Psalmus 46

Numérotation du verset Ps. 46,1 

¶ In finem1 pro2* filiis Chore3 psalmus David4*.
¶Codd. : (Ps. 46) D30 Ps-G ; Textus et Glossa : Tr511 (sparsim) Rusch , def. ΩF Bari3
1 finem ] fine Ω S |
2 pro] om. K Rusch |
3 filiis Chore] om. Q |
4 pro filiis Chore- Psalmus David Q ΦG V Tr511 P106 ΩS] inv. P106 P14402 | David] om. D30 Ps-G , vox apostolorum est D30 , + id est pro conversis gentibus dirigit P106 |
Numérotation du verset Ps. 46,2 I

Omnes gentes
plaudite manibus ¦
iubilate Deo
in voce exultationis.
Numérotation du verset Ps. 46,3 II

Quoniam Dominus5
5 Dominus P106 Rusch Ps-G ] d<eu>s, Deus Tr511 Ps-G (R I) cum Ps-R
excelsus ¦
terribilis
rex magnus
super omnem terram.
Numérotation du verset Ps. 46,4 III

Subiecit populos
nobis ¦
et gentes sub pedibus nostris.
Numérotation du verset Ps. 46,5 IV

Elegit
nobis
hereditatem
suam ¦
speciem
Iacob
quem6
6 quem D30 P14402 Tr511 Rusch ] quam Cor2 (grecus et Hier. habent QUAM non habent QUEM) Ps-G
dilexit.
Numérotation du verset Ps. 46,6 V

Ascendit7
7 Ascendit] praem. diapsalma Ps-G
Deus
in iubilo ¦
et8 Dominus in voce tube.
8 et L² ΨB² D* ΩS Ed1455 Rusch Clementina cum Ps-R ] om. D30 Tr511 P106 P14402 Ps-G
Numérotation du verset Ps. 46,7 VI

Psallite
Deo nostro
psallite ¦ psallite regi nostro
psallite.
Numérotation du verset Ps. 46,8 VII

Quoniam rex omnis terre
Deus ¦
psallite sapienter.
Numérotation du verset Ps. 46,9 VIII

Regnabit9
9 regnabit Cor2 (alia littera)] C I ΦRGV G² K ΨBVD ΩS Ed1455 Rusch Clementina ] regnavit P106 Tr511 Ps-G, Cor2 (hebr. et anti. habent utrumque in preterito et grecus saltem de primo)
Deus 10
10 Deus] Dominus L² Rusch cum Ps.-R
super gentes ¦
Deus sedet11
11 sedet Cor2 (alia littera) plerique codd. et edd. cum Ps-R Ps-H ] sedit R C I L M Q W Ps-G, Cor2 (hebr. et anti. habent utrumque in preterito et grecus saltem de primo)
super sedem sanctam suam.
Numérotation du verset Ps. 46,10 IX

Principes populorum
congregati sunt cum Deo Abraham ¦
quoniam dii12* fortes terre
12 dii plerique codd. et edd. F² I D30 P106 P14402 Tr511 Rusch] D[...] C , die R, Dei Ps-G
vehementer elevati sunt.

