Psalmus 12

Numérotation du verset Ps. 12,1 

¶In finem
¶Codd. : (Ps. 12) D30 Rusch Ps-G, def. C
psalmus
David. 1
1 In... David = Ω X
Numérotation du verset Ps. 12,I 

Usquequo Domine
oblivisceris me in finem ?
usquequo
avertis2
2 usquequo] quousque Ps-G (L*) Valic24 cum Ps-R | avertis Rusch Ps-R Ps-G Valic24 D30 ] avertes Ps-G (ΦRGV) tantum cum LXX ; BRUNO (pseudo), In loc. cit., PL 152, 682D.
faciem tuam
a me ?
Numérotation du verset Ps. 12,2 II

Quamdiu
ponam consilia
in anima mea ¦ dolorem
in corde meo per diem.
Numérotation du verset Ps. 12,3 III

Usquequo exaltabitur inimicus meus
super me ?
Numérotation du verset Ps. 12,4 

Respice
et3 exaudi
3et F I plerique codd. et edd. cum. graec. (Sedulius R=Ps-α R39) cum Ps-R ] om. Cor2 (grecus et hebr. non habent) Ps-G (R tantum) cum hebr. LXX Ps-H
me Domine Deus meus.
Numérotation du verset Ps. 12,IV 

Illumina oculos meos
ne umquam obdormiam4
4 obdormiam] obdormiant L cum Ps-δ
in morte5 :
5 morte Ps-G ( F² I plerique codd. et edd. ) Valic24 D30 ΩP cum Ps-R ( plerique codd. et edd. )] mortem Ps-G (R F* L W ΦRG D) cum Ps-R
Numérotation du verset Ps. 12,5 

nequando
dicat inimicus meus
prevalui adversus eum.
Numérotation du verset Ps. 12,V 

Qui tribulant me
exultabunt si motus fuero ¦
Numérotation du verset Ps. 12,6 

ego autem
in misericordia tua
speravi.
Numérotation du verset Ps. 12,VI 

Exultabit cor meum in salutari tuo ¦
cantabo
Domino qui bona
tribuit mihi
et psallam nomini Domini altissimi.

