Glossa magna

Psalmus 144

Numérotation du verset Ps. 144,1 

¶Laudatio
ipsi David.
¶Codd. : (Ps. 144) D30 ΩP Rusch Ps-G | ipsi Ps-G (I V D) ΩS Rusch Ed1530 Clementina ] om. Ps-G | David] + Vox Ecclesie ad Christum D30
Numérotation du verset Ps. 144,I 

Exaltabo te Deus meus
rex ¦
et benedicam
nomini tuo in seculum
et in seculum seculi.
Numérotation du verset Ps. 144,2 II

Per singulos dies benedicam tibi ¦ et laudabo nomen tuum in seculum et in seculum seculi.
Numérotation du verset Ps. 144,3 III

Magnus Dominus
et laudabilis nimis ¦
et magnitudinis eius non est finis.
Numérotation du verset Ps. 144,4 IV

Generatio et generatio
laudabunt1 opera tua ¦
1 laudabunt Ps-G (R) Rusch cum Ps-R ] laudabit D30 ΩP Ps-G
et potentiam tuam
pronuntiabunt.
Numérotation du verset Ps. 144,5 V

Magnificentiam
glorie sanctitatis tue
loquentur ¦ et mirabilia tua
narrabunt.
Numérotation du verset Ps. 144,6 VI

Et virtutem
terribilium tuorum
dicent ¦ et magnitudinem tuam2
2 magnitudinem tuam Ps-G Ps-R ] mirabilia tua Clm343* (pseud.) Ps-Med
narrabunt3.
3 narrabunt Ps-G Ps-R Ps Med ] annuntiabunt Clm343 Ps-Med
Numérotation du verset Ps. 144,7 VII

Memoriam
abundantie suavitatis tue eructabunt ¦
et iustitia tua
exultabunt.
Numérotation du verset Ps. 144,8 VIII

Miserator et misericors Dominus ¦
patiens et multum misericors.
Numérotation du verset Ps. 144,9 IX

Suavis Dominus universis4 ¦ et miserationes eius super omnia opera eius.
4 universis Ps-G Ps-R ] in omnibus Clm343 (in : pseud.) Ps-Med
Numérotation du verset Ps. 144,10 X

Confiteantur tibi Domine omnia opera tua ¦
et sancti tui
benedicant5 tibi.
5 benedicant Ps-G (Q* Edmaior. ) D30 ΩP Rusch ] benedicent Ps-G (Q² W U D*) cum Ps-R Ps-αγδ Ps-Moz C, Confiteantur Ps-G (R F I Edminor.)
Numérotation du verset Ps. 144,11 XI

Gloriam regni tui dicent ¦ et potentiam tuam
loquentur.
Numérotation du verset Ps. 144,12 XII

Ut notam faciant6 filiis hominum potentiam tuam ¦
6 Ut Ps-G D30 ΩP Rusch etc Et (hapax) | facient Ps-G (I Q* ΨB* D*) Rusch ] faciant D30 ΩP Ps-G
et gloriam magnificentie regni tui.
Numérotation du verset Ps. 144,13 XIII

Regnum tuum
regnum omnium seculorum ¦
et dominatio tua
in omni generatione
et generatione7.
7 generatione Ps-G ( M ΦRVP G K ΨB* D) Rusch ] generationem Ps-G ( plerique codd. et edd. ) D30 Cor2 ΩP, progenie Ps-G (R F I)
Numérotation du verset Ps. 144,XIV 

Fidelis Dominus
in omnibus verbis suis ¦ et sanctus in omnibus operibus suis.
Numérotation du verset Ps. 144,14 XV

Allevat Dominus omnes
qui
corruunt ¦
et erigit omnes elisos.
Numérotation du verset Ps. 144,15 XVI

Oculi
omnium in te sperant Domine8 : et tu das escam illorum in tempore opportuno.
8 Domine Ps-G (ΦP K² ΨB² V D*) D30 Ω ΩP Rusch Ed1530 Clementina cum Ps-R ; cf. Corpus antiphonalium officii officii (n° 6977)] om. Ps-G
Numérotation du verset Ps. 144,16 XVII

