Glossa magna

Psalmus 131

Numérotation du verset Ps. 131,1 

¶Canticum graduum1.
¶Codd. : (Ps. 131) D30 ω² Rusch Ps-G
1 gr + Propheta ad Patrem de Christo dicit D30
Numérotation du verset Ps. 131,I 

Memento Domine
David ¦
et omnis mansuetudinis eius.
Numérotation du verset Ps. 131,2 II

Sicut iuravit Domino ¦
votum vovit Deo Iacob.
Numérotation du verset Ps. 131,3 III

Si introiero in tabernaculum domus mee ¦
si ascendero in lectum strati mei.
Numérotation du verset Ps. 131,4 IV

Si dedero
somnum
oculis meis ¦ et palpebris meis dormitationem.
Numérotation du verset Ps. 131,5 V

Et requiem temporibus meis,
donec inveniam locum
Domino ¦
tabernaculum Deo Iacob.
Numérotation du verset Ps. 131,6 VI

Ecce
audivimus eam2
2 eam Correc2 Rusch Ps-G ] eum ΦV D30 ² cum Ps-Moz X, ea Ps-G (F M Q² ΦRGP ΨB V) ΩM cum Ps-R
in Ephrata ¦
invenimus eam3 in campis silve.
3 eam Cor2 ω² Ps-G ] ea Ps-G (F M ) Ω M cum Ps-R
Numérotation du verset Ps. 131,7 VII

Introivimus4
4 introivimus Ps-G (F I M ² Q W) Rusch cum Ps-R ] introibimus Ps-G (ΨB²...) D30 Δ
in tabernaculum5 eius
5 tabernaculum Ps-G ( plerique codd. et edd. ) D30 Rusch cum Ps-R ] tabernacula Ps-G (R F I M Q Φ U G K) Δ
adoravimus in loco6
6 adoravimus Ps-G (F I M² Q W) Rusch cum Ps-R ] adorabimus Ps-G (ΨB ...) D30 Δ
ubi steterunt pedes eius.
Numérotation du verset Ps. 131,8 VIII

Surge Domine
in requiem tuam ¦ tu et arca sanctificationis tue.
Numérotation du verset Ps. 131,9 IX

Sacerdotes tui induantur7 iustitiam8* ¦
7 induantur Ps-G ( plerique codd. et edd. ) D30 Δ Rusch cum Ps-R ] induentur Ps-G (R I W U) |
8 iustitiam Ps-G ( M * Q ΦRGV ΨB D) Δ D30 ΩS Ed1530 Clementina cum Ps-R (S T C D P Q R V X edd. )] iustitia Ps-G Rusch cum Ps-R ] |
et sancti tui exultent9.
9 exultent Ps-G ( plerique codd. et edd. ) D30 Δ Rusch cum Ps-R (S T P Q R U V X edd. ) etc exultabunt Ps-G , letentur Ps-R
Numérotation du verset Ps. 131,10 X

Propter David servum tuum ¦ non avertas faciem christi tui.
Numérotation du verset Ps. 131,11 XI

Iuravit Dominus David
veritatem et non frustrabitur10
10 frustrabitur Ps-G ( plerique codd. et edd. ) D30 Δ Rusch cum Ps-R ]] frustrabit Ps-G
eum ¦ 11
11 eum Ps-G D30 Δ Rusch etc eam Clementina
de fructu ventris tui ponam super sedem tuam.
Numérotation du verset Ps. 131,12 XII

Si custodierint
filii tui testamentum meum ||
et testimonia
mea
hec que docebo eos.
Numérotation du verset Ps. 131,XIII 

Et filii eorum
usque in seculum ¦ 12
12 <XIII divisio.> eorum|| usque in seculum ω²
sedebunt super sedem tuam.
Numérotation du verset Ps. 131,13 XIV

Quoniam elegit Dominus
Sion ¦
elegit eam in habitationem sibi.
Numérotation du verset Ps. 131,14 XV

Hec requies mea
in seculum seculi ¦
hic
habitabo
quoniam elegi eam.
Numérotation du verset Ps. 131,15 XVI

Viduam eius benedicens benedicam ¦
pauperes
eius
saturabo panibus.
Numérotation du verset Ps. 131,16 XVII

Sacerdotes eius
induam salutari ¦
et sancti eius
exultatione exultabunt.
Numérotation du verset Ps. 131,17 XVIII

Illic
producam
cornu David ¦
paravi lucernam christo meo.
Numérotation du verset Ps. 131,18 XIX

Inimicos eius
induam confusione ¦ super ipsum autem efflorebit sanctificatio mea.

