Hugo de Sancto Caro

Psalmus 140

Numérotation du verset Ps. 140,1 

¶Psalmus David1.
¶Codd. : (Ps. 140) D30 T79 ΩΧ Rusch Ps-G
1David] + Vox Ecclesie contra hereticos D30
Numérotation du verset Ps. 140,I 

Domine clamavi
ad te
exaudi me ¦ intende voci mee
cum2
2 cum D30 ΩΧ Rusch Weber ] dum T79 (hapax)
clamavero ad te.
Numérotation du verset Ps. 140,2 II

Dirigatur oratio mea
sicut incensum
in conspectu tuo ¦ elevatio manuum mearum
sacrificium vespertinum.
Numérotation du verset Ps. 140,3 III

Pone Domine custodiam ori meo ¦
et ostium circumstantie
labiis meis.
Numérotation du verset Ps. 140,4 IV

Non declines cor meum in verba malitie ¦
ad excusandas excusationes in peccatis.
Numérotation du verset Ps. 140,V 

Cum hominibus operantibus iniquitatem ¦
et non communicabo
cum electis eorum.
Numérotation du verset Ps. 140,5 VI

Corripiet me iustus
in misericordia et increpabit me ¦
oleum autem peccatoris
non impinguet
caput meum.
Numérotation du verset Ps. 140,VII 

Quoniam adhuc
et oratio mea
in beneplacitis eorum ¦
Numérotation du verset Ps. 140,6 

absorpti sunt3
3 absorpti Rusch ] absorti T79 ΩΧ Ps-G
iuncti petre
iudices eorum.
Numérotation du verset Ps. 140,VIII 

Audient
verba mea quoniam potuerunt ¦
Numérotation du verset Ps. 140,7 

sicut crassitudo
terre erupta4 est
4 erupta D30 Cor2 Rusch Ps-G ] erumpta ΩΧ, erecta ΩS, eructa T79
super terram.
Numérotation du verset Ps. 140,IX 

Dissipata sunt ossa nostra
secus
infernum†
Numérotation du verset Ps. 140,8 

quia ad te Domine Domine5 oculi mei6 ¦
5 Domine² ΩΧ] om. Ψ Ps- γ |
6 mei ΩΧ Rusch Weber ] nostri ΩS |
in te speravi non auferas
animam meam.
Numérotation du verset Ps. 140,9 X

Custodi me
a laqueo7
7 laqueo Ps-R Ps-G ] + hoc Clm343* (theta.) Ps-Med
quem statuerunt mihi ¦
et a8 scandalis
8 a] ab ΩΧ
operantium iniquitatem.
Numérotation du verset Ps. 140,10 XI

Cadent
in retiaculo9*
9 retiaculo ΩM ΩJ ΩS ΩΧ Ps-G Ps-R ] retiaculum Ps-G (G² ΨB*) D30 T79 Rusch , retiacula G* cum hebr.
eius
peccatores ¦ singulariter sum ego donec transeam.