Psalmus 12

Numérotation du verset Ps. 12,1 
marg.| {d} {2.24rb} Usquequo, Domine] Titulus.   In finem Psalmus David. Titulus patet per predicta. In hoc Psalmo ostenditur, quantus fuerit ardor et desiderium antiquorum desiderantium primum Christi adventum. Et Mystice ostenditur desiderium modernorum desiderantium secundum adventum, quod desiderium qui habet, Mundum non amat. Hec scilicet Caritas Christi est materia huius Ps. Que dicitur multipliciter. Scilicet quam habuit. Eph. 2.a. Deus qui dives est in misericordia, propter nimiam caritatem suam, qua dilexit nos, cum essemus mortui peccatis, convivificavit nos. Et caritas, quam docuit, Io. 13.d. Mandatum novum do vobis, ut diligatis invicem. Et caritas, quam dedit. Lc. 12.f. Ignem veni mittere in terram. Intentione monet ad desiderium eternorum.
marg.| Modus. Bipartitus est Ps. In prima parte exprimitur desiderium antiquorum Patrum quantum ad primum adventum. In secunda in persona cuiuslibet fidelis petit, ut illuminetur, ne capiatur a laqueis Diaboli, ibi : [Respice et exaudi me] etc. Propheta ergo in persona antiquorum de dilatione primi adventus primo conqueritur dicens.
Numérotation du verset Ps. 12,I 
marg.| {d} Usquequo, Domine] Et fiat ibi modus. Oblivisceris me numquid usque in finem, id est usque ad tempus gratie, in quo fines seculorum devenerunt. 1Cor. 10.c. Deus vero nihil obliviscitur per scientiam. Sed dicitur hic oblivisci, quia differt dare, sicut dicitur oblivisci peccata, quando non punit. Ez. 18.e. Si impius egerit penitentiam ab omnibus peccatis suis, que operatus est et custodierit omnia precepta mea et fecerit iudicium et iustitiam, vita vivet et non morietur. Omnium iniquitatum eius quas, operatus est, non recordabor.
marg.| {e} Usquequo] id est presentiam Filii tui. Et ita est conquestio antiquorum de primo adventu. Sic, ut sit conquestio modernorum de dilatione secundi adventus. Usquequo ? Erit hoc, usquequo, id est usque in diem iudicii, vel usque ad mortem.
marg.| {e} Et usquequo] id est faciem glorie, ut videam facie ad faciem ? De qua Ex. 33.c. Ostende mihi faciem tuam, Ps. Ostende faciem tuam et salvi erimus. Possunt autem assignari multe cause, quare antiqui Patres tantum desiderabant adventum Christi in carnem. Primo propter exaltationem humane nature : In cuius persona dicitur Lam. 1.d. Vide, Domine et considera, quoniam sum vilis. Sed exaltata est per Incarnationem. Unde Ps. Cum gloria suscepisti me, facta sum gloriosa, sicut mulier ignobilis sublimatur, si contrahat cum nobili viro. Et ex hoc est, quod omne peccatum post adventum Salvatoris maius est, quam si ante fieret. Sicut ignominiosum esset de nobili, si faceret aliquod vile, plus quam si ignobilis hoc faceret. Secunda causa est, ut liberarentur a limbo Inferni captivi. Iob. 17.d. In profundissimum, id est in limbum Inferni descendent omnia mea ; putasne saltem ibi erit requies mihi ? Per Christum autem liberati sumus ab eo. Zacharie 9.ca :"Tu quoque in sanguine Testamenti tui eduxisti vinctos de lacu in quo non est aqua". Tertio propter depressionem Diaboli Ps. 88. Humiliasti, sicut vulneratum superbum, id est minorasti potentiam eius : Lc. 11.c. Si autem fortior eo supervenerit, alligabit fortem, etc. Quarto, quia per adventum Christi pacificatus est nobis Deus. Iob. 9.d. Non est, qui utrumque valeat arguere et ponere manum in ambobus. Istud, scilicet non erat ante adventum Christi. Gregorius sic exponit. Manum posuit Christus in ambobus, quia et homini exempla bene operandi tribuit et Deo in se opera, quibus placaretur, ostendit. Quinto, propter delectationem, quam sperabant habere in videndo et audiendo ipsum et cohabitando cum eo. Mt. 13.c. Vestri beati oculi, quia vident et aures vestre, quia audiunt. Amen quippe dico vobis, quia multi Prophete et iusti cupierunt videre, que vos videtis et non viderunt ; et audire, que auditis et non audierunt. Ct. ult. a. Quis mihi det te fratrem meum sugentem ubera matris mee, ut inveniam te solum foris et deosculer te et iam me nemo despiciat ? Foris visus est per humanitatem et etiam deosculatus. Ct. 1.a. Osculetur me osculo oris sui. Ideo iam ipso habito, dicit beatus Bernardus