Glossa magna

Psalmus 29

Numérotation du verset Ps. 29,1 

¶ Psalmus cantici
¶Codd. : (Ps. 29) D30 Rusch Ps-G, def. C
in dedicatione
domus David1.
1 Psalmus] + David D30 | cantici... David] cantici David ad aedificationem Amiatinus Ps-G (W), + confessio cum obsecratione D30
Numérotation du verset Ps. 29,2 I

Exaltabo te Domine
quoniam suscepisti me ¦
nec delectasti2
2 delectasti] iocondasti Ps-α
inimicos meos
super me.
Numérotation du verset Ps. 29,3 II

Domine Deus meus
clamavi ad te ¦ et sanasti me.
Numérotation du verset Ps. 29,4 III

Domine eduxisti
ab inferno animam meam ¦ salvasti me
a descendentibus
in lacum.
Numérotation du verset Ps. 29,5 IV

Psallite
Domino sancti eius ¦ et confitemini
memorie sanctitatis eius.
Numérotation du verset Ps. 29,6 V

Quoniam ira
in indignatione eius ¦
et vita
in voluntate eius.
Numérotation du verset Ps. 29,VI 

Ad vesperum
demorabitur fletus ¦
et ad matutinum letitia.
Numérotation du verset Ps. 29,7 VII

Ego autem
dixi in abundantia mea ¦
non movebor in eternum.
Numérotation du verset Ps. 29,8 VIII

Domine
in voluntate tua ¦ prestitisti decori meo
virtutem.
Numérotation du verset Ps. 29,IX 

Avertisti
faciem tuam
a me3 ¦
3 a me plerique codd. D30 edd. Rusch cum Ps-R ] om. Ps-G (R F*) cum hebr. LXX
et factus sum conturbatus.
Numérotation du verset Ps. 29,9 X

Ad te Domine
clamabo ¦ et ad Deum4* meum deprecabor.
4 Deum D30 Ps-G ] Dominum Rusch (hapax)
Numérotation du verset Ps. 29,10 XI

Que utilitas
in sanguine meo ¦
dum descendo in corruptionem ?
Numérotation du verset Ps. 29,XII 

Numquid
confitebitur tibi pulvis ¦
aut annuntiabit veritatem tuam ?
Numérotation du verset Ps. 29,11 XIII

Audivit
Dominus  et5
5 Audivit... et] D30² (al. m. post. = “écriture d’imitation”)
misertus est6 mei ¦ Dominus factus est adiutor meus.
6 est] es ΦP
Numérotation du verset Ps. 29,12 XIV

Convertisti
planctum meum
in gaudium
mihi ¦ conscidisti
saccum meum
et circumdedisti me
letitia.
Numérotation du verset Ps. 29,13 XV

Ut
cantet tibi gloria mea et non compungar ¦
Domine Deus meus in eternum confitebor tibi.

