Glossa magna

Psalmus 128

Numérotation du verset Ps. 128,1 

¶Canticum graduum.
¶Codd. : (Ps. 128) Hi D14 D30 Ω F ΩP Rusch Ps-G | graduum] + Vox Ecclesie D30
Numérotation du verset Ps. 128,I 

Sepe expugnaverunt
me
a iuventute mea ¦
dicat nunc Israel.
Numérotation du verset Ps. 128,2 II

Sepe expugnaverunt me
a iuventute mea ¦ etenim non potuerunt mihi.
Numérotation du verset Ps. 128,3 III

Supra dorsum meum
fabricabantur peccatores ¦ prolongaverunt
iniquitatem suam.
Numérotation du verset Ps. 128,4 IV

Dominus iustus concidet1 cervices peccatorum ¦
1 concidet Ps-G Δ Ω Fetc concidit Clementina
Numérotation du verset Ps. 128,5 

confundantur
et convertantur retrorsum
omnes qui oderunt
Sion.
Numérotation du verset Ps. 128,6 V

Fiant sicut fenum
tectorum ¦ quod priusquam
evellatur exaruit.
Numérotation du verset Ps. 128,7 VI

De quo
non implevit2 manum suam qui metet3 :
2 implevit Ps-G (R L Q ΨB² ) D14 Ω M Ω F Δ ΩP Rusch Clementina Ps-R (nonnuli codd. et edd. )] implebit Ps-R Ps-G Hi D30 Ed1530 |
3 metet Ps-G (Q Φ U G K ΨB V D) Hi D14 D30 Ω Ω F Δ ΩP Rusch Ed1530 Ps-R ( nonnuli codd. et edd. )] metit Ps-G |
et sinum suum qui manipulos colliget4.
4 colliget Ps-G ( M ² Q Φ U G K V D) Hi D14 D30 Ω Ω F Δ ΩP Rusch Ed1530 cum Ps-R ( nonnuli codd. et edd. )] colligit Ps-R Ps-G
Numérotation du verset Ps. 128,8 VII

Et
non dixerunt
qui preteribant benedictio Domini super vos ¦
benediximus vobis in nomine Domini.