Psalmus 131

Numérotation du verset Ps. 131,1 
prol.|
marg.| {191.1173D} Memento, Domine, David. Titulus: Canticum graduum. [AUGUSTINUS.] In hoc decimo tertio gradu, iam humilis et mansuetus satagit de edificatione spiritualis {191.1174D} domus Dei, ut et David ad litteram fecit, qui domum Deo edificare voluit. Et congrue post gradum humilitatis agit de edificatione domus, quia per humilitatem efficitur aliquis domus Dei. Unde: {191.1175A} Super quem requiescet spiritus meus, nisi super humilem et quietum, et trementem sermones meos? (Is. LXVI)A
A ¶Codd. : PL191
marg.| Intentio: [CASSIODORUS.] Monet ut et nos et alios edificemus domum Deo. Modus: tripartitus est psalmus. Primo ostendens votum edificandi domum, precatur ut impleat. Secundo ostendit domum edificatam: et ubi? ibi ecce audivimus eam in Ephrata. Tertio dicit promissiones Dei factas, edificate Sion, ibi iuravit Dominus David. [AUGUSTINUS.] Volens ergo edificare domum Domino, ait in persona totius Christi, oB
B ¶Codd. : PL191
Numérotation du verset Ps. 131,1 
I
prol.|
marg.| Domine Pater, memento David [AUGUSTINUS.] spiritualis {191.1175B} manus fortis, qui in mansuetudine diabolum vicit; Et omnis mansuetudinis eius. Ad litteram, David rex ille filius Iesse, valde mansuetus fuit. Adeo ut Sauli malum pro malo non redderet, quando in spelunca ad quam divertit Saul causa purgandi ventrem datus est in manus eius: cui pepercit David, nolens cum occidere: erga quem tantam servavit humilitatem, ut illum regem, se vero canem aut pulicem fateretur (1Rg. 24). Sed non de illo hic agitur, imo de eius significato. Per illum enim typice significatur ille unus homo, cuius vox sepe in psalmis auditur, scilicet totus Christus caput et corpus, cuius humilitas et mansuetudo commendatur hic:C
C ¶Codd. : PL191
Numérotation du verset Ps. 131,2 
II
prol.|
marg.| {191.1175C} Sicut iuravit. [AUGUSTINUS.] quasi1 : Ad hoc memento ut impleat sicut iuravit et votum vovit, id est sicut firmiter promisit, et ex voto voluntatis Domino Deo Iacob, id est futura attendentium, id est ita memento David ut impleat quod promisit Deo. Nemo presumat viribus suis, reddere que vovit. Qui enim te hortatur ut voveas, ipse te adiuvat ut reddas. Vovit autem Ecclesia in mansuetudine, ut sit domus Dei, quo nihil gratius potest Deo offerri. Domus autem est si sua non querit, sed gaudet de communi. De propriis enim fuerit mala.D
D ¶Codd. : PL191
1 quasi] + dicat PL
Numérotation du verset Ps. 131,3 
III
prol.|
marg.| Si introiero in etc. usque, donec inveniam locum {191.1175D} Domino, tabernaculum Deo Iacob. [ALCUINUS.] Hucusque littera suspenditur. Et est aposiopesis. Ac si diceret: Si hoc vel illud fecero, numquam de cetero mihi credatur. [AUGUSTINUS.] quasi2 : Iuravit David Domino dicens: Si introiero in tabernaculum domus mee, id est si quesiero que mea sunt, non que Dei. quasi3 : Non queram. Sciebat enim se proprio impediri, ne fiat locus Deo, et si ascendero in lectum strati mei, id est si acquievero carni, quasi non acquiescam. Ideo dicit ascendero, quia res privata superbos facit. EtE
E ¶Codd. : PL191
2 quasi] + dicat PL
3 quasi] + dicat PL
Numérotation du verset Ps. 131,4 
IV
prol.|