Psalmus 29

Numérotation du verset Ps. 29,1 
prol.|
marg.| {191.291A} Exaltabo te. Titulus. Psalmus cantici in dedicatione domus David. Non legitur David se fecisse, vel dedicasse aliquam domum Domino. De spirituali itaque domo hoc accipiendum est. [ALCUINUS..] Totus enim Christus, id est sponsus et sponsa, una domus Dei est, quia et in capite Christo plenitudo divine gratie habitavit, et de plenitudine eius nos omnes accepimus a. Hec autem domus quantum ad caput et membra fabricata est et dedicata; quantum ad Christum fabricata est in eius conceptione; [CASSIODORUS.] dedicata vero, in eius resurrectione, quando resurgens a mortuis, immortalitatis gratia confirmatus est. Quantum vero ad Ecclesiam, quotidie {191.291B} fabricatur, dum in hac vita laborat. [HIERONYMUS.] Dedicabitur autem in futuro, quando sancti resurgentes a mortuis, stabunt in magna constantia fulgentes sicut sol. [ALCUINUS.] Dicitur autem hec domus etiam tabernaculum, sicut in precedentis psalmi titulo. Tabernaculum dicitur secundum presentem statum, quando in ea militatur. Quia tabernaculum proprie belli est, domus vero dicitur secundum statum futurum, quando in ea quiescetur, ut in huius psalmi titulo dicitur. Supra enim agit de consummatione tabernaculi tempore belli; hic autem est psalmus cantici [AUGUSTINUS.] id est letitie habite in dedicatione domus David, id est pro dedicatione domus Christi, que dedicatio modo in capite facta est; {191.291C} post futura, que in membris. Inde ergo letitia est, quia domus dedicatur, id est confirmatur. Que in eterna pace manebit innovato corpore, non tantum Christi, sed et totius Ecclesie. Vel loquitur Christus totus, in hoc psalmo [ALCUINUS.] quia verba psalmi huius quedam capiti, quedam corpori conveniunt, quedam utrique. Et est psalmus brevis de passione et resurrectione Christi, ut passio non terreat, quos spes resurrectionis letificat.
a Io. 1.
marg.| Intentio. Monet per spem dedicationis iam in Christo facte fideles ad laudem.
marg.| Modus. Tripartitus est psalmus. Primo, agit Christus de sua dedicatione, iubens sanctos idem sperantes laudes dicere. Secundo, dicit quomodo dedicationem meruit, ibi ego autem. Tertio, quomodo eam acceperit, ibi audivit {191.291D} Dominus. Christus ergo secundum quod homo gratias agens Deo, pro sua dedicatione, ait: OA
A ¶Codd. : PL191
Numérotation du verset Ps. 29,2 
I
prol.|
marg.| Domine, exaltabo te [AUGUSTINUS.] id est altitudinem tuam laudabo. Ideo quoniam suscepisti me in resurrectione, dedicando me gloria impassibilitatis. Hoc modo dicitur ex persona fundamenti, id est Christi capitis, quod iam dedicatum est. Postea vero, id est {191.292A} in futuro dicetur ex persona universe domus, cum in communi resurrectione fuerit dedicata. Item ex persona capitis subdit noc delectasti, vel iucundasti. Alia littera: inimicos meos super me, id est non permisisti inimicos meos, Iudeos scilicet et demones delectari, vel iucundari super me.B
B ¶Codd. : PL191
Numérotation du verset Ps. 29,3 
II
prol.|
marg.| Domine Deus meus, clamavi ad te, et sanasti me. [AUGUSTINUS.] Non videntur hec esse verba Christi, scilicet nec iucundasti, et clamavi. Alterum quippe vividetur falsum, alterum impossibile: falsum quippe videtur quod inimici non sint iucundati super eum, cum in Evangelio legatur flagellatus fuisse, colaphizatus, cruxifixus. Item contrarium, imo impossibile {191.292B} videtur quod Christus clamet et oret, cum sit omnipotens Deus, qui fidelium vota implet, per quem et omnia naturalia facta sunt. Sed sciendum quod Christus nec Deus tantum nec homo tantum est, Sicut diversi