Aperis tu
manum tuam
et imples omne animal
benedictione.
Numérotation du verset Ps. 144,17 XVIII

Iustus Dominus in omnibus viis suis ¦
et sanctus in omnibus operibus suis.
Numérotation du verset Ps. 144,18 XIX

Prope est Dominus
omnibus invocantibus eum ¦
omnibus invocantibus eum in veritate.
Numérotation du verset Ps. 144,19 XX

Voluntatem timentium
se faciet†
et deprecationem eorum exaudiet ¦ et salvos faciet eos.
Numérotation du verset Ps. 144,20 XXI

Custodit Dominus
omnes diligentes se ¦ et omnes peccatores
disperdet.
Numérotation du verset Ps. 144,21 XXII

Laudationem Domini
loquetur os meum†
et benedicat
omnis caro
nomini sancto eius ¦ in seculum
et in seculum seculi.

Psalmus 144

Numérotation du verset Ps. 144,1 
prol.|
marg.| {191.1261B} Exaltabo te. Titulus: Laudatio ipsi David . Breviter continet hic psalmus que in divinis Scripturis ad laudem Dei pertinentia late diffunduntur, {191.1261C} in quo novem loci laudis distinguntur, ex quibus omnis laus Dei sumitur. Ubicumque enim de laude Dei agitur, legitur vel opera, vel potentia, vel aliquid ceterorum. Ad huius autem psalmi preconia, sequentes psalmi pertinent, qui cum isto septem sunt. Ut enim septem sunt psalmi penitentie, ita et septem sunt psalmi laudis, quibus in die laudandus est Deus (Ex. XXXVII). Sicut Propheta dicit: Septies in die laudem dicam tibi. Sicut et septem sunt spiritus gratiarum, qui laudes Dei concinunt, sicut legitur in Apocalypsi (Apc. 5). Iuxta hoc sacramentum precepit Deus Moysi in tabernaculo septem lucernas ponere, perpetuo lumine lucentes. In his septem psalmis sufficienter Deus docuit quomodo laudari velit; ne quis in eius laude errare possit {191.1261D} [AUGUSTINUS.]. Ad hoc enim Spiritu sancto Deus implet sanctos, ut laudent eum, et ne erremus in laudando iter laudis in Scriptura constituit, qui ut bene laudaretur ab homine, seipsum laudavit, ut inveniat homo qualiter laudet eum. Non enim potest hoc dici Deo quod dictum est homini: Non te laudet os tuum (Prv. 27). Si enim se laudat homo, arrogantia est; si Deus se laudat, misericordia est, quia laudando se amabilem facit, et nos amando meliores sumus, non ipse. Ideoque Spiritus eius in servis suis laudat eum, et tunc seipsum laudat, quia laudari se facit. Et est sensus: Hec laudatio fit ipsi David, id est Christo, qui de semine David natus est.
marg.| {191.1262B} [CASSIODORUS.] Intentio: Monet ad laudem. Modus: Tripartitus est. Primo premittit Propheta infinitam laudem. Secundo omnes perfecturos Dei laudem novem modis dicit, ibi generatio etc. Tertio {191.1262C} eadem latius explicat, ibi miserator etc. Propheta ergo in persona Ecclesie septiformi Spiritu plene, laudem promittit dicens: O309A
A ¶Codd. : PL191
Numérotation du verset Ps. 144,1 
I
prol.|
marg.| Rex [AUGUSTINUS. CASSIODORUS.] Christe, qui de Iuda natus es, unde reges erant in Veteri Testamento, qui es etiam Deus meus, scilicet creator et recreator, ego exaltabo te, id est te notum faciam predicando, quod es, et benedicam nomini tuo, id est laudabo te, in seculum, scilicet hic, et in seculum seculi, scilicet in eternum. Qui enim hic non incipit, in futuro mutus erit. Deinde quod dixerat, exponit, dicens:B
B ¶Codd. : PL191
Numérotation du verset Ps. 144,2 
II
prol.|
