Philippus Cancellarius

Psalmus 43

Numérotation du verset Ps. 43,1 

¶In finem1
¶Codd. : (Ps. 43) D30 ΩM ΩS Ps-G, def. ΩF
1 In finem] om. Amiatinus W
filiis Chore2*
2 Chore D30 ΩV Ps-G ] + psalmus V D Rusch , + psalmus David ΦP cum Ps-Moz X
ad intellectum3.
3 intellectum] + propheta penitentiam agens pro populo Iudaico D30
Numérotation du verset Ps. 43,2 I

Deus auribus nostris audivimus ¦
patres4 nostri annuntiaverunt nobis.
4 patres] et praem. L² cum Ps-Moz.
Numérotation du verset Ps. 43,II 

Opus
quod operatus es5 in diebus eorum ¦
5 es] e<st> ΩV
et6* in diebus antiquis.
6 et F* U² ΨB D30 V D ΩS ΩV Ed1455 Rusch Ed1530 Clementina cum Ps-R ] om. Cor2 (satis anti. cum hebr. et Ieron. non interponunt ET coniunctionem ... neque grecus) Ps-G
Numérotation du verset Ps. 43,3 III

Manus tua
gentes
disperdidit7
7 disperdidit I² M² Φ U G² K² ΨB Cor2 (novi) ΩM ΩS ΩV edd disperdet C Cor2 (anti.), disperdit Cor2 (satis anti.) Ps-G, deles Cor2 (hebr.), tu delisti Cor2 (Ieron.)
et plantasti eos ¦
afflixisti
populos
et expulisti eos.
Numérotation du verset Ps. 43,4 IV

Nec8 enim
8 Nec] Et ΩV
in gladio suo possederunt terram ¦ et brachium eorum
non salvavit eos.
Numérotation du verset Ps. 43,V 

Sed dextera tua
et brachium tuum
et illuminatio vultus tui9 ¦
9 vultus tui plerique codd. et edd. F² L² (tuae) cum Ps-R Ps-H ] faciei tue Ps-G (F* C I* L), facie tue R <divisio.> tuum... tui ¦] tuum ¦... tui ¦ P10525
quoniam complacuisti10 in eis11.
10 complacuisti] complacuit tibi L² Ps-R, placuisti F² |
11 eis] L*, illis L² cum Ps-R |
Numérotation du verset Ps. 43,5 VI

Tu
es ipse rex meus
et Deus meus ¦
qui mandas salutes
Iacob.
Numérotation du verset Ps. 43,6 VII

In te12
12 In te] Ante ΩV
inimicos nostros ventilabimus
cornu ¦
et in nomine tuo
spernemus
insurgentes
in nobis.
Numérotation du verset Ps. 43,7 VIII

Non enim
in arcu meo
sperabo ¦ et gladius meus non salvabit me.
Numérotation du verset Ps. 43,8 IX

Salvasti enim
nos de affligentibus
nos ¦ et odientes nos13 confudisti.
13 et odientes nos] om. ΩV
Numérotation du verset Ps. 43,9 X

In Deo14 laudabimur
14 Deo] Domino F cum Ps-δ Ps-H
tota die ¦
et
in nomine tuo confitebimur tibi15
15 tibi P10525 ΩS Rusch (cf. LXX cod. 1219)] om. D30 ΩV Ps-G
in seculum.
Numérotation du verset Ps. 43,10 XI

Nunc16 autem
16 Nunc] praem. diapsalma Ps-G
repulisti
et confudisti nos ¦
et non egredieris Deus17
17 Deus] om. Ps-G
in virtutibus nostris.
Numérotation du verset Ps. 43,11 XII

Avertisti nos retrorsum post inimicos nostros ¦
et qui oderunt nos diripiebant sibi.
Numérotation du verset Ps. 43,12 XIII

Dedisti18 nos
18 Dedisti] Vendisti ! ΩV
tamquam
oves escarum ¦
et in gentibus dispersisti nos.
Numérotation du verset Ps. 43,13 XIV

Vendidisti populum tuum
sine pretio ¦ et non fuit multitudo
in commutationibus eorum19.
19 eorum] nostris Ps-G
Numérotation du verset Ps. 43,14 XV