Psalmus 46

Numérotation du verset Ps. 46,1 
marg.| {l} Omnes Gentes, plaudite manibus] etc. Titulus In finem Psalmus David pro filiis Chore. In precedenti Psalm. Gentes vocavit ad fidem : In isto easdem Gentes ad laudem invitat : Ipse enim Gentes converse sunt filii Chore, id est filii Passionis. Unde is est sensus tituli   [Psalmus] iste, est David, Prophete, qui hic, loquitur in persona Apostolorum. Pro filiis Chore, id est pro conversis Gentibus dirigendis. In finem, id est in Christi laudem. Et ex hoc patet intentio, que est monere ad laudem. Modus, bipartitus est Psalmus. Primo Gentes per gratiam Dei conversas invitat ad laudem Dei. Secundo Ascensio et regnum Dei describitur : et propter hoc monet instanter psallere, ibi : Ascendit Deus in Iubilo. In persona ergo Apostolorum loquitur ad Gentes conversas et in persona omnium Predicatorum loquitur ad omnes fideles. Dicit ergo : O vos.
marg.| {l} Omnes Gentes] etc. que recepistis beneficium gratie Dei.
marg.| {m} Plaudite] etc. gaudete : Non solum voce, sed.
marg.| {n} Manibus] etc. id est bonis operibus.
marg.| {a} {2.122ra} Δ Iubilate Deo] Quomodo ?
marg.| {b} In voce exultationis] id est laudate Deum, in voce exprimente mentis exultationem pro eternis. Et bene tangit hic duo, que sunt in iubilo, sicut infra dicitur. Iubilus, est ineffabile gaudium, quod nec taceri potest, nec exprimi valet. Propter gaudium dicit :   [Exultationis] quia taceri non potest, dicit   [In voce] Ideo plaudite et iubilate.
Numérotation du verset Ps. 46,1 
moraliter
marg.| {l} Omnes Gentes] etc. Moral<iter> vox est Predicatorum. Non paucos enim vocat Dominus : sed omnes Gentes, quia vult omnes salvos fieri : Et Predicatores debent omnes hortari ad laudem Dei, sicut hic. Perfecta autem laus Dei consistit in tribus, videlicet, in mentis devotione, vocis confessione et exteriore opere. Ad que tria hic invitat. Ad operationem per hoc, quod dicit.
marg.| {m} Plaudite manibus] Ad mentis devotionem, per hoc, quod dicit :
marg.| {a} * Iubilate Deo] Ad oris confessionem, per hoc, quod dicit.
marg.| {b} In voce exultationis] Vel confessio notatur in hoc, quod dicit : In voce : Mentis devotio, in hoc, quod dicit : Exultationis. Sed notandum quod duplex est plausus, scilicet malus, de quo Ier. 5.g. Stupor et mirabilia facta sunt in terra : Prophete prophetaverunt mendacium, etc. Sacerdotes plaudebant manibus suis. Eccles. 12.d. Plaude manu et multa susurrans, commutabit vultum suum. Item bonus plausus sicut hic. Et infra Flumina plaudent manu, simul montes exultabunt a conspectu Domini.
Numérotation du verset Ps. 46,2 
marg.| {c} Quoniam Dominus] cuius vos servos fecistis : Est.
marg.| {d} Excelsus] Excelsior enim omni creatura potens exaltare sibi servientes.
marg.| {e} Terribilis] eis, qui nolunt ei servire. Et.
marg.| {f} Rex] suos bene regens.
marg.| {g} Magnus] quia.
marg.| {h} Super omnem terram] Ps. 23. Domini est terra et plenitudo eius, etc. Et Ps. 49. Meus est orbis terre et plenitudo eius. Et ex hoc apparet, quod magnus sit. Quia.
marg.| {i} Subiecit] nobis Apostolis, qui sumus homines pauperes et abiecti.
marg.| {k} Populos] id est Iudeos rationales, legem habentes. Hoc dicunt, quantum ad illos Iudeos, qui crediderunt.
marg.| {l} Et Gentes] id est barbaras nationes, que legem non habebant, sed gentiliter vivebant.
