Nicolaus de Lyra

Psalmus 24

Numérotation du verset Ps. 24,1 

¶ In finem1
¶Codd. : (Ps.24): D14 D30 Rusch Ps-G, def. C
1 In finem Ps-G (I L W V D²) Ω X ΩS Rusch Clementina cum Ps-R ] om. Φ D14 D30 Ps-G
Psalmus
David2.
2 Psalmus David Ω X] Diapsalma David Φ D14 , + doctrina confessionis D30
Numérotation du verset Ps. 24,1 I

Ad te Domine3
3 Domine] om. Ω M cum Ps-ε
levavi
animam meam ¦
Numérotation du verset Ps. 24,2 

Deus meus in te confido
non erubescam.
Numérotation du verset Ps. 24,3 II

Neque irrideant me
inimici mei ¦
etenim universi qui sustinent te
non confundentur.
Numérotation du verset Ps. 24,4 III

Confundantur omnes
iniqua agentes ¦
supervacue.
Numérotation du verset Ps. 24,IV 

Vias tuas
Domine
demonstra mihi ¦
et semitas tuas
doce4 me.
4 doce D14 D30 * P10489 Rusch Ps-G ] edoce Ps-G (L M² V D) D30 ² Ω Rusch Clementina cum Ps-R ; Cor2 (antiq. non habent)
Numérotation du verset Ps. 24,5 V

Dirige me
in veritate tua5 et doce me ¦
5 veritate tua plerique codd. et edd. D14 D30 P10489 Rusch cum Ps-R ] veritatem tuam Ps-G
quia6 tu es Deus salvator meus,
6 quia D14 D30 Ω P10489 Rusch cum Ps-R ] quoniam Ps-G
et te
sustinui tota die. 7
7 <divisio.> tua... doce me¦ D30 etc. ] tua¦... me P10489
Numérotation du verset Ps. 24,6 VI

Reminiscere
miserationum tuarum
Domine ¦ et misericordiarum tuarum
que8 a seculo sunt.
8 que plerique codd. et edd. D14 D30 P10489 Rusch cum Ps-R ] quia Ps-G (R M* ΦRV)
Numérotation du verset Ps. 24,7 

Delicta iuventutis mee ¦
et ignorantias meas
ne memineris.
Numérotation du verset Ps. 24,VII 

Secundum misericordiam tuam
memento mei
tu ¦
propter bonitatem tuam
Domine.
Numérotation du verset Ps. 24,8 VIII

Dulcis
et rectus Dominus ¦ propter
hoc legem dabit
delinquentibus in via.
Numérotation du verset Ps. 24,9 IX

Diriget
mansuetos
in iudicio ¦ docebit mites vias suas.
Numérotation du verset Ps. 24,10 X

Universe vie
Domini misericordia et veritas ¦
requirentibus
testamentum eius
et testimonia eius.
Numérotation du verset Ps. 24,11 XI

Propter nomen tuum
Domine9 propitiaberis
9 Domine D14 D30 P10489 Rusch cum Ps-R ] + et Ps-G
peccato meo ¦
multum est enim.
Numérotation du verset Ps. 24,12 XII

Quis est
homo
qui timet
Dominum ¦
legem statuit10 ei
10 statuit D14 D30 P10489 Rusch cum Ps-R ] statuet Ps-G
in via
quam elegit.
Numérotation du verset Ps. 24,13 XIII

Anima eius in bonis demorabitur ¦
et semen eius11
11 eius plerique codd. et edd. D14 D30 Ω P15205 Δ Rusch cum Ps-R ] ipsius Ps-G
hereditabit terram.
Numérotation du verset Ps. 24,14 XIV

Firmamentum est Dominus
timentibus eum ¦
et testamentum ipsius
ut manifestetur illis.
Numérotation du verset Ps. 24,15 XV

Oculi mei
semper ad Dominum ¦
quoniam ipse evellet de laqueo pedes meos.
Numérotation du verset Ps. 24,16 XVI

Respice
in me
et miserere mei ¦
quoniam12
12 quoniam Ps-G (F L) Rusch cum Ps-R ] quia D14 D30² (al. m. ut vid.) P10489 Ps-G
unicus et pauper sum ego.
Numérotation du verset Ps. 24,17 XVII

Tribulationes
cordis mei multiplicate sunt ¦
de necessitatibus meis erue me.
Numérotation du verset Ps. 24,18 XVIII

Vide
humilitatem meam
et laborem meum ¦
et dimitte
universa delicta mea.
Numérotation du verset Ps. 24,19 XIX

Respice inimicos meos
quoniam multiplicati sunt ¦
et odio iniquo oderunt me.
Numérotation du verset Ps. 24,20 XX

Custodi
animam meam
et erue me ¦
non erubescam
quoniam speravi in te.
Numérotation du verset Ps. 24,21 XXI

Innocentes et recti adheserunt mihi ¦
quia sustinui te.
Numérotation du verset Ps. 24,22 XXII

Libera Deus Israel ¦
ex omnibus tribulationibus suis.