Posuisti
nos
opprobrium20 vicinis nostris ¦
20 opprobrium] retrorsum ΩV
subsannationem
et derisum
his qui in circuitu
nostro sunt21.
21 in circuitu nostro - sunt ΨB* ΩM² ΩS ΩV P10525 cum Ps-R ] inv. F² cett. codd. et edd. cum Ps-γ Ps-Moz C Ps-Med. Cor2 (ordo antiquorum : SUNT IN CIRCUITU NOSTRO ) D30, in circuitu nostro Ps-G (F* R L* ΨB² hebr. LXX)
Numérotation du verset Ps. 43,15 XVI

Posuisti nos in similitudinem
gentibus ¦ commotionem capitis in populis.
Numérotation du verset Ps. 43,16 XVII

Tota die
verecundia mea contra me est ¦
et22 confusio faciei23 mee24 cooperuit me.
22 et P106 Ps-G ] om. Rusch |
23 faciei mee D30 P106 Ps-G ] |
24 mee] mei cum Ps-R Rusch |
Numérotation du verset Ps. 43,17 XVIII

A voce exprobrantis
et obloquentis ¦
a facie25
25 facie] voce ΩV (hapax)
inimici
et persequentis.
Numérotation du verset Ps. 43,18 XIX

Hec omnia
venerunt super nos
nec obliti sumus te ¦
et inique
non egimus in testamento tuo.
Numérotation du verset Ps. 43,19 XX

Et non recessit retro26
26 retro P106 Rusch ] retrorsum Ps-G
cor nostrum ¦
et declinasti semitas nostras a via tua.
Numérotation du verset Ps. 43,20 XXI

Quoniam humiliasti nos in loco afflictionis ¦
et cooperuit nos umbra mortis.
Numérotation du verset Ps. 43,21 XXII

Si obliti sumus
nomen Dei nostri ¦ et si expandimus manus nostras
ad deum alienum.
Numérotation du verset Ps. 43,22 XXIII

Nonne27 Deus requiret
27 Nonne] [D]<omi>ne cacogr. ΩV
ista ? ¦
ipse enim novit abscondita cordis.
Numérotation du verset Ps. 43, XXIV 

Quoniam
propter te mortificamur tota28 die ¦
28 tota D30 ΩV Rusch ] omni Ps-G
estimati sumus
sicut oves occisionis.
Numérotation du verset Ps. 43,23 XXV

Exsurge
quare dormis Domine ? ¦
exsurge
et ne repellas in finem.
Numérotation du verset Ps. 43,24 XXVI

Quare
faciem tuam avertis ¦
oblivisceris
inopie nostre
et tribulationis nostre ?
Numérotation du verset Ps. 43,25 XXVII

Quoniam humiliata est
in pulvere
anima nostra ¦ conglutinatus est in terra venter noster.
Numérotation du verset Ps. 43,26 XXVIII

Exsurge Domine29
29 Domine R* C I* L² Q² W U ΨB V D D30 Cor2 (... sed de versiculo Ecclesie est positum qui de littera greca sumptum fuit) ΩM ΩS ΩV Ed1455 Rusch Ed1530 Clementina cum LXX Ps-R, cf. HIERONYMUS, ep. 106 ] om. Cor2 (hebr. et anti. et Ieron. non interponunt DOMINE... ) Ps-G
adiuva nos ¦ et redime30 nos propter nomen tuum.
30 redime] libera L cum Ps-R

