Philippus Cancellarius

Psalmus 84

Numérotation du verset Ps. 84,1 

¶In finem
¶Codd. : D30 Rusch Ps-G
filiis Chore
psalmus.
Numérotation du verset Ps. 84,2 I

Benedixisti Domine
terram tuam ¦
avertisti captivitatem
Iacob.
Numérotation du verset Ps. 84,3 II

Remisisti
iniquitatem1 plebis tue ¦
1 iniquitatem plerique codd. et edd. D30 Rusch cum Ps-R] iniquitates Ps-G
operuisti
omnia peccata eorum.2
2 eorum] + diapsalma Ps-G
Numérotation du verset Ps. 84,4 III

Mitigasti omnem iram tuam ¦
avertisti
ab ira indignationis tue.
Numérotation du verset Ps. 84,5 IV

Converte nos
Deus salutaris noster3 ¦ et
3 salutaris noster Rusch cum Ps-R ] salutum nostrarum Ps-G
averte iram tuam a nobis.
Numérotation du verset Ps. 84,6 V

Numquid
in eternum
irasceris nobis ¦
aut extendes iram tuam a generatione
in generationem.
Numérotation du verset Ps. 84,7 VI

Deus tu conversus
vivificabis nos ¦ et
plebs tua letabitur in te.
Numérotation du verset Ps. 84,8 VII

Ostende nobis Domine misericordiam tuam ¦ et salutare tuum da nobis.
Numérotation du verset Ps. 84,9 VIII

Audiam
quid loquatur in me
Dominus Deus ¦
quoniam loquetur pacem
in plebem suam.
Numérotation du verset Ps. 84,IX 

Et super sanctos suos ¦ et in
eos qui
convertuntur
ad cor.
Numérotation du verset Ps. 84,10 X

Verumtamen
prope timentes
eum salutare
ipsius ¦ ut inhabitet gloria in terra nostra.
Numérotation du verset Ps. 84,11 XI

Misericordia
et veritas
obviaverunt sibi ¦
iustitia et pax osculate sunt.
Numérotation du verset Ps. 84,12 XII

Veritas
de terra orta est ¦
et iustitia de celo
prospexit.
Numérotation du verset Ps. 84,13 XIII

Etenim Dominus dabit benignitatem ¦
et terra nostra
dabit fructum suum.
Numérotation du verset Ps. 84,14 XIV

Iustitia ante eum
ambulabit ¦
et
ponet in via gressus suos.

Psalmus 84

Numérotation du verset Ps. 84,11 
Sermo 181
prol.| ¶ De pace mala et bona. et in quibus terris habeatur. In Psalmo 84.
Iustitia et pax osculate sunt.
marg.| {A} Primo considerandum que sit mala pax. quando scilicet obtemperat spiritus carni. Secundo bona. quando sit econverso. Tertio in quibus terris habetur prima pax et secunda. et medius status. {B} Est mala pax: quando spiritus obtemperat. In hac enim contingit quod dicitur 4Rg. 5 Egressi sunt latrumculi et captivam duxerunt puellam, que erat in obsequio uxoris Naaman. Leprosus est carnalis animus cuius uxor est concupiscentia, cui ratio cogitur servire {2. 28v } in statu peccati. Latrunculi autem sunt primi motus: et hec pax mala est. Unde Sapientie. 1 Estimantes illam amicam defluxerunt et sponsiones posuerunt ad illam. Item vulgariter dicitur. {C} Melior est bona guerra qua mala pax. In hac falsa pace accidit quod legitur 2Rg. 3 Quod abduxit Ioab Abner ut cum eo loqueretur in dolo et percussit eum in inguine. Abner qui interpretatur pater lucidus vel patris lucerna, ratio est Ioab qui recte interpretatur caro que in dolo loquitur cum spiritu. Unde Prv. 7 Irretivit eum multis sermonibus et blanditiis suis pertraxit illum. et. 1Mcc. 1 Locutus est eis verba pacifica in dolo. Hec igitur pax non est cum iustitia.
marg.| {D} ¶ Secundo videndum que sit pax bona. Est autem pax vera et bona quando spiritus imperat carni, caro obtemperat. de qua ad Phil. 4 Et pax Dei que exuperat omnem sensum, custodiat corda vestra et intelligentias vestras. Unde angelus dixit Agar. Gn. 16 Revertere ad dominam tuam et humiliare sub manu illius.
marg.| {E} ¶ Tertio considerandum in quibus terris habetur prima et secunda pax: et medius status. Medius status inter hanc et illam pacem est in quo geritur bellum. Unde ad Romanos 8a Condelector legi Dei secundum interiorem hominem id est secundum spiritum: video autem aliam legem in membris meis captivantem me in lege peccati. Prima igitur pax habetur in regione dissimilitudinis. de qua habetur Lc. 15 Ubi dicitur quod filius prodigus in regionem longinquam profectus dissipavit bona sua vivendo luxuriose. Secunda pax habetur in terra promissionis. Ubi imperium tenet iustitia. de qua Sir. 10 Iudex sapiens iudicabit populum suum et principes sensatos id est sensus statuet discretos. {F} Est autem difficilia {2. XXIX r } transitus de prima ad secundam. Quia transire de gente ad gentem, de regno ad populum alterum, nondatur nisi in manu potenti. Non pervenitur ad veram pacem: nisi per multa bella: per multas strages, per multam sanguinis effusionem id est carnalis affectus abolitionem. Unde David manu fortis regnavit ante Salomonem pacificum: qui David semper fuit in guerra. Unde 1Rg. 24 Querebat Saul David cunctis diebus et non tradidit eum Dominus in manibus illius. Et non cessat pugna donec caro serviat rationi et tunc ita fit pax quod manet iustitia: et hoc est quod hic dicitur. Iustitia et pax osculate sunt. Et hoc est. 3Rg. 5 Pater meus non prootuit edificare templum nomini Dei sui propter bella imminentia per circuitum etc. Ideo dicitur Iustitia et pax osculate sunt. Non enim nisi domita carne habetur vera pax. Ideo dicitur Iacob. 3 Sapientia que desursum est, primum quidem pudica est (ecce munditia et castitas) deinde pacifica. Iob. 5 {G} Cum lapidibus regionis pactum tuum, et bestie terre pacifice erunt tibi. Lapides regionis sunt spiritualia peccata, ut cupiditas, invidia, superbia: in quibus anima lapidatur. Bestie terre carnalia desideria quibus discerpitur. Ista autem per penitentie disciplinam edomantur: et tunc dici vere ponit: Iustitia et pax os. sunt.
a Rm. 8.


Comment citer cette page ?
Martin Morard, ed., Philipus Cancellarius, Summa super Psalterium (Ps. Psalmus 84), in : Sacra Pagina, IRHT-CNRS, 2024. Consultation du 21/12/2024. (Permalink : https://gloss-e.irht.cnrs.fr/php/editions_chapitre.php?id=phi&numLivre=26&chapitre=26_84)
Signaler un complément d'information

Notes :