Psalmus 47
Numérotation du verset
Ps. 47,1
¶Psalmus vel laus cantici
¶Codd. : (Ps. 47)
D30
Rusch
Ps-G,
def.
ΩF
Bari3
Chore secunda sabbati.1
1 Psalmus…sabbati] Canticum psalmi filiis Core secunda sabbati
Ps-G
, Psalmus cantici filiis Chore secunda sabbati figura Ecclesie Hierusalem futurae (
sic
)
D30
Numérotation du verset
Ps. 47,2 I
Magnus Dominus
et laudabilis
nimis ¦
in civitate
Dei nostri in monte sancto eius.
Numérotation du verset
Ps. 47,3 II
Fundatur
exultatione
universe terre ¦ mons2 Sion
2 mons
D30 Rusch
] montes
Ps-G
latera aquilonis civitas regis magni.
Numérotation du verset
Ps. 47,4 III
Deus
in domibus eius
cognoscetur3 ¦ cum suscipiet eam.
3 cognoscetur] cognoscitur
Ps-G
Numérotation du verset
Ps. 47,5 IV
Quoniam
ecce reges terre4* congregati sunt ¦
4
terre
Cor2
(grecus aliquis habet)
Ps-G* (C L
Ω) ΩB ΩX²
(al. m.) Bari1 cum Ps-R Vet. lat. (praeter Med.) etc. cum LXX
Luc
(
της γης
Rahlfs R A, HoP* 124/130
+ Sedulius)
Hier. Ep. 106 (
in veteribus codicibus Latinorum)
; cf. Ps. 2:2 ; 71:11
] om.
Cor2
(hebr. et anti. et Hieron. non apponunt
TERRE
, grecus aliquis habet, primis standum)
Ps-G (R F)
)
D30
ΩX*
cum hebr. LXX (Rahlfs*
Hop 6/130
Hexapl. iuxta
)
, eius
Ps-Med (+Clm343) cum LXX (Rahlfs
αυτης
Βο 2013’; HoP: nullus cod.)
convenerunt in unum.
Numérotation du verset
Ps. 47,6 V
Ipsi
videntes
sic
admirati sunt ¦
conturbati sunt
commoti sunt ¦
Numérotation du verset
Ps. 47,7
tremor
apprehendit eos.
Numérotation du verset
Ps. 47,VI
Ibi dolores
ut parturientis ¦
Numérotation du verset
Ps. 47,8
in spiritu
vehementi
conteres
naves Tharsis.
Numérotation du verset
Ps. 47,9 VII
Sicut audivimus
sic vidimus
in civitate
Domini virtutum † in civitate Dei nostri ¦
Deus
fundavit eam
in eternum.5
5 eternum] + diapsalma
Ps-G
Numérotation du verset
Ps. 47,10 VIII
Suscepimus
Deus misericordiam tuam ¦
in medio templi tui.
Numérotation du verset
Ps. 47,11 IX
Secundum nomen tuum Deus sic et laus tua
in fines terre ¦ iustitia plena est dextera tua.
Numérotation du verset
Ps. 47,12 X
Letetur
mons Sion
et6 exultent filie Iudee ¦
6 et]
om. Ps-G
propter iudicia tua Domine.
Numérotation du verset
Ps. 47,13 XI
Circumdate
Sion
et complectimini eam ¦
narrate in turribus eius.
Numérotation du verset
Ps. 47,14 XII
Ponite corda vestra
in virtute eius ¦
et distribuite
domos 7
7 domos] domus
Ps-G
eius ut enarretis in progenie altera8
8 progenie altera] progeniem alteram
Ps-G
Numérotation du verset
Ps. 47,15 XIII
Quoniam hic
est Deus
Deus noster in eternum
et in seculum seculi ¦ et9 ipse
9 et]
om.
D30
Ps-G
reget nos in secula.
Psalmus 47
Numérotation du verset
Ps. 47,ad litteram
marg.|
{3.773} .1.