Psalmus 43

Numérotation du verset Ps. 43,3 
Sermo 90
prol.| ¶ De vitiorum e regione anime nostre expulsione. In Psalmo 43 Sermo 90.1
1 om. codd.
{A} Manus tua gentes disperdidit etc.
marg.| Chananei primo inhabitaverunt terram promissionis, postea Dominus dedit terram illam possidendam filiis Israel, illis eiectis. Et hoc est quod hic dicitura : « Manus tuas gentes disperdidit et plantasti eos ». Et per hoc significatur quod ab origine prima gentes, id est vitia, inhabitant terram anime nostre, sed Dominus per baptismum et penitentiam dat eam filiis Israel, id est virtutibus possidendam: gentibus, id est vitiis, expulsis. Que autem facta sunt ut filii Israel possideant eam terram illa notanda sunt que habentur. Nm. 13 Primo ad explorandum terram missi sunt exploratores. Secundo exploratores de terra quidem bona, sed de habitatoribus mala nuntiaverunt. Tertio quidam populum terruerunt, quidam confortaverunt.
a Ps. 43, 3.
marg.| ¶ Quarto dicitur contra eos qui territi sunt, et timuerunt, et murmuraverunt: iratus est Dominus. et comminatus est, et corruerunt ab inimicis.
marg.| {B} ¶ Exploratores qui mittuntur ad considerandam terram, sunt predicatores et precipue confessores, quibus competit quod ibi id est Nm. 13 dicitur. Considerate teram {1.179r} qualis sit, et populum, qui habitator eius est, utrum fortis, an infirmus: pauci numero an plures. Ipsa terra bona an mala, urbes quales, murate an absque muris: humus pinguis an sterilis, nemorosa, an absque arboribus etc. Considerare autem terram, quid aliud est qua considerare naturam? Item habitatores considerare, quid aliud est nisi vitia attendere? Quid est, utrum populus infirmus sit, an fortis: pauci, an plures, considerare, nisi numerum et qualitatem peccatorum pensare? Quid est urbes an sint murate, videre: nisi utrum peccator peccata sua defendat, diligenter attendere? Debet enim confessor explorare qualitatem et quantitatem peccatorum: et ipse peccator penitentiam secundum eas recipere. Unde et exploratores illi possunt intelligi ipsius penitentis inspectiones. Quasi enim ad hoc monebat Ecclesiasticus 5b dicens : « De propitiatu peccatorum noli esse sine metu neque adiicias peccatum super peccatum et ne dicas, miseratio Domini magna est, multitudinis peccatorum meorum miserebitur ». Et Ier. 32 Vide vias tuas in convalle: scito quid feceris. Et ibidem post, contra illum qui non facit hoc. Ecce ego iudicio contendam tecum, eo quod dixeris, non peccavi. Quamvilis facta es nimis, iterans vias tuas. Contra defendentes peccatum, et quasi muratas urbes edificantes, dicitur ibidem paulo ante. Quid niteris bonam ostendere viam tuam, ad querendam dilectionem, que insuper et malitias docuisti vias tuas? Et. 1Mcc. 1 Et edificaverunt civitatem David muro magno et firmo, et turribus firmis, et facta est illis in arcem. Et posuerunt illic gentem peccatricem etc. {C} Et nota quod Nm. 13 dicuntur per quadragintadies fecisse hanc explorationem {1.179v} et terram circuisse, quod est aut per tempus quadragesime, aut per totum tempus penitentie conscientiam suam et anteactam vitam attendere et explorare.
b Sir. 5, 5-6.
marg.| {D}¶ Secundo exploratores bona quidem de terra: mala autem de habitatoribus renunciaverunt: dicebant enim quod revera fluebat lacte et melle: scilicet quod cultores fortissimos haberet, et urbes grandes atque muratas: et verum est quod bona est terra id est natura humana, sed habitatores mali, videlicet vitia. Hoc attendebat qui dixit Prv. 24 « Per agrum hominis pigri transivi, et per vineam viri stulti: et ecce totum repleverant urtice, et operuerant superficiem eius spine » etc. Et 4Rg. 2° : « Ecce habitatio civitatis huius optima est, sed aque pessime sunt, et terra sterilis. Aque id est populi quia Apocalypsis 17c : « Aque multe populi multi ».
c Aque multe populi multi: sententia ex Apc. 17, 15 ut laud. .