Psalmus 24

Numérotation du verset Ps. 24,ad litteram 
marg.| {3.597} .1. Ad te Domine levavi. Iste est primus Psalmus Alphabeticus, quia versus incipiunt ordinate a litteris Alphabeti Hebraici. Primus versus ab aleph, secundus a beth, et sic consequenter, hoc excepto quod hic omittuntur due littere, scilicet vau, et coph, quia nullus versus per eas incipit. Sunt tamen in hoc Ps. 22. versus sicut sunt, et 22. littere Hebraice, quia quatuor versus per duas litteras incipiunt, scilicet 18. et 19. per litteram resch et 16. per litteram phe. Dicunt aliqui quod iste littere hic ponuntur in principiis versum ad significandum aliquod mysticum. Sed Hebrei de hoc nihil dicunt in aliqua scriptura quam viderim. Et ideo alii dicunt, quod factum fuit ad quendam modum specialem dictandi qui tunc currebat, sicut in illo hymno, A solis ortus cardine, versus incipiunt per litteras alphabeti latini. Primus ab a, secundus ab, et sic consequenter usque ad g, inclusive, ut patet intuenti.
marg.|  .1. Ad te Domine levavi. Huic psalmo preponitur talis titulus in Hebreo. David, et non plus nisi quod premittitur littera lamech, ad designandum quod David est hic dativi casus, acsi diceret, ipsi David, in translatione autemHieronymi iuxta Hebreum additur hec dictio semper, in titulo sic. Semper David. Sed salvo meliori iudicio, non videtur bene addita in titulo, quia li semper. est ultima dictio psal. precedentis in Bibliis Hebraicis quas vidi, et sic non pertinet ad titulum huius psal. Per hoc autem quod in titulo non ponitur canticum, nec psal. sicut in aliis communiter, ostenditur quod non est Ps. proprie dictus a psallendo, sed est simplex oratio, quam fecit David pro liberatione sua a persecutione Saulis, {3.598} propter quam multas orationes fecit, sicut dictum fuit supra Ps. 16. Secundum hoc ergo dividitur hec oratio in quatuor, quia primo David petit in devio huius vite divinam directionem. Secundo impedimenti remotionem, ibi. Reminiscere miserationum tuarum. Tertio vite future degustationem, ibi. Quis est homo. Quarto a pressuris liberationem propter quietiorem contemplationem, ibi. Oculi mei. Circa primum premittit modum sue petitionis, dicens. Ad te domine levavi. quia oratio est ascensus, vel elevatio mentis in Deum, secundum Damasce.
marg.|  .2. Deus meus in te confido. id est in tua bonitate, non mea equitate, unde infra petit remissionem sue culpe.
marg.|  .3. Neque irrideant. id est Saule, et complices sui me tenendo, et morte turpi affligendo, quod etiam timebat Saul sibi inferri a Philistheis, ut habetur 1Rg. ult. propter quod petit ab armigero suo interfici ab eo dicens. Evagina gladium tuum, et interfice me, ne forte veniant incircumcisi isti, et interficiant me illudentes mihi.
marg.|  .4. Etenim universi id est qui sustinent persecutiones propter te, sicut ego sustineo.
marg.|  .5. Non confundentur. finaliter, seu eternaliter, licet aliquando confunduntur ad tempus, seu temporaliter, consequenter ostendit qui sunt digni confundi eternaliter, di.
marg.|  .6. Confundantur omnes. id est idololatre, et innocentum persecutores.
marg.|  .7. Supervacue. id est inutiliter, et infructuose, imo multum damnose. Consequenter format petitionem suam, di.
marg.|  .8. Vias tuas domine demonstra mihi. ducendo per viam rectam iustitie, inter devia huius vite, que nullus absque tuo auxilio potest sufficienter evitare.
Numérotation du verset Ps. 24,ad litteram 
marg.| {3.599} .1. Et semitas tuas edoce me. Semita strictior est, et rectior via communi, et per hoc David petit non solum dirigi in iustitia communi necessaria ad salutem, sed cum hoc in iustitia excedente que tendit ad perfectionem.
marg.|  .2. Dirige me. que scilicet non potest haberi humana investigatione.