heretici dogmatizaverunt. Sed verus Deus est, et verus homo. Nec duo tamen, sed unus est Christus, qui non secundum quod Deus est, sed ex eo quod homo est, est infirmus. Et ex hoc etiam orat pro nobis, et mediator inter Deum Trinitatem, id est Patrem et Filium et Spiritum sanctum, et homines peccatores. Habens cum utroque convenientiam. In eo enim quod infirmus, propinquat nobis. In eo vero quod non iniquus est, iungit nos Deo. In hoc tamen etiam quod homo est, preest {191.292C} nobis ut caput, in quo sunt omnes sensus in ceteris membris. Non est ergo incongruum, vel impossibile eum secundum hominem quem suscepit orare, quia ipse est qui oratur, secundum deitatem. Et super hunc quidem iucundati sunt inimici in cruce: sic et super suos iucundatur in passionibus, sed non in dedicatione, vel super eum, vel super suos. Ideoque verum est quod ait, nec delectasti, vel iucundasti inimicos meos super me, id est non permisisti eos iucundari super me, in dedicatione, scilicet, etsi ante. Deinde ponit susceptionem, dicens, Domine Deus meus, clamavi ad te, in passione. Et sanasti me, in resurrectione, quia iam non gero egrum corpus, sed gloriosum et immortale. Et oC
C ¶Codd. : PL191
Numérotation du verset Ps. 29,4 
III
prol.|
marg.| {191.292D} Domine, eduxisti ab inferno animam meam. Hoc expositione non indiget. [AUGUSTINUS. HIERONYMUS.] Manifestum est enim Christi animam cum animabus sanctorum de inferno eductam a Deo; et salvasti me a descendentibus in lacum [AUGUSTINUS.] id est ab his persequentibus, qui descendunt in seculi profunditatem. Lacus enim est profunditas seculi, scilicet abundantia luxurie {191.293A} et nequitie. Qui ergo libidinibus se immergunt et terrenis desideriis, ipsi descendunt in lacum. Tales Christum persecuti sunt, sed ab his salvatus est in resurrectione, ne amplius cum eis sit. Vel Salvasti me a descendentibus in lacum, id est a conditione profunde cecitatis, quia immunis a peccato et corruptibilis carnis, quia impassibilis. Vel salva me a descendentibus in lacum [HIERONYMUS.] id est de lacu inferni, ubi anime peccatorum sunt, ne sicut illi preceps caderem in mortem.D
D ¶Codd. : PL191
Numérotation du verset Ps. 29,5 
IV
prol.|
marg.| Psallite [AUGUSTINUS.] Post canticum sequitur psalmus. Et vox Ecclesie vel prophete est hic attendentis hec futura in membris, que precesserunt in capite, unde {191.293B} exsultat, et alios exsultare monet. quasi1 : Quia resurrexit caput nostrum, ergo hoc sperate membra cetera; quod videtis factum in capite, hoc sperate quod credidistis in capite, quod idem promissum est nobis. Has ergo promissiones habentes psallite Domino opere, o vos sancti eius. [Gl. int, HIERONYMUS.] Vel totum potest dici in persona Ecclesie loquentis ad Christum sic: Exaltabo te, Domine, id est altitudinem tuam gloriose laudabo: ideo, quoniam suscepisti me, in dedicatione, id est suscipies in futuro in re, et iam in spe suscepisti. Nec delectasti, vel iucundasti inimicos meos super me [AUGUSTINUS.] id est non iacundabis eos tunc super me, qui per orbem variis persecutionibus me conati sunt opprimere. Quia tunc non iucundabuntur inimici super nos, ut {191.293C} modo. Deinde exponit susceptionem dicens: 2 Domine, Deus meus, clamavi ad te, hic, Et sanasti me, iam in spe, et in futuro sanabis in re. Et o Domine, eduxisti ab inferno animam meam [HIERONYMUS.] quia et animas iustorum, qui ibi detinebantur eduxit, et alios a peccatis liberans ne illuc mitterentur 60 fecit. Unde subdit, Et, salvasti me a descendentibus in lacum inferni. Ergo psallite Domino [HIERONYMUS.] bene operando, sancti eius, et confitemini memorie sanctitatis eius [AUGUSTINUS.] id est laudate eum, quia memor fuit sanctificare vos, id est quia sanctitatis qua vos sanctificavit, non est oblitus hoc toto tempore, quod desiderio nostro nimis longum esset. Vos autem eratis eius obliti, sed ipse vos non est {191.293D} oblitus. Vel confitemini memorie sanctitatis eius [CASSIODORUS. GLOSSA INTERLINEARIS.] id est laudate eum, quia ex bonitate sua et sanctitate, memor fuit nostri. Ideo psallite et confiteminiE
