Philippus Cancellarius

Psalmus 98

Numérotation du verset Ps. 98,1 

¶Psalmus David1.
¶Codd. : (Ps. 98) D30 Rusch Ps-G
1 <divisio.>David] + Sermones sunt quos locutus est. Vox Ecclesie D30
Numérotation du verset Ps. 98,I 

Dominus
regnavit
irascantur
populi ¦ qui sedet
super cherubim
moveatur terra
Numérotation du verset Ps. 98,2 II

Dominus in Sion
magnus ¦ et excelsus2 super omnes populos.
2 excelsus Ps-G ( plerique codd. et edd. ) D30 Rusch cum Ps-R ] + est Ps-G
Numérotation du verset Ps. 98,3 III

Confiteantur
nomini tuo
magno†
quoniam terribile
et sanctum est ¦
Numérotation du verset Ps. 98,4 

et3 honor regis iudicium diligit.
3 et D30 ] sub ÷ Ps-G ( I ), ÷ et : Valic24
Numérotation du verset Ps. 98,IV 

Tu parasti directiones4 ¦
4 directiones D30 Valic24 ² (+ interl. )] equitatem Valic24* cum Ps-R , dirictionem Ps-G ( R* )
iudicium
et iustitiam
in Iacob
tu fecisti.
Numérotation du verset Ps. 98,5 V

Exaltate
Dominum Deum nostrum †
et adorate
scabellum
pedum eius ¦
quoniam sanctum est.
Numérotation du verset Ps. 98,6 VI

Moyses
et Aaron
in sacerdotibus
eius ¦
et Samuel
inter eos qui
invocant nomen eius.
Numérotation du verset Ps. 98,VII 

Invocabant Dominum
et ipse
exaudiebat eos5 ¦
5 eos Ps-R Ps-G . ( plerique codd. et edd. ) D30 Rusch] illos Ps-G
Numérotation du verset Ps. 98,7 

in columna nubis
loquebatur ad eos.
Numérotation du verset Ps. 98,VIII 

Custodiebant
testimonia eius ¦ et preceptum
quod
dedit illis.
Numérotation du verset Ps. 98,8 IX

Domine Deus noster tu exaudiebas eos† 6
6 eos Ps-R Ps-G ( plerique codd. et edd. ) D30 Rusch] illos Ps-G
Deus tu propitius fuisti eis ¦
et ulciscens in omnes
adinventiones eorum.
Numérotation du verset Ps. 98,9 X

Exaltate
Dominum
Deum nostrum† et adorate
in monte
sancto eius ¦ quoniam sanctus Dominus Deus noster.