marg.|  .3. Quia tu es Deus salvator. ad quam salutem dirigi non possum, nisi per tuam illustrationem, homo enim divinitus ordinatur ad finem excedentem cognitionem naturalem, secundum quod dicitur Is. 64.b. Oculus non vidit, nec auris audivit, nec in cor hominis ascendit que preparasti expectantibus te. Ad finem autem incognitum totaliter nullus potest se dirigere, et ideo oportet hominem edoceri a Deo ad consecutionem salutis eterne.
marg.|  .4. Et te sustinui tota die. id est propter te sustinui persecutionem Saulis continue, propter quod decens est, ut me consoleris per tuas illustrationes.
marg.|  .5. Reminiscere. Postquam David petiit divinam directionem inter devia huius vite, hic consequenter petit offendiculi remotionem, quod in via recta potest impedire, hoc autem est peccatum impediens a processu. ad hanc autem remotionem impetrandam allegat primo divinam misericordiam dicens. Reminiscere etc. Misericordia proprie loquendo est actus interior miserantis. Miseratio vero effectus exterior, et utrunque allegat David, scilicet actum divine misericordie, qui est idem quod ipse Deus, et effectum eius qui recipitur in eo cuius miseretur.
marg.|  .6. Que a seculo sunt. id est a mundi principio. In omnibus enim operibus divinis relucet effectus divine miserationis. Consequenter David petit peccati remissionem, dicens.
marg.|  .7. Delicta iuventutis mee. id est peccata ex passione commissa, quia passiones {3.600} magis dominantur tempore iuventutis.
marg.|  .8. Et ignorantias meas. idest peccata que sunt per ignorantiam commissa.
marg.|  .9. Ne memineris. ad me puniendum. De peccatis perpetratis ex certa malitia non loquitur, quia peccata que fecit ex certa scientia fuerunt facta post mortem Saulis, ut homicidium Urie, et his similia. hanc vero orationem fecit existens in persecutione Saulis, ut predictum est.
marg.|  .10. Secundum misericordiam tuam. et non secundum iustitiam meam.
marg.|  .11. Memento mei tu. remittendo culpam, et dando gratiam.
marg.|  .12. Propter bonitatem tuam domine. de natura enim boni, ut sit sui diffusivum, et ideo bonitate tue infinite condecens est, ut diffundat se erga penitentes, remittendo eis culpam, et conferendo gratiam.
marg.|  .13. Dulcis, et rectus dominus , id est misericors, et iustus, quia dulcedo misericordie sine rectitudine iustitie non est misericordia, sed pusillanimitas : et iustitia, sine misericordia est crudelitas, propter quod dicit Gregorius in pastorali. lib. 1. Inesse bonis rectoribus debet iuste consulens misericordia, et pie seviens disciplina, ne iustitia sit aspera, et pietas sit remissa. Sit ergo amor, sed non emolliens, sit zelus, sed non exasperans, sit pietas, sed non plus quem expedit parcens.
marg.|  .14. Propter hoc legem dabit. que lex est, ut si vere peniteant, misericordiam consequantur, sin autem, eternaliter puniantur, tanquam sua misericordia abutentes.
marg.|  .15. In via, scilicet presentis vite, quia post mortem non est locus penitentie.
marg.|  .16. Diriget mansuetos. id est tractabiles, et benignos, quia mansuetudo est quedam tractabilitas.
marg.|  .17. In iudicio. id est in preceptis iudicialibus servandis, per que homo bene se habet ad proximum.
marg.|  .18. Docebit mites vias suas. quantum ad ceremonialia precepta divini cultus, per que homo bene se habet ad Deum.
Numérotation du verset Ps. 24,ad litteram 
marg.| {3.601} .1. Universe vie domini. id est opera eius, quedam vie deveniendi in cognitionem ipsius.