marg.| {E} ¶ Tertio quidam populum terruerunt, alii confortaverunt. Qui terruerunt indiscretos significant confessores, qui multitudine et magnitudine peccatorum peccatores terrent, et cogunt desperare: similes illis qui dicebant Nm. 13 Populus quem aspeximus procere stature est: ibi vidimus monstra quedam filiorum Enach, degenere giganteo: quibus comparati quasi locuste videbamur. Quid enim hoc est nisi enormitatem criminum obiicere ex quo oritur desperatio, unde dicunt: Nequaqua ad hunc populum valemus ascendere, quia fortior nobis est. Hoc est quod dicit Caim Gn. 4° « Maior est iniquitas mea, qua ut veniam merear ». Quando enim exaggerantur peccata, confunditur peccator: quod solet fieri a quibusdam qui examinant peccatores: de quibus dicitur: Io. 18. {F} Ipsi non introierunt in pretorium, ut non contaminarentur etc. Alii { CLXXX r } qui confortaverunt eos, discretos significant predicatores et confessores: scilicet Caleb seu Caleph et Iosue, quibus competit dicere quod dicitur Nm. 14. Terra quam circuivimus, valde bona est, si propitius fuerit Dominus inducet nos in eam, et tradit humum lacte et melle manantem. Nolite rebelles esse contra Dominum, neque timeatis populum terre huius: quia sicut panem. ita possumus eos deuorare. Recessit ab eis omne presidium, Dominus nobiscum est. Isti quantacumque sit peccatorum enormitas et abusio, consolantur peccatores, et ostendunt maiorem esse Dei propitiationem, et persuadent gigantes et monstra non pertimere scilicet propter enormitatem peccatorum non desperare. Unde scriptum est Gn. 6 Gigantes erunt super terram, postquam ingressi sunt filii Dei ad filias hominum. Quid autem est filios Dei ad filias hominum intrare et gigantes generare: nisi illos qui deberent esse spirituales viri se ad concupiscentias carnales inclinare, et quasi irregulariter et monstrose vivere? Unde Am. 5 Cognovi multa scelera vestra et fortia peccata vestra. Sed sicut dicitur Gn. 7° : « Dominus immisit diluvium et perierunt gigantes ». Quid autem gigantes diluvio perire, nisi lavacro penitentie et exundante misericordia Dei, et lacrimarum abundantia, quantamcumque peccatorum enormitatem deficeri? Unde Ps. 28 : « Dominus diluvium inhabitare facit ». Et recte dicitur: Sicut panem ita possumus eos deuorare: quia a penitentia peccata deuorantur, que eum delectat facientem, pani comparatur. Unde Ps. « Fuerunt mihi lacrime mee panes die ac nocte ». Et alibi. « Cinerem tamquam panem manducabam. »d
d Ps. 101, 10.
marg.| {G} ¶ Quarto qui terruerunt populum et qui territi sunt perierunt. Superstitiosi enim confessores {1.180v} qui peccatores deterrent iustificantes se et dicentes de peccatis eorum fy ! Pereunt cum illis et deterius quam illi ipsi, de quibus dicitur Is. 45 Qui dicunt recede a me: ne appropinques mihi quia immundus es: Et isti fumus erunt in furore meo ignis ardens tota die. Boni autem confessores eos confortantes digne remunerabuntur. Et hoc est quod de utrisque dicit Dominus iratus Numerorum 14e : « Non videbunt terram pro qua iuravi patribus eorum, nec quisquam ex illis qui detraxit mihi intuebitur eam. Servum autem meum Caleb, qui plenus alio spiritu, secutus est me, inducam in terram hanc quam circuivit.
e Nm. 14, 23-24.
Numérotation du verset Ps. 43,22 
Sermo 91
prol.| De duplici mortificatione hominis. In Psalmo 43 2
2 om. codd.
{H} Quoniam propter te mortificamur tota die etc.
marg.| Duplex est mortificatio hominis scilicet propter diabolum, et propter Deum. Propter diabolum mortificamur peccato, quod est mors anime et hoc fit per luxuriam. Per cupiditatem, per superbiam et inobedientiam.
marg.| {I} ¶ Per luxuriam multi victimant se diabolo. Unde prostibulum est quasi macellum diaboli. Et meretrices sunt quasi lanie et carnifices diaboli: que quasi ad stallum vendunt carnes suas, vel ipse lene vetule que iuvenculas prostituunt et venales exponunt sunt la nie diaboli. de quibus dicitur Iohel. 3 Posuerunt puerum in prostibulo et puellam vendiderunt pro vino ut biberent. In quo notatur earum consuetudo que semper ebrie sunt sicut ait Claudianus. Vix lassa recedit et iam vina petit. Item cum sacerdotum sit sacrificare, ipse sunt sacerdotes vel sacerdotisse diaboli que victimant animas diabolo: nec { CLXXXI r } etiam parcunt filiis nec filiabus suis quas etiam prostituunt. Unde Ps. 105. Immolaverunt filios suos et filias suas demoniis. Victima ergo diaboli fit anima per luxuriam. Unde Prv. 7 Irretivit eum multis sermonibus et blanditiis labiorum protraxit illum: statimque eam sequitur quasi bos ductus ad victimam.