Magnus dominus, et laudabilis.
Huic Psalmo in Hebreo, et in translatione Hieronymum iuxta Hebreum preponitur talis titulus : Canticum Psalmum filiorum Core, et patet sententia ex supradictis. De materia vero huius Psal. dicunt communiter expositores nostri, quod psalmus iste loquitur ad litteram de magnificentia civitatis Ierusalem, et templi, que Salomon rex valde magnifice fecit edificari, ut habetur tertio Regum, et secundo Paralipomenon, et hoc ad Dei cultum, et honorem, quod previdentes in spiritu filii Core dixerunt, vel David secundum alios : Magnus dominus, et laudabilis nimis, in civitate Dei nostri, idest, Ierusalem, quam deus elegit ad cultum nominis sui, ut habetur 2. Paralipom. 6. cap. In monte sancto eius. Quia in monte Moria, sive Sion erat templum, et regale palatium. Fundatur exultatione universe terre. Tota enim terra Israel exultavit in templi, et civitatis edificatione, et consummatione, multi etiam de aliis terris aliquando veniebant ad templum causa devotionis. Mons Sion latera aquilonis, quia Sion est in parte aquilonari civitatis Ierusalem, ut dicunt aliqui, secundum alios magis est in parte australi, et sic littera esset exponenda : Mons Sion, scilicet a patre australi. Latera aquilonis, idest, pars ei opposita in Ierusalem. Civitas regis magni, id est, faciunt civitatem regis nostri, id est, Dei, ad cuius cultum est electa causa devotionis. Deus in domibus eius cognoscetur, quia in edificiis ad divinum cultum deputatis, non solum fiebant sacrificia, sed etiam ibi vigebat doctrina legis, et prophetarum, unde, et Christus in evangelio frequenter legitur docuisse in templo, et in sancta sanctorum dabantur divina responsa : Cum suscipiet eam. promovendo civitatem ad hanc gloriam, unde et in translatione Hieronymihabetur sic : Deus in domibus eius agnitus est in auxiliando. Quoniam ecce Reges congregati sunt, etc. quia multi reges audientes famam Salomonis, veniebant ad audiendum eius sapientiam, et ad videndum ipsius, et civitatis magnificentiam. Ipsi videntes, sic admirati sunt, quia maiora videbant, quam audierant, et ideo multum admirabantur, secundum quod dicitur de regina Sab. 3Rg. 10.a. Conturbati sunt, et commoti sunt, quia ipsi, vel saltem multi eorum invidia percussi turbabantur, ut dicunt isti. Tremor apprehendit eos, quia timebant de suis regnis expelli, per potentiam Salomonis, et sic torquebantur doloribus multis, ideo subditur : Ibi dolores parturientis in spiritu vehementi conteres naves Tharsis. Istud refertur ad Iosaphat regem Iude, qui ad similitudinem Salomonis fecit naves ad afferendum aurum de Ophir, sed tempestate insurgente confracte sunt, eo quod contraxerat amicitiam, cum Ochozia rege Israel pessimo, ut habetur 2Par. 20.g. Sicut audivimus sic vidimus. Ista sunt verba hominum tempore Salomonis existentium, qui videntes civitatis Ierusalem magnificentiam dicebant se videre impletum, quod a filiis Core, et aliis prophetis audierant esse predictum. {3.774} Suscepimus Deus misericordiam tuam, etc. Quia in templo a Salomone edificato dabantur divina responsa, et alia beneficia. Secundum nomen tuum Deus, quod est immensum. Sic, et laus tua in fructu terre, scilicet diffusa est, unde dixit David primo Paralipomenon vigesimo secundo b. Domus, quam edificare volo domino, talis debet esse, ut in omnibus regionibus nominetur. Letetur mons Sion, idest, habitantes in eo, propter loci magnificentiam. Et exultent filie Iude, idest, civitates Iude. Propter iudicia tua domine, per que subiecisti nobis gentes in circumitu nostro. Circumdate Sion, et complectimini eam validis muris, et munitionibus. Narrate in turribus eius, laudes Dei cuius beneficiis hec fiunt. Ponite corda vestra in virtute eius, totum ei attribuendo. Et distribuite domos eius, idest, distinctis officiis ad Dei gloriam disponite, Ut enarretis in progenie altera, idest filiis vestris succedentibus dei beneficia. Ideo subditur. Quoniam hic est Deus Deus noster, etc. Licet autem hec expositio videatur in pluribus littere concordare, tamen in aliquibus discordat, scilicet ab illo loco cum