Glossae Scripturae Sacrae-electronicae (Gloss-e)

Biblia communis

Psalmus 146

Numérotation du verset Ps. 146,1

¶ ¹Alleluia.

¶Codd. : (Ps. 146) D30 Ω^P Rusch Ps-G |

¹Alleluia Ps-G ( I Q W V D ) Ω^S Rusch Ed1530 Clementina cum Ps-R ] + Aggei et Zacharie Ps-G, + Aggei et Zacharie. Vox Ecclesie ad novellum populum D30

Numérotation du verset Ps. 146,I

Laudate Dominum

quoniam bonus est² psalmus ¦

² bonus est p. Ps-G (Ψ^B² plerique codd. et edd. ) Cor2 (Ieronimus interponit est) Ω Ω^P Rusch cum Ps-R ] bonus p. Ps-G (F I M W Φ^RGW G ) Cor2 (antiq.), bonum p. Ps-G (R) cum LXX

Deo nostro

sit iocunda

decoraque laudatio.

Numérotation du verset Ps. 146,2 II

Edificans

Hierusalem

Dominus³ ¦ dispersiones

³ Dominus Ps-G Sedulius ] + et F Clm343* (theta.) Ps-R Ps-Med cum LXX

Israelis⁴ congregabit.

⁴ Isra(h)elis Ps-G ( M ² G ²^B² W Φ^RGW D) D30 Ω Ω^P Ed1530 Clementina ] Israel Ps-G ( M * G* Ψ^B* V Q) Rusch

Numérotation du verset Ps. 146,3 III

Qui

sanat contritos corde ¦

et alligat contritiones eorum⁵.

⁵ eorum Ps-G ( plerique codd. et edd. ) D30 Ω Ω^P Rusch cum Ps-R ] illorum Ps-G (R F)

Numérotation du verset Ps. 146,4 IV

Qui numerat

multitudinem stellarum ¦ et omnibus eis nomina vocat⁶.

⁶ vocat Ps-G (V D) Ω Ed1530 Clementina cum Ps-R ] vocans Ps-G Ω^P Rusch

Numérotation du verset Ps. 146,5 V

Magnus Dominus noster

et magna virtus eius ¦

et sapientie eius

non est numerus.

Numérotation du verset Ps. 146,6 VI

Suscipiens

mansuetos Dominus ¦ humilians autem peccatores

usque ad terram.

Numérotation du verset Ps. 146,7 VII

Precinite

Domino in confessione ¦

psallite⁷

⁷ psallite Ω^P] et praem. Rusch (hapax)

Deo nostro in cithara.

Numérotation du verset Ps. 146,8 VIII

Qui

operit celum nubibus ¦

et parat terre pluviam.

Numérotation du verset Ps. 146,IX

Qui producit

in montibus

fenum ¦

et herbam servituti hominum.

Numérotation du verset Ps. 146,9 X

Qui dat iumentis⁸

⁸ Qui Ps-G ( plerique codd. Ω^P edd.) D30 Ω Rusch cum Ps-R ] Et Ps-G (R F)

escam ipsorum ¦

et pullis corvorum

invocantibus eum.

Numérotation du verset Ps. 146,10 XI

Non in fortitudine equi

voluntatem

habebit ¦ nec in tibiis⁹ viri

⁹ tibiis Ps-G cum graec. (LXX : κνήμαις) Ps-H cum hebr. ; cf. HIERONYMUS, Ep. 106 ] tibialibus Ps-Med (+Clm343), tabernaculis Ps-R (pro σκηναῖς nullo graeco codice nec expositione teste) ut ref. August., Paul

beneplacitum erit ei¹⁰.

¹⁰ ei Ps-G Ps-R ] Domino LXX (Antioch. ; cf. HIERONYMUS, Ep. 106 )

Numérotation du verset Ps. 146,11 XII

Beneplacitum est Domino

super timentes eum ¦

et in eis qui sperant super misericordia eius.

Psalmus 146

Numérotation du verset Ps. 146,1

^marg.| Laudate Dominum, quoniam bonus est Psalmus] Titulus. [Alleluia] Sepe expositus est, quia laudare Deum significat. Hic ergo iterum agit de laude Dei, ubi Propheta monet laudare colligentem Israel. Intentio monet ad laudem Dei. Modus : Bipartitus est Psalmus. Primo ostendit quos colligat et quomodo. Secundo, post predicta quasi adhuc hesitantes et dubios increpat, tendens unde possint laudare Deum, scilicet si fuerint humiles, ibi : [Precinite] .