marg.| Si dedero somnum [AUGUSTINUS.] id est carnalem delectationem oculis meis mentis. quasi4 : Non dabo; terrene {191.1176A} felicitates somnia sunt dormientium, que cito transeunt. Quomodo enim qui videt thesauros in somnis dormiens dives est, sed evigilans nil reperit, sic qui dormiunt torpentes in divitiis et voluptatibus seculi, cum evigilaverint post hanc vitam, nihil invenient in manibus suis: quod iste se non fecisse qui vult invenire locum Domino dicit: Si dedero somnum oculis meis, Et ut plus dicam, Si dedero palpebris meis dormitationem quod minus est quam dormitio. quasi5 : Non dabo, est qui non dormit, sed dormitat. Modo enim retrahitur a terrenis, modo revolvitur, illo crebro inclinat caput tamquam qui dormitat. Dum ergo quod minus est, a se removet, de se plus dicit,F
F ¶Codd. : PL191
4 quasi] + dicat PL
5 quasi] + dicat PL
Numérotation du verset Ps. 131,5 
V
prol.|
marg.| ET [AUGUSTINUS.] ut etiam minus dicam, id est quod minus est a me removeam. Si dedero requiem temporibus meis. quasi6 : Non dabo. A requie temporum somnus venit ad oculos, quia dormituris tempora gravari incipiunt, et cum senserint sibi gravari tempora iam imminet somnus. Cum ergo aliquid temporale te incipit delectare ad peccatum, iam gravantur tibi tempora; sed ne des te illi delectationi, et somnus non venit ad oculos. Ista cogitatione quasi confricans frontem excutis somnum, et speras locum Domino, donec inveniam. quasi7 : Non introibo in tabernaculum, non ascendam {191.1176C} in lectum, nec cetera que sequuntur faciam, donec inveniam locum Domino, non quod post illa faciat, sed in loco parato in se et in aliis requiescit Deus ac si diceret: Non illa faciam, sed istud ideo dicit inveniam, quia diu quesivit. Locum enim Domino in se querebat, qui super humilem et quietum requiescit (Is.  LXVI). Locus autem Dei est, si sua deserit re, vel saltem amorem si se non amat, sed Deum. Deinde quod dixerat locum, dicit tabernaculum, subdens, tabernaculum Deo Iacob. Tabernaculum dicitur secundum presentem statum, in quo militatur. In futuro erit domus pacis, ubi pausabitur. In tabernaculo adhuc gemimus, in domo laudabimus, quia gemitus est peregrinantium laudatio, iam in patria conmorantium [CASSIODORUS. Hilarius] Et {191.1176D} nota quod Deo Iacob dicit se solvisse, sicut supradixit promisisse. Vel ex persona Christi capitis potest legi ab illo loco: Si introiero. quasi8 : Iuravit David, id est Christus, dicens: Si introiero in tabernaculum domus mee, scilicet celestis habitationis. Tabernaculum enim celestis et habitatio. Et si ascendero in lectum strati mei, id est ad dexteram Patris, ubi est requies et finis laborum. Et si dedero somnum oculis meis, id est requiem mortis triduane. Deinde aliis verbis idem repetit, et palpebris meis dormitationem. Et requiem temporibus meis, donec inveniam locum Domino, tabernaculum Deo Iacob [ALCUINUS.] id est Ecclesia sancta predicatione, donec fundata sit aposiopesis. quasi9 : Non amplius credatur mihi.G
G ¶Codd. : PL191
6 quasi] + dicat PL
7 quasi] + dicat PL
8 quasi] + dicat PL
9 quasi] + dicat PL
Numérotation du verset Ps. 131,6 
VI
prol.|