marg.|  .2. Misericordia, et veritas. id est iustitia, quia licet in aliquibus eius operibus magis appareat eius misericordia, ut in premiatione sanctorum, tamen ibi est etiam iustitia inquantum Deus ordinavit, quod pro talibus operibus redderetur premium eternum, propter quod dicit Apostolus. 2. ad Timoth. 4.b. Bonum certamen certavi, cursum consummavi, fidem servavi. ideo reposita est mihi corona iustitie, quam reddet mihi dominus in illo die iustus iudex. Et similiter licet in aliquibus operibus magis iustitia appareat, ut in damnatione malorum, tamen ibi est misericordia inquantum punit citra condignum, quia tanta est offensa, quantus ille qui offenditur. et ideo in quolibet mortali peccato incurritur de rigore iustitie pena infinita etiam intensive, si posset esse.
marg.|  .3. Requirentibus testamentum eius. id est legem a Deo datam.
marg.|  .4. Et testimonia eius. per oracula prophetarum. Illis enim qui scrutantur talia, apparet quod universe vie domini sunt misericordia, et veritas. Vel aliter. Requirentibus. id est custodientibus legem, et prophetarum monita, apparet per experientiam divinorum beneficiorum quod universe vie domini sunt misericordia, et veritas, et hoc magis consonat littere Hieronymi iuxta Hebreum, que sic habet. His qui custodiunt pactum eius, et testificationem eius. Ulterius concludit David petitionem suam de remissione peccatorum. dicens.
marg.|  .5. Propter nomen. id est propter declarationem bonitatis tue.
marg.|  .6. Propitiaberis peccato meo. ipsum remittendo.
marg.|  .7. Multum est enim. id est excedens facultatem virtutis mee ad satisfaciendum, {3.602} quia de nullo peccato potest homo satisfacere, nisi ex Dei dono, nullum enim opus est satisfactorium absque divina gratia factum.
marg.|  .8. Quis est homo qui timet Dominum. Hic consequenter David petit vite future degustationem, dicens. Quis est homo qui timet. timore filiali, et per consequens consolationes eius sentiens. quasi dicat istud est summe desiderandum. Cuius causa subditur, cum dicitur.
marg.|  .9. Legem statuit ei in via, scilicet legem divinam, et legem nature, que dirigunt in viam iustitie que est pre omnibus eligenda.
marg.|  .10. Anima eius in bonis demorabitur, scilicet in bonis divine gratie, et consolationis, a quibus per peccatum mortale non amovebitur.
marg.|  .11. Et semen eius hereditabit terram. Hoc exponitur ab aliquibus de terra Israel, quam habitavit ille populus quandiu Deo debite servivit. Et inde fuit eiectus, quando ad idololatriam declinavit, ut patet 4Rg. Sed melius exponitur de terra viventium, premium enim est finis meriti, et per consequens melius ipso, quia finis est melior his que sunt ad finem, opera autem meritoria sunt maiora bona quam hereditas terrena, et ideo non potest habere rationem finis respectus operis meritorii. propter quod ubicumque in sacra scriptura pro operibus virtutum promittuntur bona terrena quasi premium, intelliguntur bona spiritualia, et eterna tanquam principaliter intenta.
marg.|  .12. Firmamentum est dominus timentibus eum. quia stabilit tales in bono. In Hebreo habetur. Consilium domini timentibus eum, et in translatione Hieronymi iuxta Hebraicum habetur. Secretum domini, etc. et in idem revertitur, quia dans aliquibus bonum consilium ipsos firmat, et stabilit. Et littera hec ultima magis consonat sequenti.
marg.|  .13. Et testamentum ipsius, ut manifestetur illis. quia occulta legis divine revelantur talibus.
Numérotation du verset Ps. 24,ad litteram 
marg.| {3.603} .1. Oculi mei semper ad dominum. Hic consequenter David petit sibi liberationem a tribulationibus, ut quietius vacare possit contemplationi, et divinis consolationibus, dicens. Oculi mei semper ad dominum. de cuius virtute confido, ideo subditur.
marg.|  .2. Quoniam ipse evellet de laqueo pedes meos. 1. ab insidiis mihi per Saulem preparatis.
marg.|  .3. Respice in me. tu domine pietatis effectu.
marg.|  .4. Et miserere mei. in effectu.
marg.|  .5. Quia unicus. respectu multitudinis Saulem sequentis. per talem modum dicitur communiter. Rex est solus, quando habet paucam gentem secum respective.
marg.|  .6. Et pauper sum ego. respectu Saulis, quia ego sum fugitivus, et ipse est rex in potestate constitutus.
