Glossae Scripturae Sacrae-electronicae (Gloss-e)

Glossa ordinaria

Biblia communis

Psalmus 131

Numérotation du verset Ps. 131,1

¶Canticum graduum¹.

¶Codd. : (Ps. 131) D30 ω² Rusch Ps-G

¹ gr + Propheta ad Patrem de Christo dicit D30

Numérotation du verset Ps. 131,I

Memento Domine

David ¦

et omnis mansuetudinis eius.

Numérotation du verset Ps. 131,2 II

Sicut iuravit Domino ¦

votum vovit Deo Iacob.

Numérotation du verset Ps. 131,3 III

Si introiero in tabernaculum domus mee ¦

si ascendero in lectum strati mei.

Numérotation du verset Ps. 131,4 IV

Si dedero

somnum

oculis meis ¦ et palpebris meis dormitationem.

Numérotation du verset Ps. 131,5 V

Et requiem temporibus meis,

donec inveniam locum

Domino ¦

tabernaculum Deo Iacob.

Numérotation du verset Ps. 131,6 VI

Ecce

audivimus eam²

² eam Correc2 Rusch Ps-G ] eum Φ^V D30 ² cum Ps-Moz ^X, ea Ps-G (F M Q² Φ^RGP Ψ^B V) Ω^M cum Ps-R

in Ephrata ¦

invenimus eam³ in campis silve.

³ eam Cor2 ω² Ps-G ] ea Ps-G (F M ) Ω ^M cum Ps-R

Numérotation du verset Ps. 131,7 VII

Introivimus⁴

⁴ introivimus Ps-G (F I M ² Q W) Rusch cum Ps-R ] introibimus Ps-G (Ψ^B²...) D30 Δ

in tabernaculum⁵ eius

⁵ tabernaculum Ps-G ( plerique codd. et edd. ) D30 Rusch cum Ps-R ] tabernacula Ps-G (R F I M Q Φ U G K) Δ

adoravimus in loco⁶

⁶ adoravimus Ps-G (F I M² Q W) Rusch cum Ps-R ] adorabimus Ps-G (Ψ^B ...) D30 Δ

ubi steterunt pedes eius.

Numérotation du verset Ps. 131,8 VIII

Surge Domine

in requiem tuam ¦ tu et arca sanctificationis tue.

Numérotation du verset Ps. 131,9 IX

Sacerdotes tui induantur⁷ iustitiam⁸* ¦

⁷ induantur Ps-G ( plerique codd. et edd. ) D30 Δ Rusch cum Ps-R ] induentur Ps-G (R I W U) |

⁸ iustitiam Ps-G ( M * Q Φ^RGV Ψ^B D) Δ D30 Ω^S Ed1530 Clementina cum Ps-R (S T C D P Q R V X edd. )] iustitia Ps-G Rusch cum Ps-R ] |

et sancti tui exultent⁹.

⁹ exultent Ps-G ( plerique codd. et edd. ) D30 Δ Rusch cum Ps-R (S T P Q R U V X edd. ) etc exultabunt Ps-G , letentur Ps-R

Numérotation du verset Ps. 131,10 X

Propter David servum tuum ¦ non avertas faciem christi tui.

Numérotation du verset Ps. 131,11 XI

Iuravit Dominus David

veritatem et non frustrabitur¹⁰

¹⁰ frustrabitur Ps-G ( plerique codd. et edd. ) D30 Δ Rusch cum Ps-R ]] frustrabit Ps-G

eum ¦ ¹¹

¹¹ eum Ps-G D30 Δ Rusch etc eam Clementina

de fructu ventris tui ponam super sedem tuam.

Numérotation du verset Ps. 131,12 XII

Si custodierint

filii tui testamentum meum ||

et testimonia

mea

hec que docebo eos.

Numérotation du verset Ps. 131,XIII

Et filii eorum

usque in seculum ¦ ¹²

¹² <XIII divisio.> eorum|| usque in seculum ω²

sedebunt super sedem tuam.

Numérotation du verset Ps. 131,13 XIV

Quoniam elegit Dominus

Sion ¦

elegit eam in habitationem sibi.

Numérotation du verset Ps. 131,14 XV

Hec requies mea

in seculum seculi ¦

hic

habitabo

quoniam elegi eam.

Numérotation du verset Ps. 131,15 XVI

Viduam eius benedicens benedicam ¦

pauperes

eius

saturabo panibus.

