Philippus Cancellarius

Psalmus 114

Numérotation du verset Ps. 114,1 

¶ Alleluia1.
¶Codd. : (Ps. 114) Hi D14 D30 ω 1 Ω U Rusch Ps-G
1Alleluia] + Vox Christi est D30
Numérotation du verset Ps. 114,I 

Dilexi
quoniam exaudiet2
2 exaudiet Ps-G D14 D30 ω 1 Ω U Rusch ] exaudivit Ps-G (I Q* U) cum Ps-R
Dominus ¦ vocem orationis mee.
Numérotation du verset Ps. 114,2 II

Quia
inclinavit aurem suam
mihi ¦ et in diebus
meis
invocabo3.
3 invocabo Ps-G ( plerique codd. et edd. ) Hi D14 D30 ω 1 Ω U Rusch ] + te Ps-G (F* I L Q W ΦRGP G K), + eum Ps-G (ΦV ΨB*) cum Ps-R
Numérotation du verset Ps. 114,3 III

Circumdederunt me
dolores mortis ¦
et pericula inferni4
4 et Ps-G (R² F L² M * Q* ΦRGV G* K V²) D14 Ω ω 1 Ω U edd. cum Ps-R (A H² N² B)] om. Ps-G D30 Rusch cum Ps-R
invenerunt me.
Numérotation du verset Ps. 114,IV 

Tribulationem et dolorem inveni ¦
Numérotation du verset Ps. 114,4 

et
nomen Domini
invocavi.
Numérotation du verset Ps. 114,V 

O Domine
libera animam meam ¦
Numérotation du verset Ps. 114,5 

misericors Dominus
et iustus,
et Deus noster miseretur.
Numérotation du verset Ps. 114,6 VI

Custodiens
parvulos
Dominus ¦
humiliatus sum
et
liberavit me.
Numérotation du verset Ps. 114,7 VII

Convertere
anima mea in requiem tuam ¦
quia Dominus benefecit tibi.
Numérotation du verset Ps. 114,8 VIII

Quia
eripuit
animam meam de morte ¦ 5
5 <divisio.> morte ¦ lacrimis ¦ Ω U etc morte+ lacrimis ¦ D30
oculos meos
a lacrimis, pedes meos a lapsu.
Numérotation du verset Ps. 114,9 IX

Placebo
Domino ¦ in regione vivorum.

Psalmus 114

Numérotation du verset Ps. 114,7 
Sermo 244
prol.| De stimulo et gustu contemplantium. In Psalmo 114. { CXVIII r }
Convertere anima mea in requiem tum quia Dominus benefecit tibi.
marg.| {A} In hoc versu loquitur vir contemplativus, et duo connumerat que ad contemplationem excitant. Vnum est stimulus mundane tribulationis, alterum suavitas gustus contemplationis. Pro primo dicitur. Convertere anima mea in req. t. Pro secundo, quia Dominus bene fecit tibi. Gustaverat enim illam David dulcedinem cum dixit. Quid mihi est in celo, et a te quid volui super terram? et Petrus quum dixit Mt. 18. Bonum est nos hic esse, quia ut dicit Gregorius : Gustato spiritu desipit omnis caro. Et accidit contemplanti sicut accipitri. Accipiter enim cum capit predam illa non ipsi datur sed ostenditur, et ei semel tantum rostro tangi per mittitur: et sic avidus redditur ad venandum, et sic contemplativus avidus fit, dum partem per gustum recipit ad concupiscendum. Unde Dn. 2 Nabucho, vidit somnium et statim fugit ab eo, et doluit multum, et congregatis sapientibus Chaldeis non valebant ei illud interpretari scilicet sapientes mundi, sed Dn. 1 vir desideriorum interpretatus est, quia desiderium eternorum gratiam dat interpretationi. sed sapientia huius mundi non solum contemplationem non iuvat sed impedit. Unde Mt. 11 Confitebor tibi pater domine celi et terre quia abscondisti hec a sapientibus et prudentibus, et revelasti ea parvulis. Et Sir. 38 Sapientiam scribe in tempore vacuitatis, et qui minorat actum percipiet eam. Convertere igitur anima mea in re. t. quia mundanorum stimulus te agitat. Unde Io. 16 In mundo pressuram habebitis, sed confidite, quia ego vici mundum. Et Sap. 8 Intrans in domum meam conquiescam cum illa. Unde Gn. 8 Columba exiens de arca et { CXIX v } non inveniens ubi pes eius requiesceret, rediit ad Noe. 1 ad requiem. {B} Sic dum contemplativus in mundanis affectibus non invenit requiem immo potius tribulationem, revertendum est ei ad Christum per contemplationem. ut sic stimulus tribulationum mundanarum eum faciat festinare. Unde Ex. 12 Urgebant Egyptii populum de terra exire velociter. et Gn. 31 Legitur quod Laban multoties decepit Iacob commutando ei mercedem. Sic et mundus quum bona promittit, mala persoluit. {C} Hic est stimulus quo equos id est viros sanctos quibus ipse insidet et in quibus requiescit stimulat. Sinistrum latus eorum stimulat, quum adversitates in rebus temporalibus eis immittit. Stumulat autem latus dextrum, quum permittit, vrgere tentationes vitiorum. Hic est stimulus de quo Act. 12 Percussoque latere Petri excitavit eum. et de quo 2Cor. 12 Ne magnitudo revelationum extollat me, datus est mihi stimulus Satane etc. Idc. 3 He sunt gentes quas reliquit Dominus ut erudiret in eis filios Israel. {D} In sinistro latere pungunt homines temporalia detrahendo, diabolus dextrum pungit tentationes immittendo. Sed de liberatione stimulorum eorum dicit Ps. Cadent a latere tuo mille et decemmillia a dextris tuis id est demones. plus enim et gravius tentant demones qua homines, et propter hoc sub maiori numero demones ponit. {E} Custodiatur ergo utrunque latus a stimulo ne vulneretur sed magis dextrum: quia magis est eligendum. Sed heuiam omnes latus sinistrum custodiunt, dextrum autem negligunt. Quod egregie significavit Dominus in passione sua, qui in dextero latere mortuus vulnerari voluit, ut habetur Io. 19 significans quod quum quis in dextero latere vulneratur, { CXIX r } non sentit, sed quasi mortuus preterit. quod tamen mirum est: quum ad dextrum latus cor expiret a quo vita exit. Unde Prv. 4 Omni custodia custodi cor tuum, quoniam ab ipso vita procedit Vulnus autem sinistri lateris quisque tam cito sentit, quoniam quum quis temporalium modicum nobis abstrahit, ad requirendum et vendicandum omni diligentia laboramus.


Comment citer cette page ?
Martin Morard, ed., Philipus Cancellarius, Summa super Psalterium (Ps. Psalmus 114), in : Sacra Pagina, IRHT-CNRS, 2024. Consultation du 30/12/2024. (Permalink : https://gloss-e.irht.cnrs.fr/php/editions_chapitre.php?id=phi&numLivre=26&chapitre=26_114)
Signaler un complément d'information

Notes :