a} Regine celi Regi na celi est Beat. Virg. cui qui servire desistit, patitur penuriam omnis boni, qui autem humiliter ei servit, abundat omni bono. Ipsa enim optime procurat familiam suam. Unde Prv. ultimo b. De nocte surrexit, deditque predam domesticis suis. Tunc de nocte surgit, quando in adversitatibus nostris orat pro nobis. Sed tunc dat predam domesticis suis, quando alii sancti non possunt, quasi violenta oratione impetrat filio suo et inde cibat ancillas suas, id est humiles sibi servientes, scilicet effectu petitionum, quem quasi vi obtinet a filio suo. Eccl. 24.d. Ego quasi fluvius Dorix et sicut aque ductus exivi a Paradiso. Dixi, Rigabo hortum meum plantationum et inebriabo partus mei fructum.
marg.| {b} Et gladio pecc ati.
marg.| {c} Et fame defe ctu omnis boni   consumpti sumus. ] {d}   Quod si nos sacrificamus Regine celi etc.   Nun quid sine viris faciemus ei, vox est mulierum, ad litteram.
marg.| {e} Placentas ad colendum eam id est sacrificium, que ei placebant. Cum dicerent mulieres. Si nos non poterimus, viri nostri facient. Unde : Si facimus sine eis, non facimus.
marg.| {f} Et dixit Ieremias ad omnem populum adversum viros et adversus mulieres etc.   Prim o, super hoc mulieres reprehendit, que quia dicebant quod non sine viris hoc faciebant, ideo et viros super hoc arguit.
marg.| {g} Qui acri us   responderant ei verbum scilicet quod cum hoc fecissent in terra Iuda, bene erat eis.
marg.| {h} Dicens scilicet Ieremias.
marg.| {i} Numquid non sacrificium quod sacrificastis in civitatibus Iuda Idol is.
marg.| {k} In plateis Hierusalem etc.   quod gravius est.
marg.| {l} Horum recordatus est Dominus ad p uniendum.
marg.| {m} Et ascendit super cor eius Quod latet super cor, quasi abominabile est, post non sustinetur, ut videatur. Vel dicitur latere super cor quod omnibus modis volumus facere, aut aliquis cuius vivendi modus displicet multum.
marg.| {n} Et non poterat Dominus ultra portare id est sustinere, quin puniret. Is. 46.b. Usque ad senectam ego ipse et usque ad canos portabo ibidem. Qui portamini a meo {4. 264rb} utero, qui gestamini a mea vulva.
marg.| {o} Eo quod non sit habitator Myst ice, scilicet Deus, qui corda fidelium per gratiam inhabitat.
marg.| {p} Propterea quod sacrificaveritis idolis et peccaveritis Domino id est contra Dominum, vel sicut infirmus egrotat Medico, quia ab illo sanandus est.
marg.| {q} Et in lege ceri monialium.
marg.| {r} Et in preceptis Deca logi et omnium moralium.
marg.| {s} Et in testimoniis eius iudi ciorum, que eius iustitie attestantur.
marg.| {t} Sicut est dies hec scilicet testis, vel sicut nunc apparet non caperet.
marg.| {u} Dixit autem etc.   Vox et uxores vestre locuti estis ore vestro non Domini.
marg.| {x} Et manibus vestris implestis cons ilium oris vestris.
marg.| {y} Ecce ego iuravi in nomine meo etc.   quia maiorem, per quem iurarem, non habui, ut dicitur Hbr. 6.c.
marg.| {z} Quia nequam etc.   ex ore omnis viri Iudei quasi dicat : omnes interficiemini. Et hoc dico propter maiorem partem, quia pauci salvabuntur, ut post habetur.
marg.| {a} Dicentis, vivit Dominus Deus in omni terra Egypti quasi non habebunt amplius ibi Dei protectionem. Et merito, quia contra illius preceptum et voluntatem ibi sunt.
marg.| {b} Ecce ego vigilabo etc.   done c penitus   consumantur quoa d maiorem partem.
marg.| {c} Et qui fugerint gladium etc. scilicet   viri pauci ne p osteritas omnino deleretur.
Numérotation du verset Ier. 44,mystice 
marg.| Et qui fugerint gladium pecc ati, vel Inferni. Iob. 19.d. Fugite a facie gladii, quoniam ultor iniquitatum gladius est.
marg.| {d} Viri pauci Quia dicitur Mt. 20.b. Multi sunt vocati, pauci vero electi,scilicet illi soli, qui peccatum fugerint.
marg.| {e} Et hoc vobis signum Cong ruum est signum, ut cum viderent Regem Egypti, in quo spem habebant captivatum et destructum, certi essent de sua captivitate : tamen destructio Regis Egypti secuta est significatum,scilicet destructionem Iudeorum, sicut Ex. 4.b. dat Dominus illud quod sequitur pro signo rei precedentis, dicens quod illa signa, que fecit, significabant quod Dominus miserat illum. Sic et partus Virginis fuit signum Achaz, de liberatione a duabus caudis titionum Is. 7.c.
marg.| {f} Ecce ego tradam etc.   in manu inimicorum eius scilicet Cyri et Darii, vel Chaldeorum, ut hic vult dicere Iosephus quod, scilicet Rex Egypti a Nabuchodonosor interfectus est, sicut Iudei a Nabuchodonosor, eo quod spe Egyptiorum consimili negabant ei tributa : Sed non ille Nabuchodonosor, qui Iudeos destruxit, destruxit Egyptios, sed filius eius, qui subiugavit sibi Egyptum et factus est Rex totius provincie illius. Iste autem Rex Egypti dicebatur Pharao, non Nechao, sed Ephree secundum Iosephum.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Ier. Capitulum 44), in : Sacra Pagina, IRHT-CNRS, 2024. Consultation du 03/12/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=34&chapitre=34_44)
Signaler un complément d'information

Notes :