E ¶Codd. : PL191
1 quasi] + dicat PL
2 + [GLOSSA INTERLINEARIS] PL
Numérotation du verset Ps. 29,6 
V
prol.|
marg.| Quoniam ira [AUGUSTINUS.] id est vindicta qua vindicavit in vos primum peccatum, quod morte solvistis, fuit in indignatione eius, id est in comminatione eius contempta, qua dixerat primis parentibus: Qua die comedetis, morte moriemini (Gn. 2). [AUGUSTINUS. GLOSSA INTERLINEARIS.] Illi vero tetigerunt et mortui sunt, et eiecti de paradiso. Ergo quod abiecit homines, pro peccato est, sed tamen est et spes; et, id est quia vita est in voluntate eius [AUGUSTINUS.] id est vitam eternam non {191.294A} viribus vel meritis nostris, sed quia voluit, dedit, ad quam per vos non rediretis 3 sed ipse vos reduxit, et gratis salvos nos fecit; non enim digni eramus. Quo est enim peccator dignus, nisi supplicio? sed ipse impios per fidem iustificavit, eisque vitam donavit.F
F ¶Codd. : PL191
3 + [GLOSSA INTERLINEARIS] PL
Numérotation du verset Ps. 29,VI 
prol.|
marg.| Ad vesperum etc. [AUGUSTINUS.] Duobus predictis, duo alia reddit, hoc modo, Quia ira est in indignatione eius, ideo ad vesperum demorabitur fletus. Et quia vita est in voluntate eius, ideo ad matutinum erit letitia. Persequere ordinem littere, et verborum expositionem sic: Ira processit ex eius indignatione, et illa ira non est brevis, imo longa. Quia, {191.294B} fletus id est omnimoda hominis miseria, tam culpe quam pene, incipiens, ad vesperum, Ade tam temporis quam pectoris, demorabitur, usque ad matutinum. Vespera enim est quando sol in occasum declinat, quo tempore Adam peccavit, et lux inde solis, id est Christus, qui est sol iustitie, et lumen pectorum ab eo occidit, vergente tunc in occasum sole temporis. Unde in Genesi: Cum deambularet Dominus in paradiso ad auram post meridiem, timuit Adam, et abscondit se (Gn. 3). Iam ille peccator tegebat se inter ligna paradisi, nolebat videre faciem Dei, ad quam gaudere consueverat. Occiderat illi sol iustitie, non gaudebat ad presentiam Dei. Inde inchoata est omnis vita ista mortalis, dies versus est in noctem, letitia in fletum. {191.294C} Defle ergo, genus humanum, quia nasceris de Adam. Ex Adam enim facti sumus omnes, et quotquot procreaverunt filios, et procreaturi sunt, ex quo et ipsi creati sunt. Vespere itaque cepit post meridiem, ubi lux sapientie a peccante homine recessit, quando et 4 morte damnatus est. Et ex tunc durat fletus, et durabit, {{ quamdiu }} in laboribus et tentationibus {populus} Dei exspectat diem Domini, scilicet matutinum. Et hoc est fletus, id est universa miseria hominis, incipiens ad vesperum Ade, quo peccavit, et lux interior ab eo recessit. Demorabitur 5 id est diu et in multis morabitur; diu, quia non mox est tota restitutio tradito Domino, et in multis, quia omnes ex eo nascimur in peccato {191.294D} et pena, Demorabitur, dico, usque ad matutinum [AUGUSTINUS.] id est usque ad diem Domini, quo resurrectio nostra futura est: que in matutina Christi resurrectione prefloruit; et tunc, scilicet in matutino, erit nobis letitia perennis, quia tunc absterget Dominus omnem lacrymam ab oculis sanctorum b.G