marg.| {191.1262D} Benedicam tibi per singulos dies. [AUGUSTINUS.] Ecce quid dixerat, in seculum seculi, sine intermissione in letis vel tristibus; et per hoc, laudabo nomen tuum in seculum, et in seculum seculi. [CASSIODORUS. ALCUINUS.] Qui enim hic per singulos dies Deum laudat, in eterno die merebitur laudare, continua exsultatione. De qua laude alibi dicitura: « In secula seculorum laudabunt te », quia semper amabunt, quem semper videbunt, qua visione nihil est delectabilius. [AUGUSTINUS.] Benedicam ergo nunc, per {191.1263A} singulos dies, ut cum venerit unus sine fine dies, eas ex laude in laudem, sicut ex virtute in virtutem. Deinde quasi causam laudis subdit, quiaC
a Ps. 83, 5.
C ¶Codd. : PL191
Numérotation du verset Ps. 144,3 
III
prol.|
marg.| Magnus est Dominus in essentia, et laudabilis nimis vel valde. [AUGUSTINUS.] Hoc uno verbo dedit cogitare quod non potest capi plene. Et numquam cesses a laudibus. Ideo valde est laudabilis, et, id est quia, magnitudinis eius non est finis, quia incomprehensibilis est cogitatione vel loco. Et quia non est finis magnitudinis, ideo non potest laudem eius finire.D
D ¶Codd. : PL191
Numérotation du verset Ps. 144,4 
IV
prol.|
marg.| PARS. 2. {191.1263B} Generatio. [CASSIODORUS.] Secundo omnes perfecturos laudem Dei novem modis promittit. Novem sunt modi laudis, scilicet opera, potentia, magnificentia, sanctitas, mirabilia, virtus terribilium, magnitudo, memoria, iustitia, que post explicabuntur. Ex his quasi ex locis et seminibus omnis trahitur laus, ad quem modum omnia argumenta de paucitate locorum sumuntur. [AUGUSTINUS.] quasi1 : Laudabo ego, laudabit etiam generatio et generatio, id est omnis generatio. Repetitio enim dicentis in infinitum misit animum cogitantis. Vel due generationes hac repetitione insinuantur, scilicet generatio qua in presenti nascuntur filii Dei; et generatio futura, qua filii resurrectionis erunt. De qua dicitur in Evangelio: {191.1263C} In generatione cum sederit Filius hominis in sede maiestatis sue (Mt. 19). Regenerationem vocavit resurrectionem. Generatio ergo et generatio laudabit opera tua que licet intueri, ut tu lauderis qui talia operaris. Si ergo in magnitudine defecimus, cuius non est finis. Vel id est saltem, de operibus laudemus operantem, de conditis Conditorem, de creatura Creatorem. Videamus que hic fecerit, que nobis nota sunt: Et potentiam tuam. Hic est secundus locus laudis. quasi2 : Laudabunt opera. Et in illis laudandis, pronuntiabunt potentiam tuam. Non enim opera laudant, nisi ut virtutem operantis annuntient; sed quidam eloquentes laudant creaturam obliti Creatoris. Sancti vero laudatores, {191.1263D} si opera amant, laudant magis operatorem, et hec propter illum amant et laudant, quod utique faciendum est. Si enim in rebus factis sentitur aliqua species, vel utilitas, vel virtus. Et laudatur magis in illo qui fecit. Quid enim pulcrius est eo qui omnia fecit? quid utilius, quid potentius? lauda ergo facta propter facientem. Sed si opera laudas, et te qui es opus Dei laudas, et occurrit illud: Non te laudet os tuum, et arrogans videris (Prv. 27). Sed non est arrogantia, quia Deum in te non laudas. Sequitur tertius locus laudis:E
E ¶Codd. : PL191
1 quasi] + dicat PL
2 quasi] + dicat PL
Numérotation du verset Ps. 144,5 
V
prol.|