Psalmus 98

Numérotation du verset Ps. 98,6 
Sermo 206
prol.| ¶ De ratione, devotione, et providentia seu circumspectione significatis per Moysem, et Aaron, et Samuelem. In Psalmo 98.A
A Codd. : = Va 9877
Moyses et Aaron in sacerdotibus eius: et Samuel inter eos qui invocant nomen eius.
marg.| {A} Moysi fuit officium: facienda precipere et omittenda prohibere. Moyses enim fuit legis lator. Aaron qui fuit summus sacerdos, ad ea que mandabat Moyses per orationem auxilium implorabat. Samuel propheta predicebat quod premium exspectare debebat legis exsecutor: et quam penam transgressor.
marg.| ¶ Et ad similitudinem istorum tria reperiuntur in anima que verum templum Dei est. Moyses ergo in templo anime est ratio. Aaron est devotio. Samuel providentia et circum spectio.
marg.| ¶ Ratio ergo primum discernit quid agendum. quid fugiendum. Secundo videt quod ea non ponit adimplere et clamat cum Apostolo ad Rm. 7 {B} Velle mihi adiacet perficere autem bonum non invenio. Tertio decernit ut homo non presumere de se discat, et infirmitatem suam agnoscat. et hoc fit per multa experimenta.
marg.| ¶ Primo per sui ipsius accusationem. Unde Prv. 18. Iustus prior accusator est sui. et Lc. 15 : « Pater peccavi in celum et coram te ».
marg.| ¶ Secundo per sui ipsius in se ultionem, de quo Lc. 14. Publicanus stans a longe percutiebat pectus suum dicens. Deus propitius esto mihi peccatori.
marg.| ¶ Tertio per vigiliarum extensionem. Unde Sir. 31 Vigilia honestatis tabefaciet carnes.
marg.| ¶ Quarto per ieiuniorum continuationem. Unde Ps. « Humiliabam in ieiunio animam meam ».
marg.| ¶ Quinto per multiplicem carnis in frigore et nuditate et aliis afflictionem. Unde 2Cor. 6 In multa patientia, in tribulationibus, in necessitatibus, in angustiis, in plagis, in { LXV v } carceribus, in seditionibus, in laboribus, in vigiliis, in ieiuniis etc.
marg.| ¶ Post hec omnia videt corpus deficere, et dicit ut dicitur ad Rm. 7 Non est volentis neque currentis, sed Dei miserantis. Et ideo habet necesse auxilium implorare, quod est officium sacerdotis, per orationem: et sic procedit ad statum sacerdotis, et immolat vitulum presumptionis et superbie: et abiicit de se omnem confidentiam: et dicit iuxta Tb. 4 Superbiam numquam in tuo sensu dominari permittas: sed dicit, In Domino confido.
marg.| ¶ Sed attende quod prius immolat in ara exteriori. {D} Secundo in ara interiori. De prima dicitur Ex. 27 Facies altare de lignis sethim. De secunda dicitur Ex. 30 Facies et altare ad adolendum. Ara exterior est sensus carnis, interior est affectus cordis. In ara exteriori fiunt predicte hostie, ieiunia, labor, vigilie, et huiusmodi. Unde ad Colossen. 3 Mortificate membra vestra que sunt super terram, fornicationem, immunditiam, libidinem, concupiscentiam malam, et avaritiam que est idolorum servitus.
marg.| ¶ In ara interiori, gemitus, suspiria, lacrime offeruntur. {E} Unde Iob. 3 Antequamcomedam suspiro. Et pres. Sacrificium Deo spiritus contribu. cor. contri. et hu. Deus non de. etc. De ara exteriori: ignis portatur ad interiorem: ut dicitur Ex. 27 Nam de afflictione corporis, ad cor trahitur vis doloris. Unde Ct. 5 Manus mee distillaverunt myrrham, et digiti mei pleni sunt myrrha probatissima. quod ideo dicitur, quia melior est myrrha cordis qua corporis. Unde 1 ad Timo. 4 Exercitatio corporalis ad modicum utilis est: pietas ad omnia utilis est.
marg.| ¶ Duo autem sunt que pertinent ad officium sacerdotis. {F} Instructio que pertinet ad Moysem: et oblatio que ad Aaron. Ideo dicitur Moysi et Aaron in sacer dotibus eius. Quam autem ad sacerdotem pertineat { LXV r } instructio: habetur Malac. 2 Labia sacerdotis custodiunt scientiam, et legem Domini ex ore eius exquirent. Item quod pro se et pro populo Deum placare sacerdos habeat dicitur ad Hbr. 12 Sacerdotes primum pro suis delictis hostias offerunt: deinde pro populo.
marg.| ¶ Sequitur. {G} Et Samuel inter eos qui inuo. etc. Samuel propheta, est providentia, que veram facit invocationem ut non incurramus supplicia et consequamur premia: et qui hec non previdet, non invocat. Unde in Cantico Moysi Dt. 32 Gens absque consilio et sine prudentia: utinam saperent et intelligerent, ac novissima providerent. Et Eccle. 31 Cogitatio prescientie avertit sensum. Et eiusdem. 7 Memento ire quoniam non tardabit: humilia valde spiritum tuum. Et ad Hbr. 11 Rapinam bonorum vestrorum cum gaudio suscepistis cognoscentes vos habere meliorem substantiam etc. et. 12 Aspicientes in auctorem fidei qui proposito sibi gaudio sustinuit crucem.


Comment citer cette page ?
Martin Morard, ed., Philipus Cancellarius, Summa super Psalterium (Ps. Psalmus 98), in : Sacra Pagina, IRHT-CNRS, 2024. Consultation du 21/12/2024. (Permalink : https://gloss-e.irht.cnrs.fr/php/editions_chapitre.php?id=phi&numLivre=26&chapitre=26_98)
Signaler un complément d'information

Notes :