marg.| {m} Sub pedibus nostris] Modus est loquendi, sicut vulgo dicimus, iste tenet eum sub pede, id est dominatur ei. Vel   [sub pedibus nostris] id est sub predicatione nostra. Is. 52.b. Quam pulchri super montes pedes annuntiantis et predicantis pacem ! Et hoc quidem non indiscrete fecit : Sed.
marg.| {n} Elegit nobis hereditatem suam] id est sua dispositione discreta commisit eam nobis, quasi dicat, elegit nos, ut essemus prelati Ecclesie, quam vocat hereditatem suam : quia eam iure hereditario possidet. Ps. 32. Beata Gens, cuius est Dominus Deus eius, populus, quem elegit in hereditatem sibi. Hoc est, quod dicit : Elegit nobis dare hereditatem suam, ut eam custodiamus et colamus vomere lingue, id est predicatione, arando : et postmodum bonum semen seminando.   [Hereditatem] dico.
marg.| {p} Speciem] id est que est species.
marg.| {q} Iacob] id est similis Iacob, vel significata per Iacob : quia sicut Iacob dedit edulium lentis pro primogenitura, sicut habetur Gn. 25.d. Ita ipsi dant ista temporalia pro hereditate Regni celestis. Quem dilexit. Unde Mal. 1.a. Iacob dilexi ; Esau autem odio habui. Sic Dominus tales diligit ; et magnum, immo maximum signum dilectionis Dei est, quando dat homini gratiam, ut omnia relinquat propter eum. Vel in persona totius Ecclesie dicunt Apostoli.
marg.| {i} Subiecit populos nobis et Gentes sub pedibus nostris] quia etiam populi et Gentes, qui non credunt, Ecclesiam timent et reverentur et ab ea quandoque petunt auxilium. Is. 60.c. Ponam te in superbiam seculorum, gaudium in generatione et generationem. Et hoc significat in Ecclesia pannus, qui ponitur illic, ubi debet legi Evangelium, qui dicitur fasticus, sive fasticum, a fastu, 1Cor. 3.d. Omnia vestra sunt. Et Lc. 10.c. Etiam Demonia subiiciuntur nobis. Nec tantum ista facit Dominus Ecclesie in presenti ; sed in futuro dabit ei hereditatem regni celestis, quam ei preparavit : Unde sequitur :
marg.| {n} Elegit nobis hereditatem suam] id est non nostris meritis, sed sua electione dabit nobis hereditatem suam, scilicet eternam patriam, id est que hereditas, est species, id est pulchritudo.
marg.| {q} Iacob] id est minoris populi : quia ibi apparebit pulchritudo in eo, quando fulgebunt Iusti sicut Sol.
marg.| {r} Quem dilexit] quia ex amore, quem habet erga eum, illam hereditatem ei preparavit.
marg.| {c} Quoniam Dominus excelsus, terribilis] immo videtur, quod deberet dicere : Quoniam amabilis est. Sol. Terribilis {2.122rb} est malis, amabilis bonis : Et de utroque gaudendum et iubilandum est a sanctis viris. Est ergo Dominus, tuus si servis : Excelsus, si credis, Terribilis, si times : Rex, si militas : Magnus, si te humilias : Super omnem terram, si non repugnas, si caro tua sit subdita spiritui. Vel sic loquitur contra sex vitia.
marg.| {c} Dominus] contra inobedientiam. Rm. 10.c. Non omnes obediunt Evangelio.
marg.| {d} Excelsus] contra curiosos perscrutatores, Iob. 11.b. Excelsior celo est et quid facies ? Et Eccl. 3.c. Altiora te ne quesieris.
marg.| {e} Terribilis] contra luxuriosos. Iob. 25.a. Potestas et terror apud eum est.
marg.| {f} Rex] contra superbos, qui iniuriantur aliis. Ps. 79. Qui regis Israel, intende.
marg.| {g} Magnus] contra avaros. Mal. 1.d. Rex magnus ego sum. Contrarium dicitur de Antichristo, Is. 14.g. De radice colubri egredietur regulus, non Rex. Et dicit quidam, quod superbia provenit ex parvitate cordis ; humilitas autem ex magnitudine. Et de Rege terreno dicitur Io. 4.g. Erat quidam Regulus.