marg.| {191.1177A} PARS 2. Ecce audivimus. [CASSIODORUS. ALCUINUS.] Secunda pars, ubi ostenditur edificata domus, et ubi: et precatur ut exaltetur, et ne Iudei penitus, sint alieni. quasi10 : Hoc promisit David et implevit. Nam ecce audivimus eam neutraliter [Haimo. GLOSSA INTERLINEARIS.] scilicet locum, sedem, domum; vel eum scilicet locum vel Deum; vel eam. Quam eam? scilicet sedem Domini. In Ephrata. Ephrata enim interpretatur speculum. [AUGUSTINUS.] Domus ergo Dei futura in lege et prophetis predicata est, in quibus fuit imago et umbra. Inventa autem est in gentibus, unde subdit: Invenimus eum, vel eam in campis sylve, id est in gentibus incultis, ubi erant {191.1177B} vepres idololatrie, quia quod in imagine, id est in figura predicatum est Iudeis, in fide gentium manifestatum est. Unde: Misit Dominus Verbum in Iacob, et cecidit in Israel (Is. 9). Vel ad litteram ita: Ecce audivimus eum [Hilarius] scilicet Dominum nasciturum, in Ephrata. Hec est Bethlehem ubi natus est Dominus. Et invenimus eam in campis sylve. Auditum quippe est nasci in Bethlehem, sed propter fidem gentium in campis sylve compertus est. Et ut amplius confirmet, dicit se introisse, subdens:H
H ¶Codd. : PL191
10 quasi] + dicat PL
Numérotation du verset Ps. 131,7 
VII
prol.|
marg.| Introibimus. [AUGUSTINUS.] quasi11 : Nos quoque perseverando in militia, non tantum invenimus, sed {191.1177C} introivimus. Vel introibimus in tabernaculum eius Dei Iacob. Qui intrat ut habitet ipse, a Deo habitatur; ad hanc domum pertinet, qui aliis tamquam vivis lapidibus caritate compaginatus est. Intrat ergo qui diligit; et qui intrat, domus Dei efficitur. Et etiam adorabimus in loco ubi steterunt pedes eius Domini. Domus Dei est ubi debet adorari, preterquam non audit Deus ad vitam eternam. Ille ad domum Dei pertinet qui caritate compaginatus est aliis. Et est sensus: Adorabimus in loco ubi steterunt pedes eius, Dei, id est ita quod de eis erimus, in quibus stant pedes eius. Hi sunt qui perseverant usque in finem.
11 quasi] + dicat PL
marg.| Vel ita, ut ad ipsam domum referatur eius, adorabimus in loco ubi steterunt pedes {191.1177D} eius, scilicet domus Dei. Locus ubi stant pedes domus Domini, Christus est, in quo perseverant. Deinde conversus ad Dominum ait:I
I ¶Codd. : PL191
Numérotation du verset Ps. 131,8 
VIII
prol.|
marg.| Exsurge, Domine [AUGUSTINUS.] ei dicitur hoc qui dicit: Dormivi conturbatus (Ps. LVI). quasi12 : ut hec predicta fiant, o Domine, surge a morte in requiem tuam, ut iam non conturberis, quia mors illi ultra non dominabitur (Rm. 6). Et, o Domine, te prius exaltato, exaltetur postea Ecclesia, tu et arca, quasi13 : Surge: Tu, prior et arca; [CASSIODORUS.] non arca Noe vel Testamenti, que figura fuit, sed sanctificationis tue, id est Ecclesia surgat quam sanctificasti. [AUGUSTINUS.] Hec sibi resurrectionem {191.1178A} non promitteret, nisi prius resurgeret caput. Et, te eunte ad PatremJ
J ¶Codd. : PL191
12 quasi] + dicat PL
13 quasi] + dicat PL
Numérotation du verset Ps. 131,9 
IX
prol.|