marg.| {K} ¶ Item per cupiditatem ut patet in mercatoribus. Unde Horatius Impiger extremos currit mercator ad Indos etc. Nec sacerdotes immunes sunt ab hoc, et maxime curiales. Unde Os. 5 Audite hec sacerdotes et domus regis auscultate, quoniam laqueus facti estis speculationi, et sicut rete expansum super montem Thabor: et victimas declinastis in profundum. Mons Thabor in quo facta transfiguratio Domini, quid est nisi altaris eminentia, in quo panis in corpus Christi fit transfiguratio? Qui ergo pro lucro corpus Christi conficiunt et missas biphatas et inhypothecatas ac prevenditas faciunt super montem Thabor rete expandunt. Signanter autem dixitf « Et declinastis victimas in profundum ». Victimas enim in altum tollunt qui solummodo pro eternis serviunt. Unde dicitur g: « Sursum corda, habemus ad Dominum ». Victimas in profundum declinant, qui ad quodcumque commodum terrenum aspirant.
f OS. 5, 2.
g Ordinarius missae, dialogus ad praefationem.
marg.| {L} ¶ Item per inanem gloriam. Sicut legitur de Saule, cuius Dominus victimas non acceptavit. Quia contra preceptum pepercit. Amalech et regi Agag, et potius querens gloriam suam qua Domini: erexit sibi post victoriam arcum triumphalem, ut legitur 1Rg. 15 Unde Samuel dixit ei: Numquid vult Dominus holocausta aut victimas et non potius ut obediatur voci Domini. Melior est enim obedientia: qua victime: et auscultare magis qua offerre adipem arietum. Ideo Dominus insultat per Amos { CLXXXII v } prophetam capitulo 4 Venite ad Bethel et impie agite ad Galgala. Galgala locus est in quo fiebant sacrifica que Dominus non acceptavit sicut dicitur 1Rg. 15 Cum argueret Samuel Saulem dixit Sauli tulit: de preda populus oves et boves primitias eorum que cesa sunt ut immolent Domino Deo suo in Galgalis. Galgala interpretatur rota vel volutabrum, vel revelatio. Rota quantum ad cupidos. volutabrum quantum ad luxuriosos. Revelatio quantum ad superbos et inanis glorie cupidos. Unde ironice sequitur. Multiplicate preuaricationem et offerte mane victimas vestras et sacrificate laudem de fermentato scilicet per hypocrisim. Unde Mt. 6 Exterminant facies suas ut appareant hominibus ieiunantes etc.
marg.| {M} ¶ Secunda mortificatio fit propter Deum. sic se mortificant qui moriuntur mundo et concupiscentiis eius, ut vivant Deo. Unde ad Rm. 12 Obsecro vos fratres per misericordiam Dei ut exhibeatis corpora vestra hostiam viventem sanctam, Deo placentem. Non enim recipit Deus hostias mortuas sicut in veterite. Sed hostiam viventem in qua vitia et caro mortificantur, et spiritus vivit. Sicut significatum est Gn. 22 in Isaac pro quo est aries immolatus. Propter hoc enim reprobatus est Saul quod elegit potius Deo offerre hostias mortuas qua seipsum per obedientiam. Dixerat enim ei Samuel ex parte Domini. Percute Amalech et demolire universa eius. non percas ei et non concupiscas de rebus eius aliquid, sed interfice a viro usque ad mulierem: et peruulum atque lactentem, et pepercit Saul Agag, et universis que pulchra erant: et quicquid fuit vile et reprobum demolitus est. In quo figuratur quod Dominus precipit peccatum percuti, et non sustinet quod percatur ei. Unde Ieremie 50h « Non parcatis iaculis quia { CLXXXII r } Domino peccavit, clamate adversus eam » scilicet Babylonem. Precipit demoliri universa eius a viro usque ad mulierem id est a ratione usque ad sensualitatem, et usque ad parvulum lactentem id est primos motus qui sunt parvuli quibus non est parcendum. Unde Ps. Beatus qui tenebit et allidet parvulos suos ad petram. et Is. 13 Sagittis parvulos interficient et lactantibus uteris non miserebuntur: et super filias non parcet oculus eorum. Sed sicut ibi dicitur. Saul pepercit Agag et apprehendit eum vivum. Vivum Agag apprehendit qui per memoriam et imaginationem, turpem in se vivere peccatum permittit, et pepercit universis que pul. er. et quicquid vile fuit et reprobum demolitus est. Quod vile est et reprobum demolitur: qui actus turpitudinem refugit et detestatur, sed eis que pulchra sunt parcere non aliud est qua oculos vel imaginationem a specie mulierum vel aliorum delectabilium non revocare. {N} Et nota quod ait Samuel que est hec vox gregum que resonat in auribus meis? Ex