Numérotation du verset Ps. 131,16 XVII

Sacerdotes eius

induam salutari ¦

et sancti eius

exultatione exultabunt.

Numérotation du verset Ps. 131,17 XVIII

Illic

producam

cornu David ¦

paravi lucernam christo meo.

Numérotation du verset Ps. 131,18 XIX

Inimicos eius

induam confusione ¦ super ipsum autem efflorebit sanctificatio mea.

Psalmus 131

Numérotation du verset Ps. 131,1

¶^ACanticum graduum¹.

^A ¶Codd. : (Ps. 131) D30 ω² Rusch Ps-G

¹ gr + Propheta ad Patrem de Christo dicit D30

^marg.| CANTICUM GRADUUM. CASSIODORUS. In tertio decimo gradu iam humilis et mansuetus satagit de edificatione spiritualis domus ut et David ad litteram fecit qui domum Deo edificare voluit. Et congrue post gradum humilitatis agit de edificatione domus quia per humilitatem efficitur aliquis domus Dei unde in Isaia. Super quem requiescet Spiritus meus nisi super humilem et quietum et trementem sermones meos.

^marg.| CASSIODORUS. Primo ostendens votum edificandi domum precatur ut impleat. Secundo ostendit domum edificatam ibi. Ecce audivi. Tertio dicit promissiones Dei factas edificate Sion ibi. Iuravit Dominus. Volens ergo edificare domum Domino ait in persona totius Christi capitis : o Domine memento etc.

Numérotation du verset Ps. 131,I

Memento Domine

^interl.| Pater

David ¦

^marg.| DAVID. AUGUSTINUS. Ad litteram mansuetus ut Sauli malum pro malo non redderet. Typice unus homo caput et corpus cuius humilitas et mansuetudo commendatur ad hoc memento.

et omnis mansuetudinis eius.

^interl.| spiritualis

^interl.| AUGUSTINUS. Manu fortis quia in mansuetudine diabolum vicit

Numérotation du verset Ps. 131,2
II

Sicut iuravit Domino ¦

^interl.| firmiter promisit et ex voto voluntatis

votum vovit Deo Iacob.

^interl.| futura attendentium

^marg.| SICUT IURAVIT ET VOTUM VOVIT id est ut impleat quod promisit nemo presumat viribus suis reddere quod vovit. Vovit autem Ecclesia in mansuetudine ut sit domus Dei quo nihil gratius potest Deo offerri. Domus autem est si sua non querit sed de communi gaudet de propriis fiunt mala unde ait : si introiero. Sciebat se proprio impediri ne fiat locus Dei.

^interl.| dicens

Numérotation du verset Ps. 131,3
III

Si introiero in tabernaculum domus mee ¦

^interl.| si quesiero que mea non que Dei

^marg.| SI INTROIERO. Usque donec inveniam locum Domino littera suspenditur et est aposiopesis ^a ac si diceret : si hoc vel illud fecero numquam de cetero mihi credatur. Quasi. Iuravit David Domino. Si introiero tabernaculum domus mee etc.

^a <Paral.> Glossa ordinaria (Ps. 88, 36 ; Ps. 94, 11 ; Ps. 131, 3-4 ; Mc. 8, 12 ; Hbr. 6, 11).

si ascendero in lectum strati mei.

^interl.| si acquievero carni

^interl.| ideo ascendero quia res privata superbos facit

Numérotation du verset Ps. 131,4
IV

Si dedero

^interl.| qui dormit non facit locum Deo

somnum

^interl.| mentis, quasi : non dabo

^interl.| AUGUSTINUS. Terrene felicitates sunt somnia dormientium que cito transeunt

^interl.| id est carnalem vel terrenam delectationem

oculis meis ¦ et palpebris meis dormitationem.

^interl.| et ut plus dicam

^interl.| quod minus est quam dormitio, quasi non dabo

^marg.| CASSIODORUS. Vel ex persona Christi ab illo loco. Si introiero in tabernaculum domus mee scilicet celestis habitationis. Tabernaculum est celestis habitatio. si ascendero ad dexteram Patris ubi lectus id est requies et finis laborum. Somnum : requies mortis triduane. Deinde aliis verbis idem repetit^b : Et palpebris meis dormitationem. Et requiem temporibus meis donec inveniam locum Domino tabernaculum Deo Iacob, id est donec Ecclesia sancta predicatione sit fundata ; aposiopesis ^c est quasi non amplius credatur mihi.