marg.| Magnificentiam glorie. [CASSIODORUS.] Deinde quartus locus. Et magnificentiam glorie sanctitatis tue loquentur. {191.1264A} Alii libri apertius habent, magnificentiam maiestatis tue et sanctitatis tue loquentur. Sequitur quintus locus laudis: Et mirabilia tua narrabunt. Deinde sextus:F
F ¶Codd. : PL191
Numérotation du verset Ps. 144,6 
VI
prol.|
marg.| Et virtutem terribilium tuorum dicent. [AUGUSTINUS.] Non enim tantum blanditur, sed etiam minatur. Blanditur, ut exhortetur; minatur ut terreat et corrigat. Si enim non minaretur, nulla esset correctio; si non blandiretur, nulla esset exhortatio. Est itaque amabilis et terribilis. Dicent ergo virtutem disciplinantis et punientis. Si predicant regnum eternum, non tacent ignem eternum. Sequitur septimus locus laudis: Et narrabunt magnitudinem tuam, cuius {191.1264B} non est finis, sed narrabunt ea, cum talem esse laudabunt. Sequitur octavus locus laudis: EtG
G ¶Codd. : PL191
Numérotation du verset Ps. 144,7 
VI
prol.|
marg.| Memoriam suavitatis tue eructabunt foris, intus ea pleni sunt. [AUGUSTINUS.] Memoriam abundantie suavitatis dicit, quod Deus non est oblitus nos oblitos eum, et non oblitus facit nos reminisci sui. Ipse enim per abundantem suavitatem suam, prius nostri memor est vocando, gratia sua nos preveniendo; inde nos eius. Et nota quod non ait manducabunt, sed, eructabunt. Manducat enim qui discit, eructat qui docet, hoc tamen eructat quod manducavit. Hec ergo memoria, quia valde dulcis est, manducanda est et eructanda. Sic ergo manduca ut eructes. {191.1264C} Sequitur nonus locus laudis: Et exsultabunt iustitia tua, non sua, quam scilicet memores tui accipiunt a te. Cui ergo debent quia sunt, illi debent, quia iustificati sunt. Nemo ergo Deo tribuat quia est, et sibi tribuat quia iustus est. Melius est enim quod sibi vult tribuere, quam quod illi. Totum illi da, in toto ipsum laudaH
H ¶Codd. : PL191
Numérotation du verset Ps. 144,8 
VIII
prol.|
marg.| PARS. 3 Miserator. [CASSIODORUS.] Tertio latius explicat, que secundo breviter proposuit. quasi3 : Merito in his laudabunt, quia Dominus est miserator effectu, et misericors natura. Partes laudis ponuntur hic, que superius posite sunt, sed non singule possunt {191.1264D} explicari plene. Quis enim opera vel potentiam eius ad plenum explicaret? et sicut supra, ita et hic ab operibus incipit, ut miserator dicatur, dum cadentes restituit. Misericors natura, et dum creat. Et ipse est, patiens. Hoc sumitur de secundo loco laudis, scilicet de patientia quam hic laudat, non quod terras suspendit, et maria coercuit, et celum stellis depinxit etc. sed quia tolerat peccantes ut convertantur. [AUGUSTINUS.] Vel ita, ut misericors et miserator pro eodem accipiatur. quasi4 : Hec predicta laudant et annuntiant, et quod de his laudant et exsultant, tu Domine, fecisti, merita illorum tua dona sunt, que per misericordiam eis prestantur. Nam Dominus est miserator et misericors his quibus iam veniam dedit, per quod laudant et exsultant. {191.1265A} Et est patiens, his scilicet quibus nondum dedit, sed exspectat ut det. Repetit de misericordia. Et multum misericors et generaliter.I
I ¶Codd. : PL191
3 quasi] + dicat PL
4 quasi] + dicat PL
Numérotation du verset Ps. 144,9 
IX
prol.|