Psalmus 140

Numérotation du verset Ps. 140,1 
marg.| Domine clamavi] etc. Titulus. Psalmus David. Sepe expositus est iste titulus. Propheta in persona Christi sive membrorum loquitur per totum hunc Psalmum. Intentio monet ad Deum clamare.
marg.| Modus. Bipartitus est Psalmus. Primo sciens Propheta hominem implicari peccatis, orat, ut audiatur, subdens a quibus maxime velit liberari. Secundo, dicit quod a iusto correptus spernet falsos laudatores, ibi : Corripiet. In persona igitur hominis circumventi peccatis, ait.
Numérotation du verset Ps. 140,I 
marg.| {x} O Domine clamavi] iam diu, ad te. Quid clamavi ?
marg.| {y} Exaudi me] Et iterum adhuc clamo, ideo sequitur.
marg.| {z} Intende voci mee, cum clamavero ad te] Nondum enim finitus est clamor, quia nondum finita est tribulatio.
Numérotation du verset Ps. 140,2 
II
marg.| {a} {2.347va} Dirigatur oratio mea] id est tibi placita sit igne caritatis incensa.
marg.| {b} Sicut incensum in conspectu tuo] odorifera videlicet sit, in cuius figura in veteri lege incensum dicebatur offerri in odorem suavem Deo.
marg.| {c} Elevatio manuum mearum] id est operatio mea bona, que fit pro eternis, sit tibi.
marg.| {d} Sacrificium vespertinum] id est placeat tibi ut sacrificium, quod in veteri lege vespere offerebatur, quod erat acceptabilius, quia figura erat illius veri sacrificii, quod in fine Mundi in Cruce est oblatum. In lege namque sacerdos iugiter et mane et vespere offerebat, sed quod vespere offerebat, dignius erat. Vel quia vespera nostra finis est vite, potest sacrificium vespertinum dici penitentia, qua in fine mundamur. Et elevatio manuum mearum, sit tibi sacrificium vespertinum, id est opera mea bona sic tibi sint accepta, ut penitentia, que agitur in vespera, id est in fine vite, in quo si perfecte offerimus, recte purgamur. Hoc dicit, ut nemo desperet, qui in fine penitet. Vel de Christo accipi potest. Hoc enim de capite omnes intelligant Christo, qui ad vesperam animam posuit iterum recepturus, non amisit invitus, sed tamen nos ibi figurati sumus. Quod enim illius pependit in ligno, de nobis accepit. Vespertinum ergo sacrificium est Passio Christi, oblatio victime salutaris, quod fecit in resurrectione munus matutinum. Oratio ergo pure directa de corde fideli tamquam de ara sancta in incensum surgit. Et elevatio manuum mearum, in Cruce expansarum, est sacrificium vespertinum, quia tunc animam deposuit. Deinde subditur ex voce corporis.
Numérotation du verset Ps. 140,3 
III
marg.| {e} Pone Domine custodiam ori meo] id est cordi, ne iniqua cogitet.
marg.| {f} Et ostium] etc. ne stulta promant. Et dicitur hoc a similitudine illius, qui circumstat ostium, ut non intret, vel exeat, cui non licet. Mors enim intrat per fenestras vestras. Et adversarius vester Diabolus, tamquam Leo rugiens circuit querens quem devoret. Et nota, quod et cordi et ori petit apponi custodiam. Duplici enim munimine opus est, ut nec cogitatio iniqua sapiat, nec prava voluntas in fatua verba erumpat. Pone, Domine, custodiam ori meo, ne dicam mendacium. Sap. 1.c. Os, quod mentitur, occidit animam. Et magis in doctrina religionis, quia hoc est mendacium capitale. Ier. 23.c. Qui habet sermonem meum, loquatur sermonem meum, quid paleis ad triticum, dicit Dominus ? Is. 1.f. Vinum tuum mixtum est aqua. Item ne dicam turpia. Eph. 5.a. Fornicatio autem et omnis immunditia, aut avaritia, nec nominetur in vobis, etc. Item, ut non dicam convicia, vel improperia, vel superba et ne revelem secreta et huiusmodi, de quibus Eccl. 22.d. Est concordatio ad amicum, excepto convicio et improperio et superbia et mysterii revelatione. Item, ne dicam iurgia. Eccl. 28.b. Certamen festinatum incendit ignem ire, scilicet et furoris. Item, ne dicam detractiones. Rm. 1.d. Detractores Deo odibiles, etc. Item calumniam, vel criminationem. Lv. 19.c. Non eris susurro, nec criminator in populis. Item adulationem. Ez. 13.c. Ve qui consuunt pulvillos sub