dicitur. Quoniam ecce reges terre congregati sunt, quod non videtur posse intelligi ad litteram de regibus venientibus ad regem Salomonem, ut audirent eius sapientiam, quia de illis dicitur secund. Paralipomenon decimonono. f. Omnesque reges terrarum desiderabant videre faciem Salomonis, ut audirent eius sapientiam. Desiderium autem si compleatur, delectat animam, ut habetur in Proverbiis, et ideo valde dissonat, quod subditur in hoc Ps. Ipsi videntes sic admirati sunt, conturbati sunt, etc. imo magis de eius visione gaudebant, et de eius amicitia acquisita letantes recedebant, sicut patet ibidem de regina Saba. Et idem probabiliter intelligitur de aliis, qui simili causa ad Salomonem veniebant. Idem quod sequitur, in spiritu vehementi, dicunt referri ad Iosaphat, quod non videtur convenienter dictum, eo quod fuit quintus rex a Salomone, propter quod fictitium videtur, quod scriptura in eodem contextu faciat talem saltum, propter quod, et aliqui alii Hebrei exponunt psalmum istum de rege Messia, per quem intelligunt Christum futurum, in cuius adventu expectant Ierusalem, et templum reedificari magis magnifice, quam unquam fuerit, et sic exponunt litteram istam. Magnus dominus, et laudabilis nimis in civitate Dei nostri, usque ad locum illum, Reges terre, qui exponunt locum illum de regibus Gog, et Magog, et aliis regibus sibi adiungendis, quos dicitur venturos contra Ierusalem sic reedificatam, sed destruentur per regem Messiam. Et ad hoc inducunt scripturam Eze. 38.a. usque ad finem eiusdem libri : Ideo subditur : Conturbati sunt, commoti sunt, etc. Et quia non solum venient per terram, sed etiam per mare in navibus suis quas conteret dominus. Ideo subditur : In spiritu vehementi conteres, et tunc filii Israel videntes ista Dei beneficia dicent. Sicut audivimus, s. per dicta prophetarum. Sic vidimus in civitate Dei nostri, esse adimpletum, et sic applicant litteram sequentem ad suum propositum : Sed expositio hec est erronea, quia supponit Christum venturum in mundum, sicut probavi diffusius per scripturas veteris testamenti, in quadam questione, quam disputavi de adventu Christi, que in pluribus locis habetur, propter quod salvo {3.775} meliori iudicio videtur mihi melius dicendum, quod iste psalmus exponendus est ad litteram de Christo, cuius adventus iam transiit, in quo adventu civitatem Ierusalem, et templum magis glorificavit sine comparatione, quam unquam fuerit, quia ibi fuit oblatus a beata virgine, et ibidem pluries docuit, et in Ierusalem cum discipulis suis imminente passione cenavit, et in Ierusalem pro nobis morti fuit adiudicatus, et prope portam civitatis passus, Io. 19. In civitate autem Ierusalem primo discipulis suis manifestavit suam resurrectionem, et de monte Oliveti, qui est iuxta Ierusalem ascendit in celum, et apostolis in monte Sion existentibus misit in signo visibili spiritum sanctum. secundum quod dicit Hieronymus in epistola ad Paulinum, de omnibus divine scripture libris 7.c. que epistola ponitur in principio Bibliarum nostrarum tempore moderno, et propter ista, et alia multa, in quibus Deus noster, et homo in una persona civitatem glorificavit, et templum, ut dicitur Aggei 2.b. Adhuc unum modicum est. Et subditur. Et veniet desideratus cunctis gentibus, et implebo domum istam gloria, dicit dominus exercituum. Et ibidem subditur. Magna erit gloria domus istius novissime plus, quam prime, et certum est, quod propheta loquebatur de templo, quod reedificabatur, post reditum de captivitate Babylonica, et istud quasi nullius reputationis fuit respectu templi primi, quod edificaverat Salomon in edificiis, et huiusmodi, propter quod in nullo potest verbum prophete verificari, nisi per hoc, quod Christus glorificavit ipsum per predicta, adhuc enim stabat illud templum. Igitur secundum hunc sensum psalmus iste dividitur in tres parte., quia primo ponitur prophete denunciatio, secundo{3.776}eiusdemdenuntiationis impletio ibi. Sicut audivimus. tertio impletionis publicatio, ibi. Circumdate Sion. Circa primum dicitur. Magnus dominus. et hoc ex suis magnis beneficiis.
