Philippus Cancellarius

Psalmus 92

Numérotation du verset Ps. 92,1 

¶ Laus
¶Codd. : (Ps. 92) D30 Rusch Ps-G
cantici
ipsi1 David
1 ipsi Ps-G (I) Rusch Clementina cum Ps-αγ] om. Ps-G D30 ΩS
in diem2 ante sabbatum
2 diem Ps-G (V) Rusch] die Amiatinus² D30 Ps-G
quando fundata est
terra3.
3 fundata Ps-G (I V) Rusch Clementina cum Ps-α Ps-Moz X] inhabitata D30 Ps-G | est terra] om. ΩS
Numérotation du verset Ps. 92,I 

Dominus
regnavit
decorem indutus est4 ¦
4 decorem Ps-G ( plerique codd. et edd. ) D30 Rusch cum Ps-R ] decore Ps-G
indutus est
Dominus fortitudinem et precinxit se5.
5 fortitudinem Ps-G ( plerique codd. et edd. ) D30 Ω Rusch cum Ps-R ] fortitudine Ps-G
Numérotation du verset Ps. 92,II 

Etenim
firmavit
orbem terre ¦
qui
non commovebitur.
Numérotation du verset Ps. 92,2 III

Parata
sedes tua6
6 sedes Ps-G ( plerique codd. et edd. ) D30 Ω Rusch cum Ps-α Ps-ζ Ps-ς Ps-MozX] sedis Ps-R Ps-G | tua] + Deus Rusch cum Ps-R
ex tunc ¦
a seculo
tu es.
Numérotation du verset Ps. 92,3 IV

Elevaverunt
flumina
Domine ¦ elevaverunt
flumina vocem suam.
Numérotation du verset Ps. 92,V 

Elevaverunt flumina fluctus suos7 ¦
7 Elevaverunt... fluctus suos LXX (A)] sub Ps-G (R Q² ΦRV1 G ²), om. LXX | Elevaverunt Ps-G ( plerique codd. et edd. ) D30 Ω Rusch cum Ps-R ] elevabunt Ps-G
Numérotation du verset Ps. 92,4 

a vocibus aquarum multarum.
Numérotation du verset Ps. 92,VI 

Mirabiles elationes
maris ¦
mirabilis in altis Dominus.
Numérotation du verset Ps. 92,5 VII

Testimonia tua
credibilia
facta sunt nimis ¦ domum tuam
decet
sanctitudo Domine in longitudinem8* dierum.
8 longitudinem Ps-G (V plerique codd. et edd. ) D30 ] longitudine Ps-G (R C I ΦP U G ) Rusch Ed1530