marg.| Suavis est Dominus universis [CASSIODORUS. AUGUSTINUS.] scilicet bonis et malis, et maxime gustantibus se. Hoc de magnificentia sumitur, quia nil magnificentius est quam suavem esse gustantibus, et misericordiam omnibus suis impendere operibus: non autem his que diabolus facit, ea enim potius damnat, sed suis misericordiam prestat. Unde subdit: Et miserationes eius sunt, super vel in omnia opera eius, quia ipse est qui suum solem facit oriri super bonos et malos (Mt. 5), et in huiusmodi. Et in {191.1265B} hoc quod exspectat in peccato manentes et monet converti, bene omnibus facit, et miserationes omnibus exhibet. Quod si punit, severitas est, non in eius, sed in tua opera; si enim tollas opera tua mala, et non in te remaneant nisi opera eius, non te dimittet miseratio eius; si autem tu non dimittas opera tua, erit eius severitas in opera tua, cum dicet: Ite, maledicti, in ignem eternum (Mt. 25). Et quia miseratio tua est super omnia opera tua,J
J ¶Codd. : PL191
Numérotation du verset Ps. 144,10 
X
prol.|
marg.| Domine, confiteantur tibi opera tua [AUGUSTINUS.] id est laudent te, omne quod est confitetur vel per se, vel per rationales creaturas, sicut ea que non habent sensum laudandi, que sunt materia laudis, quia {191.1265C} dum inquiris, invenis magnam vim in eis que a Deo est. Et sancti tui, id est angeli et homines in confessione operum tuorum inspicientes, benedicant tibi vel te. Inspiciant creaturam tuam confitentem, et benedicant te, hoc de sanctitate sumitur. Ipsa enim est sanctitas Dei, id est hoc exigit. Sanctitas dicitur, ut ei sancti debeant confiteri. Deinde quid in confitendo dicant, subdit:K
K ¶Codd. : PL191
Numérotation du verset Ps. 144,11 
XI
prol.|
marg.| Gloriam regni tui dicent etc. [AUGUSTINUS.] quasi5 : Quid enim dicunt? Gloriam regni tui dicent, et potentiam tuam loquentur, id est dicent quam potenter et mirabiliter quidquid facis et disponis in regno. {191.1265D} Dicent enim quam gloriosus et mirabilis est Deus qui fecit celum et terram, et diversis bonis implevit; quam potens est Deus qui fecit hec et continet. Et sumitur hoc de mirabilibus.L
L ¶Codd. : PL191
5 quasi] + dicat PL
Numérotation du verset Ps. 144,12 
XII
prol.|
marg.| Ut notam faciant. [AUGUSTINUS.] quasi6 : Loquentur ad hoc utique, ut notam faciant filiis hominum potentiam et gloriam, vel sicut alii dicunt, decorem magnificentie regni tui, vel gloriam magnitudinis decoris regni tui. [CASSIODORUS.] Hoc sumitur de virtute terribilium. Sanctis enim predicantibus nota facta est potentia Dei, qua vindicabit in malos. Et gloria regni qua coronabit bonos notificata est, ne ignorata {191.1266A} minus quereretur. Nota etiam facta est, quando apostoli virtutes fecerunt, et per notitiam utriusque quidam timore pene, quidam spe glorie convertuntur. Et nota quod post potentiam commendat decorem regni, quod ideo facit, ut potentia nominata amantem non terreat. Habet enim regnum quo delectemur, et illud regnum habet decorem cui magnifico nil comparetur. De cuius regni magnitudine subdit,M
M ¶Codd. : PL191
6 quasi] + dicat PL
Numérotation du verset Ps. 144,13 
XIII
prol.|