marg.| {h} Super omnem terram] contra hereticos Manicheos, qui dixerunt eum tantum Deum celi ; et Diabolum esse Deum terre : Sed ipse est Rex super omnem terram. Ipse enim in principio creavit celum et terram, ut habetur Gn. 1.a. Sed Manichei dicunt, sicut dixerunt Syri, 3Rg. 22.e. Deus montium est Dominus ; et non est Deus vallium. Et ibi sequitur : Scietis, quia ego Dominus.
marg.| {i} Subiecit populos nobis et Gentes sub pedibus nostris] Moraliter hoc possunt dicere boni prelati : et est contra superbos prelatos, qui bonos subditos volunt conculcare. Unde dicit : Subiecit populos, id est rationabiliter et humiliter viventes.
marg.| {k} Nobis] ut presimus eis : Non enim conculcandi sunt, licet subditi sint : Sed superbi et male viventes conculcandi sunt : Unde addit :
marg.| {l} Et Gentes] id est gentiliter viventes.
marg.| {m} Sub pedibus nostris] conculcandos. Lc. 5.c. Conculca anima mea robustos, non humiles et simplices. Is. 28.a. Pedibus conculcabitur corona superbie ebriorum Ephraim. Hic notantur tria genera hominum, qui conculcandi sunt a prelatis, scilicet superbi, cum dicit : Corona superbie. Gulosi, sive luxuriosi, cum dicit : Ebriorum. Avari, aut cupidi, cum dicit : Ephraim. Subiecit Dominus nobis, non nos, quia nemo assumit sibi honorem, etc. Hbr. 5.a. Sed dicitur Am. 6.d. in persona multorum ; Nonne in fortitudine nostra assumpsimus nobis cornua ?
marg.| {n} Elegit nobis] Hic versus de prelatis ita exponitur, sicut supra de Apostolis, 1Mcc.4.e. Elegit Iudas Sacerdotes sine macula, habentes voluntatem in lege Dei et mundaverunt sancta. Possunt autem communiter de omnibus fidelibus exponi isti duo versus.
marg.| {i} Subiecit populos nobis] id est motus rationis, qui debent regi et foveri in bonum.
marg.| {l} Et Gentes] id est Gentiles et brutales motus.
marg.| {m} Sub pedibus nostris] ut conculcentur a nobis, Gn. 4.a. Sub te erit appetitus eius et tu dominaberis illius. Et Gn. 3.c. Ipsa conteret caput tuum, hoc est initium suggestionis.
marg.| {n} Elegit nobis] Loquitur de Domino, sicut de bono Patre, qui quando fit partitio inter filios, dilecto filio meliorem partem eligit, nec sustinet, quod ille filius eligat, quia cito deciperetur. Ita multi sunt, qui libentius eligerent gaudere in divitiis et delitiis et honoribus in presenti, quam hic affligi, ut postea hereditatem eternam haberent. Hbr. 11.e. Sed Dominus elegit nobis, quasi nescientibus eligere.
marg.| {o} Hereditatem suam] vitam eternam.
marg.| {p} Speciem Iacob] id est pulchritudinem Christi, qui supplantavit Diabolum.
marg.| {r} Quem dilexit] Deus Pater, quasi dicat, Hoc bonum fecit nobis Deus, quod illam hereditatem reservat nobis in qua similes erimus Christo in pulchritudine. Phil. 3.d. Reformabit corpus humilitatis nostre, configuratum corpori claritatis sue, 1Io. 3.a. Nunc filii Dei sumus et nondum apparuit, quid erimus ; scimus autem, quoniam cum apparuerit, similes ei erimus. Vel sic.