^b Ps. 131, 5.

^c Parall. : Glossa ordinaria (Ps. 88, 36 ; Ps. 94, 11 ; Ps. 131, 3-4 ; Mc. 8, 12 ; Hbr. 6, 11).

Numérotation du verset Ps. 131,5
V

Et requiem temporibus meis,

^marg.| quasi : non dabo

^interl.| et ut etiam minus dicam id est quod minus est a me removeam

^marg.| ET PALPEBRIS. AUGUSTINUS. Est qui non dormit sed dormitat modo retrahitur a terrenis modo illo revoluitur crebro inclinat caput. ET REQUIEM TEMPORIBUS. A requie temporum somnus venit ad oculos quia dormituris tempora gravari incipiunt. Cum ergo incipit delectare ad peccatum aliquod temporale gravantur tempora sed ne des te illi delectationi et somnus non venit ad oculos. Ista cogitatione si quasi confricaris frontem excutis somnum.

donec inveniam locum

^interl.| non introibo in tabernaculum donec non quod post illa faciat sed in loco parato in se et in aliis requiescat ac si diceret non illa faciam sed istud

Domino ¦

^interl.| AUGUSTINUS. Secundum presentem statum ubi militatur in futuro domus pacis ubi pausabitur

^marg.| INVENIAM. AUGUSTINUS. Dicit quia diu quesivit. LOCUM DOMINO in se querebat qui super humilem et quietum requiescit. Locus autem Dei est si sua deserit re vel saltem amore si se non amat sed Deum.

tabernaculum Deo Iacob.

^marg.| IN TABERNACULO. AUGUSTINUS. Adhuc gemimus. In domo laudabimus quia gemitus est peregrinantium laudatio iam in patria commorantium.

^marg.| DEO IACOB. AUGUSTINUS. Dicit solvisse sicut supra dixit promisisse.

Numérotation du verset Ps. 131,6
VI

Ecce

^interl.| hoc promisit David et complevit. Nam

audivimus eam²

² eam Correc2 Rusch Ps-G ] eum Φ^V D30 ² cum Ps-Moz ^X, ea Ps-G (F M Q² Φ^RGP Ψ^B V) Ω^M cum Ps-R

^interl.| vel : eum

^interl.| vel : ea

^interl.| locum scilicet et domum

^marg.| ECCE AUDIVIMUS. CASSIODORUS. Secunda pars ubi ostenditur edificata domus et ubi et precatur ut exaltetur et ne Iudei sint penitus alieni.

^marg.| EA. AUGUSTINUS. Vel eam quam eam ? sedem Domini quod est in Ephrata speculum domus ergo Dei futura in prophetis predicata est in quibus imago et umbra futurorum. Inventa autem est in gentibus unde subdit. Invenimus eum vel eam in campis silve id est in gentibus incultis ubi erant vepres idolatrie.

^marg.| Vel ad litteram. CASSIODORUS. Ecce audivimus eum scilicet Dominum nascitur in Ephrata Bethleem ubi natus est Dominus auditum est nasci in Bethleem sed propter fidem gentium in campis silve compertus est.

{t. 2 : Erfurt, f. 315vb ; facsim., p. 630b} in Ephrata ¦

^interl.| quia quod in imagine predicatum est Iudeis in fide gentium manifestatum est unde : misit Dominus Verbum in Iacob et cecidit in Israel

invenimus eam³ in campis silve.

³ eam Cor2 ω² Ps-G ] ea Ps-G (F M ) Ω ^M cum Ps-R

Numérotation du verset Ps. 131,7
VII

Introivimus⁴

⁴ introivimus Ps-G (F I M ² Q W) Rusch cum Ps-R ] introibimus Ps-G (Ψ^B²...) D30 Δ

^interl.| vel : introibimus

^interl.| ut amplius confirmet dicit se introisse

^interl.| qui intrat ut habitet ipse a Deo habitatur

^marg.| INTROIVIMUS. AUGUSTINUS. Nos quoque perseverando in militia non tantum introivimus vel introibimus in tabernaculum eius Dei Iacob ad hanc domum pertinet qui aliis tamquam vivis lapidibus caritate compaginatus est. Intrat ergo qui diligit et qui intrat domus Dei efficitur.