omni cubito. Ut ibi exponit Gregorius Lingua mala corrumpit omnes litteras. Adulatio, blasphemia, convicium, detractio, excusatio peccati, falsa locutio, gloriatio, ironica locutio, irrisio, cavillatio, ludificatio, murmuratio, nugatio, oratio indebita, periuratio, querulatio, revelatio secretorum, susurratio, turpiloquium, verbum otiosum, contumelia, zizanie seminatio. Merito ergo contra tot peccata capitalia, ori suo custodiam poni orat vir sanctus. Ostium circumstantie, vel continentie, secundum aliam litteram, non dixit claustrum, sed ostium. Ostium enim clauditur et aperitur, ita et ostium labiorum aperiatur ad confessionem peccati et claudatur ad excusationem et ita erit ostium circumstantie, non ruine. Et ad quid prodest hoc hostium, subdit.
Numérotation du verset Ps. 140,4 
IV
marg.| {g} Non declines] o Deus, hoc Christus dicit ex persona Ecclesie.
marg.| {h} Cor meum] id est cor corporis mei, ut est Ecclesia.
marg.| {i} In verba malitie] scilicet ad excusationes in peccatis.
Numérotation du verset Ps. 140,V 
marg.| {k} Cum hominibus operantibus iniquitatem] id est ad hoc pone ostium, ut non excusem peccatum {2.347vb} meum, sicut homines, qui operantur iniquitatem.
marg.| Excusant enim se homines a peccato
- Casu. Hab. 1.a. Facis homines quasi pisces maris, quasi reptile non habens principem. Et est opinio talium, qui dicunt omnia advenire casu et fortuna.
- Paupertate, ut latro et meretrix.
- Divitiis : Unde quidam ita se excusant, oportet me habere pompam sociorum, cum sim dives. De his duobus. Prv. 30.b. Mendicitatem et divitias ne dederis mihi, etc.
- Necessitate constellationis vel prescientie Dei. Am. 5.b. Relinquitis facientem Arcturum et Orionas, id est Deum qui non imponit necessitatem. Nam in quacumque hora ingemuerit peccator, vita vivet, etc. Ez. 18.
- Fragilitate, ut Adam. Gn. 3.c. Mulier, quam dedisti mihi, etc.
- Ignorantia, contra quod dicitur. Dt. 30.c. Iuxta te est sermo valde in ore tuo, etc.
- Vehementia tentationis. Iob. 6.b. Que est fortitudo mea ut sustineam ? Contra quod est illud. 1Cor. 10.c. Deus faciet cum tentatione proventum.
- Similitudine aliorum, dicentes illud quod dixit Elias. 3Rg. 19.a.
- Non sum melior quam omnes patres mei. Ex his et similibus excusant se peccatores in peccatis, quod est summum vitium. 1Rg. 15.e. Quasi peccatum ariolandi est repugnare et quasi scelus idololatrie nolle acquiescere. Gregorius Qui se accusat Deus eum excusat. Idem. Dum laudem querunt, veram confessionem amittunt.
marg.| {l} Et non communicabo] etc.scilicet peccatum. Electi eorum sunt, qui se iustificant et ceteros despiciunt, sicut Phariseus. Lc. 18.b. Cum talibus non vult iste communicare, sive combinari. Dicuntur enim combinari proprie, qui simul in uno vinculo ligantur, ut alter alterum impediat, ne sit fuga libera.
Numérotation du verset Ps. 140,5 
VI
marg.| {m} Corripiet me iustus] etc. Hec est secunda pars, in qua fidelis iste custodiri petit, quasi dicat non communicabo cum malis, ut defendam peccatum meum, sed potius iustus corripiet me, id est Christus, vel quilibet frater.
marg.| {n} In misericordia] et increpabit me. Emendari magis se vult misericorditer, quam laudari fallaciter. Unde scriptum est : Meliora sunt vulnera amici, quam fraudulenta inimici oscula.
marg.| {o} Oleum autem peccatoris] id est falsa laus adulatoris.
marg.| {p} Non impinguet caput meum] id est mentem meam, id est non crescit de falsa adulatione mens mea. Hinc dici solet. Unxi illi caput.
Numérotation du verset Ps. 140,VII 
marg.| {q} Quoniam adhuc et oratio mea] id est illi peccatores adorabunt pro eis ut ego.
Numérotation du verset Ps. 140,5 
VI
marg.| Vel sic {m} Corripiet me iustus , etc.  quoniam adhuc] exspectatio et oratio mea, erit in beneplacitis eorum. Primis enim temporibus vituperabantur Christiani ; sed veniet tempus, quo placebit eis oratio mea, ut dicant. Dimitte nobis, etc. Hoc dicent Christo, quem habemus Advocatum apud Patrem. Vel Oratio mea, id est mei capitis, scilicet oratio, quam ipse docuit, vel qua ipse interpellat pro nobis, placebit eis. Et