Merito proinde somnia et visiones non recipio, figuras et enigmata nolo, ipsas quoque Angelicas species fastidio, omnes quippe superat specie et pulchritudine sua Iesus meus. Sexto, propter austeritatem legis amovendam. Iob. 9.d. Auferat a me virgam suam, id est legis, qua puniebat duritiam. Gregorius Eam Christus abstulit et per mansuetudinem vias vite ostendit. Noluit ut Deus timeri, sed ut pater amari. Septima ratio est propter scripturarum apertionem. Apc. 5.a. Non est inventus, qui aperiret librum et solveret signacula eius, nisi agnus, qui occisus est. Iob. 38.b. Numquid post ortum tuum precepisti diluculo, {2.24va} et ostendisti aurore locum suum ? Auroram vocat, quia sicut adveniente aurora recedunt tenebre, sic, adveniente Christo, recessit ignorantia Scripturarum. Et Iob. 31.d. Quis enim tribuat adiutorem, ut desiderium meum compleat opus et librum scribat ipse, qui iudicat. Unde Bernardus Quid enim hec semiverbia Prophetarum, iam Moysen non audio, impeditioris quippe lingue factus est mihi. Isaie labia immunda sunt, Ieremias nescit loqui, quia puer est, omnes Prophete elingues sunt, ipse loquitur, quem ipsi loquuntur. Moderni vero secundum adventum desiderant multis rationibus. Primo, quia tunc exaltabuntur. Sap. 3.b. Iudicabunt Sancti nationes et dominabuntur populis. Sap. 3. dicunt damnati. Quomodo computati sunt inter filios Dei. Secundo, quia tunc liberabuntur ab omni pena. Is. 25.c. Auferet Dominus omnem lacrimam ab omni facie, id est causam lacrimandi, vel penam. Tertio, quia liberabuntur ab omni peccato. Unde ibi dicit Is. 25.c. Et opprobrium populi sui auferet Dominus ab universa terra. Quarto, quia tunc eripientur a potestate diaboli. Is. 11.b. Non nocebunt, neque occident in universo monte sancto meo. Naum 1.d. Non adiiciet, ut pertranseat in te Belial. Quinto, quia liberabuntur a servitute corporis. Ps. Educ de carcere animam meam. Rm. 8.d. Ipsa creatura liberabitur a servitute corruptionis in libertatem glorie filiorum Dei. Sexto, quia tunc videbunt Deum facie ad faciem. 1Io. 3.a. Scimus, quoniam cum apparuerit, similes ei erimus, quoniam videbimus eum sicuti est. 1Cor. 13.d. Videmus nunc per speculum in enigmate, tunc autem facie ad faciem. Et ex illa visione sciemus omnem veritatem, nec indigebimus aliquo magistro. Tunc enim erunt omnes docibiles Dei. Is. 54.d. Unde Ier. 31.f. Non docebit ultra vir proximum suum et vir fratrem suum, omnes enim cognoscent me a minimo eorum usque ad maximum.
a Cf. Za. 9, 11.
Numérotation du verset Ps. 12,2 
II
marg.| {a} Quamdiu ponam] scilicet diversis, que facienda sunt in lege. Et dicit pluraliter. Consilia, quia tunc multa consilia necessaria, modo autem tantum unum, scilicet Sequere me. Unde Lc. 10.g. Unum est necessarium. Vel alia littera. Remedia, ut dicit Ier. quia diversa sacrificia erant in lege, ut sacrificium pro Principe, pro Sacerdote, pro privata persona. Modo vero unicum remedium. Unde versus : « Pro multis una, pro quotidie repetitis. Est oblata semel hostia vera Deus ».
marg.| {a} Et repete. Quamdiu ponam] id est de die in diem. Indeterminatio temporis notat continuationem doloris, quia per longam continuationem crescit anxietas. Prv. 13.b. Spes, que differtur, affligit animam. Nota, quod proprie dicit, Ponam, que intelligit dolorem in corde, quod sentit. Vel potest legi in persona modernorum sic. Quamdiu ponam, id est quamdiu ero in adversis, ut necesse sit ponere, id est invenire dolorem in corde. Istud non mutatur, nisi quod in precedenti expositione dicitur respectu primi adventus, dicatur hic respectu secundi. Sic legitur interrogative totum. Potest autem legi remissive, ut sit hoc, Quamdiu ponam, responsio ad predicta. Et est sensus. Usque. Ecce, quamdiu ponam, id est dum ero in his adversis, ut predictum est. Et quamdiu ponam, id est quamdiu dolere necesse erit pro peccatis propriis, pro alienis, pro dilatione patrie, pro incolatu presentis miserie. Pro his enim quatuor dolorem habere debet vir iustus. Et bene dicit.
marg.| {b} Per diem] non per noctem, quasi dicat, hoc fit per diem, id est per illuminationem gratie, quia tunc conteritur homo, quando illuminatur. Ier. 31.d. Postquam ostendisti mihi, percussi femur meum, confusus sum et erubui. Gregorius Quanto maioris gratie lumen quis recipit, tanto magis se reprehensibilem esse cognoscit.