Numérotation du verset Ps. 146,I

^marg.| Omnes ergo tam maiores, quam minores ad laudem invitans, ait, o [laudate Dominum] Hoc dicitur omnibus gentibus. Et quasi quereremus, quare laudabimus ? Laudis causam attulit.

^marg.| {p} Quoniam bonus est Psalmus] Hec est tota merces laudantium, quasi dicat, ideo laudate, quoniam bonum est laudare. Ipsa enim laus Dei est nostra beatitudo. Et notandum {2.351vb} est, quod non dixit, quoniam bona est laus, sed ut laudis modum exprimeret, dixit : [Quoniam bonus est Psalmus] Ipse enim Psalmus est laus Dei, que fit non sola voce, sed in organo, manibus voci concordantibus, per quod significatur, quod voci debent opera consonare, quorum laus cessare non debet etiam vocis laude intermissa. Semper ergo laudat, qui semper bene operatur, qui vero male agit, blasphemat. Hec laus perficietur in eterna gloria, ad quam perventuri, modo exerceamur in hac laude bonorum operum. Bonus est ergo Psalmus, quia bona est laus Dei. In laude namque Dei, ipse actus est merces, que et in futuro erit. Et quia bonus Psalmus, ideo.

^marg.| {q} Deo Deo nostro] etc. quod utique est, si est et decora, id est vite moribus speciosa. Iucunda enim est Deo, que est speciosa, quod non est in ore peccatorum, qui bone cantilene malis obstrepunt moribus. Eccl. 15.c. Non est speciosa laus in ore peccatoris.

^marg.| Non hic, quod per psalmodiam et per laudem Dei anima primo reficitur et pascitur. Eccl. 49.a. In omni ore quasi mel indulcabitur memoria eius. Hoc dicit de Iona. Laus enim Dei est quasi species aromatica in ore. Ps. 118. Quam dulcia faucibus meis eloquia tua.
Secundo, a tedio relevatur. Ps. ibidem « Cantabiles mihi erant iustificationes tue in loco peregrinationis mee »: Sicut viatores tedio affecti cantant.
Tertio, fit iucundior. 1Rg. 2.a. Exultavit cor meum in Domino, etc.
Quarto, minus gravatur. Dn. 3.e. Tres pueri positi in fornace Domino decantantes non urebantur.
Quinto, ad diligendum Deum inflammatur. 2Mcc.1.e. Ionatha inchoante et aliis respondentibus ignis accensus est.
Sexto, a peccato retrahitur. Is. 48.h. Infrenabo te laude mea ne intereas.
Septimo, sponsum recuperat, sicut avis parem suum recuperat cantando. Ct. 2.d. Sonet vox tua in auribus meis.
Octavo, mitigatur a tentatione. 1Rg. 16.d. de Saule, cuius vexatio per cantum, sive sonum minuebatur. Inde fabulose dictum est, quod Orpheus lyra sonando et cantu mirifico uxorem ab Inseris infernales furias mitigando revocavit. Et super illud Nm. 22.a. Misit ergo nuncios ad Balaam, etc.

^marg.| Dicit Origenes in quibusdam plus valere verba, quam opera. Quod enim exercitus nequit efficere, hoc verbis efficitur. Et infra. Quod si magi Pharaonis virtute verborum malorum mutaverunt virgas in serpentes, multo magis hoc facit verbum bonorum.

Numérotation du verset Ps. 146,2
II

^marg.| {r} Edificans Hierusalem Dominus] quasi dicat, ideo laudandus est Deus, quia edificat Hierusalem spiritualem, scilicet celestem Ecclesiam. Quam sic edificat, quia congregat.

^marg.| {s} Dispersiones Israel] id est fideles dispersos de toto Mundo, collectos ad Regnum. Vel [Hierusalem] id est generalem Ecclesiam, cuius pars triumphat in celis, ubi cives sunt Angeli et pars militat in terris, que peregrinatur a Domino. Sed respexit Deus peregrinationem nostram et dispersos in Christo collegit, quem pater misit ad captivitatem nostram redimendam pretio sanguinis, quasi dicat, dicis ut laudemus Deum et quis est Deus noster ? Respondet : [Dominus edificans Hierusalem] de vivis lapidibus ruinam Angelicam reparans. Et ipse.

^marg.| {t} Congregabit] in una fide et caritate.