marg.| Regnum tuum etc. [AUGUSTINUS.] quasi7 : Cuius regni decorem predicabunt? Non huius seculi. Regnum predicari ab eis dico, quod et decorem habet; {191.1266B} sed non est ubi magnitudo decoris, sed tuum, quia regnum tuum, est regnum omnium seculorum, id est eternum, et dominatio tua est in omni generatione et generationem per successionem. Vel in hac generatione et futura, per quod ostenditur regnum esse forte. [CASSIODORUS.] Laudat enim regnum de perpetuitate et dominationis effectu, et sumitur hoc de magnitudine. Si enim magnum est ad tempus imperare, maius est dominationis terminum non habere.N
N ¶Codd. : PL191
7 quasi] + dicat PL
Numérotation du verset Ps. 144,13 
XIV
prol.|
marg.| Fidelis est Dominus in omnibus verbis suis [AUGUSTINUS.] quia adventus dona complevit, et quidquid promisit {191.1266C} dedit, et per data fecit fidem ceteris dandis que promisit et quasi chirographo scribi fecit; et sumitur hoc de abundanti suavitate. Unde supra dixit: Memoriam abundantie suavitatis tue eructabunt, et sanctus in omnibus operibus ut verax est in promissis, ita sanctus in operatione.O
O ¶Codd. : PL191
Numérotation du verset Ps. 144,14 
XV
prol.|
marg.| Dominus allevat omnes qui corruunt [CASSIODORUS.] scilicet qui nondum corruerunt, sed qui corruere incipiunt. Quos omnes allevare dicitur, non quod omnes allevet, sed quia quicumque allevantur, hoc est per eum, et erigit omnes elisos, scilicet qui ruinam peccati, et lapsum passi sunt iam. Corruentes {191.1266D} ergo dicit incipientes labi; et elisos, iam lapsos. Et hoc ad abundantiam quoque pertinet, scilicet quod elevat ruentes, et erigit elisos, unde recordatio suavitatis habetur, et in laudibus eius eructatur. [AUGUSTINUS.] Vel aliter secundum aliam litteram, allevat Dominus omnes qui decidunt a malis suis, id est a vitiis et a peccatis, quos omnes allevat Dominus, et accipitur hoc in bono; vel non de casu a vitiis, sed de eo quod cadunt homines ab his temporalibus hic agit. Sancti enim ut Iob qui in hoc seculo aliquid perdunt, et abiecti fiunt, decidentes sunt, qualiter Iob decidit a gloria pristine lucis temporalium rerum, quibus nitebat ad tempus; decidit a gloria domus sue, et in stercore sedebat. Ita et alii sanctorum multi, sed hos omnes allevat Deus et confirmat, quia {191.1267A} septies cadit iustus in die, et resurgit (Prv. 24). Impii autem infirmantur in malis. Et erigit omnes elisos ad se scilicet pertinentes, quia superbis resistit. Et quia hec facis,P
P ¶Codd. : PL191
Numérotation du verset Ps. 144,15 
XVI
prol.|
marg.| Oculi [CASSIODORUS.] id est intentiones omnium in te sperant, Domine. Hic de iustitia latius agit ut qui misericordem audit, iustum timeat, et iustitia est ut sperantes satiet corporaliter et spiritualiter. [AUGUSTINUS.] Unde addit: Et tu das escam illorum corporalem vel spiritualem, non passim, sed in tempore opportuno. Non enim semper danda est esca, sed in tempore opportuno. Multis enim petentibus salubriter differtur. {191.1267B} Dat ergo quasi medicus egro quod convenit; et quando convenit non ut homo desiderat et petit, ne obsit, si det. Petiit enim Apostolus de angelo Satane, ut auferretur ab eo, et non accepit, sed propter perfectionem suam, quia tempus adhuc erat exercende infirmitatis. Petiit diabolus ad tentationem Iob, et accepit, sed ad damnationem suam. Ipse Christus mori venerat, et tamen transfigurans in se infirmos ait: Pater, si fieri potest, transeat a me calix iste (Mt. 26). Et licet non acciperet quod petere videbatur ait: Non quod ego volo, sed quod tu vis (ibid.), benedicens in omni tempore.Q