Numérotation du verset
Ps. 47,ad litteram
marg.|
.1.
In civitate Dei nostri.
scilicet Ierusalem, que fuit electa ad cultum Dei. .2.
In monte sancto eius.
Qua in parte civitatis in qua erat mons Sion, erat templum divino cultui deputatum, et ideo dicebatur mons sanctus, quia sanctum in una significatione idem est, quod divino cultui deputatum, propter quod vestes sacerdotales dicuntur sancte, et cetera divino cultui deputata. In locis autem istis fuerunt predicta beneficia ad Dei laudem exhibita. Ex hoc ecclesia.
marg.|
.3.
Fundatur.
Infide catholica per Christum ibidem predicantem in persona propria, etiam miracula facientem, et per apostolos postea, ut habetur Act. 2. .4.
Exultatione universe terre.
Idest, ad exultationem universe terre, quia fides catholica de Ierusalem ad alias partes orbis per predicationem discipulorum Christi est derivata, secundum quod erat per Esaiam predictum 2.c. De Sion exibit lex, et verbum domini de Ierusalem, quod est causa exultationis omnibus fidelibus. .5.
Mons Sion latera aquilonis.
Quia sicut dictum est, mons Sion est in aquilonari parte Ierusalem. .6.
Deus in domibus.
Christus enim Deus, et homo in templo fuit cognitus a sancto Simeone iusto, et ab Anna prophetissa, et aliis fidelibus. .7.
Cum suscipiet eam.
scilicet Ierusalem promovendo eam ad talem gloriam, unde et in translatione Hieronymi iuxta Hebreum habetur. In auxiliando. .8.
Quoniam ecce reges terre.
Isti fuerunt tres reges, qui venerunt ad adorandum Christum natum.
marg.|
.9.
Ipsi videntes admirati sunt.
scilicet videntes stellam ductricem ad puerum Iesum, et eius matrem.
marg.|
.10.
Conturbati sunt, commoti sunt.
Istud refertur ad Herodem regem, et {3.777} suos fautores, qui audientes verba predictorum fuerunt valde conturbati, secundum quod dicitur Mt. 2.a. Audiens autem Herodes rex turbatus est, et omnis Ierosolyma cum illo. Et quia adventus regum fuit causa turbationis Herodis, et suorum, ut dictum est, ideo sub eodem contextu ponitur unum iuxta aliud, sicut effectas iuxta causam, et econverso, et etiam secundum modum loquendi scripture, qui variatur de bonis ad malos, secundum illam regulam exponendi sacram scripturam, quam posui in principio Genesis, que est de corpore Domini bipertito, quia in eo continentur boni, et mali, et propter talem coniunctionem in uno corpore frequenter fit transitus de uno ad aliud. Et hoc modo sponsa in canticis dicit : Nigra sum, sed formosa. Nigra propter peccatores, formosa, propter iustos, sicut ibidem plenius fuit expositum. Et hoc modo potest dici in proposito, quod scriptura sub uno contextu loquendo de regibus cupientibus Christum adorare, transit ad loquendum de Herode, et suis fautoribus querentibus eum occidere.