^marg.| {s} Dispersiones Israel] id est fideles olim dispersos. Dominus enim edificat Ecclesiam, sive fidelem animam multipliciter. Primo, extrahit eam de lapidicina, id est de massa aliorum. Is. 51.a. Attendite ad petram, unde excisi estis. De ista separatione, Eccl. 47.a. Surrexit Nathan quasi adeps separatus a carne. Secundo, excutitur tribulationibus et dolatur malleis egritudinum et persecutionum. Os. 6.b. Propter hoc dolavi in Prophetis, etc. Tertio, politur doctrinis et sculpitur virtutibus. 3Rg. 5.d. Precepit Rex, ut tollerent lapides et dolaverunt eos cementarii Salomonis. Quarto, ponuntur in edificio spirituali, quando diversis officiis mancipantur. Eph. 4.c. Dedit quosdam Apostolos, alios Prophetas, etc. Ibi sunt duodecim divisiones ministrantium. Quinto, ligantur bitumine caritatis inseparabiliter. Dicitur enim, quod lapides, sive ligna bitumine Asphalti coniuncta separari non possunt, sed potius franguntur ; sanguis tamen menstruus bitumen hoc dividit : sic uniti Deo per caritatem corpus proprium potius in frusta dividi patiuntur, quam a Christo lapide, cui uniti sunt, separari possint, sicut dicebat Apostolus Rm. 8.g. Certus sum, quod nihil poterit me separare a caritate Dei, que est in Christo Iesu. Solum autem peccatum mortale in sanguine menstruo significatum, hoc potest glutinum separare, quo Dominus dispersos congregavit. Et quomodo eos congreget, declarat dicens.

Numérotation du verset Ps. 146,3
III

^marg.| {a} {2.352ra} Qui sanat contritos corde] id est eos, qui offerunt Deo sacrificium, spiritum contribulatum et cor contritum, quos hic sanat ex parte et in futuro plenarie, quando corruptibile hoc induet incorruptionem. Et quomodo eos sanet, sequitur.

^marg.| {b} Et alligat contritiones eorum] more Medici, qui frangit quod tortum est, ut fiat rectum, sic facit Deus, quia primo frangit cor per contritionem, deinde alligat vulnera, oleum infundendo pietatis. Iob. 23.d. Dominus emollivit cor meum. Debemus ergo nos confringere et conterere cor nostrum penitendo, confitendo, puniendo et Deus sic contritum alligabit et sanabit, quia Samaritanus est, sanans eum, qui incidit in latrones : Lc. 10. Ps. 106. Misit verbum suum et sanavit eos. Sequitur. Et ipse est.

Numérotation du verset Ps. 146,4
IV

^marg.| {c} Qui numerat multitudinem] etc. Hoc ad litteram planum est, quia fecit eas in recto numero.

^marg.| {e} Et omnibus eis nomina vocans] Nomina enim imponuntur a proprietatibus rerum. Ipse enim cognoscit usque ad minimas omnes proprietates et virtutes stellarum. Sed mystice exponi potest.

^marg.| {c} Qui numerat multitudinem stellarum] id est electos in Ecclesia, qui lucent in medio nationis prave tamquam luminaria in Mundo : Phil. 2.b. Tales numerat Deus in suos approbando, quia novit Dominus, qui sunt eius. Si quis vero obscurus et non clarus, ut stella, bonis se interserit, novit Dominus, qui numerat, quia supra numerum est. Ps. 39. Multiplicati sunt super numerum. Quia intra parietes presentis Ecclesie plures sunt, quam futuri sint in Regno Dei : Ideo ait.

^marg.| {c} Qui numerat] id est discernit.

^marg.| {d} Multitudinem stellarum] id est electorum.

^marg.| {e} Et sic [omnibus eis] sic numeratis.

^marg.| {f} Nomina vocat] quia nomina eorum scripta sunt in libro vite, id est in Dei predestinatione. Reprobos autem hac notitia non novit, quibus dicturus est : Non novi vos. Vocat ergo electos nomine proprio. Unde Io. 10.a. ait de ovibus suis : Proprias oves vocat nominatim et educit eas, non sicut Astrologi, qui stellas vocant nomine alieno, Iovem, Venerem et huiusmodi. Vel potest dici, quod Sanctos vocat nomine proprio, qui dat unicuique proprium donum, alios per humilitatem, alios per castitatem vocando.

