Glossa magna

Psalmus 65

Numérotation du verset Ps. 65,1 

¶ In finem
¶Codd. : (Ps. 65) D30 Rusch Ps-G
canticum
psalmi resurrectionis1.
1canticum Psalmi Ps-G Rusch ] Psalmus David canticum Ps-G (I D) D30 | resurrectionis] + Vox apostolorum ad gentes D30 ( om. Salmon I n°65)
Numérotation du verset Ps. 65,I 

Iubilate Deo
omnis terra †
Numérotation du verset Ps. 65,2 

psalmum
dicite
nomini eius ¦
date gloriam
laudi eius.
Numérotation du verset Ps. 65,3 II

Dicite Deo quam terribilia sunt opera tua Domine ¦
in multitudine virtutis tue
mentientur tibi
inimici tui.
Numérotation du verset Ps. 65,4 III

Omnis terra
adoret te2
2 adoret] adorent Ps-G
et psallat tibi ¦
psalmum dicat3
3 adoret... psallat... dicat] adorent... psallant... dicant Ps-G
nomini tuo.
Numérotation du verset Ps. 65,5 IV

Venite et videte4
4 Venite] praem. diapsalma  Ps-G
opera Dei ¦
terribilis in consiliis
super filios hominum.
Numérotation du verset Ps. 65,6 V

Qui convertit mare in aridam †
in flumine
pertransibunt pede ¦ ibi
letabimur in ipso.
Numérotation du verset Ps. 65,7 VI

Qui
dominatur in virtute sua
in eternum † oculi eius super gentes
respiciunt ¦
qui
exasperant
non exaltentur
in semetipsis.
Numérotation du verset Ps. 65,8 VII

Benedicite5
5 Benedicite] praem. diapsalma Ps-G
gentes Deum nostrum ¦
et auditam
facite vocem laudis eius.
Numérotation du verset Ps. 65,9 VIII

Qui
posuit animam meam
ad vitam ¦ et non dedit
in commotionem pedes meos6.
6 in commotionem ω ² Ps-G etc. ] commoveri Rusch cum Ps-R
Numérotation du verset Ps. 65,10 IX

Quoniam
probasti7 nos Deus ¦ igne nos examinasti
7 probasti ω ² Ps-G Ps-R etc. ] tu praem. Ps-G
sicut examinatur argentum.
Numérotation du verset Ps. 65,11 X

Induxisti nos in laqueum †
posuisti tribulationes
in dorso nostro ¦
Numérotation du verset Ps. 65,12 

imposuisti
homines
super capita nostra.
Numérotation du verset Ps. 65,XI 

Transivimus per ignem et aquam ¦
et eduxisti nos
in refrigerium.
Numérotation du verset Ps. 65,13 XII

Introibo
in domum tuam
in holocaustis ¦ reddam tibi
vota mea
Numérotation du verset Ps. 65,14 

que distinxerunt labia mea.
Numérotation du verset Ps. 65,XIII 

Et locutum est
os meum ¦
in tribulatione mea.
Numérotation du verset Ps. 65,15 XIV

Holocausta
medullata
offeram tibi cum incenso8
8 incenso] incensu Ps-G
arietum ¦
offeram tibi boves
cum hircis.9
9 hircis] + diapsalma Ps-G
Numérotation du verset Ps. 65,16 XV

Venite
audite10
10 audite] et rubeo cancel. praem. ω ²
et narrabo omnes
qui timetis Deum ¦
quanta fecit anime mee.
Numérotation du verset Ps. 65,17 XVI

Ad ipsum
ore meo clamavi ¦
et exaltavi sub lingua mea.
Numérotation du verset Ps. 65,18 XVII

Iniquitatem
si aspexi
in corde meo ¦ non exaudiat Dominus.11
11 exaudiat] exaudiet ω ² Ps-G D30
Numérotation du verset Ps. 65,19 XVIII

Propterea
exaudivit Deus ¦ et12 attendit
12 et ω ² Ps-G Rusch ] om. Ps-G
voci13 deprecationis mee.
13 voci ω ² Ps-G Ps-R ] vocem Rusch
Numérotation du verset Ps. 65,20 XIX

Benedictus Deus ¦
qui non amovit orationem meam
et misericordiam suam a me.