Numérotation du verset
Ps. 47,ad litteram
marg.|
.1.
Tremor apprehendit eos.
Eo, quod Herodes timuit regnum suum perdere. Et quia ex hoc interius torquebatur, ideo subditur.
marg.|
.2.
Ibi dolores, ut parturientis.
Vel istud potest referri ad dolores matrum, quarum filios Herodes occidi fecit propter Christum. Mt. 2.
marg.|
{3.778} .3.
In spiritu vehementi conteres naves Tharsis.
In Hebreo, et in translatione Hieronymi iuxta Hebreum habetur : In spiritu uredinis, et dicitur ab uro uris. Herodes enim audiens, quod magi rediissent in terram suam per mare in navibus Tharsis, iratus eas succendit, ut habetur in Scholastica historia, et sic adimpleta est prophetia ista.
marg.|
.4.
Sicut audivimus.
Hic consequenter ponitur prophetie ad impletio, cum dicitur : Sicut audivimus. scilicet a filiis Core, vel aliis prophetis.
marg.|
.5.
Sic vidimus.
Adimpletum in adventu Christi, et loquitur hic psalmista in persona fidelium, qui dicebant adimpletum Christi mysterium.
marg.|
.6.
In civitate domini virtutum, in civitate Dei nostri.
Idest, Angelorum, Angeli enim sancti propter reverentiam divini cultus frequentabant locum illum.
marg.|
.7.
Deus fundavit eam in eternum.
Quia Christus Deus, et homo fundavit eam in fide catholica, ut predictum est, que fundatio stabilis est in eternum.
marg.|
.8.
Suscepimus Deus misericordiam tuam, in medio templi tui.
Hoc fuit adimpletum quando Christus per quem misericordiam Dei consecuti sumus, oblatus ibi fuit, et veritatem Evangelicam docuit.
marg.|
.9.
Secundum nomen tuum Deus.
Id est, secundum magnitudinem nominis tui, que est infinita.
marg.|
.10.
Sic, et laus tua.
Id est, diffusa est per orbem terrarum per predicationem Apostolorum.
Numérotation du verset
Ps. 47,ad litteram
marg.|
{3.779} .1.
Iustitia.
scilicet abundante, que continetur in veritate Evangelii.
marg.|
.2.
Plena est dextera tua.
Idest propitiatio seu largitas tua, per quam est per orbem diffusa.
marg.|
.3.
Letentur mons Sion.
Unde doctrina Evangelica accepit exordium, ut predictum est.
marg.|
.4.
Et exultent filie Iude.
Idest, civitates Iude, in quibus predicavit Christus in propria persona.
marg.|
.5.
Propter iudicia tua Domine.
Eis per te denuntiata.
marg.|
.6.
Circumdate.
Hic consequenter describitur impletionis dicte promulgatio, que facta est per Apostolos, qui adimpletum Christi mysterium constanter publicaverunt in Hierusalem, et civitatibus propinquis, et remotis, secundum quod dixit eis Christus Act. 1.a. Eritis mihi testes in Ierusalem, et in omni Iudea, etc. Et hoc est, quod dicitur eis in spiritu prophetico. Circumdate Sion. Quoniam in monte Sion ubi erat templum et etiam in aliis locis per Ierusalem constanter discurrebant, publicando fidem Christi, et miraculis confirmabant, intantum quod in plateis ponebantur infirmi in lectulis veniente Petro, ut saltem umbra illius obumbraret quenquam illorum, et liberarentur ab infirmitate sua, ut habetur Actu. 5.c.
marg.|
.7.
Narrate in turribus eius.
Idest, publice, et manifeste, sicut precones clamantes in turribus audiuntur de tota civitate.
marg.|
.8.