^marg.| Est autem notandum quod viri sancti et electi Dei in sacra Scriptura assimilantur stellis propter multa. Primo, quo ad earum essentiam. Nam stelle secundum suam essentiam, sive naturam, sunt pure, sunt alte et spherice : Similiter Sancti viri sunt puri per continentiam ; alti per contemplationem ; spherici per caritatem. Secundo, quo ad stellarum permanentiam, quia stelle sunt incorruptibiles, infatigabiles et ineclypticabiles : Sic Sancti viri sunt incorruptibiles per tolerantiam, infatigabiles per constantiam, ineclypticabiles per patientiam. Tertio, quo ad apparentiam, quia sunt parve, sunt pulchre, sunt proxime : Et sic Sancti viri sunt parvi, per humilitatem ; pulchri, per morum exteriorum venustatem ; proximi, per caritatem. Quarto, quo ad influentiam, quia stelle sunt virtuose, operose et luminose.

^marg.| Sic Sancti viri sunt virtuosi per gratiam. Eccl. 44.a. Homines divites in virtute pulchritudinis studium habentes. Operosi per iustitiam. Hbr. 11.f. Operati sunt iustitiam. Luminosi per doctrinam et exemplum. Mt. 5.b. Vos estis lux Mundi et sic lux vestra coram hominibus, etc. Item stelle sunt motu velocissime : Sic sancti sunt motu obedientie velocissimi. Bar. 3.d. Stelle vocate sunt et apparuerunt et dixerunt, adsumus et luxerunt ei cum iucunditate.

^marg.| Item sunt simplicissime et non ex contrariis composite : Sic Sancti in operibus suis per intentionem et non corde duplices. Unde beatus Iob prima hec sibi intitulatur virtus. Iob. 1.a. Vir erat in terra Hus nomine Iob et erat vir ille simplex, etc. Propterea Dominus in Evangelio. Estote simplices, sicut Columbe. Item Stelle ornant celum : Sic Sancti celum sancte matris Ecclesie. Item stelle sunt parve in aspectu, licet in virtute sint maxime, sed parvitas apparet ratione {2.352rb} distantie : Sic Sancti apparent parvi per humilitatem et sunt altissimi per sanctitatem. Item sunt differentes, quia una maior alia : Sic Sancti in hac vita differentes in donis gratiarum et unus maior alio et dignior. Et sic erit in patria, ubi secundum differentiam meritorum distribuitur dignitas locorum et mansionum. Io. 14.a. In domo Patris mei mansiones multe sunt. Et 1Cor. 15.f. Stella differt a Stella in claritate. Item Stelle sunt innumerabiles : Sic Sancti et electi Dei, quorum numerus Deo soli est cognitus. Unde bene hic dicit : [Qui numerat multitudinem stellarum] Sequitur.

Numérotation du verset Ps. 146,5
V

^marg.| {g} Magnus Dominus] plenus gaudio. Propheta eructat, quod non potest explicare, quod tamen cogitabat prout valebat.

^marg.| {h} Et magna virtus eius] etc. id est finis, quia nec facta eius numerari, nec laus et sapientia eius potest ab aliquo comprehendi, nisi a suo intellectu. Et ille ipse, qui numerat stellas, non potest numerari : Nec ipsius numerum, mensuram et pondus, qui omnia disposuit, potest quisquam metiri, vel numerare, vel appendere. Sicut enim Sap. 11.d. dicitur : Disposuit Deus omnia in numero, mensura et pondere, id est in seipso, qui est mensura omni rei modos prefigens et numeros, id est omni rei speciem prebens et pondus, omnem rem ad stabilitatem trahens et terminans et formans et ordinans omnia diversa, que omnia incomprehensibilia sunt. Unde dicebat Paulus : O altitudo divitiarum, etc. Ideo bene dicitur.

^marg.| {g} Magnus Dominus] in essentia.

^marg.| {h} Magna virtus eius] id est potentia.

^marg.| {i} Et sapientie eius non est numerus] apud creaturam. Sed a quibus apprehendatur hec sapientia et hec virtus, declarat Christus Mt. 11. Dicens : Revelasti ea parvulis. Ideo sequitur.

Numérotation du verset Ps. 146,6
VI

^marg.| {k} Suscipiens mansuetos Dominus] ad gratiam, seu intelligentiam arcanorum suorum, que quidem qui intelligere vult, sit mansuetus et humilis, non iudicet, neque accuset obscura Scripturarum, que fecit Deus, ut dicat aliquis, melius sic diceretur : Sic enim dictum est, ut dici debuit. Non corrigat eger medicamenta, que sapiens Medicus temperat. Si autem resistis, vide, quid sequitur. Quia.