marg.| {p} Speciem Iacob, quem dilexit] dico, quod   [elegit nobis hereditatem. Hereditatem] dico,   [speciem Iacob] id est significatam per speciem, id est per speciosam Rachel, quam Rachel dilexit Iacob, Gn. 29.d. Servivit Iacob pro Rachel septem annis : et videbantur illi pauci dies pre amoris magnitudine. Sed sicut Iacob cupienti habere Rachel, introducta prius fuit ad eum Lia, que interpretatur laboriosa ; ita et nobis, si volumus habere Rachel, {2.122va} que interpretatur visio, sive videns Deum, hoc est, vitam eternam, prius oportet, quod accipiamus laborem huius vite : quia per multas tribulationes oportet nos intrare in Regnum Dei, sicut dicitur Act. 14.d. Et ipsum Christum oportuit pati et ita intrare in gloriam suam, sicut dicitur Lc. ult. d.
marg.| {a} Ascendit Deus] Secunda pars, ubi Ascensio et Regnum Dei describitur. Dicunt ergo Apostoli conversis Gentibus et Predicatores cunctis fidelibus :   [Ascendit] quasi dicat, non solum elegit nobis hereditatem, sed et ascendit, ut nobis pararet locum, secundum quod ipse dicit, Io. 14.a. Vado vobis parare locum. Mi. 2.d. Ascendet pandens iter ante eos. Dt. 33.d. Ascensor celi auxiliator tuus. Ascendit Deus in iubilo Angelorum.
marg.| {b} In Iubilo] Apostolorum   [In Iubilo] redemptorum   [In Iubilo] proprio.
marg.| ¶Iubilaverunt Angeli propter tria, scilicet
- De hominum reparatione.
- De sue ruine restauratione, vel restitutione.
- De sui Regis exaltatione.
marg.| ¶Iubilaverunt Apostoli propter tria, scilicet
- De Spiritus sancti certa promissione.
- De Gentium multa conversione.
- De Christi glorificatione.
marg.| ¶Iubilaverunt redempti propter tria, scilicet
- Propter collis humiliationem.
- Propter suam redemptionem.
- Propter Angelorum associationem.
marg.| ¶Iubilavit Christus propter tria, scilicet
- Quia opus nostre salutis consummavit.
- Quia Diabolum superavit.
- Quia Patris voluntatem implevit.
marg.| Dicit ergo : Ascendit Deus in celum. In Iubilo Apostolorum, qui de eius Ascensione admirantes et gaudentes, iubilabant. Quid sit Iubilus, dictum est supra. Et dicitur in Glossa videlicet, quod Iubilus est ineffabile gaudium, quod nec taceri potest, nec exprimi valet. Sed nos addere debemus, Habitum pro eternis. In qua definitione notantur tria, videlicet, gaudium, tamquam subiectum, incomprehensibilitas laudati, insufficientia laudantis. Quasi gaudens dicat cum Ier. 1.b. A, a, a, puer sum, nescio loqui ; non sufficio laudare, quem laudo : quia incomprehensibilis est ; et ego non sum nisi balbutiens. Et nota etiam, quod non dicit, assumptus est, vel translatus, sicut dicitur de Beata Virgine : Assumpta est Maria in celum : Et Enoch, quod transtulit eum Deus. Hbr. 11.a. Sed dicitur ascendit propria virtute, non indigens alterius adminiculo : Tamen habebat Angelos sibi ministrantes. Unde sequitur :
marg.| {c} Et Dominus] ascendit in voce tube, id est manifesta, scilicet in voce Angelorum, qui manifeste dixerunt Apostolis : Viri Galilei, quid statis aspicientes in celum, etc. Quia ergo ascendit, ut nobis locum prepararet, unde iubilaverunt Apostoli, debemus et nos gaudere : Unde monet nos Propheta in persona Apostolorum, vel Predicatorum, ut psallamus. Unde sequitur :
marg.| {d} Psallite Deo nostro] id est bonis operibus laudate eum. Et repetit.
marg.| {e} Psallite] ut bene imprimat cordi nostro. Modus etiam est chorizantium, quando cantilenas suas dicunt, quedam verba frequenter repetendo, ut magis ad gaudium mundi provocent : Sic precentores Domini repetunt verba huiusmodi, ut nos ad Domini laudem magis invitent.
marg.| {f} Psallite Regi nostro] victori.