Ponite corda vestra in virtute eius.
Idest, ipsius Christi, in cuius virtute magnalia faciebant Apostoli, ut habetur in actibus Apostolorum.
marg.|
.9.
Et distribuite domos eius.
Idest ordinate loca ad cultum ipsius, {3.780} quod fecerunt Apostoli primo in Ierusalem, et civitatibus Iude, postea vero in orbe terrarum ubique secundum, quod habetur ex eorum actibus, ideo subditur.
marg.|
.10.
Ut enarretis in progenie altera.
Id est, gentilitate, que erat altera progenies a Iudea, quia primo predicaverunt Apostoli, et Christi discipuli Iudeis, et postea gentibus per orbem diffusis. Quid autem predicaverint, ostenditur cum subditur.
marg.|
.11.
Quoniam hic est,
etc. scilicet Christus, cuius divinitatem predicaverunt.
marg.|
.12.
Deus noster.
Qui se dedit nobis, et non solum in presenti per gratiam, sed etiam in futuro per gloriam, ideo subditur.
marg.|
.13. In eternum, et in seculum seculi.
marg.|
.14.
Ipse reget nos in secula.
Hebrei dicunt : Ipse reget nos suaviter, quia divina providentia attingit a fine usque ad finem fortiter, et disponit omnia suaviter. Hieronymi autem in translatione iuxta Hbr. dicit Ipse reget nos usque ad mortem, quia tunc magis apparebit, quod ipse est rector Christianorum, in hoc, quod deficientibus humanis auxiliis habebit specialem curam ipsorum. Ratio autem huius diversitatis in littera est ista, quia in Hebreo sic habetur. Ipse reget nos halmuth. Halmuth autem si sint due dictiones, signat super mortem, vel in morte, et sic accipit Hieron. si autem sit una dictio sic signat secula in plurali, prout littera habet communis, vel iuventutem, loco cuius Hebrei dicunt suaviter, eo quod homo puerum suum parvulum ducit in suavitate, et non in rigore, secundum quod dicit Rabbi Salomon super istum locum. Hieronymi tamen minus bene videtur dicere, quia in omnibus Bibliis Hebraicis, quas vidi, halmuth hic est una dictio, et non due.
Numérotation du verset
Ps. 47,moraliter
marg.|
{3.773} .1.
Magnus dominus,
etc. Psalmum istum litteraliter exposui de honore civitatis Ierusalem in adventu Christi, nam in ea fuit oblatus in templo, et ibidem predicavit, et plura miracula fecit, et in signo visibili spiritum sanctum apostolis misit.
marg.|
{3.774} Mystice vero exponi potest de ecclesia, que civitas dicitur Dei, idest, civium unitas per gratiam, et sacramenta, et Ierusalem allegorice, quam honoravit Christus, et honorat quotidie per effectus gratiarum, et miraculorum. Et secundum hoc dicitur. Magnus dominus, et laudabilis nimis. Super virtutem creatam. Ecclesiastici 43.d. Maior enim est omni laude.
Numérotation du verset
Ps. 47,moraliter
marg.|
{3.775} .1.
In civitate Dei nostri.
Idest, in ecclesia, ut predictum est.
marg.|
.2.
In monte sancto eius.
Dicitur enim ecclesia mons sanctus, sicut, et civitas Dei, Esaie 2.a. Erit in novissimis diebus preparatus mons domus domini in vertice montium, etc.
marg.|
.3.
Fundatur exultatione universe terre.
1. Cor. 3.c. dicitur. Fundamentum aliud nemo potest ponere preter id, quod positum est, quod est Christus Iesus. Et ipse est exultatio universe terre causaliter, Luc. 2.b. Evangelizo vobis gaudium magnum, quod erit omni populo, quia natus est nobis hodie salvator mundi, qui est Christus, etc.
marg.|
.5.
Mons Sion.
Que specula interpretatur, ideo per ipsam signantur contemplativi. †
Latera aquilonis.