in tabernaculum⁵ eius

⁵ tabernaculum Ps-G ( plerique codd. et edd. ) D30 Rusch cum Ps-R ] tabernacula Ps-G (R F I M Q Φ U G K) Δ

^interl.| Dei Iacob

adoravimus in loco⁶

⁶ adoravimus Ps-G (F I M² Q W) Rusch cum Ps-R ] adorabimus Ps-G (Ψ^B ...) D30 Δ

^interl.| etiam

^interl.| AUGUSTINUS. Id est de eis erimus in quibus stant pedes eius hi sunt qui perseverant usque ad finem

^marg.| IN LOCO. AUGUSTINUS. Domus Dei est ubi debet adorari preter quam non audit Deus ad vitam eternam ille ad domum pertinet qui est caritate compaginatus aliis. Vel locus in quo stant pedes domus Domini Christus est in quo perseverant.

ubi steterunt pedes eius.

^interl.| Domini

Numérotation du verset Ps. 131,8
VIII

Surge Domine

^interl.| et o Domine te prius exaltato exaltetur postea Ecclesia

^marg.| SURGE. AUGUSTINUS. Ei dicitur qui dicit «Dormivi conturbatus» surge a morte in requiem tuam ut iam non conturberis quia «mors illi ultra non dominabitur».

in requiem tuam ¦ tu et arca sanctificationis tue.

^interl.| surge ut et arca, id est Ecclesia, surgat quam sanctificasti

^interl.| non Noe vel testamenti que figura fuit sed

^interl.| AUGUSTINUS. hec sibi resurrectionem non promitteret nisi prius resurgeret caput

^interl.| et

Numérotation du verset Ps. 131,9
IX

Sacerdotes tui induantur⁷ iustitiam⁸* ¦

⁷ induantur Ps-G ( plerique codd. et edd. ) D30 Δ Rusch cum Ps-R ] induentur Ps-G (R I W U)

⁸ iustitiam Ps-G ( M * Q Φ^RGV Ψ^B D) Δ D30 Ω^S Ed1530 Clementina cum Ps-R (S T C D P Q R V X edd. )] iustitia Ps-G Rusch cum Ps-R ]

^marg.| te eunte ad Patrem. AUGUSTINUS. Regale sacerdotium induatur fide quia iustus ex fide vivit unde Petrus : vos estis genus electum regale sacerdotium gens sancta etc.

et sancti tui exultent⁹.

⁹ exultent Ps-G ( plerique codd. et edd. ) D30 Δ Rusch cum Ps-R (S T P Q R U V X edd. ) etc exultabunt Ps-G , letentur Ps-R

^interl.| accepto pignore spiritus letentur membra spe resurrectionis

^interl.| id est minores subditi

^marg.| SACERDOTES. AUGUSTINUS. Accipit eosdem sacerdotes et sanctos scilicet omnes fideles vel per sacerdotes significat prelatos Ecclesie per sanctos subiectos fideles arcam ergo quam surgere precatus erat per partes Ecclesie distinguit. Sacerdotes ut in Veteri Testamento sacerdotes diversis ornamentis trahi evangelici sacerdotes diversis vritutibus ad ornantur hec sunt ornamenta que Deus exigit. Que enim legales pontifices in vestibus gestabant illi evangelici sacerdotes in cordibus habere debent.

Numérotation du verset Ps. 131,10
X

Propter David servum tuum ¦ non avertas faciem christi tui.

^interl.| a Iudeis o Deus Pater

^marg.| PROPTER DAVID. CASSIODORUS. Memento et bene dico propter David quia iuravit Dominus David veritatem. Propter David deinde ex persona ipsius David rogantis Deum Patrem.

^marg.| AUGUSTINUS. Quia enim Christus a Iudeis faciem avertit ad gentes rogatur Pater propter reliquias Israel ut salve fiant quod in apostolis et in aliis multis impletum est. Et ait propter David ac si diceret mei etiam memento ut propter me Iudeos funditus non repellas.

Numérotation du verset Ps. 131,11
XI

Iuravit Dominus David

^interl.| illi vel Christo

^marg.| IURAVIT DOMINUS. CASSIODORUS. Tertia pars ubi dicit promissiones Dei factas edificate Sion id est Ecclesie. Et loquitur David in sua vel in totius Christi persona.