^marg.| {l} Humilians peccatores usque ad terram] id est ut terrena tantum de Deo sapiant : Qui enim reprehendunt intelligibilia, ideo sentiunt terrena, de Deo incorporeo corporaliter cogitantes. Vel [usque ad terram] id est usque ad Infernum, qui in terra esse dicitur.

Numérotation du verset Ps. 146,7
VII

^marg.| {m} Precinite Domino] Hec est secunda pars, ubi ex predictis increpat adhuc hesitantes, ostendens unde possint intelligere, si sint humiles et non superbi, quasi dicat, ut intelligere valeatis : [Precinite Domino in confessione] peccatorum et laudis et sic pervenietis ad intelligentiam veritatis. Et post confessionem sequentur bona opera : Unde sequitur :

^marg.| {n} Psallite] operibus, ut manus sequitur vocem, ita vocem laudis sequantur opera. Et cui Deo sit psallendum, subdit.

^marg.| {o} Deo nostro] Nostro inquam per creationem, nostro per carnis assumptionem. Unde supra Ps. 45. Deus noster refugium, etc. Et quomodo sit cantandum, addit.

^marg.| {p} In cithara] Cithara autem, ut dicit Cassiodorus , significat virtutes morales, consona operatione concinentes, que tunc veram citharam reddunt, quando se federata societate coniungunt. Nam sicut integra lyra non potest dici, cui aliqua chorda subtrahitur, sic nec vir Sanctus estimatur, cui virtus ulla minuitur. Ut autem hec cithara harmoniam reddat consonam et perfectam, decem chordis intenditur, videlicet observantia decem preceptorum. Unde supra Ps. 32. Confitemini Domino in cithara, in psalterio decem chordarum psallite illi. Dicturus citharam, iunxit psalterium decem chordarum. Deinde de virtute huius Domini cui psallendum est, subdit.

Numérotation du verset Ps. 146,8
VIII

^marg.| {q} Qui operit] etc. hoc ad litteram planum est. Sed spiritualiter. [Qui operit celum] id est sacram Scripturam.

^marg.| {r} Nubibus] id est obscuritatibus figurarum. Sacra Scriptura partim est facilis, ut pascat, partim est difficilis et obscura, ut exerceat. Ad hoc obscura voluit esse dicta Prophetarum, ut haberent postea servi Dei, quod interpretando influerent super aures et corda hominum. Unde alibi dicit. Ps. 17. Tenebrosa aqua in nubibus aeris.

^marg.| {s} Et parat terre pluviam] doctrine. [Terre] id est minoribus sitientibus, vel terrenis peccatoribus, quibus per nubes, suos videlicet Predicatores, pluviam doctrine et veritatis infundit. Et de magnis sequitur.

Numérotation du verset Ps. 146,IX

^marg.| {t} Qui produxit in montibus fenum] Gregorius 29. moralium, in montibus quippe fenum et herba producitur servituti hominum, cum sublimes huius seculi ad fidei cognitionem vocati, sanctis Predicatoribus in huius vite itinere spiritualiter sibi {2.352va} servientibus, transitoria alimenta largiuntur.

^marg.| {a} Herbam servituti hominum] id est Predicatoribus, qui hominibus serviunt. Unde Apostolus ait. Nos autem servos vestros per Iesum Christum. Hi seminant spiritualia et recipiunt ab excelsis seculi fenum et herbam, id est temporalia. Omnia enim, que dantur Ecclesie a divitibus, fenum sunt.

^marg.| Nota tamen, quod est multiplex fenum, scilicet lascivie carnalis. Is. 40.b. Omnis caro fenum. Item impietatis puniende. Za. 12.b. In die illa ponam duces Iuda, sicut caminum ignis in lignis et sicut facem ignis in feno. Item transitorie iuventutis. Eccl. 14.c. Omnis caro sicut fenum veterascet. Ps. 36. Tamquam fenum velociter arescent. Item bone operationis. Prv. 27.d. Aperta sunt prata et apparuerunt herbe virentes et collecta sunt fena de montibus. Item temporalis prosperitatis, ut hic. Est etiam multiplex herba, scilicet multiplicatio parentele. Iob. 5.d. Progenies tua quasi herba terre. Item vanitatis mundane. Iob. 40.c. Huic montes herbas ferunt. Et loquitur de Diabolo, cui montes, id est superbi, ferunt herbas mundane vanitatis. Item defectionis quotidiane. Ps. 89.a. Mane sicut herba transeat. Item gratie. Iob. 6.a. Numquid rugiet Onager, cum habuerit herbam ? Item glorie. Is. ult. d. Videbitis et gaudebit cor vestrum. Item sustentationis humane, ut hic.