marg.| {s} Iudices eorum] id est potentes, qui de moribus iudicant, ut Plato, Aristoteles, etc.
Numérotation du verset Ps. 140,6 
marg.| {r} Absorpti sunt iuncti Petre] scilicet comparati Petre, id est Christo crucifixo, quia per se videntur aliquid dicere, sed iunge, id est compara illos Christo, nihil sunt, mortui iacent, stulta est eorum sapientia et absorpti sunt, quia fracti, victique sicut fragiles vas allisum petre. In cuius figura serpens Moysi devoravit dracones Magorum. Christus enim surrexit et omnes eum colunt. Stultam enim fecit Deus sapientiam huius Mundi. Et quid erit, dicit.
Numérotation du verset Ps. 140,VIII 
marg.| {r} Audient verba mea] ipsiscilicet verba mea audient.
marg.| {u} Quoniam potuerunt] id est potentiam habent et prevalent verbis eorum. Verba enim mea ita efficacia sunt, quod pro eis mori non metuunt, qui ea predicant. Quid erga mortes illorum fecerunt, subdit.
Numérotation du verset Ps. 140,7 
marg.| {x} Sicut crassitudo terre] id est verba meorum et mortes eorum prosunt eis. Quia sicut crassitudo terre.
marg.| {y} Erupta] vel dirupta est super terram, unde proventus fertilitatis evenit, licet vilis sit res. Ita
Numérotation du verset Ps. 140,IX 
marg.| {a} {2.348ra} Dissipata sunt] etc. scilicet corpora testium Christi sunt dissipata, id est ex dissipatione ossium nostrorum summa utilitas venit. Et est congrua comparatio. Crassitudo enim terre est contemptibilis, tamen terra inde accipit pinguedinem, ita ex eo quod contemnitur Mundus, accipit seges Ecclesie pinguedinem nostri et feracius pullulat. Contemptibilia enim Mundi elegit Deus.
marg.| {b} Secus] etc. id est pro velle profundorum, id est pro voluntate eorum, qui sunt Infernum, id est qui sunt profundi in vitiis.
marg.| Vel Secus Infernum, non in Inferno, quia etsi communi sorte moriuntur, non tamen descendunt in Infernum ut mali, sed vita eterna datur illis.
marg.| {a} Dissipata] Hoc potest legi aliter de religiosis. Religiosi enim debent esse ossa, quia ossa non sentiunt ; sic et claustrales debent insensibiles inveniri quantum ad gloriam et contumeliam. Unde Beatus Bernardus legitur precepisse cuidam Novitio ut una die malediceret ossibus alia benediceret et in fine anni quesivit quid responderunt tibi ? Qui dixit ‘nihil’. Cui Beatus Bernardus Nec tu aliquid respondeas maledicentibus. Immo dicitur, 1Cor. 4.c. Maledicimur et benedicimus, persecutionem patimur et sustinemusa.
a Exemplum.
marg.| Ossa Diaboli sunt mali qui comparantur fistulis eris que tacte resonant, sic et ipsi pulsati contumeliis respondent. Unde Iob. 40.b. Ossa eius quasi fistule eris. Ossa absconduntur in sepulchris, sic et ipsi in claustris. Unde quando claustralis videtur extra claustrum, deberet cantari, Requiem eternam. Per se non exeant, nec educi debent sine causa. Unde sepulchri violator est, qui ossa trahit de sepulchro, sic qui claustrales de claustro sine causa. Educi tamen possunt ex causa, quando scilicet vocat eos necessitas caritatis.
marg.| Unde notantur per ossa dentium, que non apparent nisi per risum. Risus autem caritatem notat, que sola debet esse causa, ut prodeant. Gn. 24.g. Exiit Isaac, ut exercitaretur in agro. Ager, Mundus. De his dentibus. Ct. 4.a. Dentes tui sicut greges tonsarum, que ascenderunt de lavacro. Greges tonsarum sunt congregatio religiosorum qui tonsi sunt per proprii renunciationem, loti per conversationis munditiam. Quando dentes ordinati sunt, decentiam habent, sic ordinis observantia decet claustrales. Dentes inordinati indecentes sunt, qui dicuntur superdentes et signant superbos fratres. Similiter raritas dentium indecens est et in Monasterio raritas fratrum. Lam. 3.b. Confregit ad numerum dentes meos. Quod fit quando non est debitus numerus fratrum in Ecclesia. Ossa quamdiu sunt cum carnibus, non debent