Psalmus 65

Numérotation du verset Ps. 65,1 
prol.|
marg.| {191.589D} Iubilate Deo, omnis terra. Titulus: In finem canticum psalmi resurrectionis. [AUGUSTINUS. CASSIODORUS.] Iudei ex legis iustitia sperabant sibi bona temporalia, et resurrectionem beate vite, licet in ea non intelligerent esse alia bona, quam hic. Unde non poterant respondere questioni Saduceorum de septemvira muliere querentium cuius de septem esset in resurrectione (Mt. 22). Postea cepit etiam gentibus promitti resurrectio, credentibus in Christum qui resurrexit. Inde est psalmus iste contra superbiam et presumptionem Iudeorum, et pro fide gentium ad eamdem spem resurrectionis vocatorum, ut quo precessit celsitudo capitis, sequatur {191.590D} humilitas gregis. Unde bene in titulo apponitur canticum. Et est sensus: Canticum istud, dirigens nos in finem, id est Christum, vel consummationem future beatitudinis, est resurrectionis, quia hic est exsultatio de resurrectione capitis que precessit, et corporis que futura est. Et est hoc canticum psalmi, quia pro resurrectione monet bene operari.
marg.| Intentio: Monet ad iubilum et psalmum pro spe resurrectionis. Modus: Quatuor sunt partitiones. Primo monet omnes de resurrectione Christi gaudere, que omnibus dat vitam. Secundo incipientes invitat ad opera Dei consideranda, ut una fides iungat quos unum premium exspectat, ibi venite et videte. Tertio monet gentes benedicere Deum, qui licet probet tribulationibus, tamen ducit ad regnum, {191.591A} ibi benedicite, gentes. Quarto item monet iam non rudes, sed devotos, exemplo sue liberationis amplius confidere in Domino, ibi venite et audite. Ecclesia ergo spe resurrectionis leta, universos ad canticum et psalmum invitans, ait, oA
A ¶Codd. : PL191
Numérotation du verset Ps. 65,1 
I
prol.|
Numérotation du verset Ps. 65,2 
prol.|
marg.| Omnis terra [AUGUSTINUS.] non solum Iudea, iubilate Deo ineffabili affectu pro gaudio resurrectionis. Est enim iubilus gaudium ineffabile, quod nec taceri nec exprimi potest. Hoc Deo fit, qui illud percipit. Et psalmum dicite ipso opere, ita quod homines audiant, id est percipiant. Et hoc effabili affectu. Fit enim psalmus opere, et hoc hominibus fit qui noscunt. Et hoc nomini eius non vestro, ut queratis {191.591B} gloriam vestram. Et date gloriam laudi eius, non industrie vestre, quia infirma, et ea que non sunt elegit Deus, ne quis in in se glorietur sed in Domino (1Cor. 1). Non ergo faciatis ut Iudei, qui meritis suis dant iustitiam, et gentibus invident gratiam. Dico iubilate, date gloriam. EtB
B ¶Codd. : PL191
Numérotation du verset Ps. 65,3 
II
prol.|
marg.| Dicite Deo, o Domine, quam terribilia sunt opera tua! [CASSIODORUS. AUGUSTINUS. HIERONYMUS. AUGUSTINUS.] Breviter mysteria Incarnationis dicit. Ea enim sunt opera terribilia, scilicet quod Deus factus est homo, quod passus, quod mortuus et huiusmodi, que dici possent {191.591C} amabilia; sed terribilia dicit, ut timeas. Si enim gaudes propter predicta, et time ne quod datum est humili, auferatur superbo, sicut factum est Iudeis. Ne ergo insultes fractis ramis, sed time ne forte nec tibi parcat (Rm. 2). Terribilia sunt opera tua, et hec opera sunt in multitudine virtutis tue; id est multa sunt et magna secundum virtutem tuam, sed licet sint multa opera, tamen mentientur inimici tui tibi.