Numérotation du verset Ps. 146,9
X

^marg.| {b} Qui dat iumentis] id est simplicibus Ecclesie, qui sunt greges Domini.

^marg.| {c} Escam] divini verbi, quia eos pascit Deus per homines, qui accipiunt fenum, id est per predicatores, quia largiuntur eis spiritualia, a quibus metunt carnalia. [Et pullis corvorum] id est filiis Gentilium. Corvi sunt, Gentiles, nigri peccatis. Et vere patres nostri corvi fuerunt, quia idololatre. Nos ergo pulli corvorum sumus, quia de corvis, id est Gentilibus peccato idololatrie nigris venimus.

^marg.| {e} Invocantibus eum] id est desiderantibus post conversionem, Dei verbo satiari. Dicit Isidorus quod corvi non ministrant cibum pullis suis, donec vident eos nigrescere plumis, quia tunc recognoscunt eos tamquam suos. Sed antequam habeant plumas nigras, nutriuntur rore celi et sic dicuntur a Deo nutriri. Per hoc autem, quod dicit [invocantibus eum] non est intelligendum, quod ista invocatio fiat per aliquam recognitionem in pullis existentem, sed quia unaqueque res per appetitum naturalem tendit ad suam perfectionem : Sic ergo dicuntur invocare Deum, a quo recipitur omnis perfectio et omne bonum. Sed mystice exponendo, bene Deus dat escam sue doctrine nobis fidelibus, filiis corvorum, id est Gentilium. Corvus enim, id est Gentilis, non invocat, sed nobis pullis eum colentibus et invocantibus dat escam.

Numérotation du verset Ps. 146,10
XI

^marg.| {f} Non in fortitudine equi] Postquam David narravit illa, que fecit Dominus, consequenter ostendit, que possunt ei displicere, dicens : [Non in fortitudine] vel [in potentatu equi voluntatem habebit] Equus, ad superbiam plerumque ponitur indicandam. Unde supra Ps. 32. Fallax equus ad salutem, etc. [Non in fortitudine] ergo [equi] id est in superbia contumacium, etc. quasi dicat Deus pascit iumenta et pullos, sed non habet voluntatem, id est beneplacitum in superbis, in equo significatis propter erectam cervicem.

^marg.| {g} Neque in tibiis viri] id est in composito habitu hominis presumptuosi et audacis.

^marg.| {h} Beneplacitum erit ei] id est in eius incessu elato, in tibiis significato. Vel secundum aliam litteram : [In tabernaculis viri] id est in conventiculis hereticorum [beneplacitum erit ei] Sed.

Numérotation du verset Ps. 146,11
XII

^marg.| {i} Beneplacitum est Domino ] etc. timore filiali, quasi dicat superbi et heretici et incompositi non placent Deo. Sed qui timent Deum.

^marg.| {k} Et sperant] etc. fugientes ab irato ad placatum. Iudas enim timuit, sed non speravit in misericordia eius, ideo desperatus cucurrit ad laqueum. Timori spem coniunxit, {2.352vb} quia non valet timor sine spe venie, nec spes sine precedenti timore, aliter enim presumptio esset. Timor autem Domini habet annexam iustitiam bonorum operum et spes est expectatio future beatitudinis precedentibus meritis et gratia. Qui autem timent Dominum, inquirunt, que beneplacita sunt illi et custodiunt mandata eius : Eccles. 2.d. Ps. 111. Beatus vir, qui timet Dominum, in mandatis eius volet nimis. Huiusmodi ergo timentibus beneplacitum est Domino et huiusmodi sunt, qui sperant super misericordia eius. Unde Lc. 1.e. Misericordia eius a progenie in progenies timentibus eum. Ps. 102. Misericordia Domini ab eterno et usque in eternum super timentes eum et iustitia illius in filiis filiorum his, qui servant testamentum eius. Hi ergo sperent, quia sperare possunt, in quibus bene complacet sibi Dominus noster, qui regnat in secula seculorum.

Comment citer cette page ?
Martin Morard, ed., Hugo de Sancto Caro. Postilla in totam Bibliam (Ps. Psalmus 146), in : Sacra Pagina, IRHT-CNRS, 2024. Consultation du 28/04/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=26&chapitre=26_146)

Signaler un complément d'information

Notes :

<26. Psalterium>

Psalmus 146

<26. Psalterium>

Psalmus 146