Psalmus 119

Numérotation du verset Ps. 119,1 

¶Canticum graduum.
¶¶Codd. : (Ps. 119) D30 Ω F Rusch Ps-G | gr + Vox Christi in passione ad Patrem de Iudeis D30
Numérotation du verset Ps. 119,I 

Ad Dominum cum tribularer
clamavi ¦
et exaudivit me.
Numérotation du verset Ps. 119,2 II

Domine libera animam meam a labiis iniquis ¦
et1 a lingua dolosa.
1 et Ps-G ( plerique codd. et edd. ) D30 Ω F Rusch cum Ps-R ] om. Ps-G
Numérotation du verset Ps. 119,3 III

Quid detur tibi
aut2 quid apponatur tibi ¦
2 aut Ps-G ( plerique codd. et edd. ) D30 Ω F Rusch Edmaior.cum Ps-R] et Ps-G (F L) Edminor.
ad
linguam dolosam ?
Numérotation du verset Ps. 119,4 IV

Sagitte potentis acute ¦
cum carbonibus
desolatoriis. 3
3 vv. III-IV inv. Ω F
Numérotation du verset Ps. 119,5 V

Heu mihi
quia incolatus meus
prolongatus est’
habitavi
cum habitantibus4
4 habitantibus Ps-G ( plerique codd. et edd. ) D30 Ω F Rusch cum Ps-R ] habitationibus Ps-G (L F)
Cedar ¦ 5
5 Cedar] Caedar Ps-G ( R F I M W U ) Φ D30 *
Numérotation du verset Ps. 119,6 

multum
incola fuit anima mea.
Numérotation du verset Ps. 119,7 VI

Cum his
qui oderunt6
6 oderunt plerique codd., edd oder’t D30 Ω F,oderant Ps-G ( R F L Φ RGVP*) cum Ps-αδ Ps-Moz
pacem eram pacificus ¦ cum loquebar illis impugnabant me gratis.

Psalmus 119

Numérotation du verset Ps. 119,7 
Sermo 274
prol.| ¶ De pacificis quadruplicibus. In Psalmo 119.
Cum iis qui oderunt pacem eram pacificus.
marg.| Magne virtutis indicium est quod hic dicitur, cum iis etc. {A} Quidam enim sunt pacifici cum pacificis. et hoc est imperfectorum. Quidam sunt non pacifici cum non pacificis. et hoc est infirmorum. Quidam sunt non pacifici cum pacificis. et hoc est perversorum. Quidam sunt pacifici cum non pacificis. et hoc est perfectorum. Apostolus dicit ad Rm. 12 Cum omnibus (si fieri potest) pacem habentes scilicet et cum pacificis, et cum non pacificis. {B} Primum quidem est imperfectorum sicut et diligere diligentes se. Unde Mt. 5 Si diligitis eos qui vos diligunt, quam mercedem habebitis? Nonne et publicani hoc faciunt. Et si salutaveritis fratres vestros tantum, quid amplius facietis. nonne et Ethnici hoc faciunt? Quidam sunt non pacifici cum non pacificis. et hoc est infirmorum. {E} Infirmi enim sunt equi scabiosi, qui non permittunt se scalpi, vel tangi. Hinc legitur Ex. 9 Tulerunt cinerem { CLXIII r } de camino, et sparsit Moyses in celum, factaque sunt hulcera vesicarum turgentium in hominibus et iumentis: nec poterant malefici coram Pharaone stare Per hulcus significatur impatientia. Per vesicam superbia. Impatientia ergo superba hulcera sunt cum vesicis. tales coram Pharaone stare non possunt, quia tentationibus resistere impotentes sunt. {F} Hi sunt similes scorpio: tunc enim primo pungit quum quis eum tetigerit. et provocatus aculeum armatum infigit. De quibus potest intelligi illud Ecclesis. 10 Qui dissipat sepem, mordebit eum coluber. Sepes non habet veram firmitatem ut murus. et signat quorundam patientiam infirmam, que cito diruitur. Sepem ergo dissipat qui infirmum verbo vel alio modo provocat. Et tunc eum coluber mordet, dum pro Una contumelia provocatus duas reddit. Unde et Amos. 9 Et si celaverint se in profundo maris, ibi mandabo serpenti, et mordebit eos. {G} Dicitur in lib. de natura animalium quod in loco qui dicitur Kalquiar, est serpens parvus et sanantur a morsu eius ex lapide invento in sepulcris regum antiquorum. Lapis iste est patientie soliditas. Hic in sepulcris regum antiquorum invenitur, quando quis in eis exempla contemplatur. Ideo autem in sepulcris quia non defecerunt usque ad mortem. Ideo in sepulcris invenitur, quoniam illa patientia maxime que ad mortem usque durat commendatur. Unde Iacob. ultimo. Sufferentiam Iob audistis. Finem Domini vidistis. {H} Et quia hec patientia maxime lucet in Christo, maxime sanat in nobis morsum serpentis, vulnus impatientie. quia ipse est serpens suspensus in palo. Unde Io. 3 Sicut Moyses exaltavit serpentem in deserto etc.
marg.| ¶ Quidam sunt non pacifici cum pacificis. et hoc est perversorum. Unde legitur Ex. 8 quod quum { CLXIIII v } Moyses percussisset pulverem, omnis pulvis conversus est in ciniphes: non dicitur quod percussit omnem: et tamen dicitur quod omnis conversus est Hoc est quum arguitur unus malus, omnes mali detrahunt arguenti. Unde Is. 33 In domibus eius oriuntur spine. Et 2Rg. 23 Si quis eas tangere voluerit, armabitur ferro et ligno lanceato. Ideo dicitur in Psalm. Quum loquebar illis, impugnabant me gratis. Et. 2 ad Timoth. 4 Argue, obsecra, increpa, in omni patientia. Erit enim tempus quum sanam doctrinam non sustinebunt. Et de Phariseis. Lc. 11 in fi. Magister et hec dicens, nobis contumeliam facis. Isti sunt similes crocodilo, qui licet non fuerit provocatus, insilit in hominem.
marg.| {K} ¶ Quidam sunt pacifici cum non pacificis: quia etiam provocati non respondent, non se vindicant. Unde Iob. 7 Respondete obsecro absque contentione: nec invenietis in lingua mea contentionem: nec in faucibus meis stultitia personabit. Et hoc est quod dicitur Ex. 8 Quam Magi Pharaonis percusserunt pulverem terre Israel id est humiles sanctos reprehenderunt, nec potuerunt educere ciniphes, id est verba detractionis. Et tunc coguntur dicere. Digitus Dei hic est id est Spiritus Sanctus est in istis. Huius exemplum exhibuit Christus: de quo Is. liii. Quasi agnus coram se tondente obmutuit, et non aperuit os suum. Item Is. 11 Habitabit lupus cum agno, et pardus cum hedo accubabit: vitulus et leo et ovis simul morabuntur, et puer parvus minabit eos.


Comment citer cette page ?
Martin Morard, ed., Philipus Cancellarius, Summa super Psalterium (Ps. Psalmus 119), in : Sacra Pagina, IRHT-CNRS, 2024. Consultation du 03/05/2024. (Permalink : https://gloss-e.irht.cnrs.fr/php/editions_chapitre.php?id=phi&numLivre=26&chapitre=26_119)
Signaler un complément d'information

Notes :