marg.| {g} Psallite] hoc ut supra repetit, propter predictam causam. Et bene dico : Psallite Regi.
marg.| {h} Quoniam Rex omnis terre Deus] non tantum celi, sed triplicis terre, viventium, morientium et mortuorum, scilicet celi, mundi et inferni. Mal. 1.c. Ab ortu Solis usque ad occasum, magnum est nomen meum in Gentibus. Et quoniam ipse Deus Creator est : Rex, gubernans creata, ideo psallendum est illi et non Idolis lapideis, {2.122vb} et ligneis, unde sequitur.
marg.| {i} Psallite sapienter] Sapienter enim psallit, qui Deo psallit : Insipienter, qui Idolis psallit, sicut olim psallebant Gentes et insipientes erant. Et sunt ille gentes, que relicto Domino, Idolis serviebant : quia velint nolint, Dominus regnabit super eas. Unde sequitur :
marg.| {k} Regnabit Deus] qui est omnipotens.
marg.| {l} Super gentes] Ps. 2. Reges eos in virga ferrea et tamquam vas figuli confringes eos. Ez. 20.e. In furore effuso regnabo super vos. Vel in bono.
marg.| {k} Regnabit Deus super Gentes] omnes, quia de omni Gente habebit credentes et obedientes ei : qui olim tantum super Iudeos hoc modo regnabat. Nec mirum, si super Gentes regnat, qui etiam super Angelos regnat. Unde addit :
marg.| {m} Deus] scilicet Christus, de quo Ps. Dixit insipiens in corde suo, non est Deus.
marg.| {n} Sedet] ad dexteram Patris.
marg.| {o} Super sedem sanctam suam] scilicet Angelos. Unde in Ps. 79. Qui sedes super Cherubin. Dico, quod   [regnabit super Gentes] Quia.
marg.| {p} Principes populorum] ut Centurio et Cesares.
marg.| {q} Congregati sunt] convenerunt, credentes,
marg.| {a} {2.123ra} Δ Cum Deo Abraham] id est Christo, qui est Deus Abraham. Et sic suscitavit Deus filios Abrahe de lapidibus, secundum quod dicitur Mt. 3.b. Bar. 4.g. Filii tui veniunt collecti ab oriente usque ad occidentem, in verbo sancti gaudentes in honorem Dei. Ideo congregati sunt.
marg.| {b} Quoniam Dii fortes terre] id est Iudei unicornes propter cultum unius Dei. Dii, quibus dixit Dominus : Ego dixi, Dii estis. Terre, id est terrena diligentes, quia Christum occiderunt, ne perderent locum : Unde et fortes dici possunt. Ipsi tales.
marg.| {d} Elevati sunt] per superbiam. Non parum, sed.
marg.| {c} Vehementer] quia Christum recipere noluerunt : Et ideo Principes et populi Gentium congregati sunt ad unitatem fidei Christiane, secundum quod dicitur Rm. 11.c. Cecitas ex parte contigit in Israel, donec plenitudo Gentium intraret. Vel ideo congregati sunt. Quoniam Dii fortes terre, id est Apostoli, fortes in fide et dilectione : quia neque mors, neque vita potuit eos separare a caritate Christi, ut dicitur Rm. 8.c. vehementer elevati sunt signis et miraculis, Domino cooperante et sermonem confirmante sequentibus signis : Mt. ult. d. Et in Ps. 128. dicitur de ipsis : Nimis honorificati sunt amici tui, Deus. Hoc idem est, quod, vehementer elevati sunt.
Numérotation du verset Ps. 46,moraliter 
marg.| {a} Moraliter. Ascendit Deus] in corda hominum, per devotionem.
marg.| {b} In Iubilo] etc. Duo enim sunt in Ecclesia, que precipue movent et excitant ad devotionem, videlicet officium Ecclesie et predicatio. Primum notatur per Iubilum. Secundum per tubam. De ascensu dicit Ier. 51.f. Recordamini procul Domini et Hierusalem ascendat super cor vestrum. De Iubilo dicitur in principio officii Ecclesie ; Venite, exultemus Domino : Iubilemus Deo salutari nostro. Quando autem Ecclesia cantando circa eamdem vocem varias format melodias, tunc Iubilum exprimit, ut in alleluia et huiusmodi. De tuba predicationis Ps. 80. Buccinate in neomenia tuba, in insigni die solemnitatis vestre ; in precipuis enim festis precipue predicandum est.