Numérotation du verset Ps. 12,3 
III
marg.| {c} Usquequo exaltabitur] id est Diabolus, qui exaltatus erat tempore legis. Et ista est vox antiquorum. Tempore enim legis fortis armatus custodiebat atrium suum. Lc. 11.c. Sed supervenit fortior et fregit claustra eius. Vel sit vox modernorum, sic. Usquequo exaltabitur, id est Diabolus, qui multos in suam partem trahit, faciendo eos peccare mortaliter. Et tunc Iob. 18.c. calcet super eum quasi Rex interitus, id est Diabolus, qui mori facit hominem spiritualiter. Et Iob. 20.d. vadent et venient super eum horribiles, id est Demones. Propter hec incommoda petit, ut exaudiatur, cum dicit.
Numérotation du verset Ps. 12,4 
marg.| {2.24vb} {d} Respice] Et est hic secunda pars. Nota, quod primo fecit Propheta in persona antiquorum quatuor questiones ; hic autem facit quatuor petitiones, quia quatuor modis recordatus est Dominus nostri, scilicet per Incarnationem et sic soluta est prima questio, scilicet hec, usquequo. Secundo, recordatus est nostri per fidei illuminationem et tunc soluta est secunda questio, ista scilicet. Usquequo avertis. Tertio, per legis adimpletionem, scilicet Evangelium et sic soluta est tertia questio, scilicet hec. Quamdiu ponam, quia in Evangelio dantur consilia. Quarto, per exaltationem sui in Cruce et tunc soluta est quarta questio, scilicet hec. Usquequo exaltabitur. Io. 12.e. Cum exaltatus fuero a terra, omnia traham ad me ipsum. Ideo quatuor sequuntur petitiones, que hec quatuor petunt. Respice per carnis assumptionem,   [et exaudi me. Illumina oculos meos] per gratie infusionem. Ne umquam obdormiam, per legis impletionem. Ne quando dicat, etc. per Crucis exaltationem. Redde singula singulis. Dicit ergo primo   [Respice] oculis misericordie. O Deus Pater per missionem filii tui in carnem. Et sic   [exaudi me] hoc flagitantem. Et probat, quia potest exaudire. Unde dicit, Domine, quasi potens. Et quia debet. Unde dicit, Deus. Et quia vult. Unde dicit, Meus. Et sic solves primam questionem.
Numérotation du verset Ps. 12,IV 
marg.| {e} Illumina oculos meos] interiores, ostendendo mihi veram lucem, que illuminat omnem hominem venientem in hunc mundum. Io. 1.a. scilicet Christum. Et sic solves secundam.
marg.| {f} Ne umquam obdormiam in morte] id est moriar in litterali legis observantia, que mors est. Unde 2Cor. 2.b. Littera occidit, etc. Et sic solves tertiam. Nequando dicat ; Sed ego prevaleam adversus eum per mortem filii tui et sic solves quartam questionem, scilicet   [Nequando dicat] Illud etiam potest legi in persona modernorum et cuiuslibet.   [Respice] miseriam.   [Et exaudi me] deprecantem. Et loquitur more trutanorum, qui primo ostendunt infirma sua et per hoc petunt auxilium   [Illumina oculos meos] Est quidem duplex oculus, scilicet interior et exterior. Et sicut exterior est duplex, scilicet sinister et dexter, ita et interior duplex, scilicet oculus cognitionis sinister et oculus affectionis dexter. Oculus cognitionis obscuratur per ignorantiam, oculus affectionis per concupiscentiam. Illuminatur autem oculus cognitionis per scientiam, oculus affectionis per virtutem. Et quandoque illuminatur unus oculus, scilicet cognitionis et alter obscuratur, scilicet affectionis. Nm. 14.a. dixit Balaam. Dixit homo, cuius obscuratus est oculus. Balaam interpretatur vanus populus. Qui cum vanitatem huius seculi querit, habet oculum affectionis obscuratum. Fedus enim iniit cum Naas, qui eruit oculum eius dextrum. 1Rg. 11.a. dixit Naas. In hoc feriam vobiscum fedus, ut eruam omnium vestrum oculos dextros. Naas interpretatur serpens, vel augurans, hic est callidus serpens. Gn. 3.a. qui auguratus est Eve. Nequaquam moriemini, etc. Sed ad hanc obscurationem datur remedium. 