Q ¶Codd. : PL191
Numérotation du verset Ps. 144,16 
XVII
prol.|
marg.| {191.1267C} Aperis tu etc. [CASSIODORUS.] quasi8 : Quam escam das? ecce aperis tu manum tuam, id est benignitatem potentie tue, quia omnia in potestate eius sunt; et imples benedictione omne animal rationabile, scilicet quod potest benedici. quasi9 : Etsi non das aliquando, das tamen in tempore opportuno. Differs quidem, sed non aufers.R
R ¶Codd. : PL191
8 quasi] + dicat PL
9 quasi] + dicat PL
Numérotation du verset Ps. 144,17 
XVIII
prol.|
marg.| Iustus est Dominus. [CASSIODORUS. AUGUSTINUS. CASSIODORUS.] Ipso nomine iustitiam aperit, ut manifeste ostendatur hic laus esse de iustitia. Iustus dico, in omnibus viis suis. Vie sunt dispositiones et voluntates que omnes iuste sunt, etiam si verberat. Iustus ergo est et quando cedit et quando curat. Sic confessi sunt {191.1267D} Daniel et omnes sancti in tribulationibus, scilicet quod iusta sunt iudicia Dei. Et sanctus in omnibus operibus suis. Pius, patiens, dator omnium bonorum. Sciendum quod vie ad dispositionem pertinent, opera ad effectum. Hec secundum nos dividentur, sed apud illum, hoc est velle quod facere, quia ex eius voluntate res habent esse. EtS
S ¶Codd. : PL191
Numérotation du verset Ps. 144,18 
XIX
prol.|
marg.| Dominus [CASSIODORUS.] qui ubique prope est, id est propitius {191.1268A} omnibus invocantibus eum, etsi non facit statim eis quod petunt. Ideo enim magis non facit, quia proprie est, et hoc de iustitia sumitur. Sed quibus invocantibus? [AUGUSTINUS.] Omnibus invocantibus eum in veritate non secundum vana desideria, que aliud querunt quam ipsum Deum. Et ipseT
T ¶Codd. : PL191
Numérotation du verset Ps. 144,19 
XX
prol.|
marg.| Faciet aliquando [AUGUSTINUS.] etsi non mox ut petunt, voluntatem timentium se. Si tamen ideo timent, ut eius faciant voluntatem, et deprecationem eorum de salute exaudiet et salvos faciet eos. Deinde concludit de iustitia dicens:U
U ¶Codd. : PL191
Numérotation du verset Ps. 144,20 
XXI
prol.|
marg.| Custodit Dominus omnes diligentes se: et omnes peccatores disperdet [AUGUSTINUS.] id est qui perseverant in peccatis, disperdet. In utroque enim est equitas. Equum est et diligentes custodire, et peccatores perdere. Et nota per hoc quod ait, custodit, ostenditur apud eum esse suavitas; per hoc quod ait, disperdet, monstratur apud eum esse veritas.V
V ¶Codd. : PL191
Numérotation du verset Ps. 144,21 
XXII
prol.|
marg.| Laudationem [CASSIODORUS.] Expositis omnibus locis laudis sequitur brevis conclusio, qua concludit quod non potest explicari. quasi10 : Quoniam omnia {191.1268C} ita se habent, laudationem Domini loquetur os meum. Ecce concludit in laude et in eo exemplo benedicat omnis caro, id est homo, scilicet conversus ad Deum nomini sancto eius, et hoc in seculum, id est in presenti, et in seculum seculi, in futuro.W
W ¶Codd. : PL191
10 quasi] + dicat PL


Comment citer cette page ?
Martin Morard, ed., Petrus Lombardus, Magna Glossatura (Ps. Psalmus 144), in : Sacra Pagina, IRHT-CNRS, 2024. Consultation du 08/05/2024. (Permalink : https://gloss-e.irht.cnrs.fr/php/editions_chapitre.php?id=magna&numLivre=26&chapitre=26_144)
Signaler un complément d'information

Notes :