quo enim per huiusmodi memoriam permittit in se vivere peccatum quasi intus auditur in eo tumultus carnalium et irrationabilium motuum quasi mugitus gregum: et conscientiam suam fecit quasi caulam hedorum vel haram porcorum. Unde Iud. 5 Quare habitas inter duos terminos ut audias sibilos gregum? Inter duos terminos habitant qui nec ex toto peccatum deserunt, nec ei ex toto herent, sicut Gallice dicitur. Nec canibus nec venatoribus et sunt quasi inter duas sellas sedentes in cinere. Ab his sibilus gregum auditur dum a concupiscentis molestantur. Unde Mi. 2 : Quasi pecus in medio caularum tumultuabitur. { CLXXXIII v } Mortificatio ista debet esse continua, gratuita, integra. {O} Gratuita, quod notatur cum dicitur propter te mortificamur. multi enim affligunt se qui tamen in hoc non serviunt Deo, sed carni, vel mundo, vel diabolo. Carni per luxuriam, mundo per cupiditatem, diabolo per superbiam, et inobedientiam, et hypocrisim. Isti perdunt meritum. Unde dicitur Proverbiorum 5i « Ne des alienis honorem tuum et annos tuos crudeli ». Alieni dicuntur mundus et caro. Quia habitatio mundi et carnis extrinseca est anime. Crudelis est diabolus: ne forte impleantur extranei viribus tuis, et labores tui sint in domo aliena: et gemas in novissimis, quando consumpseris carnes tuas et corpus tuum etc. Debet esse continua non horaria. quod notatur cum dicitur tota die id est tota vita. {P} Quidam enim sua ieiunia prestant ad usuram, postea magis et lautius epulantes. Alii suas vigilias longo somno compensantes: et sic de aliis. Unde Sir. 20 Hodie fenerat quis et cras repetit, odibilis est homini homo. Quidam in aperto asperitatem vite pretendunt, et in occulto ducunt delicias. Unde ad Eph. 5 Nolite conicare operibus in fructuosis tenebrarum: magis autem redarguite. Que enim in occulto fiunt ab ipsis turpe est dicere. Tales significantur per sacerdotes Bel, qui dicebant Bel omnia devorare, et ipsi devorabant, intrantes per secretum introitum, ut habetur Dn. 14.
h Ier. 50, 14.
i Prv. 5, 9.
marg.| {Q} ¶ Integra debet esse quod notatur cum dicitur, Sicut oves occisionis. Nihil enim inutile est in oue. Quando occiditur carnes sunt in cibum: pelles in vestimentum: fibre in usus chordarum musicis instrumentis. Carnes electorum sunt quicquid carnale gesserunt in vita. ut negatio Petri, lascivia Magdalene: carnes iste sunt in cibum malis et bonis. malis quia parati sunt reprehendere. Unde Ps. Dum appropiant super me nocentes ut { CLXXXIII r } edant carnes meas. et Iob 19j « Quare persequimini me sicut Deus et carnibus meis saturamini »? Bonis, quia non reprehendunt sed maiorem spem concipiunt. Iuxta illud Rm. 5 Ubi superabundavit delictum, superabundavit et gratia. Pelles in vestimentum. pellis est exterior conversatio. que bonis est ad veram imitationem: malis ad simulationem. Unde Mt. 7 Veniunt ad vos in vestimentis ovium. Fibre in usum chordarum. fibre sunt vasa sanguinis in quo vita et per eas ad totum corpus vivificandum decurrit: et significat suffragia sanctorum per que ecclesia spiritualiter vivificatur. De istis boni faciunt instrumenta musica quando suffragia sanctorum magnificant et laudes Deo decantant. Undek « Laudate eum in tympano et choro laudate eum in chordis et organo ». Mali similiter dum suffragia sanctorum temeroimplorant et credunt habere suffragia quorum non imitantur metita. Habet enim diabolus sua musica instrumenta sicut et Deus: {R} et suos citharedos et tibicines. Sed isti expulsi sunt quando Dominus suscitavit puellam. In quo notatur quod per horum obsequia nequaqua anima suscitatur, quia Christum derident. Unde Mt. 9 Cum vidisset tibicines et turbam tumultuantem dixit. Recedite non est mortua puella, sed dormit, et deridebant eum. Sic Deum deridere videntur qui sanctos laudant et a peccato non cessant, et tales mortue anime suscitationem non impetrant.
j Iob. 19, 22.
k Ps. 150, 4.


Comment citer cette page ?
Martin Morard, ed., Philipus Cancellarius, Summa super Psalterium (Ps. Psalmus 43), in : Sacra Pagina, IRHT-CNRS, 2024. Consultation du 21/12/2024. (Permalink : https://gloss-e.irht.cnrs.fr/php/editions_chapitre.php?id=phi&numLivre=26&chapitre=26_43)
Signaler un complément d'information

Notes :