b Apc. 21.
G ¶Codd. : PL191
4 + cum Tarragone
5 + [GLOSSA INTERLINEARIS] PL
marg.| Aliter secundum moralem intellectum. [AUGUSTINUS.] Dicitur enim matutinum, vel mane, ortus fidei et caritatis, scilicet cum lux gratie oritur fideli, que occidit peccanti, per quam in anima resurgimus, secundum illud: Exsurge a mortuis, et illuminabit tibi Christus (Eph. 5). Pro qua resurrectione designanda, Dominus {mane surrexit}, idem promittens nobis per suam resurrectionem, que est efficiens {191.295A} causa resurrectionis, et anime in presenti, et corporis in futuro. [ (23)] Christus enim cuius actio nostra est instructio, non sine mysterii celebris ratione in hoc vespere quo peccavit Adam, sepeliri voluit, et mane resurgere, et hoc mane tertie diei. [AUGUSTINUS.] {Vespere} est {sepultus}, ut ostenderet se mori non pro sua culpa, sed pro nobis, qui vespere sumus sepulti in paradiso, id est per peccatum Ade commissum. Vespere in paradiso sepulti sumus in culpa et in pena. Mane surrexit, ut nos mane surgamus, quod est quando lux gratie oritur homini in mente. Mane tertii diei resurrexit, ita et nos surgimus die tertio, id est in {tempore gratie} quod est post tempus ante legem, et sub lege. Quod ergo triduo illo ostendit caput tuum in se, hoc triduo seculi ostendetur in {191.295B} te. Si enim seculum cogites, unus dies est ante legem, secundus sub lege, tertius sub gratia. Et hoc est fletus incipiens, ad vesperum demorabitur . Hoc non mutatur, usque ad matutinum, id est quousque oriatur lux fidei per Christi matutinam resurrectionem, et tunc erit letitia. Vel ad vesperum demorabitur fletus [HIERONYMUS. CASSIODORUS.] quia passo et sepulto Domino apostoli et mulieres in fletu et gemitu morabantur; et, ad matutinum fuit letitia, quia mane venientes ad sepulcrum gloriam resurrectionis acceperunt. Et dictum est mulieribus: Ite, nuntiate fratribus meis, ut eant in Galileam, ibi me videbunt (Mt. 28). Vespere fleverunt mortuum; mane exsultaverunt ad resurrectionem.H
H ¶Codd. : PL191
Numérotation du verset Ps. 29,7 
VII
prol.|
marg.| {191.295C} PARS 2. Ego autem. [ALCUINUS. GLOSSA INTERLINEARIS.] Secunda pars ubi dicit Christus quomodo ante dedicationem egerit, et eam meruerit. quasi6 : Ex Adam male moto est fletus, ego autem in abundantia mea [CASSIODORUS.] id est confidentia deitatis, cuius plenitudo habitat in me 7 dixi hoc, non movebor in eternum a Deo, a quo Adam motus est. Et sicut ego dixi, tu,I
I ¶Codd. : PL191
6 quasi] + dicat PL
7 + [GLOSSA INTERLINEARIS] PL
Numérotation du verset Ps. 29,8 
VIII
prol.|
marg.| Domine 8 fecisti quia prestitisti mihi decorem, scilicet quia immunis a peccato. Et illi decori meo prestitisti virtutem, scilicet quia et miracula {191.295D} fecit. [CASSIODORUS.] Hoc non de humana natura habui, sed in voluntate, id est ex voluntate tua scilicet ex te, quod inde probatur, quiaJ
J ¶Codd. : PL191
8 + [GLOSSA INTERLINEARIS] PL
Numérotation du verset Ps. 29,IX 
prol.|
marg.| Avertisti faciem tuam a me exponendo me passioni et factus sum conturbatus, id est te adverso, turbatur carnis mee infirmitas. Unde cepit Iesus pavere et tedere (Mc. 14). Unde ergo presumit homo, cum audiat Christum de se talia dicentem?K
K ¶Codd. : PL191
Numérotation du verset Ps. 29,9 
X
prol.|
marg.| Ad te, Domine 9 quasi10 : Avertisti faciem {191.296A} tuam in passione, et tunc dixi, clamavi ad te, Domine, De gloria immortalitatis adhibenda, et ad Dominum meum deprecabor de mortalitate tollenda, dicens:L
L ¶Codd. : PL191
9 + [GLOSSA INTERLINEARIS] PL
10 quasi] + dicat PL
Numérotation du verset Ps. 29,10 
XI
prol.|