marg.|  .7. Tribulationis cordis. quia in favorem Saulis multi persequebantur David, sicut patet 1Rg. 1. de Zipheis, et habitatoribus Ceile.
marg.|  .8. De necessitatibus. id est tribulationibus imminentibus per quas necesse habeo transire.
marg.|  .9. Vide humilitatem meam. in corde.
marg.|  .10. Et laborem meum. in corpore.
marg.|  .11. Et dimitte universa. acceptando ista pro satisfactione.
marg.|  .12. Respice inimicos meos. ad eos reprimendum.
marg.|  .13. Quoniam multiplicati sunt. et ideo non possum evadere, nisi {3.604} per tuum adiutorium.
marg.|  .14. Et odio iniquo oderunt me, scilicet eo quod tua sancta voluntate ordinasti me regnare. Et quia persequuntur me pro bono opere quod feci cum Saul, et populo eius, pro eis exponendo me periculis, ut patet 1Rg. in pluribus locis, et sic reddunt mihi mala pro bonis.
marg.|  .15. Custodi animam meam. id est vitam meam, quia anima vivificat.
marg.|  .16. Et erue me. de periculis mihi preparatis.
marg.|  .17. Non erubescam captus ab adversariis.
marg.|  .18. Quoniam speravi in te. quia tu es protector in te sperantium.
marg.|  .19. Innocentes, et recti. licet autem in principio fuge David aliqui oppressi debitis adhesissent ei, ut habetur 1Rg. 22. tamen postea multi boni, et iusti considerantes ipsius Saul malitiam, et David innocentiam de diversis tribubus Israel venerunt ad David adherentes ei, ut habetur 1Par. 12.
marg.|  .20. Quia sustinui te. id est propter te iniquam Saulis persecutionem, et quia ad bonum principem pertinet non solum bonum proprium optare, sed etiam commune, ideo subdit David deprecando.
marg.|  .21. Libera Deus Israel. id est bonos de populo Israel.
marg.|  .22. Ex omnibus tribulationibus. 1. corporalibus, et spiritualibus Moraliter posset exponi psalmus iste de quolibet fideli existente in afflictione spirituali a Deo petente liberari, qui debet facere easdem petitiones cum ipso David.
Numérotation du verset Ps. 24,moraliter 
marg.| {3.597} .1. Ad te domine levavi animam meam. psalmus iste secundum sensum litteralem est oratio David pro sua liberatione a Saulis persecutione, pro qua plures alios psalmos fecit, nam illa persecutio longa fuit. Saul autem interpretatur abutens, et ideo signat diabolum, qui bonis naturalibus abutitur ad malum, propter quod psalmus iste moraliter exponi potest de quolibet fideli petenti a demonum persecutione liberari. Et dividitur in quatuor partes, quia primo petit directionem, dicens. Ad te domine levavi animam meam.
marg.|  .2. Deus meus in te confido. propter tuam bonitatem.
marg.| † Non erubescam. victus a demone per culpam.
marg.| {3.598} .3. Neque irrideant me inimici mei. id est satellites diaboli, qui sunt homines maligni.
marg.|  .4. Etenim universi qui sustinent te. id est illud quod eis imponis, sustinent patienter.
marg.|  .5. Non confundentur. eternaliter, sed honorabuntur. Consequenter ostendit qui debent sic confundi, dicens.
marg.| † Confundatur omnes iniqua agentes supervacue. id est peccantes ex placentia mali, sine utilitate temporali, de quibus dicitur Prover. 2.c. Qui letantur cum male fecerint, et exultant in rebus pessimis. Consequenter format suam petitionem, dicens.
marg.|  .8. Vias tuas domine demonstra mihi, et semitas. Homo namque ad finem supernaturalem ordinatur, propter quod indiget ut a Deo specialiter dirigatur, ideo sequitur.
Numérotation du verset Ps. 24,moraliter 
marg.| {3.599} .3. Quia tu es Deus salvator meus. id est me dirigens in salutem.
marg.|  .4. Et te sustinui tota die. expectans tuam directionem.
marg.|  .5. Reminiscere miserationum tuarum domine, et misericordiarum tuarum, que a seculo sunt. Hic secundo petit impedimenti remotionem, dicens. Reminiscere miserationum tuarum domine, et misericordiarum tuarum, que a seculo sunt. quas fecisti patribus sanctis quasi diceret, consimiliter facias nobis.