marg.| Vel ita, et agit de operibus et mirabilibus factis in Egyptiis et filiis Israel. O Domine, quam terribilia, id est metuenda, sunt opera tua, de filiis Israel et Egyptiis, que sunt facta, in multitudine virtutis tue, que tunc apparuit! Et tamen, mentientur tibi inimici tui, visa virtute, quando viderunt in Egypto virtutes, et signa {191.591D} in mari Rubro. Mentiti sunt, quando dixerunt: Omnia que preceperit nobis Deus faciemus et audiemus (Ex. 24).
marg.| Vel ita, et aliter distinguitur littera: Quam terribilia sunt opera tua, Domine. Hic distinguitur littera. Non mutatur horum verborum sensus. In multitudine virtutis tue mentiuntur inimici tui. quasi1 : Opera sunt terribilia. Que opera? Mentiuntur tibi inimici tui, et hoc, in multitudine virtutis tue, id est ad hoc mentientur tibi inimici tui, ut appareat potentia virtutis tue, que maxime apparuit in resurrectione, quam hic innuit, ad quam exclusis mendacibus Iudeis adhibentur gentes. Ex mendacio ergo Iudeorum qui dixerunt: Nobis dormientibus furati sunt eum discipuli (Mt. 28); qui et prius in multis fuerant {191.592A} mentiti, dicentes: In Beelzebub eiicit demonia (Lc. 11), multa fit tua potentia. Solent mentiri inimici cuiusquam, ut potentiam eius minuant, tibi autem econtra accidit, quia minus appareret potentia tua, si non mentirentur tibi inimici tui. Maxima potentia Christi, secundum hominem in resurrectione, unde psalmus intitulatur, apparuit. Unde hoc proprium signum potentie, scilicet resurrectionem commendat Dominus de similitudine Ione, dicens: Sicut fuit Ionas in ventre cete etc. (Mt. 12) Item: Solvite templum hoc etc. (Io. 2) Quo signo nihil est potentius. Fecerunt enim sancti, imo Deus in eis fecit multa miracula, et homines resuscitare, et mortuos resurgere, item morituros; sed nullus in vitam eternam surrexit. Ad {191.592B} commendationem ergo huius potentie valuit mendacium Iudeorum, quo ad crucem eum perduxerunt, ut sic resurgeret. Valuit et mendacium falsorum testium de solvendo templo; quibus creditum est, et damnatur Christus (Mt. 26). Sed resurrexit, et illi falsi sunt. Accesserunt etiam mendacio, custodes sepulcri, qui probati sunt falsi. Auctus est et numerus mendacium, ut augeatur merces credentium. Mentiti sunt, et contra mendaces apparuit Christus veracibus. Illis ergo relictis in mendacio,C
C ¶Codd. : PL191
1 quasi] + dicat PL
Numérotation du verset Ps. 65,4 
III
prol.|
marg.| Te [HIERONYMUS. CASSIODORUS. AUGUSTINUS.] cuius potentie mentiti {191.592C} sunt, adoret fide omnis terra, loco eorum substituta, et psallat tibi opere, et psalmum dicat aliis, id est aliorum instructioni. Et hoc nomini tuo, o Altissime, qui paulo ante humillimus eras inter mendaces.D
D ¶Codd. : PL191
Numérotation du verset Ps. 65,5 
IV
prol.|
marg.| Venite et videte. [CASSIODORUS. AUGUSTINUS.] Secunda pars, ubi incipientes ad opera Dei consideranda invitat, ut una fides iungat, quos unum premium exspectat, ubi exponens illa opera, aperte dicit resurrectionem pertinere ad gentes, repressis Iudeis. quasi2 : Inimici sunt mentiti. Et o gentes, relinquite mendaces Iudeos. Et, venite, confitentes peccata, et videte, id est cognoscite, opera Dei in quibus est {191.592D} terribilis, quia terribilis est in consiliis habitis super filios hominum, id est super Iudeos. Filii hominum habuerunt consilia perdendi eum; ille habuit consilium excecandi superbos, ut post humiliarentur, et salvandi humiles. Et quid fecit? ecce hoc fecit consilio suo: ipse estE