marg.| Sacerdotes tui induantur iustitia [AUGUSTINUS.] id est regale sacerdotium induatur fide, quia iustus ex fide vivit (Habac. 2). Unde Petrus ait: Vos estis genus electum, regale sacerdotium, gens sancta, et populus acquisitionis. Et sancti tui (1Pt. 2), id est membra tua, accepto pignore Spiritus sancti, exsultent, id est letentur, spe resurrectionis. Et accepit eosdem sacerdotes et sanctos, scilicet omnes fideles. [ALCUINUS.] Vel per sacerdotes significat prelatos Ecclesie, per quos, subiectos fideles; arcam vero quam surgere precatus erat, per partes ipsius {191.1178B} Ecclesie distinguit dicens: Sacerdotes tui, id est prelati, induantur iustitia, et aliis virtutibus. Ut enim in veteri Testamento sacerdotes diversis ornamentis vestium utebantur, ita hi evangelici sacerdotes 287 diversis virtutibus adornantur. Hec sunt ornamenta que Deus exigit. Que enim legales pontifices in vestibus gestabant, illa evangelici sacerdotes in cordibus habere debent. Et sancti tui [ALCUINUS.] id est minores et subditi exsultent. Deinde ex persona ipsius David rogantis Deum Patrem, subditur:K
K ¶Codd. : PL191
Numérotation du verset Ps. 131,10 
X
prol.|
marg.| Propter David servum tuum non avertas faciem [AUGUSTINUS.] penitus a Iudeis, o Deus Pater, faciem {191.1178C} Christi tui; quia enim Christus a Iudeis, a quibus crucifixus est, faciem suam avertit ad gentes, rogatur propter reliquias Israel, ut salve fiant: quod in apostolis et in pluribus aliis impletum est. Et nota quod ait, propter David, ac si diceret: Mei etiam memento, ut propter me Iudeos funditus non repellas.L
L ¶Codd. : PL191
Numérotation du verset Ps. 131,11 
XI
prol.|
marg.| PARS 3 Iuravit Dominus. [CASSIODORUS.] Tertia pars ubi dicit promissiones Dei factas edificate Sion, id est Ecclesie. Et loquitur David in sua vel totius Christi persona. quasi14 : Bene dico, propter David, quia {191.1178D} Dominus iuravit veritatem David illi actuali filio Isai. Et non frustrabitur eum David. [AUGUSTINUS.] Vel secundum aliam litteram, non penitebit eum scilicet Dominum. Penitere dicit Dominus, non propter consilii, sed operis mutationem. Non enim penitentiam patitur Deus, aut in aliquo fallitur, ut velit corrigere in quo erravit. Sed quomodo homo qui penitet mutare vult quod fecit, sic ubi audis, quia penitet Deum, mutationem ipsam intellige. Aliter facit illam Deus, aliter tu. Tu enim facis, quia erraveras; ille facit, quia vindicat vel liberat. Iuravit dico, dicens: De fructu ventris tui ponam super sedem tuam. Poterat dicere, de fructu femoris tui, sed significantius ait, de fructu ventris tui, quia de femina tantum natus est Christus, quo, id est ad quam {191.1179A} feminam vir non accessit. Unde et illud, ex cantu Ecclesie: Et exivit per clausam portam lux et decus. Christus positus est super sedem David patris sui, iuxta illud: Et dabit illi Deus sedem David patris sui (Lc. 1). [ALCUINUS.] quia quod David temporaliter rexit, Christus spiritualiter. Et non modo illum ponam super sedem throni, sed etiam,M
M ¶Codd. : PL191
14 quasi] + dicat PL
Numérotation du verset Ps. 131,12 
XII
prol.|
marg.| Si custodierint filii tui testamentum meum [AUGUSTINUS.] tunc et filii eorum sedebunt. Meritum videntur facere parentes filiis suis, per hoc quod dicit: Si custodierint filii tui, et filii eorum sedebunt. Sed sciendum {191.1179B} est quod homines spem suam dicunt filios generare et relinquere, filii spes eorum sunt. Ideo filiorum nomine spem posuit; per filios autem filiorum fructus spei accipitur. Et est sensus: Si filii tui, id est spes filiorum tuorum, custodierint testamentum meum [REMIGIUS, Haimo.] scilicet pactum baptismi, id est si filii tui bene sperantes custodierint pactum baptismi, Et testimonia mea, id est precepta vite, scilicet hec que docebo eos, non que ipsi sibi constituunt.N