1Rg. 14.d. ubi dicitur, quod Ionathas extendit summitatem virge, quam habebat in manu et intinxit in favum mellis et convertit manum ad os suum et illuminati sunt oculi eius. Ionathas interpretatur donum columbe et significat illum, in quo est donum gratie. Virga est rigor iustitie, cuius summitas est Evangelium, quod perfectam iustitiam docet. Unde Mt. 5.c. Nisi abundaverit iustitia vestra plus quam Scribarum et Phariseorum, non intrabitis in Regnum celorum. Favus mellis est misericordia, que est in duabus naturis Christi figuratis per mel et ceram ; manum ad os convertit, qui, quod alios docet, prius facit. Et cum virga sibi favum attrahit, qui per iustitiam, quam in se ipsum facit, misericordiam Dei acquirit. Unde Ps. 118. Feci iudicium et iustitiam, etc. alibi. Misericordia et veritas obviaverunt sibi. Misericordia, scilicet Dei miserentis et veritas hominis se iudicantis et de se iustitiam facientis. Et hoc modo illuminantur oculi Ionathe.
marg.| Ne umquam obdormiam, id est in peccato mortali. Et nota istam differentiam. Dormitat in morte, id est peccato qui frequenter labitur et frequenter resurgit. Dormit, qui cum ceciderit, non resurgit. Obdormit obstinatus, qui peccatum suum defendit, nec defacili excitatur. Hec tria notantur Eccles. 43.c. Frigidus ventus Aquilo flavit et gelavit Crystallus ab aqua. Aqua dormitationem, glacies dormitionem, Crystallus obdormitionem significat. Hec est triplex mors, scilicet delectationis, consuetudinis, obstinationis. Que notatur Lam. 3.f. Lapsa est in lacum vita mea et posuerunt lapidem super me. In lapsu notatur delectatio ; in lacu, consuetudo ; in lapide, obstinatio.
marg.| Vel. In morte, id est in peccato. De quo dicitur 1Io. 5.d. Est peccatum ad mortem, non pro illo dico, ut roget quis. Vel [Ne umquam obdormiam in morte] id est ne penitentiam usque ad mortem differam et ita dormiam cum morte peccati {2.25ra} in Inferno, ubi nulla est redemptio.
Numérotation du verset Ps. 12,5 
marg.| {a} Nequando dicat] id est Diabolus. De quo Mt. 13.d. Inimicus homo hoc fecit.
marg.| {b} Prevalui] tentando.
marg.| {c} Adversus eum] Inimicus iste primo impetit in suggestione, luctatur in delectatione, percutit in consensu, inclinat in actu, precipitat in consuetudine, prevalet in morte, quando, scilicet homo moritur in peccato. Et benedicit.   [Ne quando dicat] quasi gaudens et iactans se. Demones enim iactant se. Unde 1Rg. ult. d. Philistei, victo Saule, caput eius miserunt per circuitum terre sue, ad iactantiam. Unde in persona penitentis dicit Mi. 7.b. Ne leteris inimica mea super me, quia cecidi, consurgam, etc. Iram Domini portabo per penitentiam. Et quod letentur dicit.
Numérotation du verset Ps. 12,V 
marg.| {d} Qui tribulant me] scilicet Demones. Gregorius Quotidie nos inimicus impugnat, ut saltem tedio deiiciat.
marg.| {e} Exultabunt] Sicut enim gaudium est in celis super uno peccatore penitentiam agente. Lc. 15.b. Ita gaudium est Demonibus super una anima peccatum perpetrante. Unde illud Poeticum. Numquam risus adest, nisi quem fecere dolores. Prv. 2.c. Letantur, cum malefecerint et exultant in rebus pessimis. Unde 2Rg. 1.d. dicit David. Nolite annuntiare in Geth, ne forte exultent filie Philistiim, id est Demones, quia non solum ille demon, qui suggerit peccatum alicui, gaudet, si ille incidat, sed et omnes Demones gaudent. Unde Eccl. 18.d. Si prestiteris anime tue concupiscentias eius, faciet te in gaudium inimicis tuis, scilicet Demonibus, vel mundo, carni, Diabolo.
marg.| {f} Si motus fuero] a loco proprio. Locus proprius anime est Deus. Et sicut lapis non quiescit, sed premit humum tendens ad terram. Sic anima non quiescit nisi in Deo. Unde Augustinus in 1. lib. Confes. Inquietum est, Domine, cor meum, donec venerit in te. Item locus anime est stabilitas virtutum. Eccl. 10.a. Si spiritus potestatem habentis ascenderit super te, id est superbia Diaboli, locum tuum ne dimiseris. Ita illi   [exultabunt si motus fuero] sed ego spero in te, quod non movebor. Et hoc est.
Numérotation du verset Ps. 12,6 
marg.| {g} Ego autem] discretive, quasi dicat non impii. Gregorius Iniqui omnes, qui districtionem iustitie non metuunt, in cassum sibi de misericordia blandiuntur.
marg.| {h} In misericordia tua speravi] quia misericordie Domini est, quod non sumus consumpti. Lam. 3.c. In misericordia tua, non in potestate mea, que nulla est contra Diabolum. Iob. 41.d. Non est potestas super terram, que comparetur ei.