Psalmus 92

Numérotation du verset Ps. 92,5 
Sermo 199
prol.| ¶ De testimoniis Domini. In Psalmo 92.
Testimonia tua credibilia facta sunt. etc.
marg.| {A} De his testimoniis dicitur. 1 Io. 5 Tres sunt qui testimonium dant in celo: pater, verbum, spiritus sanctus: et hi tres unum sunt. Et tres sunt qui testimonium dant in terra: spiritus, aqua, et sanguis: et hi tres unum sunt. In celo angeli, in terra homines. Triplex testimonium in celo pro angelis bonis et contra malos. Triplex in terra pro bonis hominibus et contra malos. Angelis quidem qui lucifero apostatante steterunt merito testimonium perhibet visio Trinitatis: quia enim steterunt, in visione Trinitatis confirmati sunt. Unde Gn. 1 Vocavitque firmamentum, celum. Sicut ergo alicui pro bene meritis possessio aliqua confirmatur, ita et in ipsis: quod et fit in nobis cum Spiritum sanctum accipimus ad robur: propter quod inventum est sacramentum confimationis. Unde Confirma hoc Deus quod operatus es in nobis. De cadentibus dici ponit, Liquefacta est terra, et omnes etc. {2. LIIII v } De stantibus vero, illud: tu confirmasti columnas eius. Non debuit pater deesse in testimonio de potentia iis qui firmiter steterunt: nec filius de sapientia iis qui sapientia non elati sunt. Nec spiritus scilicet de bonitate iis qui nequaqua inviderunt bonitati.
marg.| {B} ¶ Mali autem non habent hoc testimonium pro se sed contra se. Ecce. n. patre loquitur eis et contra eos, illud Malachie. 1 Si ego patre sum ubi est honor meus etc. Ergo iuste testimonio patris caret qui patrem non honorat, sed eius sibi gloriam usurpat contra illud Is. 48 gloriam. malteri non dabo. Scilicet nec filius ei testimonium perhibet cuius cum patre equalitatem zelavit. Quia sicut dicitur in Proverbiis Gloria patris sapiens filius. De quo ad Philip. 2 Qui cum in forma Dei emunt non rapinam arbitratus est se esse equalem Deo. Diabolus autem rapinam arbitratus est. Unde cum fur sit, non eidem sapientia filius sed potius contra ipsum testimonium prohibere poterit Veritas enim est et testis non ponit esse falsitatis, sed nec spiritus scilicet testis ei esse poterit qui singularitatem appetiit et scissuram. Ut pote qui amator est pacis, et unitatis conservator spiritus. Unde ad Ephes. 4 Solliciti, servare unitatem in vinculo pacis. hic enim est singularis ferus qui vineam illam celestem depastus est, etiam quod de ea multi palmites excisi sunt unde singularis ferus depastus est eam. In hoc autem singularitas notatur quia angelorum est stare non sedere. {C} tota stabat universitas angelorum. Unde Is. 6 Vidi Dominum sedentem etc. Seraphim autem stabant et Dn. 7 Milia milium ministrabant ei et decies centena milia assistebant ei. Singularitas ergo fuit cum dixit. Sedebo in monte testa. et ero similis altiffimo. Unde beatus Bernardus Siccine ubi stant omnes, universi ministrant, tu pacis inimice sedebis? Plane contristas spiritum, qui habitare facit unius {2.54r} moris in domo. Offendis caritatem quia scindis unitatem, et ideo Spiritus sanctus spiritus unitatis et pacis non tibi sed contra te testis est.
marg.| {D} ¶ Similiter omnes qui potestati resistunt per inobedientiam, patris testimonium amiserunt. Qui invident, qui singulares sunt, quin unitatem rumpunt et pacem: Spiritus sancti testimonium amiserunt, communitas cum non singularitas pertinet ad spiritum scilicet unde, Secunde ad Corinthios ultimo <capitulo>a : « Gratia Domini » etc. « et communicatio sancti Spiritus cum omnibus vobis amen ». Similiter simoniaci qui quantum in ipsis est, emunt vel vendunt spiritus scilicet gratiam, ut Simon de quo Act. 8 Date mihi hanc potestatem ut cuicumque imposuero manus aecipiat spiritum scilicet Cui Petrus. Pecunia tua tecum sit in perdi. etc. In felle amaritudinis es etc.
a 2Cor. 13, 13.
marg.| ¶ Tres sunt qui testimonium dant in terra etc. {E} In primo parente cecidimus universi et hoc quasi in carcerem lutosum et lapidosum. Peccatum enim quidam carcer est: et de Petro dicitur Act. 12b Petrus autem servabatur in carcere. Et Psalmusc :« Educ de carcere animam meam ». Lutum est, eripe inquit me de luto ut non infigar Et Hab. 2 Ut quid aggravas contra te densum lutum? Quando ventum est ad obstinationem, Lapis est. {F} unde Iob. 41 Cor eius indurabitur quasi lapis. Et via impiorum cum lapidibus. Et Iohel. 11 Tollite lapidem Quia ergo in carcere captivi. quia in luto in quinati, quia super lapides, confracti fuimus: venit ergo Christus redimere incarceratos et captivos, mundare inquinatos, adiuvare et fouere confractos. Redemptionis precium refertur ad sanguinem: mundatio ad aquam. iuvamen infirmitatis et consolidatio confractionis, ad spiritum scilicet Ideo dicitur. Tres sunt qui testimonium dant in terra etc. {G} Testimonium igitur habet sue redemptionis qui redemptus sanguine Christi a servitute peccati manet in libertate sua, non iterum {2.54v} recidens. Qui autem fit iterum servus peccati abiecit precium sue redemptionis, ideo dicit Apostolus. 1Cor. 6 Empti estis precio magno etc. Ps. Que utilitas in sanguine meo etc. Continentia igitur a peccato testimonium habet redemptionis in sanguine: sed non sufficiat continentia nisi assit et penitentia, dolor de preteritis: et tunc habet testimonium ab aqua qui dicit. Laboravi in gemitu meo etc. {H} Sed postquam aliquis est a carcere liberatus quod nobis factum est precio sanguins Christi, cum aliquis est etiam a sordibus primis aqua mundatus: quod fit in nobis aqua lacrimarum: adhuc ex longo catenarum usu, restat confractio et colli sio membrorum: ob quam incedere non possumus in via vite. Unde necessarium est tertium testimonium sancti spiritus scilicet qui nos vivificet et adiuvet infirmitatem nostram. Unde dicitur in Psalmo Dominus erigit elisos etc. Et 1Pt. 5 Ipse perficiet, et confirmabit solidabitque. Recte ergo dicitur: Testimonia tua credibilia facta sunt etc. In celo pro bonis angelis et contra malos In terra pro electis hominibus et contra malos.
b Act. 12, 5.
c Ps. 141, 8 (Ps-R) ut laud. Corpus antiphonalium officii, n° 2563 (antiph. in decollatione sancti Ioannis Baptistae); Ps-G : « Educ de custodia animam meam ».


Comment citer cette page ?
Martin Morard, ed., Philipus Cancellarius, Summa super Psalterium (Ps. Psalmus 92), in : Sacra Pagina, IRHT-CNRS, 2025. Consultation du 11/03/2025. (Permalink : https://gloss-e.irht.cnrs.fr/php/editions_chapitre.php?id=phi&numLivre=26&chapitre=26_92)
Signaler un complément d'information

Notes :