E ¶Codd. : PL191
2 quasi] + dicat PL
Numérotation du verset Ps. 65,6 
V
prol.|
marg.| Qui convertit mare [AUGUSTINUS. ALCUINUS. AUGUSTINUS.] id est mundum amarum in aridam, scilicet ut sitiat aquam dulcem; et illi qui conversi sunt in aridam in flumine pertransibunt pede. Flumen est mortalitas seculi, ubi alii veniunt, alii succedunt. Omnis qui de terra natus est, oportet ut cedat nascituro, et {191.593A} omnis ordo iste relabentium rerum, quasi quidam fluvius; sed qui in Christum credit, transit pede, id est facile humilis transit, et tutius transit, non in equo superbie querit transire. Et est: Conversi in aridam, pertransibunt pede, id est facile, in flumine, id est in labenti mundo. Licet enim eis remissa sint peccata, tamen in decursu immortalitatis adhuc sunt. Non enim mox immortales. Et ibi scilicet, cum flumen transierimus, iam non mortales letabimur in ipso Deo, non in nobis, quando ipse erit omnia in omnibus (1Cor. 15). In quo ipso letabimur? in eo,F
F ¶Codd. : PL191
Numérotation du verset Ps. 65,7 
VI
prol.|
marg.| {191.593B} Qui dominatur etc. [CASSIODORUS. HIERONYMUS. CASSIODORUS. AUGUSTINUS.] Vel ita sine distinctione, iunge litteram, ibi letabimur in ipso qui dominatur in virtute sua. Idem sensus est: Aliter totum ab illo loco, venite. quasi3 : Terribilia sunt opera, que ut sciatis, venite, vos longinqui, et videte, id est agnoscite, opera Dei, in quibus est terribilis, quia, terribilis est, in consiliis, habitis, super filios hominum. Et agit de actualibus operibus olim factis in populo Israel: que sunt ea opera subdit, ipse est qui convertit mare Rubrum in aridam ad litteram: et in flumine Iordane, pertransibunt pede sicco, filii Israel, et ibi in operibus illis letabimur, et hoc in idipsum, alia littera, id est in eorum significatis. Non enim in illis operibus propter ipsa, sed propter {191.593C} eorum sacramenta, id est significata letamur. Cum ergo dicit in idipsum, iam sacramenta illorum operum ostendit, id est significata, in quibus letantur Christiani. Maris namque transitus baptismum significat fluminis, quod mundus sine periculo potest transiri. Et in his letantur Christiani. Et ipse est qui dominatur in virtute sua, in eternum, quod non homo. Nobis enim que virtus est? Num eterna? Si eterna esset virtus nostra, non lapsi essemus, non cecidissemus in peccatum; sed in eo erimus fortes, si eius participes simus. Et hoc non solum Iudeis prestat, quia oculi eius super gentes respiciunt, id est illuminat gentes, ne predictas promissiones putetis inanes. [CASSIODORUS. AUGUSTINUS. CASSIODORUS.] {191.593D} Unde Iudei, qui   exasperant Deum vel provocant in iram, alia littera, non exaltentur in semetipsis, id est in genere et in carnalibus observantiis, non exaltentur pro lege, quasi plus illis debeatur. Omnes enim peccaverunt, sed in se humiles exaltentur in Christo. Nota quod qui Deum provocat solet exaltari in se peccata sua volens defendere, quod prohibet hic.G