Numérotation du verset Ps. 12,VI 
marg.| {i} Exultabit cor meum] Supra petierat, ut illuminaretur, ut sciret et posset Diabolo resistere et ne Diabolus de victoria habita de homine exultaret, modo hic ostendit, quomodo Deus suos illuminat et armat contra Diabolum. Scilicet per tria, que sunt arma fortia, scilicet per letitiam spiritualem, per devotam orationem, per bonam operationem. De primo dicit primo.   [Exultavit cor meum] non in Mundo, vel in temporalibus, vel vanitatibus, sicut faciunt mundani. De quibus Iob. 21.b. Gaudent ad sonitum organi. Os. 9.a. Noli letari Israel, noli exultare, sicut populi.
marg.| {k} Sed in salutari tuo] id est in Christo, qui ad hoc venit, ut salvet nos. Unde et vocatus est Iesus. Mt. 1.d. Vocabis nomen eius Iesum. Et subiungit causam. Ipse autem salvum faciet populum suum a peccatis eorum. Et hec letitia est armatura contra Diabolum, que multum roborat hominem et confortat. Unde dicit beatus Augustinus Una est ratio vincendi inimicum, letitia spiritualis. Is. 30.g. Et in citharis et in tympanis et in bellis precipuis expugnabit eos. Prv. 17.d. Animus gaudens etatem floridam facit, spiritus autem tristitis exsiccat ossa. Et scitis, quod quando exsiccata sunt, homo non habet fortitudinem et ideo necessaria est letitia spiritualis. Hanc letitiam multum timent demones. Unde 1Rg. 4.b. Cognoverunt Philistei dicentes. Venit Deus in castra et ingemuerunt dicentes. Ve nobis. Non enim fuit tanta exultatio heri et nudiustertius. Ve nobis. Secundum est oratio, vel laus Dei. Unde addit :
marg.| {l} Cantabo Domino] id est laudabo eum. Et multum valet hoc ad pugnandum et expugnandum Diabolum. Unde Mt. 17.c. Hoc genus Demonii non eiicitur, nisi per orationem et ieiunium. Et 1Mcc.16.b. dicitur, quod cum exclamassent sacris tubis, conversus est Cendebeus in fugam cum exercitu {2.25rb} suo. Sacre Tube, sunt sacra ora psallentium et orantium. Ad quorum clamorem fugit Cendebeus, id est Diabolus. Et quare laudandus sit Deus, subdit.
marg.| {m} Qui bona tribuit mihi] id est quia bona tribuit mihi. Iac. 1.c. Omne datum optimum et omne donum perfectum, desursum est descendens a patre luminum, etc. Et dicit pluraliter   [bona] quia sunt bona plura. Est enim bonum temporis et bonum in tempore et bonum supra tempus. Bonum temporis est temporalia. De quibus Iob. 21.b. Ducunt in bonis dies suos et in puncto ad Inferna descendunt. Bonum in tempore, divisiones gratiarum, virtutes et dona Spiritus Sancti. De quibus Iob. 2.c. Si bona suscepimus de manu Domini, mala quare non sustineamus ? Bona supra tempus sunt bona glorie. De quibus Ps. 62. Credo videre bona Domini in terra viventium. Hec omnia bona tribuit Dominus et ideo merito laudandus est. Eccl. ult. c. Danti mihi sapientiam, dabo gloriam. Tertium est bonum opus. De quo subiungit
marg.| {n} Et psallam] id est operabor. Psallere enim est manu tangere psalterium. Et hoc est necessarium ad repellendum Diabolum. Unde Ioren. Semper aliquid operis facito, ut te Diabolus inveniat occupatum. Et Mt. 12.d. quod cum spiritus immundus exierit ab homine, ambulat per loca arida querens requiem et non inveniens, dicit. Revertar in domum meam priorem et veniens invenit eam vacantem, scopis mundatam et ornatam. Licet mundata sit a peccatis scopis plurium confessionum et ornata virtutibus, tamen quia invenit eam vacantem, assumit audaciam, quod poterit intrare. Unde sequitur, ibi : Et assumit septem alios spiritus secum nequiores se et intrantes habitant ibi et fiunt novissima hominis illius peiora prioribus. Et subiungit Propheta causam finalem operationis sue. Unde dicit.
marg.| {o} Nomini Domini] id est laudem et gloriam nominis Domini. Mt. 5.b. Sic luceat lux vestra coram hominibus, ut videant opera vestra bona et glorificent patrem vestrum, qui in celis est. Et quare ad laudem ipsius subdit.
marg.| {p} Altissimi] Quia enim altissimus est, ideo laudari debet. Lc. 1.b. Gloria in altissimis Deo.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Ps. Psalmus 12), in : Sacra Pagina, IRHT-CNRS, 2024. Consultation du 29/04/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=26&chapitre=26_12)
Signaler un complément d'information

Notes :