N ¶Codd. : PL191
Numérotation du verset Ps. 131,XIII 
prol.|
marg.| Et filii eorum [AUGUSTINUS.] id est fructus eorum usque in seculum, id est in eternum, sedebunt super sedem tuam, id est tales fructus habebunt, ut spes eorum {191.1179C} non fallat; sed veniat quo sperat.
marg.| Vel ita: Per filios accipe homines, per filios eorum imitatores: et est: Si custodierint filii tui, id est homines ex te nati, testamentum et testimonia mea hec que docebo eos. Hoc non mutatur. Et etiam, filii eorum, id est sequaces eorum, si custodierint, et distingue, et postea inferas, usque in seculum [ALCUINUS.] id est quamdiu durabit hoc seculum, sedebunt filii tui et filii eorum super sedem tuam, id est spirituales reges sui et aliorum erunt ut tu temporalis; si custodierint, sedebunt. [AUGUSTINUS.] Quid ergo si non custodierint, perit promissio? non, quia si in te non impletur, impletur in alio. Nam et filii David sunt non stirpe, sed cultu Dei et fide. Si ergo non custodiunt testamentum {191.1179D} meum, non sunt filii. Non ergo glorieris de carne.
marg.| [ALCUINUS.] Vel ita, ut per David intelligatur Christus, et agit de promissione facta Christo hoc modo: Iuravit Dominus Pater David, id est Christo veritatem et non frustrabitur, vel penitebit eum, dicens: De fructu ventris tui ponam super sedem tuam, id est illos quos paries ad fidem, o tu Christe, faciam reges, sed non tamen omnes, sed custodientes testamentum: Si tamen, custodierint filii tui testamentum meum, et testimonia mea hec que docebo eos. Hoc non mutatur, et filii eorum si custodierint, sedebunt super sedem tuam, id est participes erunt tue beatitudinis, ut sicut es regie potestatis, ita et ipsi pro modo suo Et hoc usque in seculum, id est in eternum. Hoc est illud seculum, cuius non {191.1180A} erit finis. Ac si diceret: non est temporale premium, sed eternum.O
O ¶Codd. : PL191
Numérotation du verset Ps. 131,13 
XIV
prol.|
marg.| Quoniam elegit Dominus [Hilarius] quasi15 : Hoc promisit Deus, et gratis, non pro meritis, quoniam elegit Dominus sola gratia Sion, id est Ecclesiam. Ad quid elegit eam? in habitationem sibi ut spiritualiter habitet, qui ubique est. Elegit, dicens:P
P ¶Codd. : PL191
15 quasi] + dicat PL
Numérotation du verset Ps. 131,14 
XV
prol.|
marg.| Hec est requies mea. [AUGUSTINUS.] Verba Dei Patris sunt hec, quia sic amat nos Deus, ut dicat se requiescere in nobis, si nos requiescamus in illo. Non enim ipse aliquando turbatur aut requiescet in se; sed dicit se {191.1180B} requiescere in nobis, quia nos in illo requiem habemus. Hec est ergo requies mea [Hilarius] ubi scilicet requiesco. Et hoc in seculum seculi, quia durat in eternum. Hoc ad litteram non posset dici, cum sepe sit eversa illa terrena Hierusalem, hic, id est in Ecclesia habitabo, non merito suo, sed quoniam elegi eam dans benedictionem.Q
Q ¶Codd. : PL191
Numérotation du verset Ps. 131,15 
XVI
prol.|