^marg.| AUGUSTINUS. Iuravit vel penitebit. Peniteri dicitur Deus non propter consilii sed operis mutationem. Non enim penitentiam patitur Deus vel in aliquo fallitur ut velit corrigere in quo erravit. Sed quomodo homo quem penitet mutare vult quod fecit. Et sic ubi audis quia penitet Deum mutationem ipsam intellige aliter facit illam Deus aliter tu. Tu enim facis quia erraveras ille facit quia vindicat et liberat.

veritatem et non frustrabitur¹⁰

¹⁰ frustrabitur Ps-G ( plerique codd. et edd. ) D30 Δ Rusch cum Ps-R ]] frustrabit Ps-G

^interl.| vel : penitebit ^d

^d Ps-α. Cf. Ps. 109, 4 ; Hebr.7, 21.

eum ¦ ¹¹

¹¹ eum Ps-G D30 Δ Rusch etc eam Clementina

^interl.| David

^interl.| dicens

de fructu ventris tui ponam super sedem tuam.

^interl.| AUGUSTINUS. Poterat dicere de fructu femoris tui. Sed significantius ait de fructu ventris tui quia de femina natus est Christus quo id est ad quam vir non accessit unde : et exivit per #clausam portam lux et decus etc.

^interl.| quos paries ad idem facit

^marg.| SUPER SEDEM TUAM. David scilicet. Iuxta illud. Et dabit illi Deus sedem David patris sui quia quod David temporaliter rexit Christus spiritualiter.

Numérotation du verset Ps. 131,12
XII

Si custodierint

^interl.| non omnes sed custodientes testamentum

^marg.| SI CUSTODIERINT. AUGUSTINUS. Meritum videntur facere parentes filiis suis per hoc quod dicit. Si filii custodierint et filii eorum sedebunt. Sed sciendum quod homines spem suam debent filios generare et relinquere filii spes eorum sunt ideo nomine filiorum spem posuit per filios autem filiorum fructus spei accepit. Et est sensus : si custodierint filii id est spes. et filii eorum in eternum seculum super sedem tuam filii fructus eorum id est tales fructus habebunt ut spes eorum non fallat sed veniat quo sperat. {t. 2 : Erfurt, f. 316ra ; facsim., p. 631a} Vel filios accipe homines per filios eorum imitatores. Et est sensus : Si custodierint filii tui id est homines ex te nati testamentum meum et testimonia mea hec que docebo eos hoc non mutatur. Et etiam filii eorum id est sequaces eorum in seculum sedebunt. Quid ergo si non custodierint perit promissio. Non quia si in te non impletur impletur in alio et filii David sunt non stirpe sed cultu Dei et fide si ergo non custodierint testamentum meum non filii non ergo glorieris de carne.

^marg.| SI CUSTODIERINT. Vel ita ut per David intelligatur Christus. Et agit de promissionefacta Christo hoc modo. iuravit Dominus pater david, id est Christo, veritatem et non frustrabit vel penitebit eu dicens : de fructu ventris tui ponam super sedem tuam id est illos quos paries ad fidem o tu Christe faciam reges sui. Non tamen omnes sed custodientes testamentum ; unde subdit. si custodierint filii tui testamentum meum et testimonia mea hec que docebo eos hoc non mutatur. et filii eorum s i custodierint testamentum sedebunt super sedem tuam id est participes erunt tue beatitudinis ut sicut es regie potestatis ita et ipsi pro modo suo et hoc usque in seculum seculi id est in eternum.

filii tui {t. 2 : Erfurt, f. 316ra ; facsim., p. 631ª} testamentum meum ||

^interl.| pactum baptismi

et testimonia

^interl.| precepta vite

mea

^interl.| non que ipsi sibi constituant

hec que docebo eos.

Numérotation du verset Ps. 131,XIII

Et filii eorum

^interl.| si custodierint

usque in seculum ¦ ¹²

¹² <XIII divisio.> eorum|| usque in seculum ω²

^interl.| quamdiu durabit hic vel cuius non est finis quasi non est temporale premium sed eternum

sedebunt super sedem tuam.

^interl.| beatitudinis ut sicut es regie potestatis ita ipse pro modo suo

Numérotation du verset Ps. 131,13
XIV

Quoniam elegit Dominus

^interl.| hoc promisit gratis non pro meritis

Sion ¦

^interl.| Ecclesiam

elegit eam in habitationem sibi.