G ¶Codd. : PL191
3 quasi] + dicat PL
Numérotation du verset Ps. 65,8 
VII
prol.|
marg.| Benedicite, gentes. [CASSIODORUS. AUGUSTINUS. ALCUINUS. CASSIODORUS. AUGUSTINUS.] Tertia pars, ubi monet gentes benedicere Deum, qui, licet probet persecutionibus, tamen tentationibus ducit ad regnum. Hec enim videntur {191.594A} obviare promisse resurrectioni. Quasi dicat Oculi eius super gentes respiciunt. Et quia nos illuminavit, o gentes, benedicite Deum nostrum, in quo benedicimini. Undea: « In semine tuo benedicentur omnes gentes », et aliis auditam facite palam ut qui diligit Deum, diligat et proximum, ei annuntiando quidquid utile est, vocem laudis eius, scilicet quam dicit Pater de Filio: « Hic est Filius meus dilectus »b ac si diceret: Non vos ipsos, sed eum laudetis, cuius gratia sumus quod sumus. Eius laudis dico vocem.H
a Gn. 22.
b Mt. 3.
H ¶Codd. : PL191
Numérotation du verset Ps. 65,9 
VIII
prol.|
marg.| Qui posuit animam meam ad vitam [AUGUSTINUS.] que in morte erat in se, sed in eo vivit. Hic enumerat {191.594B} quibus causis predicari debeat. Posuit animam meam ad vitam, et postea opus est ut perseveret in finem. Et hoc dedit, et non dedit in commotionem pedes meos. Que enim causa commotionis est tibi ecceI
I ¶Codd. : PL191
Numérotation du verset Ps. 65,10 
IX
prol.|
marg.| Quoniam probasti nos, Deus [ALCUINUS. CASSIODORUS. AUGUSTINUS.] vel ita continua, non dedisti in commotionem, quoniam probasti nos, Deus, non in preceps dedisti, sed probasti adversis. Et igne caritatis, qui non sinit sentire tormenta. Vel igne tribulationis nos examinasti, non in cinerem vertisti, sed sordes abstulisti, nobis ignem adhibendo. Examinasti dico, sicut {191.594C} examinatur argentum, non sicut fenum, quod omnino comburitur. EtJ
J ¶Codd. : PL191
Numérotation du verset Ps. 65,11 
X
prol.|
Numérotation du verset Ps. 65,12 
prol.|
marg.| Induxisti nos in laqueum [AUGUSTINUS. CASSIODORUS. AUGUSTINUS. CASSIODORUS. AUGUSTINUS.] id est in catenas, non ut capti moreremur, sed ut inde liberati experiremur. Laqueus iste non decipit, sed probat, et posuisti tribulationes, id est flagella, in dorso nostro, ut male erecti per superbiam, ad humilitatem curvemur. Et imposuisti quia eius voluntate fieri permittitur, homines, scilicet occisores, super capita nostra; patimur enim superiores quos novimus esse peiores. Tu hec omnia {191.594D} fecisti, et nosK
K ¶Codd. : PL191
Numérotation du verset Ps. 65,XI 
prol.|
marg.| Transivimus per ignem et aquam [GLOSSA INTERLINEARIS. AUGUSTINUS. CASSIODORUS. AUGUSTINUS.] id est per adversa et suavia. A simili alicuius, nec estu nec pluvia, a via cessantis, ita et nos, nec prosperis, nec adversis tardamur, que per ignem et aquam signantur. Ignis namque urit, id est adversitas; aqua corrumpit, id est prosperitas. Et attende congruum ordinem. Prius enim ignem, et postea aquam ponit. Vas enim igne solidatum aquam non timet; si vero solidatum igne non fuerit, tamquam lutum aqua solvetur: sic et tu igne adversitatis excoctus, prosperitatis aqua non dissolveris. Inde est quod in sacramentis Ecclesie, {191.595A} scilicet in catechizando et in exorcizando prius adhibetur