extrahi de sepulchro propter fetorem. Unde Martha noluit fratrem suum revelari ne feteret, dicens. Io. 11.e. Domine quatriduanus est, iam fetet. Sed si tantum iacuerint in sepulchro, quod aruerint et consumpte sint carnes et iam fetoris nihil habent ossa, scilicet tunc extrahi possunt. Sic claustrales ex causa possunt educi, quando carnalis affectus penitus in eis est absorptus. Sicut dicitur Dt. 33.a. Qui dixit patri suo et matri sue nescio vos et fratribus suis, ignoro illos. In Lazaro nondum hoc factum erat. Unde notat illos in quibus carnalis affectus nondum deletus est et exeunt ad Mundum. Tamen vocante Domino Lazarus exivit, quia plurimi tales de licentia Abbatum, prodeunt. Lazare, inquit Dominus, veni foras. Si aliter exire solent et tunc est periculum. Unde Dominus non flevit mortuum sed suscitandum. Quando ergo ossa arida sunt, non est timendum de fetore. Sic et tales vocari possunt et quasi suscitari ad dignitates, qui iam aruerunt. Quibus dicitur Ez. 37.b. Ossa arida audite verbum Domini. Ecce ego immittam in vobis spiritum et vivetis. Et quia quandoque contingit exeuntes ad Mundum et appropinquantes Mundo claustrales, ut illos, qui in civitatibus et oppidis sunt, corrumpi et dissipari, recte dicitur. Dissipata sunt, etc.
marg.| Et notandum quod multipliciter dicitur Infernus :
Mundus ; quoniam sicut Infernus plenus est igne, ita Mundus concupiscentiarum carbonibus.
marg.| Nam infernus dicitur. Et sicut una domus ex propinquitate alterius accenditur, ita et hec. Unde conqueritur, dicens. Vita mea Inferno appropinquavit. Ps. Cadent super eos carbones. Horatius.
- Nam tua res agitur, paries dum proximus ardet. Prv. 6.d. Numquid potest abscondere ignem in sinu suo ?
- Luxuria. Prv. 2.d. Inclinata est ad mortem domus eius et ad Inferos semite illius. Et 5.a. Pedes eius descendunt ad mortem et ad Inferos gressus eius penetrant. Et 30.c. Tria sunt insatiabilia et quartum, quod numquam dicit, sufficit. Infernus et os vulve, id est cupiditas et luxuria ; terra, que non satiatur aqua, id est gulositas, que non satiatur deliciis ; ignis, qui numquam dicit sufficit.
- Gula. Unde de divite epulone dicitur Lc. 16.f. quod sepultus est in inferno.
- Superbia, Is. 5.d. Propterea dilatavit Infernus animam suam et aperuit os suum absque ullo termino et descendent sublimes eius, gloriosique eius ad eum.
- Omnis peccator. Unde Or. 1.b. Deglutiamus eum frustra, sicut Infernus viventem. Et ideo in figura dicitur {348rb} Gn. 1.d. quod Ioseph fratribus suis dixit. Asportate ossa mea vobiscum de loco isto, id est de Egypto. Et ideo Hbr. 11.d. dicitur, Fide Ioseph moriens mandavit de ossibus suis. Quid est ossa Ioseph tolli de Egypto, nisi claustrales tolli de Mundo ? Ergo non permittatis ea ibi remanere, ne dicatis, Dissipata sunt, etc.
Sed ad expositionem priorem revertamur.
marg.| {c} Quia] etc. Dicta fragilitate hominis, ad divina remedia confugit, quasi diceret, hec predicta sunt in nobis, sed o Domine.   [Non auferas] id est non auferri sinas a bonis tuis animam meam, etsi corpus perimitur. Hoc ideo petit, quia sciebat multos adversis cedere. Ideo non auferas, quia oculi mei sunt ad te, Domine, non ad minas persecutorum. Novi enim, quid pro me passus sis, quid promiseris et per hoc secure speravi in te. Et ideo, non auferas animam meam, a bonis tuis, sed spes mea semper sit in te et oculi mei semper ad te intendant. Non enim petit iste contra hoc, quod Sancti volunt, scilicet de seculo eripi et esse cum Christo.
marg.| {e} Custodi me] quasi diceret, dico ne auferas animam, sed potius, custodi me a laqueo, id est a deceptione, quem mali statuerunt mihi. Esca enim ducit ad laqueum.
marg.| {f} Et a scandalis] etc. id est a manifestis perturbationibus iniquorum. Per laqueos et scandala, totius Mundi mala breviter notat. Laquei enim sunt blandi nexus decipere volentium et carnis desideria. Si per hos Diabolus non proficit, nititur scandalis, que per iniquos movet. Est autem scandalum dictum, vel factum minus rectum, prebens occasionem ruine alteri. Sequitur.