Que sunt exposita borealibus {3.776} ventis, ideo per ipsa significantur activi, qui sunt solicitudinibus et turbationibus expositi Lc. 10.d. Martha Marthasolicita es, et turbaris erga plurima. Ex istis vero, s. contemplativis, et activis construitur ecclesia, que est civitas regis magni.
marg.|
.6.
Deus in domibus.
Licet autem universalis ecclesia sit una, habet tamen multas ecclesias singulares, de quibusdicitur. Deus in domibus. cum su, scilicet deprecantem.
marg.|
.8.
Quoniam ecce reges terre.
In fidei unitate per preces ecclesie. Et subditur modus congregationis, cum dicitur. .9.
Ipsi videntes.
Mirabilia per Christianos facta. †
Sic admirati sunt.
Quia superam virtutem nature create, et sic cognoverunt ea facta esse divina virtute, propter quod per fidem venerunt ad ecclesiam, et sic doluerunt, quod persecuti fuerant ipsam, sicut patet de Constantino, et pluribus aliis, ideo subditur.
marg.|
.10.
Conturbati sunt.
De Christiani {3.777} sanguinis effusione.
Numérotation du verset
Ps. 47,moraliter
marg.|
†
Commoti sunt.
Motu penitentie.
marg.|
.1.
Tremor apprehendit eos.
Propter severitatem iustitie divine.
marg.|
.2.
Ibi dolores, ut parturientis.
Ex magnitudine contritionis.
marg.|
.3.
In spiritu vehementi conteres naves Tharsis.
Per naves istas, {3.778} que dicuntur in scriptura solennes, signantur potentes in mari huius seculi, qui sicut dictum est, de persecutione Christianorum fuerunt valde contriti, quod signatur cum dicitur, In spiritu vehementi conteres naves Tharsis.
marg.|
.4.
Sicut audivimus.
scilicet prophetias de conversione gentium.
marg.|
.5.
Sic vidimus in civitate Domini nostri.
Idest, in Ecclesia adimpletum.
Numérotation du verset
Ps. 47,moraliter
marg.|
{3.779} .1.
Iustitia.
Quia paratus est iustificare per gratiam omnem hominem se debite disponentem.
marg.|
.3.
Letetur mons Sion.
Idest, Ecclesia.
marg.|
.4.
Et exultent filie.
Id est, fideles persone.
marg.|
.5.
Propter iudicia tua Domine.
Que sunt iustissima.
marg.|
.6.
Circumdate Sion.
Hoc verbum dirigitur ad rectores Ecclesie, qui debent eam per diligentem custodiam circumire.
marg.|
†
Et complectimini eam.
Sicut sponsam dilectissimam.
marg.|
{3.780} .7.
Narrate in turribus eius,
etc. Imminentia pericula, sicut boni speculatores.
marg.|
.8.
Ponite corda vestra in virtute eius.
Idest, ad virtutem eius dilatandum, ideo subditur.
marg.|
.9.
Et distribuite domos eius in progenie altera.
Ecclesias novas ordinando in infidelibus convertendis.
marg.|
.11. Quoniam hic est Deus, Deus noster. scilicet Christus.
marg.|
.14.
Ipse reget nos in secula.
In presenti seculo per gratiam, et per gloriam in futuro.
Comment citer cette page ?
Martin Morard, ed., Nicolaus de Lyra (Ps. 47), in : Sacra Pagina, IRHT-CNRS, 2025. Consultation du 19/02/2025. (Permalink : https://gloss-e.irht.cnrs.fr/php/editions_chapitre.php?id=lyr&numLivre=26&chapitre=26_47)
Martin Morard, ed., Nicolaus de Lyra (Ps. 47), in : Sacra Pagina, IRHT-CNRS, 2025. Consultation du 19/02/2025. (Permalink : https://gloss-e.irht.cnrs.fr/php/editions_chapitre.php?id=lyr&numLivre=26&chapitre=26_47)
Notes :