marg.| Et benedicens benedicam iugi benedictione viduam eius [CASSIODORUS. AUGUSTINUS.]. Vidua est anima omnis que intelligit se desertam omni auxilio, nisi solius Dei, et ego saturabo panibus, scilicet celesti pane. Deus enim est panis qui in carne se lac fecit; quos saturabo? pauperes eius Sion, scilicet non presumentes {191.1180C} de se, sed de Deo. Unde alibi: Edent pauperes et saturabuntur (Ps. 21). Superbi vero saturati sunt in se, nec saturabuntur; sed humiles quanto plus esuriunt, tanto plus manducant; et tanto plus esuriunt, quanto magis manes sunt a seculo. Plenus fastidit, et quidquid illi daturus est respuit.R
R ¶Codd. : PL191
Numérotation du verset Ps. 131,16 
XVII
prol.|
marg.| Sacerdotes eius [AUGUSTINUS.] id est genus electum, scilicet omnes fideles induam salutari, id est Christo, secundum illud: Quotquot in Christo baptizati estis Christum induistis (Gal. 3). Et sancti eius, idem qui et sacerdotes, exsultatione exsultabunt, quia induti sunt salutari. [ALCUINUS.] Non enim in se lux {191.1180D} sunt, sed in Domino. Vel distingue inter sacerdotes et sanctos, sicut supra. Et est: sacerdotes eius, id est prelatos induam salutari, id est Christo, ut honesti sint ad docendum, et sancti eius id est subditi exsultatione exsultabunt de Christo.S
S ¶Codd. : PL191
Numérotation du verset Ps. 131,17 
XVIII
prol.|
marg.| Illuc, vel illic, vel ibi producam, vel suscitabo cornu David [AUGUSTINUS.] id est Christum, ut de Christo presumatur. Ipse est enim altitudo quam significat cornu non carnalis, sed spiritualis. Ipse est qui baptizat potestate et auctoritate. Ergo secure in eo exsultant, qui bene per cornu significantur, quia cornu carnem excedit, et Ecclesie altitudo spiritualis, que carnem excedit Christus est, qui per gratiam nobis {191.1181A} carnem vincere prestat (Io. 5), cui Ioannes lucerna paratur. Unde subdit: Paravi lucernam Christo meo. Hec lucerna est Ioannes qui illum ostendendo predicat, dicens: Hic est qui baptizat (Io. 1) [ALCUINUS.] qui Ioannes precurrens Christum nuntiat, homines baptismo assuefaciens viam preparat Verbo. Ipse enim est preco Verbi, paranymphus sponsi, lucerna Christi. Inde est quod in diebus quibus festum non celebratur, unus cereus ante Evangelium defertur. Hic est Ioannes qui Christum precessit predicando, baptizando. In festivis autem diebus duo cerei precedunt, quia bini et bini sunt missi apostoli ad predicandum in Iudeam ante Christi mortem et resurrectionem (Lc. 10).T
T ¶Codd. : PL191
Numérotation du verset Ps. 131,18 
XIX
prol.|
marg.| {191.1181B} Inimicos autem eius, id est Christi, induam confusione. [CASSIODORUS.] Hoc faciet Filius, cui omne iudicium datum est. [AUGUSTINUS.] Sed nota Patrem qui hic loquitur facere quod Filius facit. Super ipsum autem Christum efflorebit sanctificatio mea. Non tantum erit, sed et efflorebit, quia ipse solus sanctificat, et nemo alius. In eo floret ad gloriam sanctificatio a simili arboris, que cum floret pulchrior est. Floret ergo ad gloriam sanctificatio in Christo, in quo est potestas sanctificationis. In homine autem qui fenum est, cuius omnis claritas est, ut flos feni a, non posset florere.U
a Is. 40.
U ¶Codd. : PL191


Comment citer cette page ?
Martin Morard, ed., Petrus Lombardus, Magna Glossatura (Ps. Psalmus 131), in : Sacra Pagina, IRHT-CNRS, 2024. Consultation du 21/11/2024. (Permalink : https://gloss-e.irht.cnrs.fr/php/editions_chapitre.php?id=magna&numLivre=26&chapitre=26_131)
Signaler un complément d'information

Notes :