marg.| Que utilitas etc. Possunt hec etiam accipi ex persona membrorum, ego autem. Et ostenditur causa quare fletus demoretur. [AUGUSTINUS.] quasi11 : Vespere est fletus, sed hoc ex culpa mea, quia ego ille populus qui ab initio loquebar in Adam existens, in abundantia mea, id est dum mihi in paradiso esset abundantia, iam nullam patiens egestatem, dixi hoc, scilicet: Non movebor in eternum, ab hoc bono, in quo sufficientia erat illi, quia Deo fruebatur. {191.296B} Hoc autem dixi tibi credens diabolo dicenti: Non morte moriemini, sed eritis sicut dii, scientes bona et mala (Gn. 3). Sed quia Deus erat ablaturus superbo quod dederat humili, sequitur: Domine, in voluntate. quasi12 : In paradiso erat mihi abundantia, sed hec abundantia, o Domine, erat ex te, non ex me, quia, in voluntate tua prestitisti decori meo virtutem, id est non ex me bonus eram et fortis, sed ex te. Quod ut ostenderes, avertisti faciem tuam a me, id est foris misisti me de paradiso; et factus sum conturbatus, sed iam hic positus, clamabo. Et hoc est, ad te, Domine, clamabo, in paradiso non clamabas, sed laudabas, non gemebas, sed fruebaris. Foris vero positus geme, et clama, quia propinquat tribulatio, qui deservit superbientem. {191.296C} Deus enim superbis resistit, humilibus dat gratiam (Iac. 4). Deinde ex persona Domini, scilicet ipsius fundamenti nostri, que utilitas, in sang. etc. [AUGUSTINUS.] Aliter ab illo loco, avertisti, quasi prestitisti mihi decorem et virtutem. Quod ex eo didici, quod ex me, scilicet a peccante homine, avertisti aliquando faciem tuam, id est lumen tue notitie. Unde conturbatio hominis processit, quod ita ait, et factus sum conturbatus, recedente a me lumine tue notitie. Quod tempus conturbationis et miserie mee, recolens, et in eo positus audio vocem capitis mei pro me morituri, et in passione dicentis: Ad te, Domine, clamavi, de gloria. Et ad Deum meum deprecabor, de immortalitate, {191.296D} dicens, que utilitas erit in sanguine meo [AUGUSTINUS. GLOSSA INTERLINEARIS.] id est in effusione sanguinis mei, qui sine culpa mea effusus est, dum descendo, quasi per quosdam gradus malorum, in corruptionem? Quasi dicat nullam. Si enim statim non resurgo, corruptumque fuerit corpus, nemini annuntiabo, nullum lucrabor, et ita peribit confessio. Quod ita ait:M
M ¶Codd. : PL191
11 quasi] + dicat PL
12 quasi] + dicat PL
Numérotation du verset Ps. 29,XII 
prol.|
marg.| Numquid pulvis [AUGUSTINUS.] id est turba impiorum quam mea resurrectione iustificabo confitebitur tibi laudes, vel peccata aut annuntiabit ad salutem ceterorum {191.297A} veritatem tuam. [ALCUINUS.] quasi13 : Non his verbis necessitatem ostendit, per quam non sinat eum Pater descendere in corruptionem.
13 quasi] + dicat PL
marg.| Vel ita, quasi14 : Vere nulla utilitas erit, si corpus corrumpitur, quia si pulvis remaneo, numquid confitebitur tibi aliquis, aut annuntiabit veritatem tuam? quasi15 : Non fiet tibi confessio, vel annuntiatio. [AUGUSTINUS.] Et sciendum quia gemina est confessio, aut peccati, aut laudis. Numquam ergo sine ea simus. Quando male est nobis in tribulationibus, confiteamur peccata nostra; quando nobis bene est, in exsultatione letitie confiteamur laudem.N
N ¶Codd. : PL191
14 quasi] + dicat PL
15 quasi] + dicat PL
Numérotation du verset Ps. 29,11 
XIII
prol.|
marg.| PARS 3 {191.297B} Audivit Dominus. [CASSIODORUS. ALCUINUS.] Tertia pars ubi dicit quomodo dedicationem acceperit. quasi16 : Deprecatus sum et me deprecantem audivit Dominus et misertus est mei ita quod Dominus factus est adiutor meus [AUGUSTINUS.] quia non dedit sanctum suum videre corruptionem (Ps. 15), sed me dedicavit gloria immortalitatis. Deinde loquens ad ipsum Patrem ait:O