marg.|  .7. Delicta iuventutis mee, et ignorantias meas. quo tempore vigent passiones, et ignorantie, propter defectum experientie.
marg.| {3.600} .9. Ne memineris, scilicet ad puniendum.
marg.|  .10. Secundum misericordiam tuam memento mei tu. dimittendo peccatum.
marg.|  .12. Propter bonitatem tuam. et non propter iustitiam meam.
marg.|  .13. Dulcis, et rectus dominus. id est misericors, et iustus.
marg.|  .14. Propter hoc legem dabit delinquentibus in via. conditionata sua misericordia, et iustitia.
marg.|  .16. Diriget mansuetos in iudicio. ne propter suavitatem mansuetudinis declinent a regula veritatis.
marg.|  .18. Docebit mites vias suas. sicut dicit Mt. 11.d. Discite a me, quia mitis sum, et humilis corde, etc.
Numérotation du verset Ps. 24,moraliter 
marg.| {3.601} .1. Universe vie domini misericordia, et veritas, requirentibus testamentum eius. Inspicientibus enim vetus, et novum testamentum apparet quod in omnibus operibus Dei simul concurrunt misericordia, et iustitia, licet iustitia plus appareat in aliquibus in punitione damnatorum, tamen est ibi misericordia, quia punit citra condignum : Et misericordia in aliquibus, ut in premiatione beatorum : tamen est ibi iustitia, quia premiat secundum meritum.
marg.|  .5. Propter nomen tuum domine propitiaberis peccato meo. non pro meo merito.
marg.|  .7. Multum est enim. idest transcendens quicquid possem operari.
marg.|  .8. Quis est homo. Hic petit future beatitudinis pregustationem{3.602} dicens. Quis est homo qui timet dominum s. timore filiali quasi dicat talis percipit consolationem dei.
marg.|  .9. Legem statuit ei, scilicet evangelicam, que introducit ad beatitudinem.
marg.| † Quam elegit. scilicet timens Deum, ideo subditur.
marg.|  .10. Anima eius in bonis demorabitur, scilicet gratie in presenti, et glorie in futuro.
marg.|  .11. Et semen eius. id est imitator ipsius.
marg.| † Hereditabit terram. viventium.
marg.|  .12. Firmamentum est dominus timentibus eum. nam ipsi totaliter innituntur ei.
marg.|  .13. Et testamentum ipsius ut manifestetur illis. testamentum est pars defuncti, dominus autem est pars iustorum manifestandus eis in clara visione beatorum.
Numérotation du verset Ps. 24,moraliter 
marg.| {3.603} .1. Oculi mei. Hic petitur liberatio a pressuris ad habendum quietiorem contemplationem, et suaviorem degustationem, ideo dicitur. Oculi mei semper ad Dominum. sicut existens in periculo ad salvatorem suum, ideo subditur.
marg.|  .2. Quoniam ipse evellet de laqueo pedes meos. Respice in me, et miserere mei, quia unicus, et pauper. id est impotens respectu multitudinis demonum, et satellitum suorum, ideo subditur.
marg.|  .7. Tribulationes cordis mei multiplicate sunt. per tentationes demonum, et persecutiones hominum malorum.
marg.| {3.604} .8. De necessitatibus meis erue me. id est de angustiis meis.
marg.|  .9. Vide humilitatem meam. interius.
marg.|  .10. Et laborem meum. exterius.
marg.|  .11. Et dimitte universa delicta mea. propter ista que patior sine causa.
marg.|  .12. Respice inimicos meos. ad reprimendum eos.
marg.|  .15. Custodi animam meam. ab eorum insidiis.
marg.|  .17. Non erubescam. victus ab eis.
marg.|  .19. Innocentes, et recti adheserunt mihi. compatiendo.
marg.|  .21. Libera Deus Israel. id est populum tibi devotum.
marg.|  .22. Ex omnibus tribulationibus suis. spiritualibus, et corporalibus, ut servire tibi possit magis quiete, et devotius.


Comment citer cette page ?
Martin Morard, ed., Nicolaus de Lyra (Ps. 24), in : Sacra Pagina, IRHT-CNRS, 2024. Consultation du 21/12/2024. (Permalink : https://gloss-e.irht.cnrs.fr/php/editions_chapitre.php?id=lyr&numLivre=26&chapitre=26_24)
Signaler un complément d'information

Notes :