ignis, unde spiritus immundus clamat: Ardeo. Post venitur ad aquam baptismi, ab aqua in refrigerium. Quod autem in sacramentis, hoc in tentationibus nobis fit. Si enim igne adversitatis coctus non crepas, nec prosperitatis aqua dissolveris, in refrigerium transis. Vel ad litteram. Per hec elementa mors martyrum sepe adimpleta est. Et eduxisti spe nos, post estum tribulationum, in refrigerium, id est in requiem eternam, ubi est ignis optabilis, qui totum quod in nobis fragile est absumit, ut nihil nostrum remaneat, sed absorbeatur mors in victoria. Unde subdit: EtL
L ¶Codd. : PL191
Numérotation du verset Ps. 65,13 
XII
prol.|
Numérotation du verset Ps. 65,14 
prol.|
marg.| Introibo [CASSIODORUS. ALCUINUS. AUGUSTINUS. ALCUINUS.] tandem in re, in domum tuam futuram. Ecce refrigerium: Ecce hic dicit que bona Dei sint contra precedentia mala. Introibo, in holocaustis, id est ut me offeram conspectui tuo. Vel in holocaustis bonorum operum prius in presenti exhibitis, et tunc, scilicet cum introibo, reddam tibi cum angelis vota mea, id est laudum, que hic voveo, id est promitto, que vota distinxerunt labia mea. Non reddit qui non distinguit; distinguit ille qui dicit se nihil esse, Deum omnia, et se Deo egere, non illum se.
marg.| Vel ita: Introibo in domum tuam, futuram; et interim hic reddam tibi vota mea, scilicet meipsum. Que vota distinxerunt labia mea, id est que ratio mea omnibus {191.595C} pretulit. Cain recte obtulit, sed non recte divisit (Gn. 4), quia creaturam Creatori obtulit, sed se, quod charius est, subtraxit. Dico, reddam vota mea, que distinxerunt labia mea.M
M ¶Codd. : PL191
Numérotation du verset Ps. 65,XIII 
prol.|
marg.| Et que locutum est os meum [GLOSSA INTERLINEARIS. ALCUINUS.] id est cor meum, id est promisit in tribulatione mea, quia spe dulcis est tribulatio. Vel que locutum est os meum, id est que hominibus manifestavi prevalere omnibus aliis votis, in tribulatione mea, non victus tribulatione. Et quid locutum est? ecceN
N ¶Codd. : PL191
Numérotation du verset Ps. 65,15 
XIV
prol.|
marg.| Holocausta. [AUGUSTINUS. HIERONYMUS. CASSIODORUS. AUGUSTINUS. ALCUINUS.] Vel ita continua: Introibo in holocaustis, quia, dum vixero, offeram tibi holocausta mea, id est meipsum cum medulla intimi amoris. Intus enim caritas mihi est, non in superficie, ut est illis qui hominibus placent. Et hec offeram tibi cum incenso arietum, id est cum oratione apostolorum, qui sunt duces gregis, quia Deo placet quod traditione eorum fit. Vel secundum aliam litteram, que est: Cum incenso et arietibus. Et est: Offeram tibi holocaustum cum incenso, quod est oratio, quasi4 : cum oratione. Et hoc faciam cum arietibus, id est cum apostolis, quia duces gregis, maxime orant pro grege. Et offeram tibi boves, scilicet doctores, {191.596A} qui in vinea Domini operantur, cum hircis, id est cum peccatoribus, qui peccata eleemosynis redimunt. Si enim triturantes offeruntur, non tamen remanent peccatores; sed per penitentiam sanati, offeruntur et ipsi non per se, sed potius adiuncti bobus, quia fecerunt eos sibi amicos de mammona iniquitatis.
4 quasi] + dicat PL