O ¶Codd. : PL191
16 quasi] + dicat PL
Numérotation du verset Ps. 29,12 
XIV
prol.|
marg.| Convertisti. [HIERONYMUS.] quasi17 : Factus es adiutor meus, ita, scilicet quia convertisti planctum meum quo dixi: Tristis est anima mea usque ad mortem {191.297C} (Mt. 26) in gaudium resurrectionis. 18 Vel convertisti planctum meum in gaudium, id est dolentes de me apostolos gaudere fecisti. Ideo quia concidisti saccum meum et cir. etc. [CASSIODORUS. ALCUINUS.] Saccus est vestis aspera in usum laboris, vel tempore tristitie ut Ninivitis, qui induti saccis, penitentiam egerunt. Hec est caro humana quam Christus suscepit, que scissa est moriendo et prodiit frumentum, id est munus gloriose resurrectionis. Vel deitas apparuit, unde subdit, et circumdedisti me letitia, vel saccus est pena peccati. Saccus enim fit de capris et hedis; [AUGUSTINUS.] et capre et hedi significant peccatores, quia pro peccatis in lege offerebantur. Saccus ergo est immortalitas {191.297D} quam de peccatoribus Christus traxit, vel accepit. Assumpsit enim saccum, sed non meritum sacci, id est peccatum, quod est causa mortis. Hoc sacco mortalitatis, divinitas tamquam frumentum occultabatur. Unde alibi: Dum mihi molesti essent induebar cilicio (Ps. XXXIV), id est sacco mortalitatis, ut quod intus erat non videtur. Hic saccus [AUGUSTINUS. ALCUINUS.] id est hec mortalitas, in resurrectione conscissa est. Id est destructa. Qua conscissa, prolata est divinitas, 61 id est manifestata, que ante erat occulta, sicut saccus integer celat quod intus est; scissus aperit, et hoc est concidisti saccum meum, id est mortalitatem carnis destruxisti in resurrectione. Et circumdedisti me letitia [AUGUSTINUS.] id est gloria immortalitatis.P
P ¶Codd. : PL191
17 quasi] + dicat PL
18 + [GLOSSA INTERLINEARIS] PL
Numérotation du verset Ps. 29,13 
XV
prol.|
marg.| {191.298A} Ut ipsa gloria mea cantet tibi [AUGUSTINUS.] id est sit causa quare lauderis a me, et a meis et vere circumdedisti me letitia, quia iam non compungar, id est iam ulterius non moriar, quia Christus semel passus est, et amplius non moritur. Et iam in fine, Domine Deus meus, in eternum confitebor tibi id est laudabo te. Vel possunt esse verba Ecclesie ab illo loco, convertisti. Non mutatur vox propter unitatem capitis ei corporis. quasi19 : Fundamentum meum dedicatum est, id est Christus gloria immortalitatis est confirmatus, quem primogenitum a mortuis ego Ecclesia consecuta, iam spe et in futuro postea re, {191.298B} nunc in dedicatione domus tue, que in capite meo precessit. Dico convertisti planctum meum, qui est de peccatis. Et gaudium mihi, quod est de absolutione, quia concidisti saccum meum, id est velum peccatorum, et tristitiam mortalitatis; et circumdedisti me letitia, id est cinxisti me stola prima, id est immortali letitia, ut cantet tibi gloria mea, iam non plangat humilitas. Et id est quia, iam non compungar, conscientia peccati vel timore mortis, vel timore iudicii. Et, o Domine Deus meus, in eternum confitebor tibi. Hec est gloria mea, ut in eternum confitear tibi quod nihil mihi est ex me, sed ex te omnia, qui est Deus omnia in omnibus.Q
Q ¶Codd. : PL191
19 quasi] + dicat PL


Comment citer cette page ?
Martin Morard, ed., Petrus Lombardus, Magna Glossatura (Ps. Psalmus 29), in : Sacra Pagina, IRHT-CNRS, 2024. Consultation du 07/05/2024. (Permalink : https://gloss-e.irht.cnrs.fr/php/editions_chapitre.php?id=magna&numLivre=26&chapitre=26_29)
Signaler un complément d'information

Notes :