marg.| {g} Cadent] etc. quasi diceret me custodi, sed peccatores ruentes de vitio in vitium, cadent in retiaculo eius, scilicet iniquitatis. Apta verba comparationi ponit : nam quasi quadam circuitione peccatorum clauduntur, dum de vitio in vitium ruunt. Cum istis talibus non vult combinari. Unde additur.
marg.| {i} Singulariter sum] quasi diceret, illi cadent, sed ego singularis sum, quia cum pessimis non ambulat, neque consensum cum eis habet. Singulariter sum, dico.
marg.| {k} Donec ut viator] transeam, viam huius Mundi, quam inoffenso gressu transit, quia nulla voluptate capitur. Vel aliter ab illo loco.
marg.| {e} Custodi me] Et dicit statuentes laqueum, persecutores manifestos ; operantes autem iniquitatem, consentientes illis, qui timore persecutionis deficiunt. Et hoc est. Ne auferas animam meam, sed, potius, custodi me a laqueo persecutionis, quem statuerunt mihi. Hoc faciunt persecutores qui escam vite huius quasi in muscipula ponunt. Si amat avis hanc escam, cadit in muscipulam, quia timore mortis persecutioni succumbit.
marg.| {f} Et] custodi me, a scandalis operantium iniquitatem, id est a scandalo eorum, qui illis consentiendo labuntur et ita iniquitatem operantur Hoc ergo de eis dicitur, qui consenserunt illis, qui apostatarunt. Et ab utrisque vult iste custodiri, a terrentibus et a lapsis. Ac si diceret, custodi me a persecutoribus qui terrent et a lapsis, qui territi sunt, ut nec illos timeam, nec istos imiter. Et non modo alii operantur iniquitatem, sed etiam ipsi primi, scilicet Apostoli herentes ori eius defecerunt. Et hoc est.
marg.| {g} Cadent in] etc. iniquitatis.
marg.| {h} Peccatores] scilicet id est Apostoli, qui usque eo fuerunt peccatores, ut sic amarent vitam istam, ut eam preponerent eterne, quia nondum in eis factum erat, quod in alio Ps. dicitur. Ego confirmavi columnas eius. Deinde ex persona capitis subdens.
marg.| {i} Singulariter] etc. Nec mutatur vox, propter unitatem capitis et corporis, quo dicitur, quasi dicat quare est hoc,scilicet quod defecerunt, quia singulariter, vel singularis sum ego, id est quia solus in tempore Passionis, quia nullus cum eo, vel ante eum pro nomine eius passus est et Apostoli defecerunt et in Cruce pendens unum solum latronem comitem habuit. Singularis sum, dico.
marg.| {k} Donec transeam] de Mundo ad Patrem. Tunc confirmabo columnas, quia in Resurrectione Christi didicerunt non timere mortem. Singulariter sum ego, donec transeam ; cum vero transiero, multiplicabor. Hoc est illud idem, quod in Evangelio Io. 12.d. ait. Nisi granum frumenti cadens in terram mortuum fuerit, ipsum solum manet ; si autem mortuum fuerit, multum fructum affert. Et iterum. Cum exaltatus fuero a terra, omnia traham ad me. Ergo solus erat antequam esset mortificatus et a terra exaltatus, propterea nondum habebant Apostoli tales vires. Accepturi erant vires sequendi, qui non habebant vires precedendi. Nemo enim ante Christum occiditur propter Christum, id est propter confessionem nominis Christi, ne pro nomine Christi moriendo antecederet Christum. Etsi enim multi Prophete ante Christum passi sunt, non tamen ideo moriebantur, {2.348va} quia prenunciabant Christum, sed quia peccatis hominum resistebant. Et habentur quidam eorum inter Martyres. Nec etiam Ioannes, quo maior non surrexit inter natos mulierum, pro Christi testimonio occisus est, sed pro Herodis adulterio. Pro lege vero veritatis mortuus est et pro iustitia martyr fuit, non pro nomine Christi, sic et alii antiqui. Proprie tamen martyres dicuntur, qui pro confessione nominis Christi patiuntur.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Ps. Psalmus 140), in : Sacra Pagina, IRHT-CNRS, 2024. Consultation du 21/12/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=26&chapitre=26_140)
Signaler un complément d'information

Notes :