^interl.| ubi spiritualiter habitet qui ubique est

^interl.| dicens

Numérotation du verset Ps. 131,14
XV

Hec requies mea

^interl.| verba Dei Patris

^marg.| HEC REQUIES MEA. AUGUSTINUS. Sic amat nos Deus ut se dicat requiescere si nos requiescimus in illo.

in seculum seculi ¦

^interl.| hoc non ad litteram cum sepe eversa sit Hierusalem

^interl.| quia durat in eternum

hic

^interl.| id est in Ecclesia

habitabo

^interl.| non pro merito suo

^interl.| sed

quoniam elegi eam.

^interl.| dans benedictionem unde subdit

^interl.| et

Numérotation du verset Ps. 131,15
XVI

Viduam eius benedicens benedicam ¦

^interl.| iugi benedictione

^marg.| VIDUAM. AUGUSTINUS. Vidua est anima que se intelligit desertam omni auxilio nisi solius Dei.

pauperes

^interl.| non presumentes de Deo unde alibi : edent pauperes et saturabuntur superbi saturati sunt in se nec saturabuntur sed humiles quanto plus esuriunt tanto plus manducant et tanto plus esuriunt quanto inanes sunt a seculo plenus fastidit

eius

^interl.| Sion

saturabo panibus.

^interl.| id est celesti pane

^marg.| PANIBUS. AUGUSTINUS. Deus est panis qui in carne se lac fecit

Numérotation du verset Ps. 131,16
XVII

Sacerdotes eius

^interl.| genus electum scilicet omnes fideles

induam salutari ¦

^interl.| Christo

^interl.| unde : quotquot in Christo baptizati estis Christum induistis

et sancti eius

^interl.| idem qui et sacerdotes

exultatione exultabunt.

^marg.| SACERDOTES EIUS. Vel distingue inter sacerdotes et sanctos sicut supra. Et est sacerdotes eius id est prelatos. induam salutari id est Christo id est ut honesti sint ad docendum. et sancti eius id est subditi. EXULTATIONE EXULTABUNT de Christo.

^marg.| EXULTATIONE EXULTABUNT. AUGUSTINUS. Quia induti sunt salutari non enim in se lux sed in Domino unde subdit ibi suscitabo cornu David ut de Christo presumatur ipse est altitudo quam scilicet significat cornu non carnalis sed spiritualis. Ipse est qui baptisat potestate et auctoritate qui habitat in eo ergo secure exultavit.

Numérotation du verset Ps. 131,17
XVIII

Illic

^interl.| vel illuc

^interl.| ideo exultabunt quia

producam

^interl.| vel suscitabo

cornu David ¦

^interl.| id est Christum

^marg.| CORNU. AUGUSTINUS. Ecclesie altitudo spiritualis que carnem excedit Christus cui Ioannes lucerna paratur unde subdit paravi lucernam Christo meo hec lucerna est Ioannes qui illum ostendendo predicat dicens hic est qui baptizat. Qui Ioannes precurrens Christum nuntiat homines baptismo assuefaciens viam preparat verbo ipse est enim preco verbi paranimphus sponsi lucerna Christi hinc est quod in diebus privatis unus cereus ante evangelium defertur hic est Ioannes qui Christum precessit predicando baptizando. In festivis diebus duo cerei precedunt per quod signatur quod bini et bini missi sunt apostoli ad predicandum in Iudeam ante Christi mortem et resurrectionem.

paravi lucernam christo meo.

Numérotation du verset Ps. 131,18
XIX

Inimicos eius

^interl.| Christi

induam confusione ¦ super {t. 2 : Erfurt, f. 316rb ; facsim., p. 631b} ipsum autem efflorebit sanctificatio mea.

^interl.| AUGUSTINUS. ipse sanctificat et nemo alius in eo floret ad gloriam sanctificatio in homine qui fenum est non posset florere

^marg.| INDUAM CONFUSIONE. CASSIODORUS. Hoc faciet Filius cui omne iudicium datum. Sed nota Patrem qui hic loquitur facere quod Filius facit.

Comment citer cette page ?
Martin Morard et alii, ed., Glossa ordinaria cum Biblia latina (Ps. Psalmus 131), in : Sacra Pagina, IRHT-CNRS, 2024. Consultation du 04/05/2024. (Permalink : https://gloss-e.irht.cnrs.fr/php/editions_chapitre.php?id=liber&numLivre=26&chapitre=26_131)

Signaler un complément d'information

Notes :

<26. Psalterium>

Psalmus 131

<26. Psalterium>

Psalmus 131