marg.| ¶Est Iubilus :
- Incipientium, qui fit inter syllabas eiusdem dictionis.
- Proficientium, qui fit in fine Versiculorum.
- Perfectorum, qui fit in fine Antiphonarum.
marg.| {d} Psallite] etc. Hic moraliter est notandum quod quinquies dicit, Psallite ; ut omnibus quinque sensibus nostris psallamus : Et propter ista quinque dicitur in hymno : « Os, lingua, mens, sensus, vigor, confessionem personent ».
marg.| Vel quinquies dicit : Psallite, quasi dicat, psallite, corde, ore, opere, consuetudine, finali perseverantia. In ultimo autem [Psallite] addit sapienter, quod ad omnia quinque referri debet, ut sapienter, id est cum sapore Dei psallamus. Bernardus Cibi in ore, psalmus in corde, non negligat anima illum terere dentibus intelligentie sue ; ne si forte integrum glutiat, frustretur palatum sapore dulciori super mel et favum. Augustinus Hoc versetur in corde, quod profertur in ore.
marg.| {k} Regnabit Deus super Gentes] Ita deberet esse : Sed multi faciunt, quod Diabolus regnet super eos. Iob. 41.d. Ipse est Rex super omnes filios superbie. Io. 8.d. Qui facit peccatum servus est peccati.
marg.| {m} Deus sedet super sedem sanctam suam] id est super animam viri iusti, que est sedes, per humilitatem. Is. ult. a. Secundum aliam translationem : Super quem requiescet Spiritus meus nisi super humilem et quietum, etc.   [Sanctam] per terrenorum contemptum   [Suam] id est propriam Dei, per voluntatis proprie abrenunciationem. Sed non sedet ibi, nisi sedes sit parata. Ps. 88. Iustitia et Iudicium preparatio sedis tue.
marg.| {p} Principes populorum congregati sunt cum Deo Abraham] Hi sunt Angeli, qui principatum acceperunt super populos : et quasi dispersi sunt per diversos populos, secundum quod habet Dn. 10.c. De Principe Regni Grecorum et de Principe Regni Persarum et de Michaele, Principe Iudeorum. Hbr. 1.d. Omnes sunt administratorii spiritus, in ministerium missi propter eos, qui hereditatem capiunt salutis. Sed propter peccata hominum coguntur isti principes relinquere eos, secundum quod dicitur in Ecclesiastica historia, quod audita est vox Angelorum dicentium : Transeamus ab his sedibus. Sic ergo potest istud exponi : Principes populorum, id est Angeli.
marg.| {q} Congregati sunt cum {a} *   Deo Abraham] revertentes ad eum, relictis populis, ad quos dispersi et missi fuerant. Et que est causa ?
marg.| {b} Quoniam Dii fortes terre] id est prelati.
marg.| {c} Vehemente elevati sunt] per superbiam. Dii enim sunt per scientiam, scientes bonum et malum. Vel quia se faciunt adorari, sicut Dii. Unde Za. 12.d. O pastor et Idolum. Fortes sunt, per secularem potentiam. Terre, per terrenorum abundantiam. Vehementer elevati sunt, per nimiam superbiam. Et propter peccata eorum et malum exemplum corruunt subditi in peccatum, sicut dicitur Prv. 18.b. Regnantibus impiis, ruine hominum.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Ps. Psalmus 46), in : Sacra Pagina, IRHT-CNRS, 2024. Consultation du 29/04/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=26&chapitre=26_46)
Signaler un complément d'information

Notes :