marg.| Vel ita: Holocausta offeram tibi boves cum incenso arietum, alia littera, id est cum incensione et destructione bestialitatis ac repugnantie. Vel offeram tibi boves, id est cervicositatem, cum hircis, id est cum petulantia, hec in me mactando vitia.O
O ¶Codd. : PL191
Numérotation du verset Ps. 65,16 
XV
prol.|
marg.| {191.596B} PARS 4 Διάψαλμα. Venite. [CASSIODORUS. GLOSSA INTERLINEARIS. AUGUSTINUS.] Quarta pars, ubi iam expositis omnibus, item monet non iam rudes, sed devotos, ut sue liberationis exemplo amplius confidant in Domino, benedicens eum de exauditione. quasi5 : Ita ego facio, et, o vos gentes omnes, venite fide, et audite mente, et narrabo. Vos dico qui timetis Deum. Si enim Deum non timetis, non narrabo, nec vos audietis, quia timor Dei aures aperit. Narrabo quanta fecit anime mee. Si vultis, eadem faciet anime vestre. Deinde exponens quanta fecit anime sue, subdit:P
P ¶Codd. : PL191
5 quasi] + dicat PL
Numérotation du verset Ps. 65,17 
XVI
prol.|
marg.| Ad ipsum ore meo clamavi. [AUGUSTINUS. CASSIODORUS.] quasi6 : Hoc fecit anime mee, ut clamarem ad ipsum, {191.596C} cum gentes ad idola muta clament. Et hoc fecit quod exaltavi sub lingua mea, id est quod intus habeo, extra loquor. Et est sensus: Clamavi et exaltavi, id est ipsum publice predicavi, et in secreto confessus sum quod in ore, hoc in corde habeo. Inde holocausta sunt medullata: his duobus perfectus est Christianus. Et hoc fecit, quodQ
Q ¶Codd. : PL191
6 quasi] + dicat PL
Numérotation du verset Ps. 65,18 
XVII
prol.|
marg.| Iniquitatem non aspexi in corde meo. [AUGUSTINUS. ALCUINUS.] Quia si iniquitatem aspexi in corde meo, non ideo dicit hoc quod non suggeratur ei, sed non amatur, id est non dilexi iniquitatem in corde meo. Multi enim apud se amant quod in aliis damnant, {191.596D} erubescentes forte propter homines. Si, inquam, aspexi iniquitatem in corde meo, non exaudiet me Dominus, quia sic, id est non aspiciendo iniquitatem, puritas orationis auditur, et non aliter. Et nota quod ait, in corde meo. Suum enim cor est, quando non est perversum. Ecce proponit iste meritum, ut discant alii prius laborare quam premium querant. Inde de premio subdit:R
R ¶Codd. : PL191
Numérotation du verset Ps. 65,19 
XVIII
prol.|
marg.| Exaudivit. [CASSIODORUS. AUGUSTINUS.] quasi7 : Quia iniquitatem non aspexi, propterea exaudivit me Deus, et attendit voci deprecationis mee. Ecce vicissitudo; intendentem intendit Deus, hec bona fecit Deus anime mee. UndeS
S ¶Codd. : PL191
7 quasi] + dicat PL
Numérotation du verset Ps. 65,20 
XIX
prol.|
marg.| {191.597A} Benedictus sit Deus [AUGUSTINUS. CASSIODORUS.] quia sic perveni spe ad resurrectionem, qui non amovit orationem meam et misericordiam suam a me, sed perseveranter facit orare, ut non in oratione tepescam, et perseveranter miseretur. Si non amota est oratio, securus esto, quod nec misericordia, que si differt quod dandum est, non aufert. Hec enim duo connexa sunt: si non suspenditur oratio, non protelatur misericordia.T
T ¶Codd. : PL191


Comment citer cette page ?
Martin Morard, ed., Petrus Lombardus, Magna Glossatura (Ps. Psalmus 65 ), in : Sacra Pagina, IRHT-CNRS, 2024. Consultation du 21/11/2024. (Permalink : https://gloss-e.irht.cnrs.fr/php/editions_chapitre.php?id=magna&numLivre=26&chapitre=26_65)
Signaler un complément d'information

Notes :