Psalmus 128

Numérotation du verset Ps. 128,1 
prol.|
marg.| {191.1165A} Sepe expugnaverunt. Titulus: Canticum graduum. [CASSIODORUS. AUGUSTINUS.] Decimus gradus est, ut qui caste Deum timet, pro eo omnia patienter ferat: quod tunc expedit Ecclesie inter malos. Mali enim etsi audiunt verbum Dei, tamen turbant Ecclesiam quotidie scandalis et tribulationibus, qui in Evangelio comparantur petrosis locis, ubi semen aruit, quia non habent radicem (Lc. 8). Hos tales ab Abel Ecclesia toleravit.
marg.| Intentio: Monet ad patientiam. Modus: Bipartitus est psalmus. [CASSIODORUS. AUGUSTINUS.] Primo ostendens que tulerit, consolatur infirmos. Secundo agit de reprobatione persequentium, ibi Dominus iustus. Ecclesia ergo quasi respondeat querelis infirmorum murmurantium: {191.1165B} quod tot malos ferant, incipit: «O filii, nolite mirari ad ista, quasi nova, que iam diu sustinui, et ne turbemini, quia»A
A ¶Codd. : PL191
Numérotation du verset Ps. 128,1 
I
prol.|
marg.| Expugnaverunt me matrem, sepe [AUGUSTINUS.] hoc dicit pro frequentia passionum. Et hoc, a iuventute mea, scilicet a primo tempore etatis ab Abel. Aliquando enim in solo Abel Ecclesia erat, et expugnata est a fratre malo, et perdito Cain (Gn. 4). Et istud, dicat Israel nunc, dum licet ut alii instruantur. Istud ergo dicat, et non timeat istud, cum senectus expugnatur, consolatur se de preteritis. Quid dicat?B
B ¶Codd. : PL191
Numérotation du verset Ps. 128,2 
II
prol.|
marg.| Sepe expugnaverunt me a iuventute mea. Et quare expugnaverunt? [AUGUSTINUS.] quia non consensi eis, quod ita ait: Etenim non potuerunt mihi, scilicet prevalere, ut me traherent in consensum peccati. Quod cum non possem,C
C ¶Codd. : PL191
Numérotation du verset Ps. 128,3 
III
prol.|
marg.| Supra dorsum. [AUGUSTINUS.] quasi1 : Quia non potuerunt facere, ut consentiam, fecerunt ut portem ipsos, et fero usque in finem.
1 quasi] + dicat PL
marg.| Vel ita: Etenim, quasi2 : expugnaverunt me, sed mihi non nocuerunt. [CASSIODORUS.] Etenim, id est quia: Non potuerunt mihi prevalere, ut me finirent et consumerent, quia etsi quidam sanctorum ad celum {191.1165D} missi sunt, tamen Ecclesia non potuit finiri. Ideo ait: Non potuerunt, quia Ecclesia crescit adversis. Et cum palam non possent nocere, supra dorsum meum fabricaverunt peccatores, id est conati sunt occulte mihi nocere, quia quod mali nequeunt publice omnibus, occulte singulis tentant suadere, ut qui a facie venientes viderentur, a tergo non sentiantur. Et sicut sepe expugnaverunt, ita et diu. Quod ita dicit: Prolongaverunt iniquitatem, vel iniustitiam suam quia non sunt momentanee eorum insidie, sed diutine.
2 quasi] + dicat PL
marg.| [AUGUSTINUS.] Vel ita: Sepe expugnaverunt, {191.1166A} tamen prolongaverunt iniquitatem suam, id est longe fecerunt a me iniustitiam suam, quia etsi mali cum bonis sint in seculo, si etiam in Ecclesia sint, ne quis tamen putet iniquitatem iuxta iustitiam. Et si eos porto, tamen longe est a me iniquitas eorum. Ne quis ergo timeat mistos sibi malos qui longe sunt.D
D ¶Codd. : PL191
Numérotation du verset Ps. 128,4 
IV
prol.|
Numérotation du verset Ps. 128,5 
prol.|
marg.| Dominus iustus. Secunda pars, ubi agit de reprobatione persequentium. quasi3 : Expugnaverunt me peccatores, sed hoc non semper erit, quia Dominus concidet cervices peccatorum. In hoc superbos et cervicosos peccatores notat. In cervice {191.1166B} enim notatur superbia. Et 284 confundantur ipsi, quod erit cum viderint se damnari, et convertantur retrorsum, id est inefficaces appareant, omnes qui oderunt Sion [AUGUSTINUS.] id est Ecclesiam, quam non tantum manifesti persecutores, sed etiam qui ficte intrant, oderunt. Qui enim nolunt observare verbum Dei, oderunt Ecclesiam.E
E ¶Codd. : PL191
3 quasi] + dicat PL
Numérotation du verset Ps. 128,6 
V
prol.|
marg.| Fiant etiam sicut fenum tectorum. [AUGUSTINUS. CASSIODORUS.] quasi4 : Est herba que in alto nascitur, sed sine radice. Feno ergo tectorum comparantur mali quia in culmine superbie nascuntur, ubi non solide stant qui sepe dispereunt antequam de vita tollantur. Quod priusquam evellatur exaruit [AUGUSTINUS.] {191.1166C} quia mali ante sicci sunt, quam de vita abeant. Nondum enim finiti sunt in iudicio Dei, et iam non habent succum viriditatis.F
F ¶Codd. : PL191
4 quasi] + dicat PL
Numérotation du verset Ps. 128,7 
VI
prol.|
marg.| De quo, scilicet feno, id est de malis et aridis, non implevit manum suam qui metet, et sinum suum qui manipulos colliget. [AUGUSTINUS.] Angeli sunt messores qui bonos fructus colligent, ut offerant Deo: qui grana separabunt a paleis (Mt. 13), sed hi de malis non implebunt manum vel sinum [Haimo. Hilarius] id est non colligent ex eis bonam operationem, vel bonam cogitationem, quia nullus in talibus fructus comperietur, qui manu vel sinu ab angelis portetur. {191.1166D} Manus ad opera, sinus ad conscientiam refertur, sed in neutro fructus est malis.G
G ¶Codd. : PL191
Numérotation du verset Ps. 128,8 
VII
prol.|
marg.| Et non dixerunt. [ALCUINUS. AUGUSTINUS.] quasi5 : Quos non colligent angeli, quibus non predicaverunt apostoli. Et hoc est quod ait: Et illi non colligentur, quibus non dixerunt illi qui preteribant, scilicet apostoli et prophete, benedictio Domini sit super vos. Maxime Iudeis mos erat, quibuscumque operantibus {191.1167A} hoc dicere: Benedictio Domini super vos. Hic enim mos inter Hebreos erat, ut maior operantibus benediceret (Ruth. 2). Unde hic dicitur e contrario, quia inaniter operantibus nulla benedictio datur. Illi ergo qui preteribant, sunt qui per vitam istam currendo transeunt ad patriam, ut prophete et apostoli, qui radicatos caritate benedicunt. Superbis vero dicunt, benedictio Domini super vos, sed quod futuri sunt, scilicet miseri, et non dixerunt talibus: Benediximus vobis in nomine Domini. Bonis benedicitur. Si ergo bene vivis, vide te benedictum. Omnes enim viventes benedicunt, non utique in suo nomine, sicut heretici; sed in nomine Domini a quo omnia bona dicunt esse, non ab eis. Qui enim dicunt, non sanctificat nisi Deus, nec quisquam bonus est, {191.1167B} nisi dono Dei. Ipsi in nomine Domini benedicunt, non in suo, quia amici sunt sponsi, nec volunt esse adulteri sponseH
H ¶Codd. : PL191
5 quasi] + dicat PL


Comment citer cette page ?
Martin Morard, ed., Petrus Lombardus, Magna Glossatura (Ps. Psalmus 128), in : Sacra Pagina, IRHT-CNRS, 2024. Consultation du 07/05/2024. (Permalink : https://gloss-e.irht.cnrs.fr/php/editions_chapitre.php?id=magna&numLivre=26&chapitre=26_128)
Signaler un complément d'information

Notes :